億饍 (已結業)

朋友介紹依間越泰餐廳有燉湯飲，所以特登黎試下，可惜當日大陪分湯都賣哂，所以淨係叫左豬肺排骨萬壽果湯。睇英文先知原來萬壽果即係木瓜，因為食左可以延年益壽。冬天最適合飲燉湯, 飲完暖哂。豬肺好淋好入味，個湯好清甜。香茅明爐烏頭酸辣湯底係我最近食過最清嘅，反而最合我口味，唔會覺得好重味精，魚肉鮮嫩，微微酸辣，幾開胃。桂花BB鴿乳鴿係滷水煮所以唔會太油膩，好juicy，不過食唔出桂花味。泰國椰青清甜解渴，食完熱氣野要飲下，仲可以食埋椰肉。芒果椰汁黑糯米芒果分量都多，而且好香甜，可惜椰汁調味不足，朋友話原來個椰汁要落糖同鹽煮，味道會更有層次。

雖然遲左兩日，不過都要趁呢個熱潮同老友一齊屠龍，今日約埋老友兩個人收工到信和一齊攞之前訂左嘅GAME順便買埋呢期熱爆嘅GAME，之後一齊行去油麻地搵食，經過譽發廣場時睇到呢度開左一間多國嘅FUSION菜店，除左有老友好鍾意食嘅越南菜式外，仲有我最愛嘅龍蝦食，所以我地就決定去呢間億饍刷返餐。億饍係譽發廣場4樓 ，餐廳裝修嘅有西餐廳感覺，桌椅又似中式私房菜館，餐廳唔大間，我地7點半左右到雖然唔駛等位，不過客人都幾多。菜單設計簡約，但菜式選擇非常多，除左東南亞菜式、中菜，另外仲有燉湯選擇。我地點左$328嘅龍蝦孖寶，跟餐揀左咖哩牛筋腩，兩個人應該夠食，不過見到隔離枱嘅蝦餅好吸引，我地都忌唔住點左一份。泰式鮮炸蝦餅($68)呢個炸蝦餅好彈牙，而且外層香脆，沾上泰式辣醬非常惹味，而且$68咁大份，性價比都幾高。龍蝦孖寶($328)避風塘野生辣龍蝦野生龍蝦我地揀左少辣，配合避風塘製法，咸香之中帶點微辣，非常美味，而且野生龍蝦特別有彈性，入口鮮甜爽彈，我地兩個都食得好滋味。咖哩牛筋腩煲牛筋份量好多，咖哩唔會太辣，配油飯食味道好配。油飯($18)埋單每位$230，價錢合理。

一間餐廳有哂泰越菜食，咁就唔駛爭崩頭去揀喇，一上去完來全層都係屬於佢地，一坐低已經聞到隔離食龍蝦好香。入面成層都係餐廳既，仲會見到好大個酒吧，上面放左唔少酒，食住炸野燒烤絕對可以飲番杯襯番。搵過見燉湯好正一定要叫，叫左個《椰子烏雞排骨燉湯》($68)，飲落真係好清甜，仲勁足料勁多椰子，仲有幾舊排骨粒，啲烏雞都燉到好淋。小食要個《越式蒸粉包》($56)，個皮好薄而餡好多，多到爆哂出黎，令到層皮爆開左，餡料夠味點埋魚露更滋味。串燒都有得食，《串燒安格斯牛肉》($22)同《串燒沙嗲雞肉》($18)，燒完之後肉都唔算好乾，沙嗲甜味較重入面都有花生粒。見到好吸引《原個椰青海鮮焗飯》($118)，面頭好多蝦有蟹柳有魚塊，聞落好香椰香不過食落又唔覺，椰子肉焗到勁淋好易刮埋一齊食。野飲見到有《原個椰青》，食泰國野一定要飲喇，飲落好清甜，甜味真係幾重，同平時飲既有少少唔同，有種好熱帶既感覺，美中不足係居然無哂芒果整黑糯米飯。店名：億饍地址：旺角彌敦道558-560號譽發廣場4樓餐牌:

8點鐘左右，成間餐廳多到爆棚，好彩都仲有兩個位剩，唔洗等位。略略睇一睇個menu，大部分選擇都幾平，特別冬蔭功火鍋真係平到笑，今晚一於食盡佢。青木瓜沙律-每次去越泰餐廳都會心癢癢想叫返個青木瓜沙律食，鮮蝦有成4-6隻，食落爽甜彈牙，而沙律味道較淡，唔會好酸好辣，重口味既人可能會食得唔過癮。蒜蓉牛油雞翼，雞翼size偏大，外脆內嫩，加埋蒜蓉就特別惹味，不過有點偏油，亦因此較香口。串燒-雞&豬，個醬係平時既泰式串燒醬，味道偏甜，串燒雖然燒到顏色較深，但肉質無被燒到鞋曬，而肉味濃郁，拎黎過口癮都唔錯既。馬拉盞通菜-通菜經猛火煮過後，顯得綠油油，食落爽脆，保持到難得既口感，再經過調味後，特別惹味，最岩配碗泰國茉莉香米食!海鮮冬蔭功河-配料主要有魷魚同蟹柳，而個冬蔭功味道較淡，岩曬d唔食到酸辣既朋友，而個幼河粉晶瑩剔透，口感彈牙，好得我心。

