八月居 (海港城) (已結業)

另一餐嘅媽媽節，揀咗去呢間八月花的姐妹店，位於海港城的八月居，新派中菜格局。母親節期間食飯要落訂$500留位，要分兩輪時段，而且係主打套餐，a la carte嘅菜式會有限制，不過去到發覺都唔會太少菜式比你選擇，不過就冇咗平時主餐牌提供嘅中西fusion菜式。1. 前菜 - 鹹脆花生、青瓜、硬豆腐，酸瓜呢樣真係頂唔順，好鹹，結果冇人食剩返哂。2. 脆脆BB豬 crispy barbecued suckling pig - 肥瘦啱啱好，層皮脆到不得了，最重要係肥瘦比例，唔會厚厚嘅一層脂肪，而且肉唔會過鹹仲要非常嫰滑，份量亦都啱啱好，每人只得一舊，伴菜係配咗沙律，中西合壁。3. 柑桔窩巴銀雪魚 deep fried white cod with kumquat on crispy rice - 嫰滑嘅銀雪魚肉，外表用一層薄薄嘅脆粉槳包住，上面搽上用柑桔做嘅果醬再加有柑桔絲，好似食緊西式早餐用嘅果占咁，下面再有脆脆窩巴，又美觀，又可口。4. 花膠瑤柱翡翠蔬 seasonal vegetable with shredded fish maw and conpoy in chicken brot

在海港城，想嘆茶，不想一般酒樓，原意去東鸞閣，但已沒了，突想起美心集團有此間中菜館，內裏雖然唔係豪華裝修，沒有水晶燈，也沒有高樓底，但簡潔的裝修，侍應的制服及服務，厚厚白枱布及帶藝術的餐具，給人高格調感覺。食物首先最欣賞餐前泡菜，有芥辣味的豆角，淋爽，收$16。海鮮炸芋盒$26，餡料新鮮，皮脆鬆化，唔會一pad 嘢。魚湯鮮竹卷$26，濃魚湯，餡內有香芹，。翠玉芝心炸雲吞$18，唔會油淋淋，包住有一粒芝士，但點的酸汁少些。蒜香雪魚旦白炒飯$88，廋米，飯及雪魚彈口。蛋白杏仁茶$22，薑汁雙皮奶$24，兩個都好香及滑，賣相又美，還配一件咖啡糕。其實樣樣都好有水準及新鮮，好過對面映月樓。那裏還有OPEN AREA，海景。

食物 : 匯豐優惠套餐(4人)+半隻芝麻雞+帶子蝦子炒飯+2支啤酒價錢 : HKD1160.00評價 : 食物味道不錯，但套餐份量略少，如４位食客全是男士，一定不夠吃；環境也很好(在室內)，服務方面稍差，要作多次提點才懂沖茶，換碟之類服務。但如果不是有’匯豐’優惠，以現時的經濟環境，價錢屬偏貴，套餐原價為1100多元，現為690.00.因最初時沒有準備作評論，所以沒有拍照。

小學同學聚會....一行6人....食左:胡麻醬茄子 - 個醬汁好好味.....香芒鴨胸 - 本人唔食鴨....所以唔知味道...但同學仔們話好食....牛肉沙律 - 呢個好好食....D 牛肉仲有少少燒烤味....又多汁...底下的菜絲好正....乳豬 - 本人唔食乳豬....所以唔知味道...但同學仔們話好食....雪魚鍋巴 - 個雪魚超香滑....個汁酸酸地...醒胃火腿浸翡翠豆苗 - 逢沙律中有翡翠豆苗我都會避之則吉...今次係第一次熱食....一樣得唔到我歡心.....大家都覺得好似食緊草咁.....麥皮蝦 - 蝦好爽口....同學仔們唔覺面頭的麥皮....估唔到幾好味芝麻雞 - 個雞又係超好味....又香又脆.....好鐘意糖蕃薯 - 睇 menu 好吸引....但係一上檯同學仔居然話佢似豬腳薑味的牛腩....笑死....味道一般...不吃也罷.....士多啤梨拿破崙 - 一般......唔夠酥脆....香煎麻糬 - 本人唔食麻糬....所以唔知味道...但同學仔們話好食....心太軟 - 甜品中算係最好食的一個.....蛋白杏仁茶 - 本人唔食杏仁....所以唔知味道..

