八妹雞煲

營業中

休息中

一係唔打邊爐，一打打足兩三日，話比自己聽食雞煲唔同打邊爐既，可能因為我太耐無食雞煲既關係，趁有機會食就急不及待坐我朋友車去左幾年都唔會入一次既大埔，朋友話依區住既人無人唔識依間雞煲店，因為真係真材實料，味道有讚無彈！當然我都唔抱期望咁去，咁先至有驚喜嘛入到店內座位夠寬闊，亦設有卡位座，可能我地閒日黎，加上晚上十點幾，所以唔洗等就有位了秘制八妹雞煲一坐低朋友就叫左雞煲半隻同中辣，店員放好係爐上就幫我地開電開鍋蓋，本身雞肉已煮熟，一開就食得唔洗再等滾真開心，面頭鋪左大量芫茜同紫洋蔥再同鍋中既雞件一齊拌匀，每件雞都啖啖肉，有骨無骨一樣有，雞肉沾滿秘制辣汁，淨睇未食都感覺濃郁，食落非常香濃，雞肉肉質嫩滑有雞味，口感剛剛好，鹹度適中，食多幾件都唔會覺得口渴同澀口，如果個汁撈飯真係不得了，而且辣味十足，好惹味呀！即炸響鈴響鈴係即叫即炸，型狀係一球球咁，唔同平時食開既一條長形響鈴不得不讚既係炸得酥脆，食落無油溢味同唔會硬，炸得出色，沾埋少少辣汁食，超好食，必點之一水魷驚喜雞煲店會有水魷魚食，本身我係勁鍾意食，所以即叫無猶豫，份量好多，灼熟後食落好爽脆，新鮮又有咬口手切肥牛 (小)我地得兩個人所以叫左

本身想食打冷嘅潮州菜，但係可能已經係10點鐘左右嘅關係，所以已經全部都冇晒！同埋我朋友話本身呢度附近係會有呢類型嘅餐廳但係點知全部都變晒！應該係我呢位大埔朋友好耐都冇喺大埔食嘢😂求求期期是是但但咁走咗入去食嘢！因為我係同朋友兩個人食，所以就簡單咁叫咗半隻雞同埋微辣！呢隻雞煲都算係已味道來講算係幾唔錯嘅，同埋因為佢係一上菜改下已經可以食，唔需要再我等一下嘅雞煲！啱晒一聞到就會流晒口水嘅我！但係我個人應為佢嘅雞唔算特別好食！可能因為佢呢一隻雞嘅雞皮比較口雖然我唔知佢其他嘅係唔係咁但係我呢個感覺真係麻麻地！食到肥雞嘅感覺唔係咁好！再加上佢嘅雞肉比較”鞋”，應該稱唔想係什麼靚嘅雞肉！所以食完呢半隻雞煲之後冇乜特別大其他配料叫多咗個飯食飽咗自己就算數！😂

早前跟朋友去舊墟直街嗰邊覓食，朋友突然話想食雞煲火鍋，所以去咗試下八妹雞煲🍲！餐廳環境舒適，光線充足，冷氣也非常夠，不會有熱及焗促的感覺。（事關吃火鍋最怕唔夠冷氣🤨）當我們一坐下來，便會遞上醬料盤，有各種需要的醬料，有生、熟蒜、蔥和指天椒粒。醬料看得出的新鮮，而且不用我們前去拿取，算是十分貼心了！這餐廳的招牌菜當然是”雞煲”，我與朋友都不太愛辣，亦不太接受藥膳的味道，因此我們便選了胡椒豬肚雞鍋（半）($188)。加上我最近有點覺得胃寒，總覺得胃有點不太舒服。見到有胡椒豬肚雞鍋，當然要補一補！請注意，這裡的胡椒豬肚跟我們日常去的中式酒樓的午市小食一樣地入味，胡椒份量十分多，豬肚枝竹亦很多，雞是半隻，烹飪時間適合，十分入味，上菜時所有食材已經煮了，一連飲了幾碗湯而且不斷地享受雞煲，感覺一點味精都沒有。其他食材未到已有半飽的感覺。手切肥牛（小）（$168）肥牛方面，不像一般的可以透光，反而是厚厚的，這樣雖然耗時比較長，不過就更有肥牛的口感，同時也不會因為厚而令人有膩的感覺，實實在在的正宗牛肉，很老實的。混丸（$52）而混丸就有每日新鮮手打的魚蛋、貢丸、墨魚丸和牛筋丸，感受到真材實料！鮮味十足