喺鬧巿中想搵一間坐得舒舒服服同安安靜靜餐廳的確唔容易，一般普遍嘅環境都係非常吵鬧而且馬不停蹄咁被各種招數催促， 基本上食飽就要埋單閃人。呢間泰越餐廳位於商廈樓層，不失為與友人聚舊嘅好地方。逢親食泰菜都必點冬陰功，呢個鍋都幾足料，有蝦及多款菇類，湯味香濃，仲可揀唔同嘅辣度。重點係佢有明火保持熱度，啱晒咁凍嘅天氣，尾段再飲多碗都唔會變涼。火車頭牛肉湯河大大碗，兩人share都可平均分配。一上檯已有一股特别醇香嘅香味傳出，即時令人胃口大開。湯底味道清甜而且回味悠長，不過個人口味認為，如果加啲金不換香味就更特出。湯河集 合咗半生熟牛肉片、牛筋、牛丸、牛柏葉等，個人口味認為當中牛肉同牛丸特別出色。越式春卷，大小適中，即炸出來配合生菜，只有食到香脆又飽滿，做到皮薄餡靚，特別要讚每塊有即時沖洗過，感覺零捨翠綠清鮮。最後係泰式燒雞，皮香肉嫩，令我毫不猶豫 order咗大大杯Hoegaarden，雞皮乾身所以香脆，再點上南乳醬味道更佳，兩人食半隻份量啱啱好。呢度坐落舒適，以後唔駛特登去到九龍城都有較好水準嘅泰越菜食。

之前朋友介紹過旺角有間餐廳都唔錯，唔使同人迫，所以今日咁岩係人來人往嘅旺角就嚟左啦。地點就係H&M附近，餐廳好易搵，而且座位寬闊，唔同平時係地舖同人迫咁辛苦。坐低見到隔離枱叫左個香茅泰式明燼烏頭，呢味菜係我每一次食泰菜都必點的。但呢度個泰式明燼烏頭同平時食嘅好唔同，一上菜好靚，整整齊齊，睇圖就知，職員再嚟加湯，色香味美。火車頭牛肉湯好足料，大大碗，牛柏葉好爽，而馬拉盞通菜都唔弱，抄得好夠鑊氣，好翠綠唔會老，配埋個椰青，正！

呢間餐廳有齊哂中式、泰式同越式食物， 完全唔怕揀唔到野食！今次就叫左個二人餐，頭盤有柚子鮮蝦沙律，柚子同鮮蝦份量足，清新鮮甜，十分開胃。 小食有牛油雞翼，夠香脆，隱若有牛油香味，味道濃些會更出色。另外仲有串燒沙嗲雞肉同串燒安格斯牛肉各一串，兩種肉質同好嫰，配以沙嗲醬入口，口感一流！ 主菜揀左炒金邊粉，賣相就一般，但勝在夠鑊氣！而且大大碟，兩個人絕對食唔哂！二人餐（$298）其實兩個人食夠食有餘，但我地就想試埋個炸春卷（$56）同桂花BB鴿（$96） 連埋生菜包住熱辣辣同非常紮實嘅炸春卷，冇咁油膩嘅感覺，食落非常爽口，大推！ 唔好睇少呢個桂花BB鴿，份量都唔細，味道似滷水鴿，再加上有一種花香燻過嘅味道，幾特別！ 呢間餐廳座位都闊落，東南亞Fusion菜式選擇又夠多，整體上都好滿意！

