八妹雞煲

營業中

休息中

放工約左朋友食飯，佢就提議食雞煲，見大家都住大埔附近就揀左間近太和站既雞煲店試試佢。門口裝修緊搭左棚所以有d 難搵，入到去裝修不太華麗，走平實風格。坐低就叫左半隻秘製八妹雞煲（微辣），同埋2杯凍檸柑桔。 雞煲既醬汁好濃厚，帶少少麻辣，雞肉唔會太老仲係好滑，食完會有d 頸渴但都唔錯！飲啖凍檸柑桔就fit 哂，非常解渴又重梅味，又大杯又好飲！食完雞煲就梗係打埋個邊爐啦... 手切肥牛既脂肪分佈平均又好有牛肉鮮味，黑豚豬腩片同豬潤都非常出色，豬腩片薄切淥一淥就食得，豬潤醃左糖甜甜地好好味！其他火鍋既良伴例如竹笙，響鈴，冰豆腐，同埋鮮腐竹浸左雞煲既湯都好好食，唔需要特別既湯底都已經能夠帶出佢地既鮮味，推介呀呢間餐廳！

又約了大埔友出來吃飯，感覺天氣有少少清涼，想吃雞煲來暖一下胃。 朋友一聽到雞煲，就即時推介＂八妹雞煲＂。 朋友說只要吃過一次，就忘不了它的味道。 由太和站步行約10分鐘就到，位置也算方便。餐廳用黃色牆配白色燈光，從外望入餐廳感覺份外光明。 証明餐廳對提供食材信心十足，不怕大家睇真D。坐位用上紅色軟墊櫈，軟度適中，使人倍感舒適。 餐廳有多款特色雞煲，也可吃淨火鍋。 但餐廳名叫＂八妹雞煲＂，當然要品嚐一下它的招牌菜＂秘製八妹雞煲＂。上枱前雞塊已煮熟，再放入秘製醬汁丶芹菜丶紫洋蔥丶芫茜丶乾辣椒等。 原煲放在電磁爐上加熱，把煲內食材拌炒數下，使味道均勻提升，即可進食。 餐㕔準備了一樽冇味精雞湯，方便吃完雞塊後，保留煲內精華，再加上雞湯煮滾即成美味火鍋上湯。韭菜餃餐廳自家製，好足料。 煮熟後，內有滾燙美味肉汁。 建議輕咬一啖皮，讓餃內熱蒸氣散走，跟著就把肉汁連餡一同品嚐。炸魚皮超大份量，魚皮香脆鬆化。 建議直接把它當成小食，口感有點似薯片一樣鬆化，一口接一口等不了。脆肉鯇魚骨腩脆肉鯇美味精髓在於魚肉中魚油層次及爽脆口感。 看見一碟似日本魚生一樣肥美，未食已令人心動，真的是用眼

相約三五知己去大埔八妹雞煲試吓佢嘅招牌菜-雞煲。餐廳位置容易搵到，而且門口可以泊車，非常方便。餐牌上有多款雞煲、火鍋湯底選擇，種類繁多，而且火鍋配料有兩版紙，圖文並茂，非常吸引。夏日炎炎，首先叫咗一酌自家製竹蔗茅根水滋潤喉嚨、清熱氣，飲落去味道唔會太甜。朋友就叫咗一大杯凍檸茶，好有份量，而且非常冰凍。主菜雞煲來了，我哋叫咗唔辣，賣相非常吸引惹味，每一件雞件肉質鮮嫩，非常入味。牛魔王我哋當然唔少得叫兩款肥肥牛，即係牛頸脊，驟眼睇見到牛肉嘅條紋非常平均，而且呈現鮮紅色，非常新鮮。肥牛食落去有好濃郁嘅牛肉味道，口感好軟熟。火鍋配料中嘅鮮蝦雲吞同埋韭菜餃非常出色，除咗賣相吸引之外，仲要好大隻，皮薄餡靚，入面嘅豬肉同埋鮮蝦份量非常多，而且韭菜同埋肉碎味道好新鮮。蟹棒非常入味，簡直混雜咗湯底嘅精華味道所在。貢丸混合左蘑菇肉，食落去一粒粒嘅蘑菇爽口，非常新鮮。仲有即叫即炸嘅響鈴，非常香脆可口。除此之外仲有午餐肉、豬大腸、西班牙豚豬腩片、雲耳、油麥菜、鴛鴦滑、花膠同埋脆肉鯇魚片，食完真係非常滿足。最後食咗咁多嘢都只係＄1500左右，每人平均消費＄400有找，有咁好嘅服務質素，而且食物新鮮美味，真係值回

