八沢 (筲箕灣東大街)

營業中

休息中

之前食過上環o個間已經對黑松露忌廉海鮮烏冬念念不忘，原來東大街都有，good~~~黑松露忌廉海鮮烏冬$88一定要食！！！ 超好味！！！ 濃郁忌廉湯，裡面有三文魚、帶子～撈埋上面d黑松露醬，哇～～～ 好香～夾起烏冬，忌廉汁掛上烏冬，烏冬好彈牙食到一滴湯都無剩 安格斯肉眼牛扒飯 $88牛扒好香，油脂豐富，牛味濃，唔點醬都夠味。雞泡魚乾 $48無得輸o既佐酒小食～板燒銀鱈魚 $118好肥味，魚油豐富黑豚生蠔燒 （2隻） $68黑豚肉卷住生蠔燒咸檸7 $18自家制冰糖紅棗雪梨茶 （熱） $18必飲！ 好滋潤，唔太甜，好有住家味道，適合秋冬滋潤下～～

在筲箕灣開會完畢後，最方便當然去東大街尋吃的，老闆問我吃甚麼，我立即首推八沢烏冬，它是我最喜愛的烏冬店之一，不管是熱食還是凍食，烏冬同樣出色。先來一「球」龍蝦沙律開胃一番，龍蝦沙律如紅粉菲菲的雪糕球，很注目。一絲一絲的龍蝦肉，還有一粒粒蟹籽，富有多種海味的鮮美，口感相當豐富，一小口就讓我身處於大海中，聞著大海的鮮，夾著脆口的紫菜吃，更有風味。明太子雞翼做法相當費功夫，將雞骨挖掉後塞入明太子，再將它燒烤。燒烤後的雞翼，除了帶著鹹辣交雜的美味香氣外，還可以品嚐到明太子的分明及彈牙的特別口感。鹽燒白鱔多麼肥厚，魚皮相當焦脆，令人訝異的是魚肉部份，異常的鮮嫩肥美，入口即化。雖然白鱔以鹽燒方法烹調，但是無減白鱔的肉汁和魚油，我只輕咬一口，魚油噴射四散。每次看見雞泡魚干，總是情不自禁要吃一碟，因為很少餐廳有供應。塗滿甜美的醬汁的雞泡魚干香烤後閃閃發光，明艷照人，那乾脆滋味讓人回味無窮，想一吃再吃。重點之一廣島蠔肉碎烏冬果然沒有令我失望，烏冬上有四顆飽滿的廣島蠔新鮮極致，沒有腥味，咬下去的時後滑嫩非常。熬煮過的海帶肉碎使湯頭鮮甜，配合滑彈的烏冬一起吃，充滿清新自然的鮮美。芥末果醋帶子冷烏冬印象深刻，

成日經過都見到呢間餐廳都好多人好爆場，今日一於來食下，好在剛剛有人走唔使等就可以入去啦。餐廳以日系擺設為主，每個角落都擺放唔同既日本產品，坐低左都不禁起身左望右望影下相，舖頭雖然細細座位唔多但好闊落。店員都好有禮貌，餐牌選擇都唔少，價錢又唔貴，叫左呢幾樣食物。三文魚腩串~唔會有魚腥味，份量啱啱好，味道唔錯，如果肉質太厚反而會好膩。明太子雞翼~竟然有小小辣，不過明太子釀入雞翼裡面又幾特別幾好食喎。安格斯肉眼牛扒冬~牛扒味香濃，烏冬軟硬適中。聽聞呢度烏冬最好食果然無錯！冰糖紅棗雪梨茶~秋風起，飲杯熱雪梨茶潤一潤先，配埋紅棗夠養顏。

