八妹雞煲

營業中

休息中

今晚送大埔之友歸家順便係區内食埋晚飯。 友人建議打邊爐。 去到舊墟直街有幾間火鍋。見到呢間裝修同環境唔錯就算擇呢間。 仲要咁岩門口有位可以停到車(有機會$320 的) .一入到去店員好有禮貌地帶我地坐張4人梳化台，店內舒適光猛乾淨。應該係開業不久，所以台，櫈同餐具都好新同乾淨。 我地叫左雞煲(半隻)小辣，跟住打邊爐。 雞煲惹味，鹹同辣都適中帶小麻辣，半隻雞份量都算不俗。 之後我地轉打邊爐， 叫左碟手切肥牛(大), 粟米， 羊肉，炸魚皮，豆腐，3併餃，一樽竹庶茅根， 同埋一個小食櫻花炸蝦餅。 肥牛厚薄，肥手適中， 有口感， 牛味香濃，份量都唔錯。粟米勁甜同飽滿。 炸魚皮份量好多亦夠香脆。 個小食櫻花餅，香口得黎唔太油，可能我本身個人鍾意食炸魚餅呢類野。 其實每碟份量都好多，我地2個人叫既野其實夠4個人食飽。 整體黎講， 是一次感覺幾好的用餐體驗。 食材份量夠，又新鮮；店舖環境乾淨舒適；店員加湯同换碟都快，上菜時間都好快。 食完呢餐，真係要再勤力d去做運動 ><.

兩個人食雞煲，其實可以試的不多～點了半隻雞，不久便有得食。味道十分濃郁，非常惹味有點後悔點解唔叫一隻雞，我覺得食雞已經足夠可能我地掛住吹水，食得太慢了，員工行過見到都忍唔住叫我地關細d或者搞下佢除了雞煲還點了生根，一份菜及桶蠔。沒想到菜的份量都頗多,應該超過半斤。可是朋友少吃菜，所以我食菜都好飽了另外就是邪惡的生根，有6大舊還有這個不點會後悔的桶蠔，因為實在太太太鮮味啦，而且都幾大隻，好好味本身喜歡食生蠔，但沒想到熟蠔一樣好食，必點整想而言，這間店值得再來

未裝修前，都算係區內數一數二嘅雞煲，點知裝修後第一次去食，就完全唔係果回事，完全中大伏！更諗唔明係點解可以有咁多正評咁少負皮？？雞嘅份量少、雞汁更少（我係以喱間嘢以前提供嘅份量而去做比較，唔係同其他舖頭比），問個阿姐係咪咁少汁，佢就話：「係得咁多架，想要多啲就15蚊買一碗大大碗汁啦。」出咗名，真係做雞(汁)都唔同啲。叫咗個丸拼盤，大佬啊，我知$50蚊8粒丸唔算貴亦唔算平，但可唔可以唔好個感覺咁HEA，每粒丸都鋪咗一層浪漫嘅白雪喺面，食落去有無雪味就費事嘥氣講添啦，仲有碟蜂巢豆腐，係，我知間舖而家出名、巴閉，但可唔可以切開豆腐後都稍稍擺番好佢先出菜呢？唔知以為求其用手一揸就放落碟。碟肥牛好有心，果種薄嘅程度呢真係唔怕攝到牙，又薄又無肉味，以上種種你大可以講一句「一分錢一分貨」駁我，但係，你唔係飲食架！每一碟都要錢架，唔係賣得唔貴就求其到咁啊再講啲樓面，係，我真係知你忙，但可唔可以上菜時稍稍望清楚張枱擺咗啲咩喺度，唔好求其"PAT"落張枱度就算呢？點解一張相都無？一來為免加速自己嘅火滾，二來，已經諗住永無下次，又點會再花時間影相呢？上到黎諗住望下有無其他苦主，驚覺竟然有咁多正評，咁究竟係我