最近朋友介紹有間雞煲好正，所以我就山長水遠入去試下半隻微辣雞煲（$145）個雞煲就叫咗半隻雞同埋微辣，雞件嘅份量都幾好多，亦都有唔同嘅部位;依個湯底雖然叫咗微辣，但辣味好夠同好香，最適合好辣之人享用！竹笙（$58）打邊爐點可以冇竹笙，呢度嘅竹笙條條都成把間尺咁長，煲完變得爽口彈牙，好開胃！蟹子蝦滑（$88）蝦滑好彈牙，份量都好多北海道帶子（$148）呢個簡直令人回味無窮，每一粒都有一個乒乓波咁大，煮熟之後仍然係鮮味十足，簡直係冇得頂！安格斯肥牛（$148）雪花肥牛（$108）打邊爐點可以冇肥牛食，我就叫左兩款頂級肥牛，兩隻都係高檔次肥牛，唔單止肉質鮮嫩，放入口所散發既牛味都好濃烈，正！芝士丸（$48）炸軟殼蟹（$58）娃娃菜（$29）竹蔗茅根一酌（$34）仲有呢幾款好有水準嘅嘢食總括而言，餐廳上菜快，服務質素好，食物水平高，值得一試！

又到星期一逢星期一就要食餐好既 kill monday blue 嘛聽朋友講 八妹雞煲係雞煲界算係數一數二咁好食所以book左枱同媽咪黎食～可能因為星期一兼我地都早食 所以舖頭吾多人環境都好好 冇其他雞煲店咁油煙 食雞煲最怕食完成身味 呢度食完都真係冇乜味 應該係舖內抽氣做得好 兼冷氣好足夠 夏天都吾怕會食到㷫恰恰34蚊一大渣茅根水 好多配料簡啊 我地叫左半隻雞 微辣 辣度有得簡的 仲有吾辣簡好貼心睇個樣都知正啦一場黎到 梗係食最貴既牛好軟好有牛香味！！好味 好味 好好味呃重要的事真係要講3次 xd圖中係生菜 芫荽 鱔片 甜粟同日本蠔可能有人會覺得叫菜同粟米e d吾抵但呢度既雞煲湯煮菜 真係一流d菜索哂d湯既精華omg桂花蚌 爽甜到顛見吾見到d帶子有幾大粒鍾意蠔既朋友真係要試下 超甜Overall,八妹雞煲真係我食過咁多間最高質

戈講就講得多 食就第一次 由小店轉大店確實名不虛傳，味道一流環境衛生很乾淨 好大間店 服務員招呼週到 看看餐牌選擇好多 連雞煲嘅味道都有好多款，心儀花膠雞煲同藥膳雞煲 好難揀諗左一陣都係叫花膠雞煲，美顏叫半隻雞 有很多花膠 ，件件都好大件好厚本人唔係好食得辣，但食雞煲唔食辣真係有啲失色所以後尾加雞汁要小辣 （後尾越食越辣）如果叫勁辣唔知會係點 我應該會噴火下圖為小辣我地叫嘅嘢食唔多，但響鈴真係值得一試，唔似出邊買嗰啲，因為佢係自己炸，咬落去除咗有雞汁仲覺得好熱，好似吃緊蛋散般！一問次下原來佢地係即刻新鮮製作so amazing呢個手切肥牛肉質好靚好滑 讚岐烏冬真係無得輸 煙煙銀銀有咬口 同埋識都尾先整來吃 吸晒雞汁既味我叫咗碟油麥菜 呢盆野好似盆栽🤣😅有圖有真相呢支天地1號好似酒既樣 但其實係蘋果醋 幾fresh 唔貴 後尾走去買左支返屋自隊總結下 食雞煲係適合一大班人食 就好似打邊爐咁 多啲人就可以食多啲野 如果人少少得兩個人 其實個人覺得會有少少貴有機會下次要一大班人再幫襯