諗唔到食乜嘢突然醒起食雞煲食完雞煲再打邊爐餐廳裝修紅噹噹以紅色為主 非常揚眼座位有卡位設計以及長枱 圓枱等等仲有包房添入到去幾乎爆滿好彩唔使等位醬料方面多款選擇有蔥粒 炸蒜 同埋蒜蓉辣椒粒另外加錢就有由於朋友食唔到辣最後我哋揀咗唔辣嘅雞煲遠處都已經聞到香味雞煲配料好豐富包括有洋蔥同埋芫荽等雞肉滑身 好入味而且份量好多一見到有手切肥牛就發青光肥牛條紋半肥瘦非常平均只需要灼一陣就食得食落去口感軟林林牛肉味都係我口入面散發出來火鍋配料中嘅午餐肉每一次打邊爐我都必叫除咗可以索晒湯底味道之外而且我好鍾意佢好林嘅質地除咗牛肉之外西班牙豚豬腩片都頂呱呱呈現粉紅色好大片半肥瘦好好食鴛鴦滑將的蟹籽粒攪勻再舀一小件放入火鍋湯底唔夠幾分鐘就食得食落去爽口彈牙 正花膠女士必叫養顏火鍋配料越煲越林 質感軟熟簡直有入口即溶嘅口感仲有黏口嘅感覺添除此之外仲有雲耳、油麥菜豬大腸、鮮蝦雲吞韭菜餃、蟹棒貢丸、即炸響鈴同埋脆肉鯇魚片估唔到呢間火鍋店非常多配料選擇食完真係捧住個肚出門口下次必定再encore

約左朋友來食呢間雞煲，入去見到好旺好多人，好在裡面地方闊落，坐得都算幾舒服。入去叫左個花膠雞煲，個汁好濃，d雞煮一陣就已經好入味。d雞件件都好多肉，而且唔多骨，好易食！除左雞之外，呢間野嘅配料有好多選擇，平時打邊爐嘅材料有齊，個人極推薦佢嘅芝士豆腐，平時係其他火鍋店／雞煲店好多時都係芝士丸，而呢間芝士配豆腐，個口感好正，我好鍾意。但一樣個人唔太喜歡係雞煲個汁我覺得太濃，蓋過左食物本身嘅味，食食下變左食咩都係果個汁嘅味，加上好易口喝。不過好彩佢嘅野飲除左汽水個d外，仲有椰子冰同比較解渴嘅話梅鹹柑橘，檸檬茶咁，而且大大杯又好飲。

黎呢到食雞煲，絕對會令你有選擇困難症，因為可以叫既種類實在太多，連海鮮都有。 首先我地揀左一個花膠既雞煲，裡面都有幾多花膠下～ 等左十分鐘左右就黎到個雞煲。但美中不足係隻雞既質素唔係好咁，唔係屬於嫩既雞，可能係我地唔好彩。可能我地叫左小辣，所以個汁都唔係話好有味，有啲可惜。但係大讚既係好多料講，咁我就重點講下有邊幾樣係值得叫～首先牛我地都叫左幾種，有雪花肥牛，安格斯同手切肥牛。 雪花肥牛可以自己屋企食算， 但手切肥牛同安格斯呢就推薦大家可以試下！ 手切肥牛牛味都幾重，唔會話有雪地藏味，雖然比唔上三花趾 五花趾個啲，但我覺得食雞煲可以叫到呢種非常唔錯，幾surprising. 而安格斯就偏tough d ，鍾意既都可以試一試。而另外好需要叫既係芝士魚腐，呢碟野都幾有趣同新鮮！ 食落一啖芝士馬上bit出黎，都幾好食👍🏻👍🏻👍🏻👍🏻 野飲叫左個凍柑桔🍊，上到黎成杯啤咁大邊，一路食一路飲非常爽。最後不得不說既係呢度既服務態度，係姐姐為主，但係好熱心，態度好好，而且仲會主動幫手換碟啊，提醒我地邊啲要襯新鮮look，唔好令我地呢班口水佬掛住傾唔記得食。