天氣開始轉凍就想食雞煲，今次試下呢間八妹雞煲。入到去好熱鬧，有d酒樓既感覺哈哈（都可能因為餐廳好光猛）睇下餐牌先，d姐姐好熱情甘推介我地食招牌既秘製八妹雞煲，就即管試下。呢度每張枱上面都放有一大樽湯，方便自己食完雞煲就可以加湯變打邊爐，一雞兩味。秘製八妹雞煲（$138/半隻）落完單冇幾耐就上左雞煲，速度好快！同屋企人加埋得三個所以揀左半隻雞，原來分量都已經好足夠。呢度既雞煲總共有五種辣度，仲可以揀唔辣，口味絕對任君選擇，我鐘意！我地揀左小辣試下，味道唔錯，配料d洋蔥西芹味好香，唔系太食得辣既人都食到。食到差唔多想食其他野，於是就落湯轉打邊爐。見到隔離枱既海鮮似乎唔錯，決定跟隊！北海道帶子（＄138）呢個帶子絕對係必食推介，食完幾日都仲回味緊！全部都大大隻，而且肉厚，咬落啖啖肉。放入鍋入面煮一陣就食得，肉質非常彈牙，食得出既新鮮。一碟都幾多，三個人都夠食。雙拼蚌（＄128）如果話帶子負責軟滑，呢個雙拼蚌就係負責爽脆。雙拼包含象拔蚌同埋珊瑚蚌，兩樣都非常新鮮，洗得乾淨。我個人比較喜歡橙色既珊瑚蚌，稍微煮一下就食得，非常爽口。黑豚豬大腸（＄58）呢個價錢黎講都算大件夾抵食，真係好大一碟。出去

來到八妹，自然必吃雞煲！店員事先提醒雞煲準備需時約15分鐘，因此可以先點飲品安坐一下。椰汁冰和凍檸柑桔均是大大杯！兩杯飲品均十分夠凍，足解雞煲的麻辣之感，而且味道以柑桔和椰汁的原始味道為主，沒有那種甜得沒法入口的甜味。再者，冰量十足在杯中融化後更見襟飲，用餐近2小時仍有小半杯。實在抵飲！主角雞煲上菜熱度十足，侍應哥哥幫忙在席上翻拌雞件以沾上醬汁。無論雞肉的嫩滑與配菜的新鮮，顯然是用心之作。以上是半隻雞煲的份量，甚至雞腳也沒有被扣起，二人用餐是足夠有餘！我們辣度選小辣，雞煲因選用新鮮雞，調味不會嗆喉只帶微微的麻。店員建議要在加火鍋湯底前先吃雞煲，然而吃過大半鍋雞後調味開始變得濃，所以我們先下火鍋清湯混和。八妹的本地手切肥牛 （全份），味道和肉質實在一絕！手切肥牛厚度比一般的厚，而且脂肪均衡加上牛肉味十足，完美呈現肥牛的淋、滑、肉汁滿溢； 即使用麻辣濃湯煮過亦無法蓋過它的鮮味！再來是火鍋必備鴛鴦滑，墨魚滑加蝦滑雙拼比單一款只不過多付十元，兩球加起來比拳頭還要大呢。兩者皆有麻油香，還很足料有墨魚粒及蝦肉在內，蝦滑更為出色更彈牙。平時在三哥點竹笙米線只有三條，這裏$50就有一大碟，至少二十多條

去了越南大半個月，回來轉眼間天氣已秋涼，呢d天氣打邊爐食雞煲一流！返黎第一餐，相約了朋友去八妹食雞煲，9點多到達，全場滿座，好彩只係等了十分鐘左右就有位！三個人，叫了一隻雞$208今次唔似之前食既「一隻雞」雞煲，一係有三隻翼，一係一隻翼都無，今次四肢齊全雞肉質地唔錯，咬落唔會一味覺得好淋好滑，雞肉比較結實有咬口👍🏻但個人覺得個汁唔夠麻同辣肥牛（大）$118碟牛唔錯，幾靚，睇唔出佢份量都幾多，烚極都有之後食既都係基本野，無咩特別，不過不失什菇$3x油麥菜$28響玲，夠脆同鬆化薯粉$15偏淋身，但都唔會一夾就碎大大杯檸茶$28唔錯，成個檸檬，有檸味，一杯夠飲到尾總結，埋單$500幾三位，價錢唔算貴，但唔收咭只收現金就比較不便。店員都算好禮貌，要落野好快就埋黎！