大概4個月前，我哋去過八沢嘅，今日同M佬路過筲箕灣，先知原來呢間先係總店，門口同樣係充滿大和風情，鍾意食烏冬嘅M佬話要encore一吓，咁一於入去try try啦！點知入到去，火鍋怪嘅我哋見到石狩海鮮鍋，咁就由原本一人一個烏冬，變咗食火鍋+烏冬喇！石狩海鮮鍋夠晒足料，有3大塊三文魚、2粒蠔、4粒帆立貝、同1大隻蝦，當然唔少得金菇同蔬菜。用咗咁多海鮮煲起嚟嘅湯，味道夠晒鮮甜，唔小心就俾我哋飲多咗，好彩店員幫我哋加番湯姐。三文魚啖啖肉，肥美又嫩滑，魚脂分佈平均，一啲都唔嚡口；蠔就成隻手指咁長，好清甜味美；帆立貝爽口彈牙；至於成隻手掌咁大嘅蝦，一樣好彈牙同好入味！日式滑蛋叉燒飯個個都話呢度嘅滑蛋好滑，原來真係好滑架！但最大賣點係個汁，件微微嘅薑味攞嚟撈飯認真一流！至於叉燒肥瘦程度啱啱好，不過，只得4件就唔多夠。

「廣島蠔肉碎烏冬」，湯底清清地，但烏東口感和軟硬度極佳，加上蠔肉味道濃郁和鮮味，令整個烏東湯底清但絕唔覺淡口，但又唔覺佢有落味精既感覺，真是一級棒的烏冬呢！鮮什菌松露芝士烏冬，係素菜烏冬黎加，但有極邪惡芝士濃湯底香味四溢，加上有些蟹柳條和金菇提升鮮味，又令我在不知不覺間連整個湯底也一併喝掉，真是令人又愛又恨的呢，烏東同樣煮得好好吃的！串燒方面有：黑豚肉包著新鮮生蠔燒，生蠔吸盡豬肉精華好香濃，別有一番鮮味，正呀！三文魚腩串，一拎起串燒就知好吃😋，魚肉用鹽燒，沒有醬汁更覺鮮味，嚐到魚肉鮮美香口又不會太油膩的，十分推薦這款串燒！明太子雞翼，入面釀入明太子雞肉等，皮脆肉嫩好juicy!牛油蒜茸燒扇貝兩隻一碟牛油味極香，加上扇貝肉厚味道鮮甜100分呀！

去到筲箕灣東大街和朋友揾食，見到這間店價位吸引又唔貴！選擇又夠多叫左杯500ml期間限定既果味kirn生啤。我簡左蜜桃味味道清甜非常易入口！陣陣桃味滲出好飲。58蚊好抵飲黑蒜灸燒極濃黑豚肉拉麵。。。湯底有好濃既豬骨既香味黑蒜味好特出豚肉好幾塊又夠味！麵質剛好爽彈整體係一配好好食既拉麵蕃茄沙律~食得出蕃茄不是國貨，沒有草青味！！配上汁醬更提出蕃茄味味道好一道健康小食鹽燒白鱔~燒到表層勁脆入口鱔肉味香濃唔使加汁醬食原味最出沒有骨啖啖肉夠哂滋味

一心來東大街揾食，路過這間拉麵店，二話不說就跟喜愛拉麵的朋友入內開餐。睇餐牌時有點似曾相識的感覺，後來才發現原來我較早前去過他們在上環的另一店舖。結果我跟朋友點了2個招牌麵食：黑松露忌廉海鮮烏冬，聞及食落都很重黑松露香味，而且十分足料，海鮮包括三文魚及大大隻帆立貝。湯底濃郁，十分重忌廉味而且入口不會太膩，烏冬十分滑。蒜灸燒極濃黑䐁肉拉麵黑蒜香味十足，足料，有大大塊黑䐁肉，而黑䐁肉有炭燒香味，但又不會燒得太乾。黑豚生蠔燒做法新鮮，把黑豚肉包住生蠔燒。口感不錯，全因黑豚肉燒得不乾，咬落都多汁。串燒牛拼盤，包括牛舌、牛小排及安格斯牛肉。 牛舌十分厚，所有肉都多汁好吃。友人覺得這裡的小吃比拉麵還要出色！明太子雞翼，雞翼燒得皮脆，內裡釀了十分多明太子。每人二百蚊埋單，有拉麵，有小吃，抵食！

