八月居 (海港城) (已結業)

八月居賣的是新派中菜裝修很雅致,位於海港城價錢定位當然也不會太低不過用visa卡兩個人有半價,價錢也就變得頗相宜1. 土雞湯以小壺小杯上,一客38元只有三小杯,份量其實是頗少的.味道方面,雞味很濃郁,有點像在喝雞汁一樣,這樣一來份量少也可以理解,因為一次過喝太多濃雞汁的話,會很膩口的2. 菜膽花膠,一客48元.湯底也是雞湯,不過這個比較清香,每客湯有一棵白菜膽跟一小塊花膠,花膠入口很滑,膠質豐富,女士吃就最適合了3. 東坡肉,香而不膩是一客好東坡肉的必備條件,八月居是做到了.伴碟的菜遠也沒有絲毫輕忽,翠綠淋甜.4. 脆皮牛腩,有些食材,用炒的比較好吃,有些用灼的比較好吃,個人認為,牛腩真的不適合炸.脆皮牛腩用先炆後炸的方法去製作.問題是,炸過的牛腩,無可避免變得很乾身,若果不醮其附上的酸汁辣油,牛腩幾乎等於沒調味.5. 三蝦芥蘭煲,所謂三蝦,就是蝦仁,蝦乾跟蝦醬,這種配搭,很適合配上任何蔬菜.今晚點的是芥蘭脆,蝦乾跟蝦醬的鮮味和鹹香沾滿了每一根菜,吃後令人回味.八月居的菜式都很精緻,其實我們還有很多菜式想要試的例如拔絲咕嚕肉和古法牛河.日後一定會再找機會試試看

前日(1-6-2010 Tue)應女友人LL之約,出席為佢爸爸LKH o既生日晚飯,同LL商量去邊o度食,佢揀o左呢間,book o左7位,有LKH o既太太,佢大女婿,女友人DC同我男友.由於我同男友去o左買花所以遲到,o黎到時佢o地都到齊,而且食o左啲前菜,唔緊要啦.LL都點好菜叫侍應上菜,等o左好耐至上第一道菜.1. 玫瑰露油雞.都算幾香,肉質滑,唔太肥.2. 椒鹽豆腐豆腐細細粒,外層仍脆,椒鹽唔太香口,只有微辣.3. 翠肉瓜炒煙鴨胸其實煙鴨胸係來貨,間間酒樓食o既味道都一樣,翠肉瓜冇乜問題啦.食食吓叫o左一壺$38.00o既客家娘酒,侍應話其實係糯米酒,酒精係11度,甜甜地易入口.我o地都分到1-2杯o既,酒真係甜甜地好易入口.4. 脆炸牛坑腩牛坑腩夠腍同有好濃o既牛味,但外層薄薄o既炸粉唔脆,而且都甩甩地.呢個只係賣一丁點o既創意.5. 唔記得咩煨五花腩一件得個啲咁多,真係唔知夠邊個食,伴菜竟然唔係菜心而係芥蘭,芥蘭唔苦好腍,五花腩口惑唔太油,都幾好味.6. 杞子小棠菜有好多小棠菜頭,呢個清清地咁.7. 唔知咩魚塊咀'鵰'o既LKH話唔好食,唔新鮮,我又覺得唔係喎,都幾鮮味,

