八沢 (筲箕灣東大街)

營業中

休息中

因為我個朋友住喺筲箕灣，所以我哋就約咗喺筲箕灣度食dinner 😁 地方超就腳，一出咗地鐵站，行一分鐘都唔洗就到啦! 😀😀先講左小食先，我哋叫咗燒扇貝同埋芝士脆脆。扇貝好大粒好多肉! 我覺得佢烤得唔錯，上面加咗少少蒜同埋佢哋自己獨特嘅醬汁，仲有好香的牛油味，帶子本身嘅鮮味同埋佢嘅醬汁撈埋一齊，真係好好食! 味道好夾! 食完一粒真係好想食多粒😂😂 個芝士脆脆都幾得意，裏面嘅芝士都幾多下，外面脆脆地，再點埋少少沙律醬，好香口好好味😄😄  我同我個friend勁快就清咗呢盤嘢喇🤣之後我就叫咗個黑松露忌廉海鮮烏冬， 冇記錯裏面應該係有帶子，三文魚同埋蜆， 個配搭真係好惹味，帶子同樣地都係好大粒，好有鮮味同好有肉地😀  而個三文魚亦都煮得剛剛好，唔會太熟，佢個黑松露味都幾出味，再加埋啲忌廉成個配搭真係好邪惡! 但又好好味!!🤣🤣  個烏冬都煮得好唔錯，幾q彈，食到最後有少少滯，但真係好滿足😅😅我個friend就叫咗個黑蒜豚肉拉麵，望落都好吸引。因為佢唔食蛋嘅，所以我幫佢食咗個蛋。個糖心蛋煮的剛剛好😋😋  個心半生熟 一啖放落口到， 正! 😄 之後我個friend話啲豚肉唔錯，唔會太肥，每一塊都薄

今天放了一天假， 打算到朋友家團拜。 來到筲箕灣東大街， 成條街出名多食肆， 就近地鐵出口， 親友介紹有間吃忌廉烏冬好出名。 好極了成個新年冇吃過日本嘢。店內裝修中滿日式居酒屋feel， 出名吃串燒， 晚市想必坐滿飲酒吃串燒食客。 我們到達時已過了 午市的繁忙時間， 可以稍為輕鬆入座， 不用等位。白桃特飲$30桃味很出， 味道自然冇藥水味，唔算太甜带少少氣，幾清新。釀明太子雞翼， 外皮燒得好香好脆， 明太子帶小小微辣混和雞肉釀入雞翼中， 好惹味，燒得又唔乾。阿囝一人吃了兩隻。幾款麵食當中選了本店名物"黑松露忌廉海鮮烏冬"。 奶白色的忌廉湯底豐厚香滑， 配襯滑溜溜的手打烏冬， 煙韌又掛汁， 先不要攪拌黑松露醬，試試湯底原味。之後再加上香濃郁撲鼻的黑松露醬，絕对是吃不停口。 有幾塊已熟的三文魚塊和忌廉汁很夾。 帶子也超大隻爽口彈牙。 成碗烏冬表現出色，無論湯，烏冬麵及配料都配搭得宜，盡顯廚師的心思和功力。店內也有很多款特式串燒可供選擇。 鹽燒白鱔 $48。 很久沒有吃燒白鱔。 魚肉厚身， 結實得來又彈牙， 外皮微微燒香， 油脂豐富得來又有魚香。 簡單用鹽帶出魚的鮮味，正!燒羊架鮮嫩可口，