係fb見到好多人嚟呢間食呢個二人餐，覺得都幾抵食，就同朋友嚟咗鮮蝦柚子沙律，兩隻蝦新鮮剝好，肉質彈牙，配上清新嘅柚子肉，生菜，甜酸醬同花生，簡簡單單已經叫人欲罷不能柚子剝得好乾淨一啲渣都冇，而且果肉多汁又甜，好開胃蒜香牛油炸雞翼，炸得好香，雞翼皮好脆，入面嘅肉質幼滑，啲肉汁鎖豬哂係入面好香好好食小食串燒有兩串，可以揀雞牛豬，我哋揀咗雞同牛雞肉幾嫩，燒得好香牛肉係安格斯牛，肉質結實有纖維，沾埋滿有花生香嘅沙嗲醬一齊食主菜叫咗香芒蟹肉炒飯，飯粒炒得粒粒分明，蟹肉都係個飯入面融為一體，反而係明顯哋有幾隻大大隻蝦仁係飯入面，幾surprised芒果煮完較生食淋，但係都唔會爛哂，而且味道好甜，配埋蟹肉炒飯好夾菜有得揀芥蘭/西蘭花我哋揀咗芥蘭，蒜蓉炒鑊氣十足，份量都好夠，兩人食嘅話有點兒太多埋尾有兩份甜品：椰汁黑糯米，撈勻一齊食糯米好煙韌，軟硬適中，椰醬唔會太稀或太濃稠，配搭恰到好處嘢飲方面餐飲加錢upgrade咗做椰青同綠豆冰椰青好靚，多水清甜，椰肉爽口又嫩滑，飲落好清新綠豆冰係用咗冇豆殼嘅綠豆，淡淡綠豆肉，椰汁香濃，飲品做得幾好

油尖旺一直都係香港核心地帶，同朋友shopping完就黎左譽發廣場既億饍。 由油麻地站行過黎唔洗5分鐘就到，而且環境好舒服，場內亦唔算多人唔算好迫 都可以2個人坐4個人位。 仲有好靚既吧台 首先黎既係柚子鮮蝦沙律 柚子都好大舊同好多 而蝦亦都好鮮甜 唔會有腥味唔錯唔錯 重頭戲就係呢個原個菠蘿炒飯 飯既份量絕對夠2個人食 仲有好多菠蘿阿 而且個飯仲炒得好香 唔會太燶同太乾，個菠蘿下面仲有菠蘿可以刮黎食 好鮮甜，值得一試 友人最鐘意食魚所以嗌左個香茅明燼烏頭 慢慢等佢自己熟 等待既過程真係令人食指大開 而且條魚岩岩好 唔會太過熟而魚肉變得好硬 魚肉仲係幾滑 唔腥 而且仲好大條下 真正既啖啖肉 佢有配醬料比你點 可惜我唔食得辣就試唔到啦 最尾就有呢個越式炸春卷 可以包住黎食而且個春卷皮薄餡靚同好香 有鮮菜令到佢唔會太油 不錯不錯 而且呢到既Hoegaarden $50 炸 真係好抵

位於旺角，這間越南餐廳也有泰國的菜式供應。餐牌上的食物款式有很多, 我們點了一個好像牛肉火鍋的菜式, 另外. 還點了鮮炒薑汁西蘭花、椒鹽豆腐、花膠烏雞香菇燉湯。飲品方面, 我點了一個泰國椰青。食物來的速度很快, 首先是雪花肥牛火鍋。店員會呈上一個鍋和一碟牛肉粉絲。這個粉絲煲適合二人分享, 因為粉絲和牛肉的分量也挺多的。椒鹽豆腐的椒鹽味不重，味道不夠濃味, 但椒鹽豆腐的豆腐皮帶點脆, 很香口。花膠烏雞香菇燉湯是一人份量, 裏面有很多香菇。烏雞很淋, 裏面亦有杏仁。 燉湯的味道夠濃, 很夠熱, 充分飲到烏雞的味道。冬天喝一碗熱的燉湯, 感覺很滋潤。鮮炒西蘭花味道不錯, 西蘭花炒得很夠淋, 但我點了要薑汁鮮炒西蘭花, 但我品嘗不到薑汁味, 薑汁味非常輕微。鮮甜的泰國椰青很解渴。

嚟到呢間旺角油麻地交界嘅樓上鋪，見佢個名好有霸氣，而且小炒好似係招牌，就上咗嚟啦佢呢度係計茶芥嘅，所以一開始就捧上一壺茶，侍應都好細心咁幫我哋斟咗茶先，然後我哋再慢慢揀嘢食落單先嚟叫咗個龍蝦孖寶，A揀咗避風塘爆炒野生辣龍蝦，但係走咗辣，怕太熱氣龍蝦都幾大隻，斬件過油，半炒半炸整得好香脆難得嘅係龍蝦肉係野生，keep住好新鮮，肉質爽口彈牙，配埋避風塘炸蒜同各種香料一齊炒，十分惹味香草angus牛柳粒個汁好特別，並唔似平時咕嚕肉個種汁，反而有啲似撈檬個種甜醋而且肉質好細嫩，咬落去仲係好juicy配埋蕃茄，三色椒，洋蔥呢啲配菜一齊炒，酸酸甜甜好開胃兩個餸都好惹味，所以叫咗白飯嚟撈住食其實佢粵菜做得幾好，fusion菜都唔錯，一次過滿足多個口味嘢飲方面叫咗banana n pineapple slush，因為冇banana，所以佢問我哋可唔可以轉peach n pineapple轉完之後都幾夾，feel到佢呢個smoothie係用鮮果打出嚟嘅，果汁味道幾天然，不過呢啲天氣飲確實有啲凍另一杯就叫咗 pina colada，呢杯好特別咁用咗椰子味嘅syrup，所以甜味中和返酒味，好特別有東南亞風味