距離上次到八月居...已差不多半年時間了....這次, 既然由我選定地方, 目標是中餐,那自然想起這裡是很不錯的選擇呢! 籠仔點心: 點心一直是我的至愛之一, 而且這個造型超吸引, 款式又多的籠仔, 我怎可以錯過嘛! 這次感覺依舊良好, 點心造得出色, 特別是我喜愛的餃餃, 皮做得軟糯, 恰到好處, 春卷也是傑出之作! 很脆口, 但一點也不油, 而且餡料足, 調味也剛好, 正! 其他的如砵仔糕, 蛋撻就比較一般, 而且放的時間長了, 口感差了....還是要熱吃才可! 脆皮BB豬: 上次也有品嚐過! 水準能保持得到! 依然超香脆, 很對口味, 難怪是招牌菜之一, 自有其道理呢! 麥皮蝦: 這是第一次試, 而且不是很多地方也能吃到, 所以挺有期望的! 說實在, 也算水準之作, 可惜的是好像火喉控制得不太好, 有點點overcook的感覺, 扣了一點兒分數啦! 不過, 味道本身是不差的! 還有其他菜式如: 花膠豆苗, 批杷豆腐, 黑椒鴨肉?? (忘了名字), 也都是中上之作.....特別是黑椒鴨肉, 其實我不太喜歡鴨肉, 不過這個黑椒很入味, 鴨肉又不會乾身, 挺juicy的, 如果喜

同奶奶預祝母親節，早幾日訂定位。五一嗰日十一點鐘到，可能早唔太多人。我地四個人叫咗BB豬、炒蘿蔔糕、炸蝦角、鮑魚汁义燒酥、煎芋頭糕、油炸鬼春卷、羅漢鮑魚菇素腸、流沙奶黃包、西米布甸。BB豬得四件，四個人啱啱好一人一件，皮脆得嚟但少少軟身，唔會硬親上顎。乳豬調味唔太濃，無醬點，鍾意味濃嘅人會覺略為淡。伴碟嘅沙律菜好新鮮，沙律醬汁好味。四十八蚊四件乳豬，如果唔係加咗沙律菜就會質疑抵唔抵食。炒蘿蔔糕今次第二次食，較上次炒得無咁好味，鑊仔底剩好多油。雖然點心紙寫用健康食油，但都唔洗咁重手掛。炸蝦角雖然皮唔係十分香脆，但入面有原隻蝦，味道都唔錯。鮑魚汁义燒酥就以美心集團一向作風，好甜…煎芋頭糕好香芋頭同臘味味，連我平時唔食芋頭嘅都覺得香。油炸鬼春卷係一個特色小食，外面有一層似炸薄蛋絲皮包住油炸鬼，油炸鬼入面有蘿蔔絲同肉絲，配搭幾新鮮。羅漢鮑魚菇素腸普普通通，不過老爺好堅持話食到鮑魚(唔係鮑魚菇)喎…流沙奶黃包因為怕不由控制地流瀉，凍咗先食，估唔到包雖然凍咗，無熱嘅時候咁軟綿綿，但一啲都唔乾硬。奶黃雖然無流瀉，但仍然係流狀，奶黃好香滑。西米布甸甜味中度，OK。茶錢十二蚊一位，四個人三百幾蚊，環境舒

今晚同媽媽和太太三個人叫咗一個匯豐卡四人套餐$690.加一.茗茶後$836.整體唔錯.- 媽媽最喜歡脆皮BB 豬,激讚皮脆又好有豬肉味.- 每人一個茶壺內的雞湯好正.保温一流.- 海班蒸過"龍".- 最後甜品如果是熱盤就一流環境一流.唯獨露天座位可讓人食煙.唔係太好.

上次去八月居，佢話夜晚有人結婚，1:30PM就已經話要清場，試唔到佢d點心。今日就11am去，唔會又無位喇啩!11am去到，佢地啱啱營業，但見門口已經有人排緊隊。原來reception掛住聽電話，搞到d客要企喺度等帶位。我企咗喺度成10分鐘，先被安排入坐。打開張點心紙，好多嘢都想試，結果叫咗好多嘢食。四寶滑雞扎 ($30) : 都幾大隻，味道唔錯，舊雞幾滑豉汁蒸鳳爪 ($26) : 賣相幾靚，咬落去幾爽口，唔會好似某d酒樓咁蒸到淋晒，未咬就已經斷。流沙奶皇包 ($26) : 真係做到流沙效果，食時要小心燙口。香滑芝麻卷 ($24) : 呢個唔係幾得，個皮唔夠薄，同埋無乜芝麻味，反而好似有d膠味。义燒滑腸粉 ($30) : 一般狀元蝦餃皇2隻 ($19/隻) : 大大隻蝦餃，一籠一個，d蝦好爽口彈牙。花膠瑤柱灌湯餃 ($48/隻) : 隻餃佔咗半個湯盅，仲有兩舊花膠同原粒瑤柱，用料十足。菠蘿鮑魚雞粒酥 ($33) : 個酥皮好脆，味道唔錯。有個女侍應服務唔錯，會自動自覺幫你加水同換碟，不過其他侍應就成日唔知去咗邊。坐低又無人問你飲咩茶，係過咗一陣要叫先有人睬你。服務真係有待改善。

