八沢 (筲箕灣東大街)

營業中

休息中

東大街美食眾多，今晚相約友人前往「掃街」，到達東大街我們被這家店的裝潢吸引，門旁擺放了一架單車，玻璃窗前掛滿了小燈泡，很吸引眼球呢！裏面的裝潢很獨特，以木系為主調，牆上有不少手繪畫作，與手寫餐牌相映成趣。餐廳主要提供烏冬、拉麵、小食、炸物和串燒，還有日本燒酒等。⭐️黑松露忌廉海鮮烏冬$88這碗烏冬賣相佳，湯底呈奶白色，以忌廉醬汁和海鮮雞湯熬成，嚐一口，有濃郁的黑松露香味，湯頭味醇不膩，烏冬順口滑溜，口感彈牙，令人忍不住一口一口地吃，一試難忘呢！雪白的濃湯中點綴著三文魚和鮮帶子，三文魚肉香嫩滑，鮮帶子鮮甜美味，用料認真，絕對抵食，難怪是「鎮店之寶」呢！⭐️八沢冷烏冬$58這碗麵湯頭清甜，配上蟹柳、青瓜絲、海苔絲和冬菇，清淡美味，小小一碗卻能飽腹。吃過烏冬，開始嚐一嚐小吃。⭐️芝士脆脆（3件）$28芝士炸得酥脆，內餡是熱呼呼的忌廉，小小一塊，吃多了也沒有膩感。⭐️芝麻醬滑豆腐$28看似平平無奇的豆腐往往能給人意想不到的驚喜呢！這客豆腐非常嫩滑，質地白滑如絲，入口香滑無比，芝麻醬的香麻味提高了豆腐的口感，實在不俗呢！⭐️豬頸肉$24豬頸肉已經切成一小塊，進食很方便，肉質彈牙，如果能將肉騷味去掉則更令人

又同老公去東大街覓食！八沢裝潢有日式居酒屋感覺，可惜我地黎食lunch，如果夜晚黎就會飲返杯，食下串燒，見串燒都有唔少選擇。我鍾意烏冬，老公鍾意拉麵，所以我地叫一碗黑松露忌廉海鮮烏冬，同埋黑蒜炙燒濃黑豚拉麵。豚肉燒得頗香，肥瘦均勻；拉麵軟硬適中；湯底ok，唔會太鹹，不過冇乜驚喜，但都好食嘅。烏冬麵係我最喜歡嘅幼身烏冬，因此更加吸收到湯嘅香味，烏冬滑身，有d嚼勁但唔洗咬太耐。忌廉湯香滑，配埋黑松露嘅香味，我差唔多飲哂d湯。海鮮好一般，帆立貝肉身較薄，三文魚都唔係好有鮮味。好在烏冬同湯都好正，唔要海鮮齋食烏冬我都ok😂另外再加左一客明太子雞翼，juicy，雞翼入面充滿明太子嘅咸香，帶微辣。可以再encore，下次試下食串燒。

旺區食飯總係人山人海摩肩接踵，但其實唔去同人逼，一般民居較多既區域有更多平民化格局既好餐廳啦。就好似筲箕灣咁啦，一落地鐵已經有一間間小店任你擇。如果想好似日本人收工去居酒屋消遣，八沢就係一個好選擇喇。八沢地方唔大，以深色木材為主既設計營造一種沉靜既感覺。我地都幾晏先到，過哂晚餐最繁忙時間，所以環境更靜更令人可以放輕鬆。店員好細心地推介店內招牌菜色。先講主食就係黑松露忌廉海鮮烏冬，用筷子撈一撈啲黑松露頓時香氣撲鼻，配上相對上較淡味既烏冬，令味道更突出。三文魚同帆立貝沾上有黑松露味道既忌廉意外地撘調，有趣有趣。另一份主食就係廣島蠔肉碎烏冬，每隻蠔都大大隻，一咬落去蠔既肉汁爆哂出黎，好誇張啊。如果喜歡食蠔如我，可以點佢地既串燒黑豚蠔肉啊，出面既豚肉燒得有少少脆邊，配上軟身既蠔肉，口感同味道層次同樣豐富。主食以外，如果想要啲惹味啲既野食刺激味蕾，我會介紹埋串燒中既羊架～價錢相宜羊架大大份，燒得剛剛好，肉味濃郁，滿足到偶爾想重口味既心啊～聽日仲要返工所以我地都選擇冇酒精飲品就算嚕。白桃梳打唔會太甜，有夏天既清爽感覺，不過呢拜咁涷正常都想飲熱飲啦，熱飲黎講薑茶其實真係一個好好既選擇，一上枱就見到好

