八妹雞煲

營業中

休息中

幾年前同朋友食過一次八妹雞煲，已經好想再食，但一直都未約得成~今晚終於食到喇！八妹雞煲搬咗大鋪，就係舊鋪位隔離，座位鬆動左好多舒服左我地四個人，入座起計2小時有得揀辣度，我地都唔食得辣，就嗌左唔辣！本身預左嗌唔辣無咁好味，但上菜後發現唔會，香味依然，醬汁惹味，帶有少少甜味。食過咁多次雞煲，暫時依間醬汁最好味，不過雞肉肉質方面就唔係最嫩食完雞後，加湯打邊爐，咁既湯底真係好美味。而打邊爐既材料都算多，質素方面都無特別，碟牛就最欣賞既！幾個女仔食下傾下計，侍應姐姐就提我地夠鐘要埋單，對於我地2小時唔係好夠

今日約左小胖女同佢屋企人慶牛一,要收工飛過去大埔食飯,而小胖女一早就BOOK好左呢間八妹雞煲,都岩既,一班人食多選擇好多,又夠哂熱鬧一坐底梗係點個招牌雞煲(半隻雞份量)啦,叫左小辣,聞到好香既辣味,慢等10分鐘終於食得,非常足料,小弟一定會食哂d洋蔥,夠哂甜,雞肉都好入味同好滑,小辣刺激度適中,岩哂初嚐雞煲既小胖媽話咁快食完個雞啦,店員加埋湯就打邊爐,呢度唔洗用調味料,因為食雞煲個汁已經夠哂入味,我地點左好多火鍋料,安格斯牛,手切肥牛,黑豚肉,即炸響鈴手,竹笙,手打蝦膠拼墨魚膠,大量蔬菜,一定要講下個安格斯牛,雪花均勻,好重牛味,岩哂各位牛魔王口味,食飽飽當然要整返杯大大杯椰汁冰啦,店員服務亦都非常好,定時會黎加湯,抵食又開心咁食完個生日飯

雞煲就食得多，周圍都話自己啲雞煲好好食同埋夠辣，但係食落去都覺得好似冇乜特別，今次就同女朋友試吓大埔呢間八妹雞煲。可能我哋早到嘅關係，六點半左右已經到唔係好多人，但係我哋食到七點左右已經爆曬，仲有人係出邊等位添。我同我女朋友到一半食得辣，但係都驚佢太辣嘅關係同埋呢排天氣轉感冒咳，所以我哋淨係叫咗個微辣半隻雞食咗先。你嚟到已經聞到陣好香嘅雞煲味，由於佢嘅味道好攻鼻，未入口啲口水已經流晒，兩個人食半隻雞煲其實都已經好夠，因為之後都會打邊爐，距啲雞好嫩滑同埋好入味，佢嘅麻辣好勁，不過令到人哋食完想再食。佢哋嘅嘢飲都可以，我哋第一轉叫咗竹蔗茅根水，之後就一人一支烏龍茶。一嚟到就唔少得叫肥牛啦，佢哋佢哋啲肥牛又唔算太肥，食落口好牛味同淋身，正！之後一定要叫佢哋嘅午餐肉，佢哋嘅午餐肉係後設，就咁睇落去好似呢度已經有半罐嘅午餐肉，份量都算多。之後叫咗個如畫同埋芝士豆腐，芝士豆腐入口好香濃嘅芝士味爆曬出嚟，我呢啲只是紅一定唔會放過啦，建議如果鍾意食芝士嘅人都可以叫。我哋兩個人大概叫咗六樣嘢食再加多雞煲其實都已經好飽，仲要係唔係好食得晒，所以建議如果下次想食都係多啲人一大班人去食，可以食多幾款唔同嘅嘢食