聽朋友講八妹雞煲好食，所以約了友人一同來到這裡食雞煲😋望望個餐牌，火鍋料唔算好多，但感覺比較精。同時原來又有一些開胃小食，咁其實都幾多元化😜煲方面有好多選擇，咁叫得做八妹雞煲，當然是叫她的招牌雞堡，不過四名都是女士，就食豪點，叫個微辣花膠雞煲。下單後大約都要等10至15分鐘，所以再有叫了麻辣豬耳和椒鹽墨魚咀食住先。個麻辣豬耳真係好辣，食得辣的朋友先好叫，不過對我來說就辣得好爽了，豬耳又切得好厚，有口感^_^而墨魚咀都好惹味，不過稍嫌多了少少粉~雞煲上來了! 一上枱就可以食了，這間的調味都幾入味，而且雞肉算嫩滑，質素不錯，最值得一讚是它的花膠，每一塊都非常厚肉，口感好正👍🏻食雞食到咁上下，就加湯變邊爐了！打邊爐最緊要當然是牛肉，這裡牛肉有三種，我們三種都試了，這個是手切肥牛 A級安格斯肥牛 美國雪花肥牛三種之中，手切肥牛的肉味最濃，食罷整個口腔都充滿了牛味🤤不過講性價比我會更推薦安格斯肥牛，因為它既有牛肉味，而由於脂肪較多所以口味又很嫩，個人覺得三種牛肉中它是最好吃😋美國雪花肥牛就相對比較普通了~這個是海鮮芝士豆腐，佢個名不吸引但原來好好食！一咬下去芝士會爆出，我們四個都覺得非常好👍🏻另

依間雞煲一早已經有大埔區嘅fd叫我嚟食，話野味之外食材又新鮮...咁咪去試一試點知真係好好味。一埋位就落個少辣嘅雞煲先，估唔到個雞煲不單止香，食落去個少辣跟出面嘅唔同，個少辣比起其他食落去辣少少，但就又一份嘅麻辣嘅感覺，初初都覺得有D辣，但食食吓好野味雞又夠嫩，爽。慣咗食完雞煲就要加3份1嘅湯再去打邊爐，邊爐嘅材料好新鮮，連個響鈴都無油益味又脆，連D牛全部都好靚，牛肉粒都嫩，另外叫多個五花腩片，依個係我食過數一數二好食嘅五花腩片，又夠簿肥瘦適中食落口仲有爽爽地嘅感覺，之後我就最鍾意個碟筍，蘿蔔同山藥，新鮮好味完全無個D噏味個筍仲甜到爆，餃子併盤都好啱我依D貪心嘅我，因為一碟有幾款餃子俾我食粒雲吞好彈牙，墨魚滑相當唔錯因為裏面有好多墨魚粒粒好有咬口，成餐飯又配埋大大杯飲品爽到不得了。