都市人生活忙碌，作為無飯主婦想飲碗自家熬製足火喉的「老火湯」已經很艱難，係人煙稠密的油尖旺區就更加難上加難! 偶爾經過新開的譽發廣場，見有燉湯的午市套餐廣告，就決定要跟同事前往一試!商業大廈設計，一開電梯門就是開放式的餐廳；座位不算多，午市時間幾乎已滿坐燉湯午市套餐 $68，已包燉湯和主食，價錢實惠要是不講究的話，基本的午市套餐，價錢亦吸引花旗參鳥雞排骨燉湯濃濃的雞湯配合花旗參，滋陰補氣，很滿足蒸梅菜肉餅飯大讚肉餅不肥不瘦，肉質鮮嫩，配上梅菜香甜，酒店級的水準上湯黑魚翅午市套餐 $158上湯黑魚翅配白飯要對自己好D，午餐來個魚翅撈飯! 一絲絲的黑魚翅無花無假，絕對不是粉絲啊! 餐廳承諾所有食品不含味精，黑魚翅是以人手清洗，不含化學物質，可以吃得安心，補充膠原!牛油雞翼 跟餐加$20充滿香濃牛油的雞翼很邪惡，炸脆略嫌有點熱氣，而且雞翼有點瘦稍春卷 跟餐加$25愛吃米紙的越式春卷，外脆內軟的對比口感，惹味吸引椰汁紅豆冰(右) /椰汁三色冰 (左)紅豆是煮過綿綿口感，配合椰汁的清甜，減去吃油炸食物的膩滯感

最近比較常去譽發廣場搵食~因為成棟都係特式餐廳~今次黎到億饍~打開餐牌，發現有好多唔同菜式~~中菜、泰菜、越南菜~真係一次過滿足你3個口味~~豬肉鮮蝦米紙卷米紙包住大蝦、肉碎~沾上魚露特別開胃~餐廳跟米紙送上中式乳豬醬 XD哈哈，出於好奇又試左~ 估唔到又幾夾~~ 椒鹽豆腐調味唔會過咸~豆腐都好香脆~~牛柳粒炒飯牛柳處理得唔錯~唔會炒得過老！調味以茄汁為主~~酸酸甜甜夠哂醒胃~蝦餅估唔到份量都幾大~入口彈牙，啖啖肉好味道~~飲品點左椰青 & 龍眼冰~忍左口8個月，終於可以飲椰青啦~~清甜冰凍！爽！老公表示龍眼冰有點過甜~

原來油麻地一帶捐窿捐罅都揾到抵食又好味的餐廳。一間樓上餐廳専門是東南亞美食，今日無意中發現即刻上去試下。午市套餐只五、六十元，有餐湯，飲品和主食。如果想飲燉湯加十元便可以，不過就要一點後了，今天還末燉好呢！不過今日例湯是羅餸湯，味道濃郁有蔬菜的清甜，材料好豐富絕不馬夫。海南雞飯如果想食雞脾位只加三元，咁抵無理由唔加啫。皮薄肉嫰，沒有多餘脂肪，肉質滑溜，蘸薑茸或秘製醬汁同様好味。飯粒有油脂香，入口又感受到少許薑的味道，粒粒分明不油膩，滋味。越式咖啡有獨特的咖啡香，本身味濃郁醇厚略帶苦澀回甘，加入了煉奶中和苦澀味，變得順滑有層次。

我們是‘模範’夫婦，今晚又要出街搵吃了。我地揀左油麻地間億饍食越南野。呢度主打食龍蝦，睇餐牌都好似好正咁呀。不過我地留返下次食。我地叫左二人餐加軟殼蟹紙米卷同埋乳鴿因為二人餐好抵食，由前菜到野飲甜品都有齊晒，都只係$298。首先有柚子鮮蝦沙律，好多柚子，好甜蒜蓉牛油雞翼，炸到好脆呢！正呀！沙爹兩串，我地揀左牛同豬。第一次見軟殼蟹紙米卷，菜既份量咁大棵，岩晒呀，balance返炸軟殼蟹既油膩！好好食呀！蟹算大隻！足料！仲有乳鴿，乳鴿有少少特別，唔係炸，係鹵水味，都係呢度既招牌。仲有蒜蓉炒西蘭花。好新鮮 無炒到老晒！香茫蟹肉炒飯，仲附有大蝦，蟹肉mix埋炒飯，真係啖啖肉送野飲，我地加左少少錢轉咸檸七同埋青檸梳打水甜品係椰汁紫米露，掛住食無影相