秋冬又到，適合食雞煲暖下個身一收工六點幾就同同事狗衝去大埔呢間八妹雞煲，好彩仲未多人，唔洗等位。事實證明我地早去是對的，到7，8點開始好多人要排隊。叫返個秘制雞煲先，辣度有得揀@@ 微辣到勁辣都有得揀淨係半隻雞已經好多，亦都有好多配料例如香芹、洋蔥等等我就揀左小辣試試，唔算太辣，但有花椒辣椒等香料既香味，味道濃郁食完雞就自己加湯 雞煲變身邊爐豬肉新鮮肉味濃，係靚料豬腸洗得乾淨，有誠意邊爐點可以唔食蠔，一定要讚，份量好多，冇偷工減料食落新鮮，肉質好滑，sir一聲就滑落喉嚨，爭d熱親帶子又係另一個必食，肉質好厚，係靚料打邊爐一定要飲竹蔗茅根，32蚊已經好大一渣，夠三個人飲。重點係，好夠凍，食辣野飲真係好爽。另外，呢度既侍應姐姐服務態度都好好，抵讚。

一大班人食飯 梗係要食下雞煲啦 之前都有聽朋友介紹呢間鋪佢地食過覺得勁好食 雖然唔近火車站 都想特意去試下湯底 食物 飲品都有好多選擇 想食咩都有我地點左藥膳花雕醉雞煲（半隻）（ $148 ）有好多紅棗 而且一上枱就已紅聞到好香濃既醉雞味又唔會太重口味好適合打邊爐打邊爐當然唔少得牛肉 我地先叫左A級安格斯肥牛（大） （$168） 肥瘦比例適當 又薄 淥一陣就食得 好鮮甜既牛味 推薦另外 都有試本地手切肥牛（大）（$198）相比安格斯肥牛 呢款係厚啲 但牛味更濃 更有口感 肉質彈牙 係得食過最好食既牛鴛鴦滑（$88）一份包含蟹子蝦滑 同蟹子墨魚滑 一次過滿足兩個願望 兩份都有蝦味同墨魚味 而且都真係好滑 好難夾起添我會鐘意墨魚滑多啲 入面真係食到粒粒墨魚粒 感覺好真材實料 好高質打邊爐點可以唔食海鮮 我地就叫左雙拼蚌（$128） 個人認為白色個款好味啲 彈牙啲 但唔知叫咩名當然都要叫下菜 我地就叫左菇拼（$35） 一份有齊冬菇 秀珍菇 同雞脾菇 正一開始就擺入個煲到 等到最後吸曬啲湯汁 好juicy 勁好味響鈴都係必點 一睇就知係自家製作 仲要係即叫即炸 新鮮出爐黎到呢度都要試下熟食 呢