新年食得太多肥膩野，突然好想食烏冬清新下，見呢度有個忌廉烏冬好似好正，適逢初三都開😚不過就要收加二服務費裝修幾有格調，不過張枱放埋水就真係有d 迫。幾經掙扎，最後兩款都叫晒烏冬。✨芥末果醋帶子冷烏冬（$82): 第一次食撈果醋既冷烏冬，感覺應該幾開胃。不過個人覺得個果醋都幾酸，wasabi 味唔係好覺🤔，於是問侍應再拎wasabi, 佢好似吱牙膏咁比得一pat 仔我😳真係好矜貴。。。唔知點解d wasabi 攪極都好難溶，撈完都係比d 酸味蓋左😓完全無wasabi 既攻鼻過癮感覺，如果有得換做芥末胡麻醬會比較啱我口味。個烏冬就係扁身的，但略嫌太過煙韌，𡁻得有d 辛苦。帆立貝都幾大粒，有兩大粒開邊的，鮮甜味美。不過見menu 話係帶子～我一路以為係刺身果種添，呢個係帆立貝吧🤔另外果醋配沙律菜就幾好味，但個蛋如果可以做到溏心d效果就更開心。✨黑松露忌廉海鮮烏冬（$92): 食完果個好韌既烏冬，呢個好食好多！連埋d 湯食個烏冬好滑嘟嘟，雖然我食果時d 烏冬已經浸腍左但都帶點點咬口。✨最正係個湯，散發住陣陣黑松露既香味🤤個忌廉湯香而不膩，唔會係杰撻撻果種，加埋d 蔥花好香🤤飲左勁多。✨不過貴為

n年前黎過食芥末果醋帶子冷烏東，超喜歡個sauce. wasabi 獨有芥辣加上果醋酸甜，當時夏天原本無咩胃口，但到最後ko 哂成份烏東. 今次咁岩有事再黎呢頭，就約埋fd 再來. 其實內心心郁郁想食番上次個芥末冷烏東，不過天氣太凍，fd 又唔食wasabi. 所以share左另外兩個推介烏東餐牌可以reuse, 就咁寫落去就得，都幾環保黑松露忌廉烏東$88，一出場已聞到好香blk truffle. 份量毫不吝嗇，中間有幾大一匙撈勻blk truffle 即可食用，見到每條麵都黏住點點blk truffle 就知會幾香， 湯底完全當湯飲都得. 不過忌廉湯唔夠稠身，所以烏東唔掛湯. 真係要用湯匙乘湯一啖麵一啖湯先好食. 海鮮份量都唔少，有2隻帶子同三文魚. 前者普通啦，後者無調過味煮，就咁食偏淡味道麻麻.黑安格斯肉眼掛烏東$88再一次稱讚，佢地對於sauce 調味真係幾擅長. 肉都唔錯，但更驚喜係個sauce, 帶點醬油中可能加左d 燒汁又帶點甜度. 同fd 都更喜歡呢款，一黎sauce真係有驚喜，blk truffle 忌廉同想像中差不多，而且相對無咁膩. 另外因為係掛湯烏東，無左浸係

為了方便媽媽好多時都會去東大街食東西，好多食市都試過，今次我揾到間食拉麵烏冬嘅日本餐廳，而且我地兩個都係未食過的，媽媽話無所謂由我發板，決定後兩母女就行到店外，嘩，見門面已經好期待啦！ 品味的日本Feel嘅裝飾！侍應招呼入內，兩個人坐卡位，幾寬闊可以放手袋同外套，他還細心講解，點菜紙點落單，環保係用完抹翻就可再用唔浪費幫媽媽選好安格斯肉眼牛扒烏冬 $88媽媽一見到已經心心眼，表現出佢好滿意，佢鐘意烏冬的質地但唔需要湯，呢個就正正嘅掛烏冬，還有大大件牛扒切好比客人，還有salad同醬汁比客醮來食，烏冬粗身又彈性，牛扒有牛味同淋，高評價！黑蒜炙燒極濃黑豚肉拉麵 $78賣相特別非一般拉麵碗，用上原個鋁煲上，熱辣辣湯麵我最愛，先黎口湯味道真係濃味，黑蒜油感覺較肥膩，但蒜香實在太吸引，還有糖心蛋，魚蛋片，木耳絲，蔥粒同炙熱過豚肉，竟然能中和翻的油膩感，無得輸！ 熱自家製薑蜜 $18見到好多薑粒，唔算甜但薑味可以濃些。蜜桃特飲 $28 蜜桃味出還有蘆薈粒，甜度適中！除左麵食還可點燒物同鍋物，不過媽媽係牛舌控，所以如果有呢個選擇，都會order比佢，今次見係厚切添，孝順女的我更係叫比她食啦！ 不過，

