影片
更多
2018-08-20
2043 瀏覽
一係唔打邊爐，一打打足兩三日，話比自己聽食雞煲唔同打邊爐既，可能因為我太耐無食雞煲既關係，趁有機會食就急不及待坐我朋友車去左幾年都唔會入一次既大埔，朋友話依區住既人無人唔識依間雞煲店，因為真係真材實料，味道有讚無彈！當然我都唔抱期望咁去，咁先至有驚喜嘛入到店內座位夠寬闊，亦設有卡位座，可能我地閒日黎，加上晚上十點幾，所以唔洗等就有位了秘制八妹雞煲一坐低朋友就叫左雞煲半隻同中辣，店員放好係爐上就幫我地開電開鍋蓋，本身雞肉已煮熟，一開就食得唔洗再等滾真開心，面頭鋪左大量芫茜同紫洋蔥再同鍋中既雞件一齊拌匀，每件雞都啖啖肉，有骨無骨一樣有，雞肉沾滿秘制辣汁，淨睇未食都感覺濃郁，食落非常香濃，雞肉肉質嫩滑有雞味，口感剛剛好，鹹度適中，食多幾件都唔會覺得口渴同澀口，如果個汁撈飯真係不得了，而且辣味十足，好惹味呀！即炸響鈴響鈴係即叫即炸，型狀係一球球咁，唔同平時食開既一條長形響鈴不得不讚既係炸得酥脆，食落無油溢味同唔會硬，炸得出色，沾埋少少辣汁食，超好食，必點之一水魷驚喜雞煲店會有水魷魚食，本身我係勁鍾意食，所以即叫無猶豫，份量好多，灼熟後食落好爽脆，新鮮又有咬口手切肥牛 (小)我地得兩個人所以叫左
入到店內座位夠寬闊，亦設有卡位座，可能我地閒日黎，加上晚上十點幾，所以唔洗等就有位了
秘制八妹雞煲
一坐低朋友就叫左雞煲半隻同中辣，店員放好係爐上就幫我地開電開鍋蓋，本身雞肉已煮熟，一開就食得唔洗再等滾真開心，面頭鋪左大量芫茜同紫洋蔥
再同鍋中既雞件一齊拌匀，每件雞都啖啖肉，有骨無骨一樣有，雞肉沾滿秘制辣汁，淨睇未食都感覺濃郁，食落非常香濃，雞肉肉質嫩滑有雞味，口感剛剛好，鹹度適中，食多幾件都唔會覺得口渴同澀口，如果個汁撈飯真係不得了，而且辣味十足，好惹味呀！
即炸響鈴
響鈴係即叫即炸，型狀係一球球咁，唔同平時食開既一條長形
響鈴不得不讚既係炸得酥脆，食落無油溢味同唔會硬，炸得出色，沾埋少少辣汁食，超好食，必點之一
水魷
驚喜雞煲店會有水魷魚食，本身我係勁鍾意食，所以即叫無猶豫，份量好多，灼熟後食落好爽脆，新鮮又有咬口
手切肥牛 (小)
我地得兩個人所以叫左細份手切肥牛，估唔到份量都唔少
灼幾十秒剛剛好，食落牛味非常濃郁，口感軟熟啖啖肉，雖然牛肉灼完沾滿濃郁雞煲辣湯，但全無掩蓋牛肉原有既濃郁味道，好好食
日式芥辣貢丸
平時食完雞煲再打邊爐都會食丸，係點餐紙見到依隻芥辣味貢丸好似幾正，所以點左一份黎試下，一份有八粒仲要好大粒，驚喜既係咬左一半個芯仲有包芯豬肉，芯入面係芥辣汁，味道好夾又刺激，真心覺得好食，雖然已經食到好飽，但都要食哂佢，仲好想問下店員係邊度入貨，正啊！
食左咁多肉，叫左個娃娃菜清一清下，娃娃菜新鮮，打邊爐食甜甜地夠開胃
鴛鴦滑
分別係手打蝦滑同墨魚滑雙拼，食得出兩種滑都係新鮮手打，墨魚味同蝦味都好突出，完全無溝其他野打成漿，口感好彈牙，鮮味十足
食左成晚雞煲，點少得叫飲品，最開心係依度有大杯飲品叫，唔洗怕好快飲哂又再叫，我叫左大杯椰水冰，我朋友叫大杯凍檸茶，味道同平時飲到既味道一樣，唔洗怕伏，又唔會太甜剛剛好
整體而言，我食過好幾間雞煲，本身都有心中第一，但山長水遠黎到依區食依度出名既雞煲店，完全無令我失望之餘，仲要榮升左去我心中第一位，依度既秘制雞煲醬汁真係有讚無彈，我朋友話原來都係明星飯堂，有唔少明星平時都會黎食，另外價錢合理，食物份量同選擇又多，完全係性價比高，已經約定我成班朋友一齊黎下個月再戰八妹
張貼