開學，係一大班人share雞煲的季節。  呢次想試與普通任食雞煲唔同嘅八妹雞煲，雖然價錢貴少少，但整體材料同環境都比較新鮮和舒服，食厭黎黎去去個幾間就入太和試下呢間。  呢次因為有朋友喉嚨唔係好舒服，所以我地就叫左個花膠雞煲。    每枱都有架車比你放野食，唔洗驚唔夠位擺，上面仲放左壺湯，比你隨時加水    六人叫了一鍋一隻雞，花膠無省成本，每人都可以食到幾個花膠。湯底幾濃郁，岩哂重口味既食客們 有安格斯牛肉和豬頸肉做主食，牛肉好快就熟，而且無咩腥味，但個人更喜歡豬頸肉，彈牙有嚼頭，而且豬味入口唔腥（個人好怕雪味）。    呢個響鈴係呢度嘅特色！成朵花咁靚，而且好大塊，勁evil炸魚皮吸哂雞煲d味，好正！    芝士豆腐，食落反而似魚腐，中間d芝士比芝心丸更流心    西班牙黑豚豬腩片，厚薄岩岩好，好快就熟，好有豬味    黎到我地每人都叫了一杯椰子冰，雞煲加椰子冰真係無得頂，淡淡的椰奶和肉食一齊，唔會話濟，唔知點解仲同d肉味幾夾，唔會太甜係另一個好嘅地方;)    食成兩個幾鐘，一杯野緊係唔夠飲，後尾叫多杯凍檸茶，好大杯！    當晚隔離枱有班學生幫朋友慶祝生日，全場一齊唱生日歌，好

今日成班friend一齊去食雞煲。餐廳既環境都幾闊落，牆上都係中式既裝修。餐牌上有不同雞煲和火鍋湯底可以選擇。我地冇揀到最傳統既辣味雞煲。我地叫左滋補養顏既花膠雞煲，雞煲既味道濃郁，d花膠好濃好入味。配料方面，鐘意食牛既我地叫左A5安格斯肥牛，手切肥牛和美國雪花肥牛。A5安格斯肥牛，肉同脂肪分佈係最靚，所以係最好食既。即炸響鈴、炸魚皮和豆腐就梗係唔少得3樣都係撈左雞煲既汁就好好食！我地仲有叫到芝士豆腐，呢個都係必叫咬落去既時候d芝士係會流出黎，口感好正！鐘意食海鮮既可以叫埋帶子同埋魷魚，li兩樣都好新鮮好好食。雞煲食到冇水既話會有雞湯可以任加。除左食物，飲品都好正。食熱辣辣雞煲，最好就係配杯冰凍飲品。椰汁冰同埋話梅金桔都好好飲！

今日同朋友一齊黎大埔食野 呢條街好多野食簡 見到呢間雞煲好多人食 所以就入黎試下🤤 入到裡面見到有大檯又有卡位 好方便一大班人來食 每檯都會有架三層車仔來擺食物  叫好多食物嘅時候唔洗怕張檯無位擺見到有花膠雞煲就好想食！ 我地6個人叫左一隻雞 個雞煲汁味道香濃 上枱已經聞到香味🤩 花膠本身美顏又爽滑 煮到汲哂d 汁更加惹味👍 呢度食物種類都算多 有雞牛豬之外 仲有海鮮 蔬菜 丸之類 每碟嘅份量都OK 而且食物都上得好快 我地各樣野都叫左d，雞肉件件都好多肉，食落好嫩滑；墨魚丸同牛肉丸好大粒，結實爽滑；個響鈴係自家製 即叫即製 比起平時食嘅更大舊好食😆呢度d 帶子好好食 係邊爐入面煮左好耐 都冇散到 仲係咁鮮甜爽滑😋 野飲有檸檬茶、凍檸水、椰子冰、話梅鹹甘桔我地一開始叫左每人一杯椰汁冰 一杯超大杯 好抵飲 食到最底都有椰子碎 睇黎係新鮮炸出黎 好濃椰子味👍 打邊爐實在太口喝😂 我忍唔住再叫杯話梅鹹柑桔 酸酸地 飲落開胃仲可以解膩🤤 同行朋友就叫多左杯檸檬茶 見每杯都有好多片檸檬 佢地都話幾好飲 酸甜度剛剛好

