億饍 (已結業)

早2日同朋友去旺角行街，行行下肚餓，就去我地食開既飯堂開餐喇~首先我地叫左2個湯暖下肚仔先椰子烏雞排骨燉湯一片片椰子已經係湯到見到，仲有雞肉排骨少少湯渣老火燉，飲得出無加味精，椰子味好香另外係豬肺排骨萬壽果燉湯一樣好足料，萬壽果我本身以為苦苦地，點知飲落係香甜豬肺仲可以以形補形TIM~之後就主菜，第一樣係冬蔭公海鮮湯河比我想像中辣啊! 仲辣過泰國個D，我以為會酸味多少少但咁辣就岩我喇! 冬蔭公D海鮮料好齊好多我最後所有湯都飲哂第2樣係香芒蟹肉炒飯香芒大大粒擺面，唔係就咁比D絲就算，又甜WOR蟹肉絲一路食飯一路食到，好多~飯炒得乾身，唔錯唔錯最後我口痕忍唔住叫左個椰青，食泰國野必食~好甜好解渴啊! 正! 呢餐食得好滿足

今晚同friend來旺角行街街，行到差唔多兩個都肚餓，見間泰國越南菜餐廳，咁岩個心都係想食泰菜，所以諗都唔諗就証左嚟食啦。首先叫左個越式拼盤，咩都有少少，春卷啱啱炸起，小心燙口，非常香脆好食。職員推介我哋食軟殼蟹牛油果卷，果然冇介紹錯，牛油果同魚蝦蟹簡直係完美嘅配搭牛油果同軟殼蟹簡直係完美嘅配搭，入口又軟又脆，而且好香口。再叫左個野生辣龍蝦（小辣），肉質新鮮結實，避風塘口味夠曬香。呢間餐廳地點非常方便，下次會再來。

東南亞菜的美味相信每個人都深明，這亦是我最喜愛的菜式之一，惹味獨到，上一次在這家「億饍」吃過這風味菜後，其風味一直在我腦海中猶存，這次來到這附近，回憶便驅使我再次回味一下。餐具都走簡潔風，感覺舒適。熱辣辣的美食，再加上冰涼的芒果沙冰，絕對稱得上絕配，一杯涼透心，只可惜果味不算得上香濃，還可接受。通菜亦是我的喜好之一，這次點一份馬拉盞炒通菜。馬拉盞的香氣隨著通菜上桌而傳出，通菜炒得較軟身，容易咬開。說到皮香肉滑，當然是南乳吊燒雞的形容詞，光是表皮就燒得份外香滑，而且皮下脂肪甚少，不會覺得油膩，雞肉也嫩滑好吃，南乳汁同時為燒雞的味道增添層次感。香甜的芒果肉是這道「香芒大蝦蟹肉炒飯」的靈魂所在，使整個飯都變得香甜，但也吃得出埋藏在香甜之下的鑊氣，爽脆大蝦和蟹肉變得更像是點綴為整份炒飯加分不少。為了香口菜而來，也放縱一下點一道極其酥脆的椒鹽軟殻蟹，香酥脆皮內裏卻充滿綿軟的蟹肉，香氣惹味，表面也有惹味的椒鹽，美味非常。重遊故地再拾舊味，依然是東南亞菜最為惹味，還是捨不得這美味，可惜肚子再裝不下了。

The special price dinner set for two is ok. It had 1) beef pieces with fried rice and some onions and bell pepper, all fried, the sauce is good and tasty. 2) two deep fried chicken wings, they are very oily and almost tasteless. 3) one skewer of beef and one chicken both are ok. 4) stir fried veggie dish with Malay sauce, not bad. 5) Appetizer dish includes small pieces of shrimp, grape fruit and red pepper 6) Black sticky rice with coconut dessert, small portion, and is just ok. Service is ok.