同屋企人出街食飯,之前同D FD去食過,覺得都幾好食~所以帶屋企人去試試脆脆BB豬必試,仲有茉莉花味雪芭,好好味!!!!大家一定要試~仲有味牛腩做的,唔記得左個名....不過MENU一定知道係邊味~環境都OK好坐

八月居,喜愛他擁有萬千灯光耀維港的美景,望望香港數一數ニ的美麗夜景,飲上一杯八月居獨有的國酒 cocktail ,聽聽中餐廳播放的house music,這種奇特的組合也只能發生在八月居.用餐前飲着一杯五月花:原來中國土炮做cocktail異常好飲,清香的桂花酒入口又甜又香,絕對沒有洋酒的苦味,女仕可要小心呀!中餐飲西湯,龍蝦竹笙湯:濃濃的龍蝦湯非常夠味,喜愛入面切碎的竹笙,口感一流.頭盤海哲螺片:螺片做得入味,海哲脆口,胡麻茄子:喜愛這道菜的醬汁,酸酸甜甜的麻醬令到平平無味的茄子變得好味非常.這两道清新的頭盤令到食欲開始增加.BB脆乳猪配沙津.乳豬皮脆肉嫩,非常到家,最好配上新鮮沙律菜,心理上感覺自己吃得非常健康.麥皮蝦球:源於馬來西亞及新加坡,每每旅行至此,必定order一食,麥皮吸收了蝦和調味的精華,變得香口無比,一流,八月居更上一層樓,選用明蝦球再加咸蛋黃,整這菜變得更重味,而且免去蝦壳,一絕!拔絲咕嚕肉:咕嚕肉唔肥脆口,已經合格,特別在於拔絲,蜜糖除着做到拔絲的郊果外,更平衡了這道菜的甜酸,甜酸味做到剛剛好,也就代表這碟咕嚕肉做到最正宗!重口味的主菜過後,餐廳職員推介花膠浸豆

十一個人, 叫咗十四樣野燒豬仔 - 皮夠脆, 夠熱海蜇頭 - 味道唔錯椒鹽豆腐 - 好香口酸薑皮蛋 - 我無食, 但係見到個皮蛋係流心既杞子豆苗 - 菜囉, 無乜特別艷影纱窗 - 功夫菜, 清清地囉拔絲咕嚕肉 - 好味脆皮牛坑腩 - 炸過既牛腩, 呃......雀籠點心 - 去美心大酒樓都食到既質素臘味飯 - 多飯少臘味, 飯太硬扣肉 - 睇起上黎好肥, 但係好好味是日湯 - 同茶餐廳既差唔多炒飯 - OK炒米粉 - 太鹹 去到坐低, 先叫菜, 然後同侍應講咗要等埋個朋友先上到朋友黎, 話上得菜, 之後都等咗成十五分鐘起碼八點半開始食, 食到尾唔夠於是加咗個炒飯同炒米粉食埋個飯同米粉點知個雀籠點心都未黎催咗兩次哥仔都話廚房整緊十點幾頂唔住搵個部長過黎問, 攪一輪佢先話原來漏咗單, 要再等多十分鐘收得咁既價錢唔係咁做野架吓嘛全程起菜都係經過我地頭上飛落枱去美心大酒樓食飯侍應換碟都換得勤過佢地唔叫唔會收枱面上既吉碟一肚氣!!!