<八妹雞煲真係食極唔厭>🔥🐥花膠雞煲 好正呀😍#fafafoodblog大埔呢間八妹雞煲其實我都幫襯過 覺得味道好 價錢合理又大件 所以 今次難得經過開大埔我又book左位食 😃 入面同往常一樣好生意 就算平日 都有8, 成滿 menu上面其實各種雞煲 🐥海鮮蟹煲 🦀 豬肚雞煲都有得點 當然 一般邊爐料有 . 仲有魚缸入面養緊新鮮既海鮮可供選揀 火鍋湯底點左 🍴花膠雞煲 半隻198 蚊 🐥半隻雞其實勁多雞肉 😈 一放上爐 炒幾炒就食得 . 佢係算乾身d既雞煲 醬汁大慨浸住雞 3, 4 cm大慨 醬汁香濃 甜辣適中 而且帶d沙沙口感 🔥中辣級別都幾辣 但又未到食唔到🌶 雞肉彈牙盡路辣汁 仲有紫洋葱 辣椒等調味 🐤 同往常唔同。呢個煲仲加左花膠 花膠勁多勁爽滑 吸哂d辣醬汁 真係冇得輸 食到甘上下就可以落料打邊爐 正😍🍴什餃 52 蚊🥟有新鮮蝦肉既雲吞 🦐魚皮餃 🐟仲有新鮮包既韭菜餃 🌿🍴滑豆腐 29 蚊真係好滑 🍴日本鱈場蟹柳 40 蚊🦀蟹柳放入鍋一陣就熟 夠哂甜同軟林 唔錯🍴海鮮芝士豆腐 48 蚊🧀一上枱就熱辣辣 似係日本嗰d好似魚蛋既豆腐 入面帶有d蝦蟹滑既味道🦐🦀

住大埔嘅同事一早推介過呢間八妹雞煲比我話好出名！係巷仔度今日去大埔等人收工，順便就行黎試下未去之前，以為係好舊嘅小店點知門口光鮮，入到去靚過一般茶餐廳似酒樓格局！樓底好高，所以唔會焗促，坐位都寬倘，2個人坐4人位坐低即叫雞煲先第一次食，未知辣度，先叫小辣試下半隻雞嘅份量，2個人好夠！食落好香，小辣對我朋友啱啱好，對我食開譚仔小-中辣嘅人黎講，我覺得可以食中辣，會更過癮！味道唔同我以為食過嘅雞煲佢除咗有花椒八角味，仲有浸甜味，好味道佢d配料價錢唔貴，所以咩都有嗌d食完雞煲就加湯打邊爐，落完曬呢一渣就啱啱好加埋d竹笙一齊煲，索曬d湯好正食落好爽滑！即炸響鈴，黎到熱辣辣我鍾意佢個size，因為我係浸一浸湯就即刻拎上黎食，呢個size易handle d好脆口，好好味諗唔到要蝦定墨魚滑好雙拼加10蚊就可以試曬佢d滑唔係彈牙嗰種，但食得到好足料特別係墨魚滑好有驚喜！食落口感有d似雞軟骨丸子另一樣驚喜係呢個芝士豆腐咬落去d芝士好濃！係杰身味道好似吉野家嘅芝士獅子狗但我鍾意呢舊嘅質感多d真係爆芝架😋😋打邊爐當然唔少得肥牛叫咗呢款a級安格斯牛花紋好靚，食落質感好好，油花分佈平均但奇怪嘅係牛味唔濃食到最尾