每次經東大街，總有驚喜。今次發現一間裝修懷舊既日式拉麵、烏冬同串燒鋪，十二點左右已好多台客，應該唔錯，抱住一試無妨心態。前菜芥辣八瓜魚加左大量爽甜青瓜絲，芥末味直衝上腦，正，之後食到好爽既八瓜魚同脆甜青瓜絲，好合拍。芝麻醬滑豆腐同出面其他鋪分別唔大，不過豆腐堅滑。主食叫左個黑蒜炙燒極濃黑豚肉拉麵，未上台已聞到好香蒜味。眾所皆知，黑蒜健康，配上已煎到香口既黑豚肉，一啲都唔覺油同肥，而且黑豚肉都算大件，有成五件，又有黑木耳同半粒糖心蛋，用料豐富，我仲追加一粒糖心蛋，貪佢嫩滑好味，係拉麵最好配搭。講返個湯先係經典，好濃好香，蒜味，蔥味，本身濃湯味互相輝影，而且飲完唔口乾，唔會有喧賓奪主既感覺。陸續上既有燒豬頸肉，雞軟骨同雞腎，加左味粉，有小小辣吊味，或者可以選鹽燒。火候控制得好，雞腎好爽，雞軟骨又脆，豬頸肉肉汁豐富。另外豚肉生蠔燒係招牌，點可以唔試，不過要等大半個鐘，正所謂慢工出細活，香脆黑豚肉包住大大隻蠔，燒到黃金色，同樣地又係唔油膩，食到豚肉同蠔既鮮，而且大大隻，啲蠔汁飛晒出來，好鮮甜，比單燒蠔正好多，味覺層次升左級。食完叫左杯自家制冰糖紅棗雪梨茶，好滋潤又唔太甜，冬天飲好岩feel,

屋企附近有間日本餐小店。黑松露忌廉海鮮烏冬一黎就一陣黑松露味 Creamy嘅湯底上面一堆黑松露配烏冬 黑松露fans 必食。裏面有兩大隻帶子仲有三文魚，呢個Creamy組合，真係幾唔錯。黑蒜黑豚肉拉麵鐵碗原個上都幾得意。黑蒜可以再香啲，炸蒜脆卜卜，叉燒肥瘦適中，係面質稍微腍左啲，份量都適中，黎食lunch 啱啱好。厚切牛舌真係勁厚切，啖啖肉好爽口。如果有埋檸檬汁同小小粗鹽就仲正。而黑豚生蠔燒一定要試呀，黑豚肉包住成隻蠔 一咬落去蠔嘅鮮味湧出黎 有爆汁嘅感覺 😛食完好想再叫一客同配杯啤酒。明太子雞翼脹卜卜，外脆內嫩。特式飲品係提子梳打，裡面有果肉，可以解膩 夏天飲應該好正。

由銅鑼灣到筲箕灣特登黎試下傳說中既八沢店主好有心機裝飾室內外，掛左好多日本畫，黃黃的好似回到過去咁我點左個極鮮牛肉湯烏冬$64 牛肉嫩滑，個湯好香麵豉味，亦都有最match肥牛既金菇，哩一碗麵既配搭可以話係唔會錯！ 最岩大啖大啖食不過哩碗灸燒黑豚拉麵到左後，我個碗根本不算甚麼了...一片片煎到香噴噴既黑豚肉舖係拉麵上面，用滿滿既炸蒜蓋住，加隻半熟溫泉蛋，齋係賣相已經贏啲名牌拉麵9條街！ 味道方面湯底係濃厚既豬骨湯，加上黑蒜既蒜香，好似撈麵咁掛哂係啲麵度！豬肉原來掀開只係煎左一邊，可見廚師係細心既，畢竟哩邊都多一家大細同情侶，煎2邊就有機會又燶又乾，煎一邊可以有色香味又不會太熱氣，抵讚！男朋友連湯都飲到見底就知幾好食啦！ 我下次又要食哩個！！