星期六收工好肚餓😣過左黎東大街搵野食😋路過見到裝修幾靚吸引左我入去😆叫左個黑安格斯肉眼牛扒飯 唔錯唔錯！😙飲左杯聲稱係自製既冰糖紅棗雪梨茶好飲！😁不過叫野食無睇價錢 賣單先發現要117蚊😖喊出來😭

八沢店面唔大，但裝潢簡單舒服，擺檯唔算密，同埋值得讚既侍應們既體貼。事關我既朋友OT遲咗好多，佢地仲有黎問我想食串燒既話不如先幫我落單，朋友一到佢地就即刻整即刻上，慳返啲等既時間添。所以主食之前我地先有明太子雞翼、鹽燒白鱔同串燒牛拼盤。明太子雞翼顧名思義，將雞翼去骨釀入明太子，咬開燒到薄脆既雞翼皮就嘗到豐富既口感。白鱔上有鹽香，肉質鮮美。食完咁多串燒我地都仲有胃食主食架。黑蒜灸燒極濃黑豚肉拉麵當然冇改錯名，黑豚肉味道濃郁，每一口都係肉香，口感結實令人滿足。黑安格斯肉眼牛扒掛烏冬肉量驚人，烏冬有咬口，牛肉鮮嫩，有賣相有味道，值得特別推薦👍🏼👍🏼

今次嚟到東大街，揀咗一間名氣唔大嘅日本餐廳一試。八沢menu不論係麵飯、串燒定飲品款式都好多，同餐廳size唔成正比。黑蒜炙燒特濃黑豚肉拉麵聽個名都覺得惹味。蒜落得好重手，奶白豬骨湯底上面浮住黑蒜油，飲落好香濃。咬開溏心蛋蛋液流出，生熟度啱啱好。豚肉望落冇想像中燒得咁惹味，淡色啲，不過食落又唔錯，有油香得嚟唔覺好肥。拉麵麵質不過不失，始終唔夠日嘅有韌度。黑安格斯肉眼牛扒飯醬汁做得唔錯，係經典嘅日本汁燒味。牛扒略嫌過熟，有少少筋。不過份量好多，食到好飽。厚切牛舌比較爽口，調味唔係好濃，但因為咁而更食得到炭火香。絕對推薦牛油蒜茸燒扇貝大隻扇貝肉厚新鮮。好吸味！估唔到餐廳細細可以做到咁多款飲品。點咗兩款特飲：白桃特飲同埋自家制冰糖紅棗雪梨茶。雪梨茶清甜，味道天然，$18真係幾抵飲。

筲箕灣真係好多好野食，今次同朋友決定食烏冬入面環境不算大，大約有八張枱左右，一坐底，員工會拎張點餐卡，張卡可以重複使用都幾好，唔會浪費紙張首先點小食先，叫左蕃茄沙律，叫完冇耐就好快送到，不過沙律不嬲都快既，哈，食第一口，個蕃茄都幾凍，但唔會有種剛係雪櫃拎出黎既雪味，仲有浸著蕃茄的汁帶有酸味，食落好清新同好開胃我同朋友都點左黑松露忌廉海鮮烏冬，烏冬一送到黎個刻，我望住個湯，突然諗會唔會好漏，因為整個湯都係白色，點知食落又唔會喎，忌廉濃度恰到好處，黑松露份量唔算少，味道唔太淡，入面既海鮮只有幾舊熟既三文魚同兩粒帶子，食落唔老，至於烏冬我就覺得唔錯，夠滑夠腍，正呀咁凍既日子食返碗熱辣辣既烏冬真係好䁔胃又飽肚呢！