4個女仔出街去到大埔搵好野食😆 見到呢間雞煲好似好正 有好多自己平時屋企唔會買嘅料😆一入到黎 d 店員都幾nice 仲叫我地揀左雞煲先 邊爐料就遲d慢慢揀 因為都要時間預熱雞煲 幾細心🙈我地叫左呢個花雕雞煲 d雞好滑呀！同埋好新鮮 唔係屋企食冰鮮雞嘅味道 而且配合買好足嘅藥材料 有好多紅棗杞子 好養生🙈好似呀媽煲d雞湯 估唔到出面都食到！（圖上）手切肥牛---比較上厚身 但牛肉味最重 食完成口都係牛肉香味 👍👍（圖下）安格斯肥牛 --- 好薄 好重牛肉味 肉好嫩口 入口即化 最後encore左🙈青口--- 夠新鮮 大隻 🤤日本壕--- 好大隻呀！ 一口食唔曬 咬到中間 會有必出黎嘅感覺 好鍾意🤤鴛鴦滑- 係蝦滑 & 墨魚滑 爽滑 鮮甜 用筷子夾都夾唔起 真係太滑😂 好食過之前係深圳食海底撈食嘅🙈雙併蚌好新鮮 個人比較鍾意珊瑚蚌😆帶子 雖然得8粒 （因為我地食到唔夠喉哈哈） 好滑同夠鮮甜👍👍軟殼蚧--- 個名好特別所以叫 原來係炸野不過好好食 完全冇平時炸野d 粉嘅感覺 好奇點解可以炸到個味咁正😋炸響鈴--- 宜家先發覺平時係樓下買嘅其實好cheap😂 呢個係即叫即炸 送到上台 熱呼呼的

突然湧現左想食雞煲既念頭，就去左食朋友都話唔既八妹雞煲﹗大埔總店環境好大坐得舒服,岩哂同朋友邊食邊傾計。雞煲既醬汁好濃郁 麻中帶小小甜，好惹味會令人有想不停食既念頭。雞件又鮮嫩唔會老,最重要係佢好入味D汁完全鎖哂係雞肉到，仲因為D配菜芹菜洋蔥芫茜個汁仲越滾越出味，好快我同朋友就食哂d雞。食哂D雞就一定要再叫配料打下邊爐先夠過癮架啦佢個即炸響鈴真係一絕，係鮮炸的大大件，鬆 脆再吸埋D醬汁，哇~個種滋味令人充滿喜悅，治癒系響鈴﹗講真個湯底真係放咩落去都係冇得輸架，下次我一定會叫中辣。佢既蝦滑都抵食，足料彈牙，正呀~總括黎講，材料新鮮，價錢合理，會令人好滿足咁行番出門口，值得一試﹗﹗

今日同朋友行過大埔，經過呢間好多人排隊嘅雞煲，鍾意湊熱鬧嘅我哋就當然要跟住排隊入去一探究竟啦~😂小辣雞煲，呢間一定係我食過最好食嘅雞煲之一，辣汁勁香濃勁惹味， 食完一舊就會不自覺咁樣夾下一舊，不知不覺就清左個雞煲~跟住就當然要加湯，將雞煲邊做邊爐， 食親都必叫炸魚皮同埋響鈴，後者更加係即叫即炸，超級香口~仲叫咗櫻花蝦餅，可以就咁食，熟食都一樣咁正~朋友仲叫咗啲雞子，我就唔食嘅，不過聽佢講話好大粒同埋好鮮美~😂

在香港這個現實的社會，大型連鎖食肆和小店存在著不公平的競爭，小店在成本控制上往往處於下風，惟有靠食物和服務水平，才可脫穎而出。然而，小妹從來不會因「小店」這兩個字而降低要求，若小店的質素和連鎖的無異，我倒不如光顧價錢較相宜的連鎖食肆？😎這天下班回到大埔已經八時多，心血來潮想吃很久沒嚐的雞煲，於是到在大埔略有名氣的八妹雞煲碰碰運氣。小妹和朋友幸運地不用排隊便能被安排入座，原來座位已填滿得七七八八。不久店員主動來向我們介紹八妹的招牌雞煲，嗜辣的我們選了半隻的中辣雞煲。招牌菜果然沒有令人失望，雞煲內的香料和辣椒十分足料，每塊雞也入味非常，而且越吃越辣，十分過癮。吃雞煲喝啤酒是常識吧。飲品的選擇也十分多元化，單單啤酒也有不少選擇，看到鄰座食客點的凍檸茶也分量十足。加入奶白色的湯便開始吃火鍋，店員特意前來告訴我們這是無加味精的雞湯。炸響鈴是火鍋必備配料，但很多時候火鍋店用的是街市和超市有售的響鈴，一秒便完全變淋。然而，八妹用的看來是自家炸的響鈴，浸幾秒裡面仍然鬆脆，值得一讚。另外，雙併蚌和北海道帶子也非常新鮮，前者口感爽脆，後者仍保留新鮮帶子一絲絲的質感。我們還點了本地手切肥牛，十分厚身。本身還