成日聽到朋友話去大埔食雞煲一定要食八妹雞煲，今次終於的起心肝同男朋友食返一轉！！朋友嘅推介果然最可信，食完我已經計劃緊下次幾時再食！😍😍仲要約多幾個朋友，大家一齊夾錢，食物選擇可以多啲，價錢除翻開仲可能平啲添🤤🤤我哋坐低左之後，侍應姐姐就叫我地揀雞煲先，可以揀辣，又或者唔辣。我哋唔知道個辣度，平時又冇話特別食得辣，所以揀咗微辣試吓。但我覺得，下次點都要嗌小辣！一黎個雞煲可以惹味啲，二來打邊爐個湯底都可以濃味d🤤配菜都好出色，紫洋蔥！平時我唔會點食洋蔥，我基本上都食晒入邊啲洋蔥！！大家想食甜啲嘅洋蔥，一定要等啲雞食到七七八八 ,就開始食洋蔥，嗰陣時嘅洋蔥係最正嘅🤤🤤我哋兩個人，嗌咗半隻雞，之後就帶咗六碟左右嘅打邊爐材料。佢啲材料份量好勁，兩個人真係食唔晒😫炸魚皮，打邊爐嘅must item☺️好香好脆，完全冇疏氣。跟住我哋揀咗個鴛鴦滑，好真材實料，而且好彈牙！份量好多！！另外推介嘅係佢個午餐肉，佢係用梅林午餐肉。有幾好食唔使大家講，配埋打邊爐，一流呀！其實打打下，我哋已經覺得個湯底唔係好夠味，佢好在另外有得呀一碗雞煲汁，我記得好似＄15，冇得揀辣度。佢嚟到，原來好鬼大兜😂😂😂我哋不左一半左

嚟到 大埔 太和可以試下好出名嘅八妹雞煲個雞煲嘅辣度係可以選擇 唔食得辣嘅朋友可以揀唔辣我今次同幾個朋友一齊所以揀咗 小辣食完雞煲之後可以放湯變做打邊爐配埋美國雪花肥牛游水鮑魚 竹串鮮蝦 北海道帶子 羊肉片 等保證食到lam lam脷

近排凍凍地，最好就食雞煲打邊爐。同朋友叫左麻辣湯底同半隻微辣雞，麻味夠，少少辣，過下口癮啱啱好。雞肉嫩，索哂啲汁好好味。食到咁上下就加湯打邊爐，咁就唔會變淡，而且仲keep到陣麻辣香料味。手切牛肉好有牛味，加上有番咁上下厚度，好滿足。如果用其他淡味少少嘅湯底，相信牛味會更重！安格期肥牛肥瘦均勻，薄薄一塊，入口即融，一唔小心就會食哂成碟。桶蠔新鮮，一咬落去蠔汁就爆哂出黎。桂花蚌爽滑彈牙。鴛鴦滑嘅蝦滑同墨魚滑都食到入面有蝦粒同墨魚粒，夠哂足料。墨魚丸加左墨汁，墨魚味更加重。芝士豆腐最驚喜，因為原來係熟食，芝士仲好夠添，可以當餐前小食。生根大大嚿，同出面買嘅唔同，索汁一流，零油益味。蔬菜新鮮！嗌咗椰汁冰同竹蔗茅根水，前者椰味濃厚，就算擺耐左都唔會淡，後者就清甜，用黎清熱解膩就最好！

朋友生日，一年先得一次，即使係3個窮學生，都係要食豪D食好D先得嘅，最多之後節衣縮食一D啦！以前有聽住新界區嘅朋友推介過呢間雞煲，不過住九龍嘅朋友一路懶得入去食加上平時嘅我都係比較慳錢，通常食雞煲都係食$1xx任食個D，唔太捨得食逐樣計錢嘅。今次真係第一次～之前聽朋友講要等位等幾耐下，可能因為今次係平日，一黎到就可以直接入座，不過都餐廳都有80%入座率，餐廳都幾大，以平日黎講都算唔錯。一入座服務員就攞左湯同紙巾比我地，提我地要快D落左湯底先，服務都幾周到。其中一個同行嘅朋友黎過食一次，所以有推介我地叫某D野。D野食全部都真係比任食高質好多首先就講下個雞煲先啦～3個人食唔到咁多，要留返個肚食D料加嘛，所以叫左半隻。超級濃郁！！！而且雞肉都算幾嫩滑，對於我黎嘅超鐘意食雞嘅人黎講真係控制唔到自己夾完一舊又一舊。好彩只係叫左平隻，如果唔係真係唔駛食其他野。跟住就到火煱配料啦～首先係海鮮，冇錢又學人食海鮮。我地3個都超鐘意食蠔美國桶蠔又唔太食得起，所以就叫左日本蠔。一碟有6隻，都幾大隻，呢個價錢都算OK呀。蠔都幾鮮甜，可惜我地落左落去之後唔記得左佢地，搞到有少少overcooked 左，口感唔夠