八沢 (沢：同澤，開業多時，但過往門前宣傳不多，令人為之卻步。假日落東大街覓食，發現餐廳宣傳落力咗唔少，更重要係見到menu，一於嚟個早到的團年(excuse)。八沢裝修盡顯創意、玩味。仿真魚cushion掛喺天花，猶如置身日本漁市場。牆身餐點推介呈拼圖造型，簡單但吸睛~聽朋友講八沢烏冬比拉麵出色，果然冇令我哋失望。鍾情彈牙烏冬嘅人一定係叫烏冬，過咗冷河嘅烏冬會收縮，自然較為黏韌。芥末果醋帶子冷烏冬較其他菜式簡樸，只以果醋醬油調味，唔花巧，簡單食材配搭更令人專注於食材真味。烏冬大過一個麵餅，加上四隻厚肉帶子，食到好飽。烏冬絕非一般貨色。未點醬汁，先試原味。新鮮嘅烏冬當然冇酸味，扁身烏冬濕潤滑溜，望落潔白透亮。冷食掛烏冬，沾上果醋汁，散發淡淡柚子香，酸溜溜好開胃。芥末混和醬汁感覺剛好唔刺鼻，調味恰到好處。採用原隻帶子，每隻都肉厚肥滿，曲奇餅咁大。只係輕輕灼過，仲未完全變白，幾有鮮味。溏心蛋整個蛋黃呈半液體狀態，質感綿密，蛋白亦係啱啱成形，仲好滑溜。不過蛋黃略嫌淡口，由於唔係味付玉子，選用更濃蛋黃香嘅雞蛋會更好。唔少人都推薦黑松露忌廉海鮮烏冬。黑松露落得好重手，味道香濃。忌廉湯底奶白，但冇

港島東區既東大街係出名多野食既地方，最岩係附近番工，所以不時都會係lunch time黎覓食，咁岩平時經常會full既八沢竟然有位，我地諗都唔諗就即刻入去！環境：日式裝潢都幾別緻，可惜地方比較迫，有背貼背既感覺，而且地方比較暗。服務：侍應有禮貌，亦有向我地介紹自家制既龍眼水，我地個個聽完都點左。衛生：因為地方暗，唔係好睇得清楚，但睇餐牌同餐具，衛生情況都幾好，食串燒既地方容易大油煙，但餐牌都唔會油立立。味道：我叫左既係豬骨湯叉燒拉麵，上餐時係用個煮食用既兜上，幾有特式，但可惜呢度地方細，如果嗌多兩三個小食既話張枱唔夠擺，個兜就顯得好阻地方。豬骨湯幾好味，可惜真係太少，d麵唔夠湯浸住所以偏硬，反而配料有驚喜，叉燒肥瘦均勻，而且煎得好香口，唔係平時街邊食既拉麵求其兩塊又乾又薄既叉燒，流心蛋只係半流心。抵食：lunch set價錢黎講$65-$88係偏貴，再計埋佢既份量偏少，唔算係抵食。

今日去呢間烏冬麵食店十大推介之一，位於東大街嘅八沢食lunch 本人好鐘意食烏冬嫁😛呢間仲要上埋雜誌推介！真係好期待佢嘅食物質素~店內裝潢精緻，係黑板到畫左d食物，好得意😸枱同枱之間距離有d近~坐得唔係咁舒服Lunchset 同單點食物menu，有得點素食lunchset ，好體貼👍🏼👍🏼點左極鮮牛肉湯烏冬$64湯底唔會太鹹，偏清甜👍🏼烏冬好滑呀😻真係好好食！唔怪得會上雜誌🤤推介！不過今次個牛真係一般般，有d老😓同事點左豬骨叉燒拉麵$68我試左個湯😋係濃郁的豬骨湯！同事話整體黎講係好食的~~Lunchset 隨送嘅熱龍眼蜜！係食店自家製嫁！真係好有誠意😻味道係少甜～岩晒我！😻好飲又養生❤️呢間係好有誠意的小店❤️服務態度又好❤️值得一值丫！