東大街咁多野食，八沢都算係前排好鬼hit既日本餐廳，以忌廉海鮮烏冬聞名於世，但聽講其實其他日本料理都唔錯。今日係屋企食飽飽約個fd飲野吹下水，係東大街行左2轉，最後都係入左八沢，口痕好想食燒物。其實八沢係舒服又有feel既，門口有日式風既木枱櫈有架復古單車，仲有一串串小燈膽，如果唔係咁人來人往都想坐係出面！坐底已經9點幾，仍然有好多人，想讚下佢地服務係幾好，舉手有人理，落單有笑容，肯講野會推介野食俾我地，仲有個幾靚既仔仔添🤣 已經食飽都唔想睇拉麵主menu，一黎就要2杯生啤先啦！飲左一半至影下相😂靚仔哥哥知道我地未食過佢地既燒物，會好主動推介有咩岩食，尤其我哩啲食飽左既麻煩人！我地點左吉列蝦，超大扇貝牛小排同豬頸肉！哩個吉列大蝦同出面最大分別係，佢唔會有陣隔夜油味，有點點油香，質地鬆脆，沾上既炸粉醬好平均，而蝦肉唔會筷子咁幼，有厚度質感，仲要係金黃色既，好有誠意！點埋啲沙律醬，要order多幾條！跟住就係超大既扇貝，好香牛油啊！新鮮架唔係成日有架！我地真係好lucky ! $68 2隻一啲都唔貴！俾啲時間等都值得！一串豬頸肉，插到s型好可愛，佢個外表係有脆脆的，但唔會因爲有脆而成舊肉好

星期日放假,咁休閒ge一日,同女朋友去咗筲箕灣東大街ge"八沢"食野. 主要以日本菜為主ge居酒屋類型ge餐廳,例如:拉麵,烏冬,串燒等,都係呢度ge主打.咁距烏冬/拉麵ge款式都幾多ge,例如:basic d ge豬骨湯叉燒拉麵到特色d ge鮮雜菌松露芝士烏冬都有,而且除咗呢d主食之外又有d鍋物等等,食物花款都幾多ge.最後我地就叫咗:黑蒜脊燒極濃黑豚肉拉麵($78)黑蒜味好濃郁!!配料方面,首先有一大堆炸蒜,簡直系為同成個拉麵點睛!!好正!再黎有半粒流心溫泉蛋!食落非常香!仲有2塊火脊過ge黑豚肉,成碗拉麵非常正.推薦!!明太子雞翼($38/3只) & 番茄沙律($28)明太子雞翼炸得金黃焦脆,而且餐廳為客人食用方便,仲將雞翼去骨,非常貼心,食落啖啖肉之餘,仲有好香口ge明太子釀系雞翼入面,好唔錯ge小食.新鮮ge番茄沙律作為前菜,番茄同個醋汁酸酸地非常開胃,而且好清新.黑松露忌簾海鮮烏冬($88)黑松露烏冬一上黎就已經聞到好濃郁ge黑松露香味,頓時食慾大增@@選用贊岐烏冬,烏冬ge質感一定系無問題啦!彈牙煙un,然後到個湯底,濃郁ge忌簾海鮮湯底,唔會好流之餘,反而同烏冬食系絕配

之前睇到佢哋嘅報道已經好想支持下，見到兩公婆合力開一間店都好想同身邊嘅另一半開，今次難得黎到呢邊就去試吓！呢度黑松露忌廉海鮮烏冬，真係超濃郁！上面充滿着超多嘅黑松露配埋忌廉，真係好邪惡！但係食落去又唔會話好漏，上面會有啲海鮮例如三文魚，元貝等，價錢唔太貴。$88但係用料真係超級豐富，10分抵食！另外都叫咗個冷盤因為食忌廉總係覺得怕會太油膩，所以點左一個番茄，蕃茄用醋作調味，酸酸地唔單止開胃仲去除油膩感，真係好清新。朋友都叫咗拉麵同埋一啲小食，拉麵非常之香一上台我就已經聞到，另外小食份量都幾多。呢個黑蒜拉麵充滿着蒜香嘅味道，上面仲有糖心蛋。麵質軟硬適中，而且仲有超多豚肉！飲咗少少湯底除咗清甜之外，仲有好濃郁嘅豬骨味。明太子雞翼都係我嘅最愛，雞翼好大份，好味而且冇骨。另外呢一度嘅厚牛舌，好值得一叫！燒得啱啱好，另外仲叫咗牛小排同埋雞腎，上面嘅調味好正呀！黑椒味帶到肉類嘅鮮味，你喺度食串燒配埋啤酒都係一個唔錯選擇。