朋友推介之下去咗大埔搜尋美食最後我哋選擇咗食雞煲食完雞煲再打邊爐餐廳裝修紅噹噹以紅色為主 非常揚眼座位有卡位設計以及長枱 圓枱等等仲有包房添入到去幾乎爆滿好彩唔使等位醬料方面多款選擇有蔥粒 炸蒜 同埋蒜蓉辣椒粒另外加錢就有由於朋友食唔到辣最後我哋揀咗唔辣嘅雞煲遠處都已經聞到香味雞煲配料好豐富包括有洋蔥同埋芫荽等雞肉滑身 好入味而且份量好多一見到有手切肥牛就發青光肥牛條紋半肥瘦非常平均只需要灼一陣就食得食落去口感軟林林牛肉味都係我口入面散發出來火鍋配料中嘅午餐肉每一次打邊爐我都必叫除咗可以索晒湯底味道之外而且我好鍾意佢好林嘅質地除咗牛肉之外西班牙豚豬腩片都頂呱呱呈現粉紅色好大片半肥瘦好好食鴛鴦滑將的蟹籽粒攪勻再舀一小件放入火鍋湯底唔夠幾分鐘就食得食落去爽口彈牙 正花膠女士必叫養顏火鍋配料越煲越林 質感軟熟簡直有入口即溶嘅口感仲有黏口嘅感覺添除此之外仲有雲耳、油麥菜豬大腸、鮮蝦雲吞韭菜餃、蟹棒貢丸、即炸響鈴同埋脆肉鯇魚片估唔到呢間火鍋店非常多配料選擇食完真係捧住個肚出門口下次必定再encore

一向都鍾意食雞煲火鍋嘅我們，今次去咗大埔八妹雞煲試吓佢嘅招牌菜-雞煲。餐廳位置容易搵到，而且門口可以泊車，非常方便。夏日炎炎，首先叫咗一酌自家製竹蔗茅根水滋潤喉嚨、清熱氣，飲落去味道唔會太甜。朋友就叫咗一大杯凍檸茶，好有份量，而且非常冰凍。主菜雞煲來了，我哋叫咗唔辣，賣相非常吸引惹味，每一件雞件肉質鮮嫩，非常入味。牛魔王我哋當然唔少得叫兩份手切肥牛，即係牛頸脊，驟眼睇見到牛肉嘅條紋非常平均，而且呈現鮮紅色，非常新鮮。肥牛食落去有好濃郁嘅牛肉味道，口感好軟熟。火鍋配料中嘅鮮蝦雲吞同埋韭菜餃非常出色，除咗賣相吸引之外，仲要好大隻，皮薄餡靚，入面嘅豬肉同埋鮮蝦份量非常多，而且韭菜同埋肉碎味道好新鮮。蟹棒非常入味，簡直混雜咗湯底嘅精華味道所在。貢丸混合左蘑菇肉，食落去一粒粒嘅蘑菇爽口，非常新鮮。仲有即叫即炸嘅響鈴，非常香脆可口。除此之外仲有午餐肉、豬大腸、西班牙豚豬腩片、雲耳、油麥菜、鴛鴦滑、花膠同埋脆肉鯇魚片，食完真係非常滿足。最後食咗咁多嘢都只係＄1500左右，每人平均消費＄400有找，有咁好嘅服務質素，而且食物新鮮美味，真係值回票價。

原來幾位朋友們都未食過雞煲，所以我決定選一間略有名氣的雞煲店邀請他們試下。侍應見我們見到煲雞呆左不知道怎麼做，佢很好人地指引我們食法。又替我們攪拌個雞煲防煮燶。這兒除了雞件好食，連A級牛都很好食。不肥又沒有難以吞嚥的筋！而且擺設都認真！甚至連白菜都擺得好像插花般的藝術品，佩服！而韭菜餃的涵鮮甜，但略嫌個皮太厚呢。另外最想讚的是蜂巢豆腐！意想不到地好食。質感鬆軟又入味，好食到我都忘了拍照。這兒還有不少飲料選擇。我們選的竹蔗茅根都很清甜，仲有足料湯渣在內。滿意！而且這裡的環境都好光猛，抽氣做得不錯，又有冷氣。煲一直在煮，我們都不會覺得有侷促感。是一個良好的雞煲體驗！