今晚朋友請我去東大街八沢晚餐，呢度有日式拉麵之餘仲有燒烤。環境優雅而且服務員招呼非常好， 我朋友介紹我食黑松露忌廉烏冬， 好重口味道仲幾鮮甜， 湯麵裏面仲有麵豉醬，食落口好正！ 麵好爽，朋友今次無介紹錯丫下，下次我都會再來食。朋友話叫個黑豚生蠔燒， 我開頭有啲擔心，但餐廳職員介紹，所以一試，又幾好介紹啵，唔錯！芝士大蝦好大隻！ 長度有9寸， 呢種芝士烤蝦好靚，蝦肉質地好鮮甜而且口感一流， 芝士味濃！ 我最後叫咗兩隻牛油燒扇貝！同我平時去食嘅有啲唔同， 師傅控制得好好！

一個很少見的朋友突然話相約吃飯，難得有朋友記起自己（我常常覺得被人遺忘...），我當然二話不說便答應了。以表示禮貌，循例都要問下對方喜歡吃什麼，原來她愛吃烏冬，看來很簡單，但總不能隨便找一間。突然醒起幾個月前跟同事去了上環一間主打烏冬拉麵的日本餐店，也吃得很滿意，一於帶她去吧！上openrice 再確實地址時，發現它在筲箕灣有分店，更加方便我倆，一於再潛入東大街這個小美食天堂。店子門面設計獨特, 以木料為主, 滿有古式日本風情, 而大大個銅招牌相當搶眼, 在這條大街中別樹一幟。走進內裏, 裝潢同樣富心思, 牆上掛了多幅色彩繽紛的油畫、日本布簾,還有多塊寫滿推介菜式的小黑板, 設計成日本的居酒屋般。店子地方不大, 左右兩邊設有一排四人卡座, 再走入一點有一張十人長枱和數張二至四人枱, 枱與枱之間距離不多, 大家要坐得親密一點呀!看看餐牌, 亦即是下單牌, 客人在些畫上所需便可, 而且可循環再用, 很環保, 讚! 餐牌分前後兩版, 除了有店子主打的烏冬拉麵外, 還有串燒、炸物、小食、鍋物和飲品, 店子雖少, 但選擇都不算少。***************************天氣炎熱,

一桶厚燒鰻魚玉子飯 $188估唔到係咁大桶鰻魚飯一邊大約有三至四舊鰻魚真係好大呀個份量而且仲有好大片玉子tim飯既份量都好多同埋好多既鰻魚汁所以食成個飯都有汁有味牛乳忌廉餅 $28超級重既牛乳味超級香同埋一出你就要立即食因為唔好等凍左個牛乳會變得唔流心吉列豬排 $35 必叫 真係超級好食而且好脆豬扒都好香肉質嫩滑而且一個豬扒都幾大舊架芝心脆脆 $28 都係好香好重芝士味同埋有三舊覺得個味咁重好好食同埋係即炸架三文魚腩串 $34 好香同埋好滑而面有埋啲三文魚油係入面好香巨峰特飯 $28好日本味同埋唔算係太甜而且soda 味都好重 好有巨峰提子味棉花糖朱古力 $22唔算係超甜既chocolate 再加埋棉花糖係入面 有野咬下 覺得超好食

星期六約朋友去筲箕灣,知東大街多嘢食：一出地鐵站轉右就望到呢間餐廳。門面門面寫八澤之外，仲有寫明自己係串燒、拉麵同烏冬專門店。門口左邊嘅裝飾好文青，有一架單車,單車係啡色。有一張木製嘅檯。檯旁邊有好多吟釀嘅酒樽。好有意思。餐牌餐牌有清楚寫明有咩食物,亦有標明價錢。見到「正」喺旁邊，我估應該果啲好好食。食物1.）黑松露忌廉海鮮烏冬湯有好濃忌廉,聞落去好有黑松露味：烏冬比平時扁身，但食落去就好滑口。三文魚都幾厚身差唔多兩個五蚊銀咁厚。食落去三文魚好滑，保留到三文魚示有味道。2.）黑豚肉生蠔燒一份生蠔燒有兩件：用黑豚肉包住成隻蠔，長度差唔多一隻手嘅嘅直徑：黑豚肉味濃而肉質鮮嫩，外層黑豚燒至金黃色；而蠔嘅味好濃,蠔就好肥美，啖啖肉而且好多蠔嘅肉汁。值得一試再試。3.）牛油金菇包金菇好淋，聞落去好有牛油味。飲品自家製冰糖紅棗雪梨茶：好清甜嘅雪梨味同有紅棗味。又唔太甜而且好清潤。餐具餐檯邊放左一樽水，而且用保溫壺裝住水。可以保持水嘅溫度。另外擺放水杯、筷子同匙羹。擺放整齊而且方便客人有而有需要之用。餐廳內餐廳牆用全木嘅裝潢，另外擺放咗一啲插畫。眼見餐廳好乾淨。服務態度侍應服務態度好好：當有熱嘅食物