友人生日在即,約她和她老公出來慶祝.她想於尖沙嘴晚膳,於是便在OpenRice搜尋,發覺此餐廳評價幾高,於是便在此訂位.是日準時到達,友人也看了OpenRice,看別人網上推介美食,也參考了餐牌上有推介標記的菜色,便叫了1) 土雞湯: 用茶壺上,樣子精緻,味道也可以,但只有約四茶杯的份量.(2) 脆皮牛腩: 牛腩應該炆熟了再炸,幾得意,但味道無什特別.(3) 一口飯: 有三碗飯,分別是紅米飯,白糯米飯及鼓油糯米飯.好像很健康的樣子,味道也可以.(4) 招牌燒雞半隻: 皮頗脆,肉就幾肥,味道也可以.(5) 麥片蝦:有六隻,用麥片作脆章炸蝦,頗厚,本人不太喜愛.此餐廳是美心屬下,服務也可以.是日用恒生 Enjoy 卡找數,有九折優惠.三人共花了不$480, 以食物份量和質素,我覺得算幾貴.茶錢,我們叫了龍井,好像要每位$16,另外,有一碟指定前菜,好像也要約$20.即是說,不叫任何東西,已經要$68了 (未計加一).

生日當然不能少得同班好姐妹慶祝!地點定了尖沙咀, 便求其search一間中菜, 見八月居坊間comment也不錯便book了.茶都要逐位計, 那不如叫了特式飲品吧, 叫了蜜糖香薑梳打, 桂花柚子蜜, 桂圓香桃蜜及青檸香薑蜜, 味道不錯, 青檸香薑蜜較甜, 要加入熱水才沒那麼甜! 前菜叫了青瓜海蜇, 超細碟, 味道普通吧!椒鹽豆腐, 炸得很不錯, 豆腐外脆內軟滑, 而且灑上香蒜很惹味! 艷影纱窗, 個名好玄, 哈哈, 其實是竹苼卷, 清清地也ok! 這個拔絲咕嚕肉超正, 炸醬少少脆, 厚度剛剛好, 肉不乾, 汁味道很好味!脆皮牛坑腩, 比想像中差點點, 炸得不算很好, 很油.杞子菜芯, 菜心都算很甜; 菜苗炒什菌, 這個味道不錯, 雖然細碟d.這個蟹子蟹肉伊麵很好味, 蟹子脆脆卜卜, 蟹肉也很多.炸子雞, 炸得不很好, 皮脆, 雞肉卻很滑! 甜品有部份是西式, 很特別, 本想試它的拿破倫, 可惜已經估清,因飽, 只要了這個糯米糍, 它面煎過, 但吸晒d油, 超難吃!雖然這裡偏貴, 但因位於尖沙咀海洋中心及部份枱能看到維景景色, 尚算可接受. 可惜最不令人滿足是他們的服務, 服務生大多黑

由於壽星女鍾情中國菜.. 所以選了這間餐廳為她慶祝生日! 早於三個星期前去過一次, 服務雖然一般, 但食物質素很不錯, 價錢亦合理, 所以雖然只能訂到第二輪8點半的枱, 但也鎖定這間餐廳, 可是, 這次的光顧真的令人失望, 服務之差, 令全枱包括壽星女也為之氣結!一行六人入到餐廳坐下, 一位女待應便過來問大家要甚麼茶, 大家沒甚麼主見, 便點了最簡單平常不過的香片, 但怎也想不到, 如此簡單的茶, 卻要經過"三催四請"並由壽星女發出充滿怒意的第五次催促後, 才在20分鐘後才到. 喝過茶後, 便點菜了, 另一位女待應見到我們舉手示意點菜後, 掛著很不情願的臉行到過來, 好像我們再了不該做的事一般, 真的令人討厭!!吃飯中途, 殷勤的服務當然欠奉, 直至準備點甜品時, 上述那位寫菜的待應再次行近打算清理枱面, 但態度卻極差, 甚至厭棄朋友阻礙她收拾枱面!而為我們落甜品單時, 站在我身邊的她更發出濃烈的煙味, 十分趕客!說句實話, 這間餐廳的菜的確不錯, 但在尖沙咀區, 相信要找一間菜做得不錯的餐廳不難, 所以服務這是取勝之處, 但這間餐廳的服務如此不濟, 實在很難令人會有再次惠顧的衝動.