八妹雞煲在大埔都算是數一數二的出名。今日終於得閒來試下。環境比想像中光鮮和坐得舒適。大家一坐低見到枱面就有一大樽液體，以為是薏米水想飲時........店員告訴我們是雞煲的湯底😂😂😂差點飲了呢度勝在選擇多。我哋其中一個朋友未病好，大家不想叫辣鍋。所以店員都好熱心咁推介我哋叫唔辣嘅雞，另外上碟麻辣醬俾我哋。而佢這個麻辣醬夠香夠麻！ 好正！ 不辣的雞件都夠惹味，肉質彈牙。這個芝士豆腐原來是即食，唔洗等超好。而且內有溶化的芝心，值得一試！ 起初以為響鈴是街市嗰啲。上菜時花了三秒才發現是響鈴🙈😂這個係okay好食嘅，但夾去浸很困難😂😂😂筷子功不好，件響鈴就會淋晒。 陳皮魚蛋的質感幾好嚼口😆陳皮味沒有蓋過魚蛋的味道。我們四個都超喜歡這支果醋，飲完仲添多了一支😂總括來說，這𥚃都叫做坐得舒服。雖然旁邊的客人爭吵聲都聽得一清二楚，但撇除這外在因素都是一餐不錯的雞煲。

有朋友住太和就快要搬出去了， 所以搵間附近既鋪頭食野歡送佢， 佢話想食雞煲，咁就諗起八妹了我地三個人， 所以叫得半隻雞， 留番d位食其他野～真心， 個雞煲真係得， 佢個醬汁造得好惹味， 雖然偏濃左少少， 可能為左下半場放湯打邊爐都keep到個味俾定壺湯， 自助式幾時想落湯開始打邊爐都得黑毛豬～ 切得夠薄，唔駛淥好耐就食得，口感一流又有夠肉味👍炸魚皮 - 夠大塊， 夠脆， 輕輕浸一浸個雞煲湯底食夠晒惹味～豬大腸 - 唔怕肥既真係要試下， 其實佢又唔係全脂肪，比例適中，唔會食兩舊就濟食唔到其他野豬潤 - 好新鮮好好味，但一碟有點兒份量太多， 因為一舊潤熟左後會發大好多手打魚滑 - 不嬲鐘意食手打魚滑， 呢間都冇令我失望，食落鮮味， 仲有加d蟹籽點綴一下， 加分👍👍以上碟碟都好夠份量好抵食😜我地平日夜晚去， 唔算多人，所以上煲上菜都快～加上裝修新淨企理， 黎開大埔真係一個飯腳聚腳好去處黎👍

好想食雞煲好耐， 入到大埔，個friend話點都要幫襯八妹。最鍾意食濃味嘢嘅我，啱晒，呢度雞煲真係一絕，兩個人叫咗半隻，仲可以叫麻辣醬 (小辣)。先上雞煲，件件即刻食得，啲雞確實非常之滑，醃得非常入味。另外叫咗什餃，豬肚，手切肥牛，日式芥辣貢丸，陳皮魚蛋，當然要試埋佢嘅炸魚皮同埋響鈴。打邊爐食雞煲，辣辣哋，當然要飲可樂，另外嗌咗竹蔗茅根水，大大酌，抵飲，後來發現呢度有天地一號蘋果醋，下次再飲過。雞煲材料有秘製醬汁，辣椒仔，洋蔥，芫茜，蒜頭..... 另外配 一壺雞湯，吃完雞件，加雞湯便可以繼續打邊爐。魚皮又香又脆，食咗成餐，最後一塊依然脆。繼續要讚嘅係果皮魚蛋，細細粒，煙韌程度啱啱好，喺度畀我食到我最鍾意呢款魚蛋，真係好開心另外要提嘅係，呢度嘅雲吞，裏面大大隻蝦，值得一試。呢度嘅響鈴係師傅自製即炸，果然同出面有分別。個豬肚放入去一陣間, 索下啲汁就食得，爽脆，正!手切肥牛，厚切，放入煲滾咗陣，入口依然好吃，豐富肉味。日式芥辣貢丸果真好吃，出面好難食到。

光顧開一品，比較喜歡有一點甜味的雞煲，住在附近，所以來試試雞煲味道普通，沒有想再次來光顧的想法海鮮芝士豆腐是唯一推薦的，不錯吃鱔片不要點，沒咬感，比好一煱任吃的還差，完全不想吃，而且不便宜。。牛肉忘了點了那種，有牛味，還可以耶汁，飲料就沒特別的，只是想解渴，就像超市罐裝那種味道響鈴也一般，不特別好吃，要吃響鈴記得雞煲下水前吃，因為有些人會不懂這個，下水後吃會不好吃,下水後雞煲味道其實不太夠，建議下水時下少一點試試味道。。