八沢 (筲箕灣東大街)

營業中

休息中

食物一般，但洗手間要去相隔100米的大廈內麻雀舘隔離公厠，好恐怖！食物每人約＄100，但想不到沒有洗手間，怕治安不好的女士要小心！感覺十分差，需要去洗手間者真的不宜！

今日心血來潮同個朋友出筲箕灣食晚餐，我地好少去果區，都唔熟筲箕灣既路，都係周圍行下，行到好出名既食街-東大街，真係好多選擇，有日本菜泰國菜西餐等等，好難揀！最後係揀左一間唔洗等位既就入左去，入到去睇餐牌，都好似通常見過既款式，本身都無抱特別期望我地嗌左個豚肉拉麵同廣島蠔烏冬，同一個明太子雞翼。首先尼左個豚肉拉麵先，第一啖食係有驚喜既，個湯底雖然有少少似公仔味既黑蒜湯底，不過依個味係濃郁好多，最抵讚係d豚肉，燒得好好，唔會好諧，味道都好味係我地食緊個拉麵先就上左個廣島蠔烏冬，掛住食，連個烏冬既相都唔得左影！廣島蠔係幾新鮮！個湯底好清甜，幾岩口味！而個明太子雞翼就辣既，但就好野味！我同朋友都覺得依間餐廳值得再尼食，真係唔錯

星期六一於去食野 去左東大街經過見到呢間野，俾佢門外十大必食粒麵店吸引左呢間環境唔錯既先看餐牌而我今次點既就是 招牌廣島蠔肉碎烏冬坦白說 好普通 住家烏冬咁食完好口渴或許串燒會好點吧

今日同同事遲左出發食Lunch, 一行9人過左一點先到東大街搵食, 一如所料, 周圍都排滿人😖我地分頭排隊, 因為八沢最快有位, 所以我地今日就食呢間久違左好幾個月嘅日式食店😀八沢位於東大街中間店面唔大, 枱唔多, 裝修都幾有日式風格Lunch Set唔需要加一, 60至70左右, 唔算貴前菜都係普通野, 唔難食, 不過冇乜特別汽水俾杯裝, 感覺少過一罐🙈滑蛋豬扒飯味道唔差, 不過皮唔夠香脆拉麵湯底香濃, d蔥好好味, 不過份量唔多牛肉飯d牛肉肉質好腍又有肉味, 幾juicy, 不過太多汁, 飯太油烏冬湯底都清, 不過唔算特別好吃八沢Lunch時間係東大街算比較易搵位, 不過唔算性價比好高

環境鋪頭細細，周圍都係手寫的餐牌和推介。好多一家大小，感覺住家。waiter有禮貌，感覺舒服。食物是日點了黑松露忌廉海鮮烏冬，大概$90。食物黎到發覺好香好香。黑松露香味不算突出，反而忌廉味道出眾。配料豐富，有蟹柳、金菇、冬菇、芝士、流心蛋和菜，（竟然流心蛋唔洗加錢，好多日本餐廳係要加$10）配上白色忌廉湯底，賣相色彩繽紛，好靚。烏冬味道可以，㓎得耐都唔會發漲。不過整體有點膩，特別食到後期。建議和朋友share一個烏冬一個飯。

筲箕灣東大街是一條出名的食街,短短的街已有很多不同的餐廳去選擇, 八沢是其中一間裝修較為特別的日式餐廳黑豚生蠔燒 - 燒蠔就食得多，用黑豚包住黎燒都係第一次食，不油膩，隻蠔大隻而又juicy明太子雞翼 -我至愛既雞翼 黑蒜炙燒極濃黑豚肉拉麵 - 送上枱時熱騰騰，足料(黑豚都有大5塊及麺的份量夠多)久違了的波子汽水😍總括而言,食物質素好, 餐廳環境ok, 侍應們也很友善,值得一去👍相信這也是要在食街生存的重要元素!!

有日係附近做完野想食湯面，記得有朋友介紹過八沢話係隱世好野，我就特登去幫襯。叫左碗招牌黑蒜豚肉拉面同白桃特飲。碗面 $78賣相，係味千咁既樣湯底，我唔識欣賞，總之係咸啦 (唔怪得要賣咁多款飲品)拉面，普通超市拉面白桃特飲 $28絕對係無聊之作杯底一PAT桃味糖漿 + 7-up + 冰就咁叫罐7-up都係$12仲可能大杯D添！堆單過百仲要加一，擺到明係港式餐廳賣日本菜啦，扮咩隱世日本野啫？仲有，日本既餐廳係絕對唔會收加一，因為日本人認為餐廳有服務係應份！

星期六晚上比依間餐廳門口嘅照片吸引住，決定入去嘗試下相中嘅清酒雞窩！餐廳裝修都花了一點心思，最緊要係乾淨，不過最奇怪係餐廳內冇自己嘅廁所，要行出去街外嘅公廁🙄除咗叫左最想試嘅清酒雞窩，仲有叫左個安格斯牛扒烏冬，少量串燒同雜菜。呢個傳說中嘅清酒雞窩，雞肉好嫩口，湯底亦好清甜。雖然味道唔錯，但同想像中嘅味道完全唔同，一點清酒味都嚐不到😅反而最值得食又有驚喜嘅係黑安格斯肉眼牛扒烏冬，牛肉夠軟，不錯👍串燒真係唔係幾好食啦😔尤其係店員推介嘅黑豚生蠔燒⋯講真，我真係唔識得欣賞囉😑原來豬肉同蠔加埋一齊係完全friend唔到☹️仲有份三品雞肉軟骨棒，可以話啲肉乾到你唔信😣鹽燒白鱔同厚切牛舌就中規中矩😅雜菜ok，不過要整得吾ok應該好有難度，既然要食咁肥膩嘅串燒，就梗係要叫碟菜中和下啦😊