花膠烏雞排骨燉湯（$88）出奇地好飲，估唔到有泰越菜之餘，仲有原盅燉湯，冬天飲好滋補架！牛油雞翼（$60/4隻）即叫即炸，雞翼炸得幾脆，如果再落多d蒜蓉就更好；有4隻同6隻揀，兩個人食4隻就夠！蒸粉包（$56）好大件架！即蒸熱辣辣，點埋魚露汁就更好味！原個菠蘿炒飯（$108）嘩！真係原個菠蘿上比你架，而且菠蘿刮得幾深，所以炒飯都好多！另外菠蘿肉好新鮮呢！串燒安格斯牛肉（$22/串）再加多兩串牛肉串燒，都燒得幾惹味！億饍：一間有齊中泰越菜，各適其適，啱晒心大心細嘅人！

今日收工同老公喺旺角行街，老公話想食東嘢。於是我決定帶老公去之前朋友好評嘅億饍食晚餐億饍位置十分方便，位於彌敦道，油麻地站行幾步就到，喺旺角行完街過去都非常就腳！店員非常有禮安排入座。很少見泰越餐奉上中茶，感覺特別，應該是為了濃味的食物中和一下，十分體貼另外餐飲種類繁多，啱曬愛小酌兩杯之食客同老公點了二人精選，價錢不錯！又多菜式！老公大愛生蝦，所以我地亦額外點了。冰鎮生蝦肉質鮮甜，充滿驚喜。老公不停大讚！我們亦額外點了冬陰公湯，冬陰公湯料十足，非常難得！湯入面是滿滿的蝦碌，帶子，菇和蟹柳。而且湯味道酸辣適中，又有正宗泰式鍋暖住，喺寒冷嘅冬天下喝十分暖胃！前菜柚子蝦沙律，不愛剝蝦的老公見到去殼熟蝦雙眼發光。柚子同蝦非常清新和新鮮，加埋花生粒味道十分配合。串燒方面我們選了雞牛各一，串燒非常入味，牛肉不會太un，恰到好處！讚！蒜香牛油雞翼亦十分出色！一到來便香味十足！雞翼表面炸得鬆脆，但內裏仍能留住滿滿肉汁！主食方面，老公選了香芒蝦肉炒飯。平時菠蘿炒飯吃得多，芒果倒是頭一次吃，結果充滿驚喜！老公高呼芒果入口即溶！而且每粒飯也有蛋包圍住，蟹肉十足，呢碟炒飯十分出色！時菜點了蒜蓉炒西蘭花，十分新

天氣凍，唔係淨係得邊爐呢個選擇，今次同朋友去左主打泰/越菜式既餐廳，位置都方便，係正彌敦道。上到去地方夠大，坐得舒適，食得招積，出面仲有個露天位，出去吹下風又得。去到餐廳就緊係食野啦，一路睇menu，款式都幾多，都唔知點揀好，最後我地幾個叫左好多野食，咩都試下，有泰式鮮炸蝦餅、椒鹽豆腐、軟殻蟹牛油果卷、馬拉盞炒通心菜、椰子烏雞排骨燉湯、越式炒金邊粉、再加個芒果椰汁黑糯米收尾，正。泰式鮮炸蝦餅：大大塊咁，仲有即叫即炸既感覺，黎到熱辣辣仲有啲脆口，又夠蝦味！椒鹽豆腐：椒鹽幾香口，微微辣咁，豆腐又唔會好軟身，送飯食都幾好。 軟殻蟹牛油果卷：香口既牛油果配軟殻蟹，幾好既配搭，軟殻蟹又唔會炸到太油膩。 馬拉盞炒通心菜：食飯點可以冇菜呢，叫左個馬拉盞炒通心菜，炒完都幾翠綠，唔會炒到黃左，食落都幾爽口。 椰子烏雞排骨燉湯：平時都唔多覺泰/越式餐廳會有埋燉湯比人滋補下，出街食飯有番2啖中湯飲下補下都幾好，呢個湯飲落幾清，唔會好似出面啲例湯咁飲落成口油、又有啲味精感覺咁，反而仲好足料，啲排骨食落都好「林」身，又唔會有煮到好老既感覺，幾好幾好。 越式炒金邊粉：材料夠足有唔少蝦同札肉咁，再落埋啲醬撈埋佢，有