由於係附近返工成日係東大街呢頭東大街真係幾多野食 ，一個人食選擇左呢間 門口有哂menu最後入到去環境唔錯佢地主打係烏冬 牌上有冷麵 但見好多人會選擇有湯的麵但由於我怕唔夠食選擇食吉烈豬扒滑蛋飯好少唔洗加一 有杯熱飲龍眼杞子水送杯野唔會太甜 好飲炸得幾脆 炸皮吾厚 好食飯硬度合適 有少少醬油混 好食啲蛋滑啲會更好食果日去人唔係太多 好靜好舒服佢餐牌仲有其他小食有朋友去一齊分享會更好有水自助 自己拎都得服務員態度唔錯 下次會再去

這陣子吃西餐居多，所以這天轉轉口味，找來一間日式小店吃烏冬小店坐落於美食眾多的東大街，門面以及內裡裝潢都極具日式風情店內有小黑板，寫了這裡的招牌菜，我們選了一碗黑松露忌廉烏冬、一碗黑蒜拉麵，還從menu中點選了幾款小食和飲品黑松露忌廉海鮮烏冬($88)：烏冬材料十分豐富，有帶子和三文魚，還有滿滿的黑松露醬光看到這堆松露醬己滿足了沾上忌廉汁的烏冬入口順滑，夾著來自松露的香氣帶子和三文魚即使浸在忌廉汁中一段時間依然保持嫩滑黑蒜炙燒黑豚肉拉麵($78)：黑蒜的味道十分香濃惹味，豬肉燒得剛好，不乾不靭這拉麵適合愛重口味的人蕃茄沙律($28)：這裡的蕃茄沙律並不是常見的蕃茄加胡麻醬，而是用油醋和香草作特別調味蕃茄本身的鮮甜，加上油醋的酸，十分清新醒胃在翳焗的日子，這是最好的開胃菜牛油焗金菇($37)：我和男友都很喜歡，每次bbq都必烤，見menu上有這道菜，當然要點來吃串燒牛拼盤($93)：串燒通常要單點，拼盤比較少見，但感覺較划算拼盤有3款串燒，包括牛舌、牛小排和安格斯牛肉。這些牛肉都燒得很香，但保持肉汁3款中，個人認為最好味的是牛舌~冰糖紅棗雪梨茶($18)：是十分滋潤的飲品，放了冰糖但甜度

近排東大街去得好密, 因為要幫朋友搞裝修, 佢請左我去食一餐烏冬, 質素好好我就叫左個黑松露忌廉海鮮烏冬, 湯頭用上黑松露, 味道很香，香氣撲鼻，加上有頗多香蔥，令烏冬的香氣再次提升，食指頓時大動!烏冬麵質煙韌彈牙，烏冬能夠掛到黑松露忌廉湯，一啖啖烏冬索入口內、連同充滿湯汁的烏冬，非常滿足海鮮烏冬有三文魚同帆立貝, 帆立貝啖啖肉的質感令你的味蕾如牛油般溶掉，三文魚的肉入口即化，一路食再飲埋少少湯真係一個大享受，湯味好濃好Rich，重要有忌廉嘅油分在內，很香呢。外酥內脆的雞軟骨，口感豐富，加上椒鹽樸實簡單的調味，減輕了油膩感，是很棒的下酒菜再飲一杯凍既冰糖紅棗雪梨茶, 好足料, 入口好清甜, 潤喉最好

I have always wanted to try the oyster udon here but forgot about it.Since the place opposite was closed, I ended up here.It is nicely decorated.The udon is elastic and slightly flat with a slight translucent surface which soaked the broth nicely.The broth was light with bits of mince and seaweed that wasn't too salty and the oysters were plump with a strong taste.For drinks, had the strawberry fizz and homemade herbal drink which was quite sweet.