Blue Monday工作了一整天, 當然要相約朋友晚飯傾計休息下啦今日黎到好多美食既東大街, 經過八沢就比佢既裝潢吸引左入去日式小店雖然唔大但坐位非常闊, 多叫幾款串燒都唔怕無位擺 安格斯肉眼牛扒烏冬配上小小沙律菜同甜甜既燒汁, 牛扒燒得好香又唔會韌, 烏冬扁扁的, 煙煙韌韌, $88抵食少不了再來一些串燒, 黑豚生蠔燒非常特別, 用一塊黑豚肉包著生蠔來燒, 一口咬下既有豚肉香味又有蠔的鮮味鹽燒白鱔比平日的更厚, 而且很少骨 牛油蒜茸燒扇貝還未到我們檯已經聞到香味, 扇貝亦十分鮮甜明太子雞翼少少辣很惹味, 中間去骨超超超方便 芝心脆脆炸得香口又不太漏食左咁多串燒煎炸食物, 加上天氣不穩, 雖然未至於立即喉痛, 但再點一杯冰糖紅棗雪梨茶潤一潤亦是相當不錯的選擇

向來見到小店都會想試下，希望可以發掘到好味嘅野食，而今次呢間位於筲箕灣嘅日本野就相當唔錯。我就係比佢個黑松露忌廉烏冬吸引到，烏冬一上枱就有非常濃郁嘅黑松露味，食落味道亦同樣濃烈，再加埋忌廉香，令人食到停唔到口。除左忌廉烏冬，我地亦叫左唔少小食，例如呢個炸忌廉，咬入口有香濃嘅忌廉流出，都非常值得一試。呢間餐廳嘅燒物亦都相當唔錯，好似呢個燒貝咁，大大隻之餘仲有濃郁嘅牛油香，非常惹味。呢度嘅燒蠔亦非常特別，用豚肉包住黎燒，豚肉嘅香味中和左蠔嘅腥甜味，口感特別，值得一試。

友人在筲箕灣上班，經常向我推薦區內美食，尤其是位於東大街嘅食肆，說這條街道雖然全長只有 780 米，但美食如雲，有快餐、粉麵、西餐，另外亦有日本菜，當中平民小食更是街知巷聞，雞蛋仔、碗仔翅、燒賣、魚蛋、沙嗲串燒等，應有盡有，簡直是個覓食天堂。講起上嚟，其實我也很久沒去東大街搵食。醒起早前曾幫襯過上環新紀元廣場一間主打烏冬、拉麵及串燒嘅店舖，餐廳叫「八沢」，總店設於東大街。記得上次喺上環分店食完，覺得食物質素唔錯，仲話如果下次去開筲箕灣，會試下友人推介的拉麵，反正周日有空，就一於去走番轉。店子位於東大街 55 號東威大廈地下，門外泊左部單車作裝飾，營造出古樸風情。踏進內，地方雖然不大，但環境唔錯，清幽舒服，配合柔和的燈光，令人有一種溫暖感覺。細心留意，牆身和用餐檯均用上木質設計，四周掛了不少具懷舊風情的畫作，加上店內的日式擺設，裝潢甚具東瀛風味。拿起店員送上的餐牌，雖然只有底面兩頁，但食物選擇都算豐富，有烏冬拉麵類、炸物、串燒類、鍋物、小食類，另外亦有飲品、啤酒和清酒等，分門別類。先點兩客小食做前菜，然後再慢慢揀。選了芝麻醬滑豆腐 ($28)  同黑安格斯肉眼牛扒。豆腐非常軟綿，質感滑溜