新一年既晚餐，梗系想食好啲，有好既開始啦(=ﾟωﾟ) 小編加埋朋友，三丁友最後揀左呢間。因為貪佢有越, 中, 泰 三種菜式，多啲選擇呀嘛！好在小編系OpenRice訂左枱，如果吾系 Walk-in 都吾知有冇位呀！睇下幾爆埸。頭盤黎翻個 生蝦刺身(hkd$118) 先，賣相吾錯，用個大冰碗裝住啲生蝦，保持新鮮。話明呢到多選擇，又點會淨系叫泰式，即刻黎翻個中式既 桂花bb鴿(hkd$90) 。不過就吾系太抵啦，無乜肉地，同埋吾夠入味。之後，叫左 炭燒豬頸肉(hkd$78) 。小編覺得呢個幾好食，豬頸肉大塊; 燒得恰到好處; 加埋啲蜜糖醬，吾錯！吾錯！而呢個 冬陰功火鍋 (hkd$138) 包牛肉, 粉絲, 菜。既可飲到冬陰功湯，又有火鍋料填肚，都幾飽幾抵食架！講到頭盤啦？ 原個椰青海鮮焗飯(hkd$118) 。熱呼呼上枱，食之前小編建議將配料取出，再用匙羹將椰肉同飯撈埋一齊，咁樣會令飯更突出椰香，好味架！！Ps, 要比茶位，每位八蚊; 同埋加一服務費，要注意喲。

係樓下等lift排晒長龍等左兩架lift先入到lift但係出lift見到成個場都無人以為未開門都心知不妙正想走人既時候先有個女人行出黎問我咩野事我心諗我過門都係客 你禁玩野求其叫左個炒飯 等左三個字先黎一來唔熱 二黎有陣怪味 好似變壞左既味道撥開黎睇發現除左飯之外就係飯,咩都無無咩點食心諗上錯賊船係自己唔好彩個女人離遠又眼超超好似好不滿甘即刻俾錢走人唔明lee間餐廳点解可以甘多好評原因相信大家都清楚

今日午餐再幫趁億饍，我今次吃$62火車頭牛肉湯河，有中西餐湯任擇，我要忌廉湯，很綿滑可口！「火車頭」牛肉湯河就像港式三文治，材料應有盡有，有爽口鮮味牛丸、牛展、牛肉、牛柏葉、腍度剛剛好的牛筋，火車頭牛肉湯河料多好吃，仲估唔到有甜品~~紅豆沙送添！我的同學吃$58泰式咖喱炒牛肉飯，她給我試少許，很惹味，只是油較多少少。我另外兩位同學要$54香矛豬扒飯，看來也不錯。四位餐飲都要熱鹹青檸，好飲，很「順喉」！ 

行開旺角想食泰國野，見到呢間多like想試下，而且重好似好fusion，好多野食唔止泰國野，唔洗迫住男朋友同我食同一款菜。。。。食泰國菜我地來來去去都係食果幾款，同埋其實一直以黎我都覺得我地要求唔高，都係一d好合理食客應該想享用到既野姐。。我男友最中意一定係d野食夠熱先，即煮即炒，拎出黎先食到好唔好味。二黎咁一定都睇味道既。um。。。總之呢間野冇令我有再戰既念頭。。。唔講啦。。。睇相啦。。。。。。

作為一個打工仔，揾食真係咁易咩？收左工，想約同事響旺角附近揾好野食，多款式揀，又容易揾，最重要係好食，欵今次易啦。今次試嘅呢間叫做“億膳”，真係店如其名，集合中，泰，越式嘅美食，係大堂一上4字樓，出一抬頭都會見到佢大大個招牌，夠晒易揾，一望入去店內都多位，幾闊落。我平時就最鍾意食泰國菜，貪佢啲小食夠香口，即炒小菜夠火喉, 飲品即解渴又有特色。所以上嘅第一道當然就係一啲特別嘅泰式小食啦～今次試嘅小食有又清爽又開胃嘅餐前小食-柚子鮮蝦沙律。雖然只係一道前菜，但係千其唔好睇少少佢。原隻大蝦，再加上鮮甜嘅柚子肉，爽口嘅蔬菜，令到成個清爽度鮮甜度大大提高。再黎第二款嘅小食就係香口嘅蒜香牛油雞翼啦～好似我地呢啲越香口越鍾意嘅食家就一定要嗌黎食啦，當炸得香香脆脆嘅雞翼加上異常令人無可抗拒嘅邪惡元素-蒜容+牛油，真係吸引到會令人一舊接一舊咁食落去嫁! 終於黎到主菜部份啦，第一樣上嘅就泰式炒金邊粉啦～上枱嘅時候已經聞到一陣陣嘅香味，大份量得黎唔會太油，金邊粉炒到條條分明，唔會痴埋一舊，再搭配埋大蝦，新鮮嘅蔬菜，一流!第二款上嘅主菜係馬拉炒芥蘭，夠火喉嘅同時上菜仍然非常翠綠爽脆，加上馬拉嘅獨特香氣，