這間餐廳開張不久 我就已經想試了因為外面的海景真的很漂亮但最後又book不到還是在裡面吃吧!我們早十五分鐘到知客小姐問我們book 了幾點 電話號碼我們回答後她就說," um.... 好... 咁你地想點? "... 我地想點? 難道我們親身來這裡取消booking 嗎?我朋友唯有問她 現在可以進去嗎?還有其他侍應的"趣事" 我就不說了因為來這裡是想說說他們的食物的我們三個人叫了雀籠點心, 脆皮bb 豬, 香酥荔芋鴨, 蟹子蟹肉蛋白伊面和竹筒飯脆皮bb 豬 - 我覺得好像在厨房放了太久才拿出來上菜, 皮不是太脆, 乳豬整件也不太熱, 味道都還可以, 但我覺得有點失望雀籠點心 - 很美麗的一個雀籠, 侍應上菜時, 將整個雀籠放上枱面, 突然他抽走上層雀籠, 然後對我們說," 唔好意思, 我地漏左粒鮑魚, 你地食住下層先, 一陣會上番比你地..." 我們都不知道發生甚麼事, 細問之下, 原來燒賣上面有塊鮑魚, 其中一粒他們漏放上去, 要到上菜時侍應看到才知道... @.@ 我們全部都眼都突了.... 真的第一次遇見這麼失魂的事件....但是這個雀籠點心美道是ok 的, 春卷很好, 熱辣

am not going into details, the best conclusion about this place is--location and view are awesome, food is pretty good, while service is as aweful as any local 'dei mou' restaurants, which is such a waste. if maxim's wants to keep this restaurant the class they're marketing it, they better re-hire and re-train the whole staff; before then, i will NOT consider going back, period.

I'm a frequent customer of 八月花 in festival walk, but this is my first time to 八月居 and it is very disappointing!!First of all, the tea we ordered didnt come until about 15 mins. While the waiter was setting the table for us, I found that my cup and plate is not cleaned probably and have food stuck onto them. For food, we ordered prawn with cold noodle as a starter then we ordered sweet and sour pork in pomegranate sauce, minced oyster lettuce wrap and chinese broccoli in ginger sauce.The first di

〔我們吃了太多，恕未能上載所有圖片〕答應家人找到新工作同佢地食飯。家姐星期四先臨時話要到這兒吃飯，佢好彩成功訂枱〔晚上十一時還有人理會電話響！！〕地點：真係第一次上海洋中心四樓，之後看其他食評才知原來這是海洋皇宮酒樓舊址，我十四年前去過一次　．．．　我想八月居是比較中上價的食府。內裡環境優雅。除了有一般圓枱的格局，還有ｂａｒ枱。每一枱也有花朵點綴，很有心思。食物：十味正餸，快ｄ入正題　　我遲到，到達時佢地已點好菜，亦差不多毀滅了一碟乳豬，我最初不以為意，後來才發現這是馳名　”即燒乳豬配蔬菜沙律”，不大碟，我隻眼勁突，因為要$240；〔普通乳豬都係約80〕...唉，見爸媽都話正，抵！ 都係因遲到，我只見吃餘下一點冬菇，海參，小棠菜等，之後，才發現呢個係鎮店之寶　”乾隆一品窩”，特大元貝，頂級花菇，花膠，鮑魚，海參等，識買識食的媽話ｄ料真係貨真價實。幾多錢？多謝 $328 半隻炸子雞…好似太鹹；除了有淮鹽，還有特製檸檬汁，好似都要 $90 香芒銀雪魚鍋巴，好新式的菜，層層疊疊的方形小飯焦上加上銀雪魚，配芒果汁，好似係$70 翡翠苗炒菇，好嫩，忘了ｄ菇菇的名字，總之係好食，$7

打電話booking，有幾次都full o左，的確多人來這裡晚飯，而餐廳佈置裝修都漂亮！開始時，order 的餸菜都偏細碟，但之後order 的很大碟呀，食到很飽，但係都有order埋甜品，的確係滿足的一餐。雖然很難說這些是潮式粵式京式的餸菜，但係我覺得它們都是有創意的，味道同質素都好，所以唔理係咩式，最緊要好味！雖然多人來這兒進餐，但係 waiters 沒有逼人快快埋單，座位又闊，坐得好，食得好。一班老朋友來聚餐，是好選擇！

朋友要平又要响 TST 附近，我對食又嫌尖。响我 Eating Out file 中搵到八月居。朋友要求 around HK$150，埋單真係每人HK$150喎！4 個人食 4 樣野倒，其中燒牛肉沙律(無菜，只系用咗和風汁)，蘇炸芋鴨最難忘。 Well, 我本身系 beef maniac 跟著甜品必吃芒果三弄 (mango ice-cream in 楊枝甘露 + 黑糯米 + 芒果班戟 )

沒有了典型港式酒樓的海洋皇宮，換來是全盤西化的八月居，對某些巳光顧多年的老茶客，當然是有點略有所失之感.....農曆八月正是茉莉花盛開時節，此店用八月比喻茉莉花，雖來得有點牽強但還總算可以理解。洋鬼子的 bar and grill 或是 bar and dinning 我們見識得不少，這回美心集團將此調套進新派粵菜中，可算是大膽創新。露天地方改成酒吧及用膳區在秋天時份還是可以，但在炎炎夏日中又不知有多少人願意冒著酷熱坐在室外進膳.....菜單可供選擇的菜色不多但箇中亦有些是比較特別的例和鬼唔搭八春卷、脆脆 BB 豬、石榴子咕嚕肉等。鬼唔搭八春卷就是用蝦膠做餡料之春卷，春卷本身沒啥特別但醬汁是用加了 wasabi 的蛋黃醬，與春卷十分配合。脆脆 BB 豬實是體積較大的斬件乳豬，燒味師傅的手藝不差，味道頗為討好。石榴子咕嚕肉是用石榴子取代傳統的菠蘿，味帶微甘而軟軟的有點嚼勁，可惜咕嚕肉是敗筆。椒盬脆豆腐做得香口辣味足夠但略嫌有點太淡。小食豬腳仔燜得頗出色，醬汁調較得宜而豬腳亦做得腍滑。三蔥斑腩煲，黑椒牛柳粒都屬水平之作。用巴馬火腿泡翡翠苗味道創新但總是覺得用宣威火腿因味較鹹反而適合帶微微草

