八沢 (筲箕灣東大街)

營業中

休息中

屋企附近有間日本餐小店。黑松露忌廉海鮮烏冬一黎就一陣黑松露味 Creamy嘅湯底上面一堆黑松露配烏冬 黑松露fans 必食。裏面有兩大隻帶子仲有三文魚，呢個Creamy組合，真係幾唔錯。黑蒜黑豚肉拉麵鐵碗原個上都幾得意。黑蒜可以再香啲，炸蒜脆卜卜，叉燒肥瘦適中，係面質稍微腍左啲，份量都適中，黎食lunch 啱啱好。厚切牛舌真係勁厚切，啖啖肉好爽口。如果有埋檸檬汁同小小粗鹽就仲正。而黑豚生蠔燒一定要試呀，黑豚肉包住成隻蠔 一咬落去蠔嘅鮮味湧出黎 有爆汁嘅感覺 😛食完好想再叫一客同配杯啤酒。明太子雞翼脹卜卜，外脆內嫩。特式飲品係提子梳打，裡面有果肉，可以解膩 夏天飲應該好正。