八妹雞煲

營業中

休息中

雞癮發作，即叫上好姊妹叫個雞煲先，咦？原來雞煲大廈外牆維修，只怪得木棚一個又一個，害我們跟著google 也找不到八妹的招牌，以為老遠白跑一趟，看真一點，終於找到門口，高興坐下，這個時候也挺多人秘製八妹雞煲半隻中辣雞煲嚟到已經好香，一囗咬落雞肉好入味好香濃，初時害怕雞會有點嚡，但完全沒有，雞肉依然嫩滑，我地連配料也食得一干二淨我倆食得辣，叫店員添加辣汁，待食完雞件後用辣汁做火鍋湯底，果然是最識食的墨魚滑我可以表演飛墨魚滑絕技，就係彈到周圍係，wahaha……墨魚滑彈力十足，經過雞煲剩下的醬汁，墨魚滑非常入味再加上辣味，令人回味無窮三并：淮山萵筍蘿蔔片濃味過後，選擇簡單清新的淮山萵筍蘿蔔片三并，原來沒有什麼味道的蔬類，浸入火鍋中，味道變得非常有層次，辣味帶甜北海道帶子見到旁邊一枱的帶子很大很新鮮咁，就叫上一盤，帶子果然鮮甜，加上我們的辣汁，甜中有辣環境挺不錯，店員有禮貌，雞煲值得推薦

琴日既天氣突然變凍，於是決定同朋友到大埔既八妹雞煲暖下身。我地係太和站落車，行左大約十分鐘就到。當日既人流唔算太多，一黎到就可以坐低。呢間雞煲有好款湯底選擇，好似麻辣湯底、番茄濃湯等等。我同朋友叫左一個微辣湯底，味道亦十分惹味。我地叫左一隻雞食，份量超足！食完雞煲之後，我同朋友再加湯打邊爐。八妹雞煲有好多火鍋配料，肥牛、丸、菜一應俱全。而且佢地仲有提供好多海鮮Tim！我地叫左肥牛同埋牛粒，兩款肉都好高質，食落非常滑口，而且每碟既份量都好多。另外我地仲叫左好多丸，食得好飽。我地最後每人食左四百幾蚊，絕對物超所值，除左食物好食之外，份量亦十分之多，而且飲品選擇都有好多選擇，連竹蔗矛根都有，各位邊爐控一定要去試試！

立冬就可以去打邊邊啦, 不過唔使等冬天; 一年四季, 任何時節也可以去打邊邊。在香港, 天天去打邊邊也是很合時宜的。  三五知己的, 雙雙對對的情侶, 知心好友, 閨密好友都會0黎打邊邊, 邊打邊食邊傾偈, 很寫意自在入到店內已經坐滿人，座無虛席，真係人頭湧湧。很喜歡乾淨又整齊的碗筷, 店員很細心幫忙替換。 食的健康, 自在又乾淨, 人生享受.......樂也。 MENU : 圖片精美又清楚, 一定不會點錯自己想食的食物啦點左秘製雞煲, 好野味, 雞又嫩滑, 好好味。有了雞煲, 就點D素菜食, 有雜菌菇, 羚羊, 炸魚皮, 蜂巢豆腐, 四丸 ( 牛丸, 墨魚丸, 魚旦及貢丸); 食的健康又滿足。八妹推介的, 本地牛。手切肥牛(小) $168 & A級安格斯肥牛(小) $ 148 。 我們各點了兩款肥美牛肉片0黎打邊邊, 超級好味, 牛肉味濃,  牛肉嫩滑。打邊邊一定不能少的乾蒜, 生蒜, 新鮮蔥粒及豉油。手切肥牛(小) $168 : 口感很嫩滑及牛肉味濃, 好食。  A級安格斯肥牛(小) $ 148 :  入口即溶, 又大片, 放入口, 好滿足。牛魔皇的人, 一定要點0黎食的A級安格斯