今晚幫我個好朋友慶祝生日,好似未試過d有景睇,又有feel d野又好食既地方....終於係openrice 搵到lee 間啦!!所以立即打電話去book 位啦!! book 到露天啦!! 點知琴日落雨...so sad !! >.<去到之後等左一陣佢地就arrange到枱比我地啦!!原來入邊都幾大0家wor!!坐得好舒服又唔算好吵幾好....幾好!! 如果有埋維港景就更好啦!!我地2個人叫左:1. bb豬 - total 4舊,2舊骨2舊肉...都幾好味! d汁好味!另外估唔到碟內的菜沙律又係超好味2. 雀籠點心 - 有2籃好多款食物...全部都好好食! 但因為食得太飽最後既砵仔糕唔係好食得落3. 艷影纱窗 - 個色澤好清,味道很清新,仲有埋杞子伴碟4. 麻醬茄子 - 係前菜凍凍地咁食,好香同埋軟軟地咁,好好味!5. 擔擔麵 - 凍左d 食...麵開始漿在一起,但味道尚可整體來說是above average,這個價錢吃到這樣的質素還算acceptable, 連茶都好香好飲,沖好多次都仲有味.但我好想食既疏乎里甜品原來冇左...dessert menu 會成日轉的...少

在"米芝蓮"效應下、有一段時間没有來八月居。 毎次不是有Function,就是人多没位置。 今次在TST、不知吃甚麼好、記得AE白金咭(美心集團)半価、就來了八月居碰運気。 當天有Function,但剛好有位。 Menu有点更新。 我們点了如下菜式： 子薑皮蛋 非常好味、他們用的皮蛋很新鮮、毎次我都会点這个前菜 湯：老雞湯 火候OK、沒Feel到味精味 話梅蒸茄子 甜甜酸酸好味道 龍眼黒椒鴨肉 黒椒太濃、蓋過龍眼清味、不好 炒飯 毎人一份、軟度和乾身恰到好處 甜品 花膠鴿蛋：糖水非常好味 心太軟：很普通、沒必要点 （個人推介：之前食過杏仁茶、超好味、下次都Order杏仁茶了） *他們有Starbruck Coffee 提供、果然同是美心集團！ 埋単（2人）、折後：＄300、這環境、抵吃！

同朋友慶祝生日, 要諗去邊度食野真係諗到頭都爆, 最後友人決定來呢間試下,結果我地大部份人都覺得呢間唔錯, 第一, 呢度的裝修都好有格調, 如果Book到露天仲有無敵維港景, 我同朋友去望過都真係唔錯~~, 第二, 食品味道都好味。當晚唯一有少少問題的地方就係同經埋溝通不足, 因為我地有些朋友要遲少少先到, 我地諗住點左菜, 等朋友來到order上菜就有得食, 但係我地等左好耐些少動靜都無,跟住我地就同經埋講,經埋話原來orfer上菜都要等至少半個鐘先有得食, 我地當場都呆左,心諗你又唔早d講.....。但係總括來話呢間都ok。推介: 艷影纱窗 - 清新的菜式,但係好夠味。炸麥皮蝦 - 好好味。蟹籽xxxx妙飯 - 炒飯乾身, 蟹籽夠香。