同一大班親戚做節，除咗酒樓之外，雞煲同火鍋亦係一個唔錯嘅選擇呢一間八妹雞煲係住喺太和嘅親戚推薦嘅，佢話呢一度嘅雞煲好味，仲有好多火鍋料可以揀，絕對照顧到唔同人嘅需要～一開始當然係食雞煲先啦個雞煲用咗好多香料去整，味道香濃惹味啲芫荽唔好嘥咗佢呀，吸左啲汁之後勁正食晒啲雞之後就可以加湯黎打邊爐啦A級安格斯肥牛（細） ＄138脂肪同埋肉嘅分佈都幾靚，淥兩下就食得，幾有牛味，唔錯頂級墨魚丸 ＄48呢個真係必叫，墨魚味勁濃郁，而且每粒丸嘅口感都好豐富，因為入邊真係有一粒粒墨魚架～鴛鴦滑（蝦滑同墨魚滑）＄88兩款都真係食到有蝦味同埋墨魚味，感覺真材實料，比較喜歡蝦滑因爲口感彈牙～炸魚皮＄28有一大籃，好香脆啊桶蠔（＄128）同埋帶子（＄138）都好大隻，個蠔既蠔味比較淡，但係好鮮甜唔同蔬菜都想食少少嘅，可以叫一個八妹拼盤有番茄、南瓜、娃娃菜、生菜同菇等等呢個海鮮芝士豆腐（＄48）勁推薦一上枱就已經食得，真係啖啖都有流心芝士～雙拼蚌（$128）比較鍾意珊瑚蚌，口感爽得黎又鮮甜打邊爐同食雞煲當然唔少得飲竹蔗茅根水啦

好耐冇食過雞煲，心血來潮就約朋友去聚一聚啦！朋友推介我去八妹雞煲，今次第一次去光顧！ 首先睇一睇餐牌有好多選擇，非常吸引由於女仔都係比較細食，所以我地只要左半隻唔辣的雞第一眼見到佢時好吸引，有好多洋蔥同芫茜，加埋醬油簡直係一陣香味撲鼻，胃口大開！ 雞好入味同嫩滑！讚食完d雞就加湯做打邊爐啦當然亦叫左d邪惡的火鍋料！不能缺少的響鈴～新鮮即炸，形狀好特別是球形的！好香脆我的最愛之一～蜂巢豆腐～清清地的配料加入濃湯到一齊食，簡直係回味！仲有不同款式的餃子，同樣饀料充足！一定要叫個竹蔗茅根水～要清熱下火！環境舒服，可以慢慢到朋友吹水歎雞煲

今日又約左契女個阿媽食飯，但你知身為人母點都要好左個女先可以出黎夜夜笙歌。咁夜，又想坐得舒服地講下老公男朋友壞話既，我第一時間一定係諗到呢間餐廳內裡全係舒服梳化凳，夠大，光猛，而且冷氣充足。鷄煲或邊爐湯底有好多選擇，仲有大大杯檸茶同好多餐前小吃。朋友係鷄煲狂，所以今日都係揀左個鷄煲。八妹秘製鷄煲鷄件多肉軟稔，配料十足，麻同辣度剛好。即炸響鈴只要你係店員上枱個一秒馬上夾落去湯度，必定會有“渣“一聲，香脆，浸完湯食簡直係一流A級安格斯肥牛肥瘦均勻，切得夠薄，牛味夠重鷄煲又點能唔食紅薯粉。佢仲用我最愛既攣薯粉，咁先鎖到更多湯汁坐得舒服，服務又好，野又好食既鷄煲唔係好多間，所以唔怪得我成日都黎翻食再翻食