而家天氣開始凍又諗住想烚下烚下，但係唔想去啲普通快餐店或者火鍋店到食打邊爐 咁啱諗起呢間雞煲都會做埋打邊爐，所以今日就嚟試下呢度環境幾舒服，啲位唔會坐得好迫餐牌入面有好多推介，食物嘅種類都好多有註明邊啲係推介食物第一時間點左個雞煲先，因為有小朋友喺度所以揀咗個唔辣嘅雞煲雖然係唔辣，但係個雞煲嘅味道依然都好惹味，甜甜地幾開胃，連小朋友都覺得好好食食完個雞煲就開始打邊爐 打邊爐最緊要係有肉片今次揀咗個西班牙黑豚豬腩片個腩片好滑，有啲脂肪，食落唔會好鞋另一個係海鮮芝士豆腐，呢個一嚟到已經係熱，如果覺得肚餓唔想等嘅話就可以點呢個食咗先，因為有芝士好惹味另外點左羊肉片，味道唔太騷嘅好食，另一款係台灣腸，味道特別啲唔同一般嘅腸仔另一個比較特別嘅係鵝腸 唔係度度打邊爐都食得到 鵝腸淥完之後都仲好爽口呢個即炸響鈴真係必點，因為份量好足，大大塊可以索到好多湯汁，好好味唔想樣樣嘢都食得咁肥，所以另外叫咗啲牛柏葉同埋金菇菜小朋友話想食麵，所以叫咗一個拉麵試下呢隻麵幾索湯汁，放落去淥兩淥就食得，索左湯味道更濃郁食完咁多嘢就想飲返啲嘢今次健康啲揀咗個竹蔗茅根 雖然係第一次嚟，但係呢度畀我嘅感覺幾好， 食物夠多樣

今日嚟到區內出名嘅八妹雞煲。餐廳環境乾淨 ，闊落， 有卡位坐。餐牌有多款特色雞煲選擇， 例如花膠雞煲， 藥膳 花膠雞煲， 如果唔食雞都有款蕃茄肉蟹花甲鍋。火鍋配料都有好多選擇， 仲有多款海鮮配料可選擇。我哋當晚叫咗個秘製八妹雞煲 (全隻)， 因為有朋友唔食得辣 ， 所以個雞煲叫咗唔辣， 但見到menu入面 有八妹辣雞汁叫， 可以照顧到食辣同埋唔食辣嘅朋友。雖然叫咗個唔辣嘅雞煲， 但係個醬汁都好惹味， 雞嘅份量都好足夠。個辣雞汁好正， 香濃嘅川味辣汁， 有少少麻辣， 鍾意食麻辣嘅朋友一定會喜歡。食完個雞煲， 餐廳供應咗啲湯底畀我哋加落個雞煲到， 唔怕被溝淡。叫咗個什餃， 包括韮菜餃， 雲吞同埋魚皮餃。叫咗羊肉片同埋台式香腸， 羊肉片食嗰時點咗辣雞汁， 羊肉味重， 又唔會太騷。a級安格斯肥牛， 脂肪分佈均勻， 肉味濃， 入口滑。 極推介。即炸響鈴， 上碟嘅時候仲熱， 香脆可口。成餐飯嘅感覺都好好， 服務員嘅態度都好， 做野快手， 唔會有空碟喺個枱度。下次如果想食雞煲都會返嚟呢度。

大埔朋友推介的八妹雞煲，真的很不錯！醬汁香麻辣俱備，雞件多肉而且嫰滑，還有大量紫洋蔥，煮久了很甜很入味。我們趁還有醬汁時，首先落了加配的烏冬。烏冬吸收了醬汁的精華，十分惹味！不過有點兒咸...吃到這裡其實已經有點飽了喜歡他們的薯仔，是有預先炸過的，特別香炸魚皮香脆，點醬汁特別好味墨魚滑吃到粒粒墨魚肉，彈牙不會硬午餐肉如果有先煎一煎會更好脆肉鯇魚骨腩有點腥蔬菜新鮮這𥚃的食物份量頗多，性價比高。我們二人眼闊肚窄點太多吃不完⋯

天氣時冷時熱，不過無損我地打邊爐嘅興致，放工與友人到大埔食飯，友人已預先上網找好食飯地方，我們直接到達八妹雞煲火鍋店。店內光猛乾淨企理，感覺舒適，黃色牆身非常吸睛又富現代感，這個印象還不錯來到當然叫個秘製八妹雞煲半隻，食得辣嘅我們叫左個中辣，雞非常入味，整體調味適中，醬汁不會太多或過少，雖然只叫半隻雞，但雞件好多又啖啖肉，我倆已經食得8成飽，還未叫火鍋料，所以只簡單點數個食材打邊爐三并包括淮山、萵筍同蘿蔔片，鮮淮山不是很多地方有，鮮淮山打邊爐係好好味的，萵筍清甜也是一個非常不錯的選擇不能缺少的手切肥牛，牛肉油花均勻，煮熟後口感特別鬆化，入口那股香濃牛味，非那雪藏美國特級肥牛肉可比我喜歡的墨魚滑，別小看這一個墨魚滑，分拆後變得好多粒，此時飽到不行，墨魚滑超爽口彈牙，墨魚味十足，口感也很好，必須點的娃娃菜是一個完美的結束食材，真心飽到一個點，辛苦友人幫忙食光光。這次雞煲火鍋很完美，心身満足！😋