放工入大埔食八妹雞煲，一入到餐廳已經香氣四溢。雖然我地兩個人，但店員都安排四座位，方便放食物同衣物。菜單好簡單，有兩頁：店員先提醒我們要點火鍋㡳，因為需時十五分鐘。我地點左半隻雞微辣。雞煲用料十分足，放入新鮮紅洋蔥同芫荽增加香味。雞煲只有少少辣同帶甜味，適合我唔食得辣的人。雞煲份量真係有半隻雞同啖啖肉，唔似出面有d淨係得骨架麻。食完雞煲，加入雞湯就可以打邊爐了。我地兩個人，只點左幾樣野本地手切牛雪花均勻，食落仲軟棉棉，牛的脂肪慢慢滲出來然後溶入口中，口感非常豐富。建議不要煮太久，會浪費。牛肉粒雖然無本地手切牛口感豐富，食下去時，也有濃厚的肉汁。蔬菜藍適合二人點，咩都有。如果皇帝菜再多少少就好了。鮮腐皮腐皮剛好吸收了雞煲湯的精華混合蝦滑同墨魚滑蝦滑較為出色，配合蟹籽爽滑彈牙。野飲叫左竹蔗茅根，大大杯凍檸檬茶同大大杯椰汁冰。雞煲加椰汁冰係最能解渴。埋單食左七百幾蚊

胡椒豬肚鹹菜雞煲之前行過見到有胡椒豬肚鹹菜雞煲已經覺得好創新，因為平時食原味辣雞煲就試得多，今日一試果然唔伏! 二人叫左半隻雞，d雞系新鮮未煮既，上台連埋個湯底一齊上。湯底夠味胡椒味重而不太辣，食落即刻成個胃暖曬。雞都新鮮，好滑。豬肚有10舊左右，爽口。食完半隻雞當然未夠喉。我地叫左個雜菜，有埋鮮露筍，秋葵同埋粟米仔，呢d 平時我都唔會黎打邊爐，原來口感都幾得意。仲叫左餃子拚盤，鮮蝦雲吞正啊，d 蝦大大隻爽口彈牙，不過得2隻。一開始對頂級墨魚丸無咩期望，點知超級有驚奇，勁多墨魚肉，成大塊，好誇張， 墨魚控一定要試。最後以一碟雪花肥牛作終結，肥瘦剛好，正!

今日氣温只有8-9度，好凍好凍同好凍，加埋小小雨粉，好濕好濕同好濕，兩樣加埋真係又濕又凍，重有埋風吹，真係風吹雨打加凍。所以想打邊爐或者食雞煲。身在大埔於是行咗去舊墟直街睇吓，有小肥牛，有韓燒都吸引，但係最後揀咗八妹雞煲，因為實在太凍太濕。入到去坐落個職員已經叫我哋要乜嘢煲，因為要兩三個字時間整，所以比佢係咁吹之下叫咗個小辣雞煲加豬皮。之後再睇餐單先發現重有好多款式揀，如果可以我想要返藥膳雞煲。個雞煲到咗，味道好好，雖然在我心目中都比不上荃灣出名嗰間，但佢已經好過我食過其他鋪的雞煲，可以排第二位。小辣味道適中，帶有甜味，麻味亦都突出，而雞方面無荃灣出名的咁滑，而越食發覺越甜，而雞件切法一般，有大件有細件咁，但都好過大圍嗰間咁全是亂切的咁同碎濕濕咁。但可惜是雞煲的洋蔥同芫茜唔夠多，係少。豬皮夠林，椰子冰都好飲，但白飯好細碗及啲飯好硬，但整體而言雞煲係好食的。

Weekday收左工山長水遠入到大埔同契媽慶祝生日揀左佢最鐘意既雞煲打邊爐同佢慶生環境都幾企理乾淨 估唔到平日都有唔少人夜晚嚟食雞煲打邊爐 由於唔係個個都食得辣 所以點左只係小辣既全隻雞煲🌶雞肉好滑 個汁拿捏得好好 除左食落有花椒八角既香味 仲辣得黎帶小小甜味 非常惹味$208成隻雞 以咁既質素黎講一d都唔貴有佳餚又點可以無美酒呢間八妹有勁多種啤酒揀 白啤黑啤乜啤都有呢個自家制即炸響鈴炸得好脆 唔油膩 好味食完雞煲 個汁咁正點可以浪費?!無肉不歡既我地點齊安格斯牛,本地手切靚肥牛同黑豚肉安格斯牛比較有咬口 牛肉味亦比較濃而本地手切肥牛就脂肪均勻 以滑取勝 各有千秋另外仲叫左手打蝦膠拼墨魚膠仲第一次拎勁大塊既野生竹笙黎打邊爐飲到勁飽食到好醉

半只雞量不大，肉質比較肥嫩，雞肉切塊比較大，醬汁鹹鮮味為主，輔以辣味，的確很好吃。通常來講習慣一樣，吃完後加水涮菜，所以鍋底的調味料很多，能吃出來，香料味極其重。陸陸續續就有不少人來了，都是當地人來著。