數一數手指，原來我都好耐冇去過東大街了。本身住得離筲箕灣吾近既我對戈邊冇乜認識，只知東大街系出左名多野食，而通常你系戈區入面冇乜出名既野但零零舍舍有條街系食野出名既都會引黎吾少人注意。我食東大街既安X魚蛋粉都食過兩次了，感覺系吾錯的，今次搵到間吾系好貴既日本菜，食既野都居酒屋近似，認為可以一試。餐廳裏面座位數量並吾多，如果真正繁忙時間可能要等位，當我同男朋友坐卡位戈陣，因為佢嘅卡位係硬木板，我一坐落去嗰陣無啦啦勁大聲咁「卡」左一聲，搞到我勁瘀唔知仲以為我身形真係好笨重嗰隻，跟住我再坐多幾下發覺其實根本係佢張凳本身有問題，就咁坐稍為有啲動作都會有嗰啲聲。餐牌好搞笑架，呢度嘅餐牌唔係用原子筆寫嗰啲，而係用水筆寫係餐牌面，跟住職員就可以擦咗佢再俾第2 round既客用。面層真系有幾多黑松露黑松露迷一定中意，仲有熟既三文魚同埋帶子兩大粒，三文魚有幾舊，都幾足料，烏冬系讚歧烏冬，口感好特別。個湯底好正好重忌廉味，不過好稀，但個味真系令人忍吾住想飲多幾啖。雞泡魚干真係唔係度度都有得食，而係呢度竟然有得食，實在難得，以我食過嘅雞泡魚干嚟講，有分好粗或者好幼，而呢個嘅切條就做得比較粗，不過粗同幼其實我

在這篇有關筲箕灣東大街日本菜餐廳「八沢」開始之時，我先在這裡跟大家，分享一下自己食日本烏冬的歷史。在我進入開飯網以前，我食烏冬的次數，比起日本拉麵反而多出很多倍。這個某程度上是因為，我媽本身是個偏好食麵的人，所以她也不會排斥食烏冬，以烏冬當作主食之一。我亦因為長期跟隨阿媽的關係，而經常有機會接觸日本烏冬食品。而我在開飯網歷史上，我第一篇寫食評又有提及過日本烏冬的食店，是鑽石山荷里活廣場的餐廳「札幌Mxxo No.1＆辛味屋」。其實我蠻喜愛他們的「咖喱烏冬」的，跟着應該就是牛頭角淘大商場的「X豚屋」烏冬下午茶。自從牛頭角「X豚屋」之後，我已經很少有機會再接觸日本烏冬，直到我現在重臨「筲箕灣東大街」，令我再有機會品嚐烏冬麵的滋味。不過筲箕灣「八沢」氣氛格調，沒有我預期那麽清高孤僻，反而似是一家大小食晚飯的好去處。「八沢」跟很多日本菜餐廳一樣，都有中場休息時間，等到下午六點，晚市正式開始的時候，食客立刻開始不斷進入，侍應見到立刻殷勤招呼，兼且送上跟我之前見過，完全不同的點餐方式。因為「八沢」基本上是沒有使用點餐紙，反而是用上點餐用的手寫板，手寫板本身已經就是一張點餐紙，每次點完餐後，侍應就能