原來餐廳棟大廈外面牆維修,好不容易先搵到正門! 可能時間尚早, 吾算人多,一入就有位坐。櫈都未坐好，侍應生已經給我們送上餐牌。點左個半隻雞加秘製麻辣醬, 挑戰自我極限!成功不用飲水, 兼且覺得同雞味好夾! 每張枱上都有壼雞湯任我地倒，按需要可添加！最好味係嚮鈴。 可能腐皮較新鮮炸, 所以浸耐左好吾怕淋。肉只點了羊, 因吾太好肉, 但又吾太羶味, 更有鮮味! 我既主菜黎啦, 就係菜! 有鮮淮山和菜拼盤。湯底既精華比菜吸哂。👍蟹柳👍

天氣稍為涼少少, 急不及待要去食雞煲。今次就搵到"八妹"試試! Book 左枱既關係, 一入到去即刻有人帶去卡位。裡面光猛, 座位寬敞，樓底夠高, 最重要係冷氣夠凍, 使空氣流通, 不會有很焗和吸味既情況。兩個人食就揀左半隻雞就夠, 可以揀辣度，揀左不辣。雞煲黎到已經聞到好香，入口非常惹味,  最衰朋友吾食得辣，如果食得辣，一定要揀秘製麻辣醬，應該仲正! 呢個「秘製雞汁」真係重中之重，除左主角雞之外，仲有好多香料！食雞食很八八九九，就加上雞湯，打邊爐起動了！先點了「2人必點」的混丸、什餃、八妹拼盤。混丸有魚蛋、墨魚丸、貢丸、牛筋丸。最喜愛墨魚丸，好彈牙，裡面仲有墨魚粒，正呀！牛筋丸都爽口彈牙！ 什餃有雲吞、韭菜餃、魚皮餃。推介韭菜餃，正正因為皮夠厚，可以hold 住入面韭菜餡料，就算浸耐d都吾驚散開！有很多不同種類菜，十分健康！尤其第一次南瓜打邊爐，南瓜吸收了雞汁湯底，味道份外濃郁！必食！響鈴！！！雖然好邪惡，但浸2秒就吸哂湯既精華，好味到冇朋友！ 牛魔王既我點左牛肉粒。雖然味道不錯，但經浸一浸後縮左水，冇咩肉食！😂打邊邊一定會飲消滯又生津既凍檸柑桔, 裡面有話梅添! 呢個亦係呢間既招

我叫左個最貴既手切牛肉，諗住會好好食，點知係無牛味之餘又韌。響鈴好油，係有油一滴滴咁流岀黎嫁。成餐邊爐算最食得落口既得雞煲...飲品好一般，檸檬茶無茶味，得糖漿。佢只收現金，要收加一。收加一無問題，但收加一後，佢重會找散十幾蚊要你俾貼士。俾貼士都無問題，但店員態度一般，無禮貌。環境方面都好一般，佢位與位之間好窄，坐既位置都係木凳黎。就算無咩人，店員都會安排埋啲客人坐埋一邊，感覺好壓迫。真係可一不可再😓

食雞煲係好即興的事情o.ov, 想食就食所以夏天吃好有挑戰感。這間店鋪是單點形式，對於一堆伙伴的組隊食飯，最為方便邊吃邊聊天。來到就緊係食鎮店推介：秘製八妹雞煲w可以選擇的辣有4種程度(都有提供唔辣)+.+ 我當然要食最辣啦xd 特別在秘製醬汁，越食越麻，有種噴火的程度勁辣，個種辣味很特別，食著慢慢散出，亦不會維持太久。滲入雞肉當中，加上雞的肉汁，整個煲都惹味無窮。牛魔王：喜歡吃肉的表示選了很多的肉類xdd包括A級安格斯牛肉及手切肥牛。絕對要推介手切肥牛，牛肉的味道較突出，濃香度較高，因雪花相對靚，入口軟綿綿。凍椰子汁：解麻解辣最佳配搭，味道較甜，但不是太過份的。這款黑啤推薦w羊肉片：鮮甜的肉，即是怕味道的我都喜歡這款的羊肉。天地一號：傳說中的吃火鍋要點的飲品 - 蘋果醋，甜甜的帶氣泡，食麻辣都解味。墨魚滑x蝦滑：口感很爽，亦很有海鮮的味道，一定要品嘗的推薦。