前一陣子身體不適，要戒雞戒辣，一好返即刻想吃雞煲打邊爐，這天在新界返工，於是近近地去大埔這間雞煲餐廳。一來到二話不說就要了半隻麻辣的雞煲，半隻兩個人依剛剛好，份量十足，也有很多香甜的紫洋蔥。剛吃的時候醬汁比較濃稠，卻又不會太咸，這也解釋了之後加湯了好幾次，湯底仍然很濃味。雞肉大件沒有碎骨，煮得入味，而且十分嫩滑。吃完雞肉之後就直接加湯加邊爐，識食的話一定是先放蘿蔔入湯，煮到最後很惗又吸盡了湯汁，蘿蔔亦十分新鮮而清甜。竹笙也是雞煲必點的材料，咬下去很爽脆。打邊爐當然少不了肥牛啦，不過今次我們點了手切肥牛，薄薄的很快熟，肥瘦分佈平均之餘也很新鮮，牛味十分香濃。豚肉片同樣美味，羊肉也沒有膻味。手打烏冬一樣沾滿湯汁，質素比起一般的平價烏冬明顯更高，不會有酸味，也不易斷。大大杯的凍檸柑桔，解渴之餘又份量十足就不怕不夠飲要不停點飲品的了。

今日有一家四口專登揸車嚟到大埔搵好嘢食🤘🏻🤘🏻大埔真係好多好嘢食，不過平時成日都嫌麻煩唔想搭咁遠車黎，但係同屋企人黎唔使自己搭車就遠啲都無所謂啦🤤呢度人流真係超旺，我哋七點幾嚟到嗰陣時未有咁多人所以即刻就有位坐，但係食食下竟然發覺呢度不知不覺間已經full左！真係好熱鬧，不枉我哋都專登過嚟食🤣🤣就咁睇Menu見到個價錢唔算太貴所以就點左好多黎食，點知原來價錢唔貴嘅原因唔係因為佢嘅份量少，而係因為佢真係好抵食！😆啲嘢食送到上嚟我哋都嚇一嚇，冇諗過個份量都幾足下！搞到我哋最後仲食淨左少少添！而飲品Menu上面寫住嘅「大大杯」飲品，我哋都叫咗兩杯凍檸柑桔黎飲，果然都真係冇呃人，真係好大杯，可以一路食一路慢慢飲，特別係雞煲呢啲重口味野，冇翻咁上下大杯嘅嘢飲真係唔掂😂😂😂首先係個雞煲，辣度我哋選擇咗小辣，而雞我哋就叫咗全隻，對我地來講啱啱好，而且佢除咗辣之外麻既感覺都好出，食落口十分惹味🤤🤤之後我哋就點咗好多唔同嘅嘢食啦，配埋原本雞煲嘅湯底真係一流，所以我哋叫到成枱都係，好彩我哋都有四個人，每人食少少都可以試到好多款😍😍其實就全部嘢食都好高質，但係就特別推介呢度嘅手切肥牛，＄198絕對係超值！另

以前聽講過大埔有間雞煲好好食，所以今日趁全屋齊人就成家特登走黎試下😆去到先知原來間野真係好旺，閒日都坐爆人，好彩有book定位咋🙈睇佢個menu其實都幾多野叫，價錢一望都覺得唔算特別平，但係佢所有野食都超級大份，我地一開始冇諗過份量咁多仲係咁點，點知最後食唔晒😂佢連餐前小食同埋飲品既選擇都唔少架😆我叫左杯凍檸柑桔，真係好大杯😂😂仲好好飲！食雞煲有啲重口味，飲呢個啱啱可以中和返少少😂八妹雞煲最岀名就係雞煲😂而佢果然冇令我地失望😍因為真係 好 好 食 呀！平時啲雞煲上到黎仲要慢慢等佢熱，有得睇冇得食，但係呢個黎到即刻食得😆啲雞好嫩好入味，個汁真係好食到唔識形容🤤好香好香好好食❤呢個本地手切肥牛真係不得了😍肥瘦比例啱啱好，好林，好新鮮 食得岀絕對唔係冰鮮肉，煮完之後吸左個雞煲汁，但又唔會蓋過左個牛味，好正好正😍蟹子蝦滑一份就整到好多粒😍仲好彈牙好好食🤤炸響鈴超大份！啲響鈴大大舊，我地四個人都食唔晒😂個汁咁好食一定要叫個響鈴吸晒佢啲汁食🤤叫到成枱都係😂叫左咁多飽到死死下最後大概1400蚊，唔算特別平但勝在啲材料夠新鮮夠好食夠大份😍