平日去筲箕灣食飯，都只會諗起食魚蛋粉！上星期日，與爸爸晚上撐枱腳，經過八沢門口，見有好多食客排隊，諗住人排我又排嘅心態，與爸爸商量下，不如試八沢日本菜！門口靚女接待員友善、親切！不到10分鐘就可以入坐！入坐後，接待員推介了幾款美食！蕃茄沙律、廣島蠔烏冬、廣島蠔黑豚肉串燒、串燒厚切牛舌、牛油燒扇貝......唔理咁多！未食過就樣樣都試！一邊食都唔記得影相最後結論係-爸爸話要聽日再來多次需要店舖小小，坐位不多，但食品質素甚高，值得推介！

早兩日午餐食左個雙重芝士豬扒飯，芝士份量都幾多，味道亦不算非常濃。可能我本身不算喜歡太重口味，覺得味道適中，但食得多會有點「漏」。吉烈豬扒味道就中規中矩。整體黎講都唔錯，食得飽，味道不錯，價錢亦合理。

晚上行完街，又到搵食時間，今次搵到東大街多多野食既地方，又係點指兵兵點出衣間餐廳，門口細細，但服務十分十分好，又食到正宗日本拉麵入到去餐廳環境比較昏暗，可以說有點氣氛。店員拿出餐牌比我地選擇食物，指示直接用marker圈起食物便可，得意的畫在餐牌膠片上又唔甩色的今次我地叫左餐牌中的招牌菜，黑蒜極濃黑豚肉拉麵、黑松露忌廉海鮮烏冬、凍綿花糖朱古力。過程中真係感受到店員的親切對待，唔知道係咪家庭式經營，有兩個店員都係比較年輕。好快先上左杯綿花糖朱古力，賣相同名字一樣，有幾粒綿花糖響上面，不過味道就淡左d黑蒜極濃黑豚肉拉麵來了，賣相相當吸引，味道絕不取巧，無論湯底、拉麵、黑豚肉都好好味，有d響日本食緊既感覺添，值得一讚黑豚肉真係食得出燒過既味道，拉麵亦唔係平時有d地方食既九流拉麵黑松露忌廉海鮮烏冬，初頭會以為只是有忌廉汁，原來真身係忌廉湯，所以初頭食落都還可以，慢慢會覺得有d漏，個人覺得見到咁多汁都漏，黑松露就真係食唔出喇，不過烏冬又要讚一讚整體黎講，雖然唔算好平，但食物質素同服務態度真心同埋都食得飽肚的，埋單$205，需要加一服務費的。

今晚黎到東大街覓食，本身諗住食車仔面，但係見到八沢門口好有日式風味，就入去試下啦：）招牌：黑松露忌廉海鮮烏冬 黑松露湯底好得仲叫左個芥末果醋帶子冷烏冬 果醋好開胃 呢間烏冬偏扁身 軟硬度適中 好味道 推介仲叫左串雞軟骨 燒得岩岩好！

已經第三次去食，保持一向水準，招呼亦大分周到，店員推介食物都有水準，由其燒蠔同牛舌，應該可以做到招牌菜，另外拉麵湯底夠濃，麵彈牙份量亦不少，梨蜜自家製誠意之作，值得推介比朋友

早兩天與朋友一起共度晚餐叫了幾款嘢食及飲品汽水到了是罐裝的我試飲一口後發覺汽水是不凍的要求店員給我一點冰及杯店員說冰要加＄3我即說你的汽水不凍的⭐️店員即隨手取起這罐汽水放在自己的手臂上測試凍不凍😟😟, 還說這罐汽水是凍的我看見他那個動作（我內心覺得這是什麼服務態度呢）我再說你的汽水真的不凍還要我給＄3加冰如你的罐裝汽水凍我就不用加冰該店員才說這冰我送給你我即同店員說 ： 送 😤一會兒後我們的食物到了當中有薄燒牛舌其中一串薄牛舌較厚朋友食了後覺得不熟同店員說了一聲該店員取起這串薄牛舌行前幾步在燈光下照了兩照，說你來看看這串是熟的😧😧還覺得自己很有道理，我問他請問負責人在嗎？他說他就是了，我說店舖這樣的服務態度真的要給你一個👎🏻👎🏻👎🏻，該店員說歡迎加入本公司我與朋友們當然不會與他爭拗什麼，因為已經沒有下一次了，一間食肆除注重食物質素外，店員的素質也十分重要⭐️⭐️我記得這店舖的負責人是位成熟的男士不是這位自稱負責人的帶手套職員⭐️⭐️

收工活動捉精靈！特別喜歡乘電車，今天乘電車到筲箕灣搵食！有同學仔媽咪介紹過東大街呢間餐廳！趁今日放假就去呢度午餐！門口一邊收銀，一邊水吧，所以比較窄，入內燈光暗，深木桌椅比較迫！因為已過午餐高峰時段，所以只有兩三枱客，唔嘈雜！既然烏冬出名，午餐有個烏冬！就揀呢款！食物要耐心等候！極鮮牛肉湯烏冬（$62）一碗好簡單嘅烏冬，上面灼熟嘅鮮牛肉片，牛肉薄切細塊！一啖一塊，有少許肥脂，唔會嚡！烏冬扁身，滑溜彈牙！湯底好清澈，又唔會無味，好鮮！加上青蔥花提味！好味呀！跟餐沙律：好細碗，車厘茄鮮甜，生菜爽脆，粟米粒正常！加上酸醋汁開胃！好味跟餐鮮菊蜜：店家自製，微暖！飲落唔太甜，清甜，菊花味唔假！好味！如果溫度唔好微暖就更好！食物好味，店員有禮斯文！烏冬值得一試！