天氣轉涼, 就算正午嚟飲茶都唔怕會熱! 陣陣涼風... 幾寫意!鮑魚燒賣 - 即叫即蒸, 粒鮑魚都幾大粒幾有味喎! 唔錯, 係等得耐咗d啫...椒鹽九肚魚 - 椒鹽好香! 九肚魚炸得好靚呀! 又香又脆, 魚肉好白好新鮮, 好好味喎!蛋散 - 其實唔算整得太出色, 但有糖絲伴碟, 好似龍鬚糖d糖絲, 撈埋蛋散一齊食, 得意得嚟又幾甜喎! 入口脆, 跟住好快就溶咗落蛋散度... 好match!仲食咗其他點心 - 腸粉春卷, 椒鹽豆腐, , 叉燒包, 一口牛柳粒, 担担麵, 南瓜千層糕. 樣樣賣相都好好, 味道絕對無問題, 而且size都唔會太細件!

友人問那裡吃飯可以吸煙,又可以有酒 Bar-feel,可以傾下計,我冧起呢間店.當然咁上下要求,就有咁上下價錢啦!食品細細份,以精緻為主.及提供健康有営菜餚.享螺頭湯每人一壼紫沙茶壼上--夠鮮夠濃 $58原隻南非鮑魚-扣得几入味,OK $288BB豬--細細份,夠脆皮不過很少,跟田園沙律南瓜汁麒麟班--fusion菜,麻麻地(有營菜色)三椒北寄貝--青椒夠甜,浪費咗個北寄貝的爽甜,失望!(有營菜色)$168菜胆xx雞--細細份,淡淡地銀針旦白炒翅--每人一碟,旦白很滑,唔多覺有翅,配上多士有新意.老媽媽燸米飯-特色菜籃上,跟油菜,好味,D汁似叉燒胞餡有雪榚甜品,好精緻,好滑,唔會太甜.我哋當去酒吧咁計,係高咗少少價錢.但環境好正,自由自在,食飽後出欄杆邊,嘆下酒,看夜景唔錯!又有音樂播放,當晚成晚播土耳其等中東樂曲!記得八点前到,因為看到維港嘅激光滙演,好靚,好靚,好正!

我和男朋友去食晚餐, 6pm左右到達, 可能太早冇乜客既關係, 服務不錯. 環境&裝修好正 脆脆BB豬- 其實都幾硬... 又有骨... 偏肥.... 脆皮牛坑腩- 拿牛腩去炸, 但係唔脆既. 菜式比較特別但稱不上很滋味. 我食左一塊之後滯滯地... 炸茄子 - 唔記得個全名, 不過有蟹肉既. 又係好淡口既 擔擔麵 - 喜愛麻醬味道, 麵質ok 迷你桶仔飯 - 冇乜味最後, 他們送左一人一杯飲品 (好似叫八月茶), 好好飲好清. Refleshing!

晨早流流發生點事, 心情壞到極點。 堅持跟朋友吃個好一點的lunch, consult過後選了house of jasmine, 只因那裡有朋友最愛的中式飲茶, 以及本人喜歡的維港靚景。經過常常光顧的商場入到餐廳, 有一種別有洞天的感覺, 感覺真的不錯。 朋友作主, 要了baby豬, 夾著蝦仁炒蛋的腸粉, 灌湯餃及皮蛋酸薑, 是夠吃有餘了。這家餐廳最好的, 是presentation。 每一道菜上檯時都擺放得美輪美奐, 我是看得賞心悅目。Suckling pig雖然只得4件, 食味卻不得之了, 每件豬上已有醬汁。 一放入口, 是皮脆肉嫩夠肉汁, 調味也做得不錯, 不過其實都頗漏的, 一人一件是剛好, 我是吃了一口都不敢再吃下去了。 旁邊的沙律溝了油醋汁, 酸咪咪的, 我覺得其味濃重了一點。 腸粉分開三條的上, 都幾夠份量, 朋友也說味道不錯。 灌湯餃是包著湯的那款, 我沒吃, 內餡有都幾大堆頭, 看樣子是不錯的, 可是吃的朋友就不太欣賞了。 皮蛋酸薑的皮蛋夠溏心, 加埋現成酸薑, 是滋味得不能再滋味! 一客四件我吃了三件! 有人喝茶重視點心, 有人喜歡吃氣氛多於一切, 我就最注重杯茶水