昨晚依然睡得不好，晨早便醒來了。簡單地規劃一下今天要辦的事，中午，記得要跟她吃頓飯。按時來到筲箕灣東大街，走到八沢的門口，裝修明顯經過悉心佈置，散發陣陣東洋氣息。那輛青春無敵的單車，令它在眾食店之中突圍而出，彷彿要帶食客遊一轉日本。舖頭內在佈置同樣貫徹和風格調，一室木色倍添溫暖。 牆上除了掛上日式布簾，還有多幅色彩繽紛的油畫，當然，不少得寫滿推介菜式的小黑板，設計不奢華但具特色，身處其中，有種在居酒屋吃宵夜的感覺。起初以為店子細細，原來面積比想像中廣闊，絕不焗促、狹逼。餐牌只有兩頁，主要分為小食、串燒、炸物、烏冬拉麵、鍋物及飲品。烏冬和拉麵乃店家的主打，選擇不少，包括三款招牌：廣島蠔肉碎烏冬($78)、黑松露忌廉海鮮烏冬($78)和黑蒜灸燒極濃黑豚肉拉麵($78)。客人落柯打時，只需直接寫在餐牌上即可。小妹喜愛香口食物，所以點了一客牛乳忌廉餅($28)。成品炸好後便即時奉客，新鮮熱辣，咬開時還在冒煙呢！它金黃色的外層相當香脆，不會太厚，而且隔油工夫做得妥當，沒有弄至滿嘴肥膩。餡料由牛奶和忌廉混成，柔滑香軟、濃稠適中，確是達至外脆內軟的效果，令人滿意。店家主打烏冬和拉麵，當然不能錯過。在

去完海防博物館之後, 就落返到東大街搵食, 經過一間要排隊既, 就一於跟隊排啦, 大約排左15分鐘就入得啦豬骨湯义燒拉麵, 個日本糖心蛋, 半流心既蛋咬落去d蛋汁慢慢流入口內，正！湯頭香，麵條Q彈，叉燒滑, 這三大樣主角，配合得好好鹽燒白鱔, 呢個燒物最好食，肉質油脂豐富，肥美的白鱔燒至皮脆肉香，個皮仲好脆！再加入岩鹽調味, 無得頂秋天到, 天氣乾乾地, 飲返杯熱既冰糖紅棗雪梨茶, 滋潤清甜，補血潤喉一流芝士大蝦, 試過蝦肉和芝士混合的童鞋肯定都知道，這個味道，真是非常鮮美, 芝士焗大虾奶香味十足，口感爽脆鲜嫩

有日經過俾呢間餐廳既裝潢吸引左入去🙃🙃🙃入到去坐低後有餐牌俾你畫完俾侍應去叫野食。叫左呢個芥辣八爪魚做前菜，味道同以往既芥辣八爪魚都一樣。🤤🤤🤤2杯生啤到，叫左1杯係蜜柑味，一杯係蜜桃味，佢地仲有提供其他水果味啤酒，創意十足，味道都易入口甜甜地👍🏻👍🏻👍🏻牛油金菇包，呢個菜要讚👍🏻👍🏻👍🏻👍🏻因爲一黎到，未打開石紙已經可以聞得到好香好香牛油味，食落仲好重牛油味，好香濃。正。🤤🤤牛油蒜蓉燒扇貝同燒雞中翼扇貝好香牛油味，都幾新鮮，無雪藏味道。另外雞中翼鹽燒，燒到個皮好脆好香口，而佢亦都好入味🤤🤤🤤雞腎同雞軟骨，又係燒到好脆口好香，再加埋d七味粉仲更加惹味添👍🏻👍🏻👍🏻黑松露忌廉海鮮烏冬，一黎到好香好香黑松露味，成個湯底好正，再搭配烏冬唔會好膩，加上呢間野係食自家研究湯底既烏冬為名的，所以各位記住點都要叫一碗烏冬食啊😋😋🤤🤤👍🏻👍🏻👍🏻👍🏻

今日做乖乖仔，又同媽媽去搵食，近近地落筲箕灣東大街大把美食，來了這間八沢，門口放左部單車同枱，裝飾係日式風味格局，好有衝動就入左去了。餐廳燈光好柔和，所有裝飾佈置都好靚。餐牌過膠用水筆落單，可重用極之環保！我們食左龍蝦沙律(紫菜包住龍蝦沙律好脆口)牛油蒜茸燒扇貝(蒜茸唔太多亦唔會蓋過扇貝既鮮味)廣島蠔肉碎烏冬(大大隻，脹卜卜既廣島蠔絕無偷工減料，烏冬好彈牙勁好食，個湯吸收晒d精華，我地全部飲晒！)蜜柑味既麒麟生啤我第一次飲，小小甜小小澀都算幾好飲呀！仲有提子同蜜糖味都好似幾好咁，下次試埋先得。