今日去咗大埔附近做義工 聽啲街坊話呢間雞煲好正 就嚟咗試一試 原來油麻地都開咗分店㗎🐷餐廳好光猛 櫈嘅顏色好有格調 同一般嘅火鍋店好唔同 侍應安排咗我地兩個坐卡位 都坐得幾舒服 侍應一嚟就俾咗壺湯我地 等我地食完雞煲就放湯打邊爐 服務唔錯😻秘製八妹雞煲半隻 因為兩個人唔食得太多 只係叫左半隻 但雞煲份量都唔少👍🏻今次驚佢太辣 所以叫咗小辣 但係我同友人都覺得辣啲都接受到 啲雞件幾好 唔似得有啲雞煲俾埋啲無乜肉嘅雞件A級安格斯肥牛 雖然只係嗌咗碟細嘅 但份量都好多 而且味道幾好 牛肉有好靚嘅油花😋混丸 係其中一樣二人必點之選 有四款丸嘅 有牛筋丸 魚蛋 墨魚丸 貢丸 款款兩粒 岩晒乜都想試下嘅我 而我最鍾意嘅係牛筋丸 牛味依然好重🤤雜餃 都係二人必點之選 有雲吞 韮菜餃同魚皮餃 韮菜餃雖然皮唔算太薄 但個餡整得幾好 淥完入面仲有好多肉汁⭐️即炸響鈴 形狀好特別 好似個波咁 而且好香脆 浸落湯度 吸晒啲湯好惹味😗南瓜 呢樣並唔喺張餐單上面有得點嘅 不過友人就好鍾意食南瓜 又見佢個八妹拼盤有南瓜 就試吓問吓侍應有冇得單點 竟然有嘅🙊 南瓜都幾甜凍檸柑桔 雖然檸味唔算重 但柑桔味好出 幾好飲🍊

成年幾兩年無食過雞煲，次次經過八妹雞煲，聞到陣除已經流晒口水，奈何次次都無機會食到。終於，今日機會黎啦，正，滿足下自己個胃。 一坐底即叫一隻雞微辣，因為要預15分鐘整。之後再慢慢叫火鍋料。叫左一碟細嘅安格司牛，一份黑豚片，一份混丸（魚旦，墨丸，黑椒牛丸，貢丸各2），一份蟹子墨魚滑(成個飯碗甘大份)，一份至愛嘅響玲（8大粒），一大碟蘿白。 期待已久嘅雞煲上枱，香噴噴。加埋芫茜西芹嘅香味，超正，即刻密密食。微辣岩岩好，又唔太鹹。火鍋料陸續上枱，隻雞又食得7788，加埋無味精嘅湯底打邊爐。 但加左半份湯後味道淡左，所以叫左個雞汁加入湯度，個味馬上吸引番。牛肉入口即溶，丸類夠晒彈牙，蘿白夠入味，響鈴吸晒啲湯超正(我食左4個)。 雞汁同入晒味嘅響鈴另外叫左個巨型檸茶，大過罐汽水。 兩個人埋單$7xx，食到超飽，好滿足好滿意嘅一餐。

正正雞煲舊墟直街呢面一向都多餐廳選擇, 不過我地仍然鐘情八妹, 天氣都未凍, 已經忍唔住要食下雞煲喇! 我地叫左花膠雞煲, 雖然係半隻, 但份量一啲都唔少喎, 我哋兩個人食完個雞煲都八成飽!! 個煲真係好正, 雞煲辣味香濃, 仲係麻麻辣辣, 好刺激, 辣得好過癮! 雞肉鮮嫩, 夠滑! 而且有超多花膠, 雖然花膠質素唔算好, 不過真係以份量取勝! 其實我哋都已經飽飽地, 不過唔叫其他料又好似爭小小, 最後都係叫咗什餃, 同埋炸魚皮!! 我會encore!

早前入大埔朋友家遊玩，他請了我食間雞煲都幾不錯，現在想起來想幫他們寫一寫，就是八妹雞煲啦他們的雞煲用料很正，雞肉嫰滑又帶有雞香味，小辣真的是剛剛好，有刺激又不會太辣～其實他們好吃的除了雞煲，還有超大碟抵食的本地手切肥牛，牛味非常香濃，一咬就有牛肉汁在口中流出，而且煙韌有咬口，比起美國肥牛，我更喜歡這本地的炸響玲是鮮炸出來的，放手上去感覺還有微溫，滾一滾拿起吃，爽脆的口感在口中發出察察聲，完全沒有韌的感覺，非常好吃！花膠又是好少地方有的，大大塊而且鮮味非常，帶點黏黏的口感，ＹＵＭＭＹ！