非常差的一次經歷，我地7個人叫左一個醉雞，兩個傳統雞煲，連埋其他配料一齊食，其實主要飲酒，叫左差不多2千元啤酒，埋單4千1百幾，最火滖就係話個醉雞鍋無乜酒味，想話加d花雕酒佢又話要加50元，之後叫左碟鵝腸，原來係乸到乾哂嗰只，問經理可不可以換其他嘢，一句落左單，又reject左我地，點可能再有下次。。。真心講好差好差

一路都妹想黎試下八妹既雞煲，但食雞煲要多人先可以叫得多野打邊爐今晚終於約齊人係呢度食雞煲打邊爐！係呢個咁熱既夜晚，鋪頭開行冷氣，所以都唔覺得太熱！食左個麻辣雞煲之後再叫左個新既湯底去打邊爐～因為得地覺得用雞煲既湯底打邊爐比較油叫左好多野食～個響鈴好正，仲有炸魚皮～鋒巢豆腐索哂d湯底好正海蝦好新鮮不要嫌貴左d~食個雞煲之前已經叫定大大杯凍檸茶 至於d丸就不過不失～脆肉鯇都幾新鮮同脆口～呢度都岩多人黎食，環境比較嘈講野要大聲d覺聽到

難得走入大埔，又咁岩勁有心情食雞煲，當地朋友就推薦我食八妹雞煲喇。一入到黎，空間比我想像中闊落，有好多位，位置都舒服，就算唔係坐卡位，都唔洗坐硬檯！見到餐單，毫不猶豫嗌左半隻雞，兩個人食份量岩岩好。啲醬汁好入味，而且雞肉難得煲耐左都好嫩！食到差唔多，可以加餐廳一早放係隔離嘅濃湯，咁就即刻變左打邊爐喇。打邊爐一定要嗌肥牛！嗌左小份安格斯肥牛，條紋好靚，牛肉味濃，但點嫌外表唔算太新鮮。鴛鴦滑，即蝦滑同墨魚滑，記憶點唔高，普普通通，但勝在份量多。日本鱈場蟹柳，一食就知唔同出面嘅平價蟹柳，鮮甜味出好多，口感一絲絲，唔係落勁多粉果隻，抵食！混丸，即係魚丸、墨魚丸、貢丸同牛筋丸。自己最鐘意食墨魚丸，入面仲食細細舊嘅墨魚，有少爆汁嘅牛筋丸都唔錯。竹笙同響鈴都係勁吸汁！響鈴仲要炸得勁香，碌一碌就食得！最後點都要嗌番啲菜，嗌左個三拼，即係萵筍、鮮淮山同蘿蔔片。自己鍾意碌到林一林再食，入味得黎，又保留到原本嘅鮮菜味。娃娃菜唔特別。全場唯一可以即食，海鮮芝士豆腐，一咬落去，芝士係湧出黎，勁滿足，必嗌！竹蔗茅根水，同樣唔特別，但算抵飲嘅。

唔知點解今個夏天非常中意打邊爐同食雞煲，真係愈熱愈上癮上網做足功課之後就揀左呢間雞煲 - 八妹雞煲門口好開揚，餐廳入面更加係又大又闊，第一次見咁大間既雞煲地鋪。揀黎揀去，都係想食最經典既秘制八妹雞煲（一隻），微辣點餐紙等左10分鐘左右雞煲就上台啦D汁睇落非常杰！食落雞肉好入味，醬汁偏甜，每舊雞都好多肉，冇呃秤架手切肥牛（大） $208，原先以為得好少片，原來佢疊埋左d肉，每一塊肉仲好厚身，勁重牛味，岩晒我呢d牛魔王食肉獸！生菜$29，好大一籃，抵！蘿蔔片一樣$29，又係好大碟，令人喜出望外金菇$29，普普通通粟米又係$29，望落冇咩特別，食落甜到漏，要強烈推介俾大家豬紅$36，好有咬口，一碟份量唔少總括黎講，呢間雞煲性價比極高，每樣野都好足料，岩晒大胃一族！