是日和同事見樓下傳單幾吸引就上門一試個lunch，結果一試難忘。小弟叫既係海南雞飯，無改雞脾，味道尚可，但飯又乾又硬又過油，雞件偏多骨。而其他同事既食物如下：有同事食鮮茄牛腩飯，茄底係大家樂級數，牛腩不怎樣有同事食咖哩牛腩飯，咖哩係咖哩粉開，同咖哩魚蛋既汁一樣。另外豬扒湯濛，豬扒過油兼唔熱，只係叫做暖，個湯係好重雞粉既雞湯，要另外加辣椒先食得落。而服務，就認真麻麻。途中發生的小插曲，有幾位同事比較遲黎，但落order後搭半都只係飲左個湯，我哋邊追佢單邊落野飲。再到搭8過啲再問佢地，先發覺漏單。餐飲又未上。等上到野食已經搭9搭10, 趕頭趕命食晒。以佢哋咁既食物咁既價位，油麻地佐敦大把好過佢。認真無下次多謝晒

今天難得放工跟同事來到這間位於旺角的樓上餐廳，從門外看，以為是一間小巧的西餐廳，進來後發現餐廳不但寬闊，還設有平台，非常適合老友談心揀了一個靠窗舒適的位置後，侍應立刻送上茶水，服務貼心值得一讚的是枱面擺位和清潔都做得非常好看過餐牌後，我倆決定點一個二人套餐，然後再點一些小食。這個就是頭盤：柚子鮮蝦沙律柚子入口鮮甜，配上鮮蝦，非常開胃主菜芒果蟹肉炒飯，芒果大大粒鋪在飯面，蟹肉砌成細絲分佈在炒飯裡炒飯非常好味，入口就知道是高品質的料理小菜還未送到，侍應推介我們這個豬肺排骨萬壽果燉湯，真想不到這個燉湯只是＄68 ,而且材料豐富，入口味濃，性價比極高小食送到，這個就是炭豬頸肉，每一塊都非常有份量，入口即溶，必食再來就是蒜蓉雞翼和燒牛肉串，作為小食，感覺非常不錯特別是炸蒜蓉雞翼， 加一點檸檬汁，入口酸酸甜甜其實我們已經有點飽了，但看到餐牌上面還有蒸手打肉餅，我真的忍不住點了這個蒸手打黑松露肉餅，這個肉餅上菜的時候還熱辣辣的，品質非常高！入口黑松路味超濃，令我們回味無窮這晚好像吃了不少高品質料理，但每人只是200多元，滿足了胃口，錢包也不心疼

同同事每個月都約一晚出街食飯，今次約左食泰菜，仲要係較方便既旺角。 冬蔭功 $75嚟到當然要飲冬蔭功啦！😀有大蝦，很多冬蔭功既香料，草菇等等，最重要既係有平時冬蔭功無咁重味既九層塔，依個重味到有啲似薄荷味，比平時的多左啲刺激激感。 串燒食東南亞菜多數都會食串燒,點了牛同雞, 燒得剛好, 外層有啲甜甜地而且香脆, 裹面肉嫩, 我地十分推介牛肉串, 肉質都幾细嫩. 香茅泰式明爐烏頭 $75首先係用明爐同一條清烏頭上爐上，響我地面前煮又幾分鐘，再響魚上面淋上香茅汁，再煮一會就食得。魚肉唔鞋，食到係新鮮既，同啲汁食，酸酸地又微微辣，都幾入味！ 桂花BB鴿 $176/2隻唔係好明點解叫桂花鴿，因為食唔到桂花味， 食到豉油味，而且好夠入味，BB鴿肉好夠彈性，啖啖肉都好夠香。 炸春卷$45超級脆超級脆的即炸越南春卷，一咬落最初short short聲，之後有少許煙靭感，裏面既餸仲有好多，有肉有粉絲等。 Tom Yam $50 (Happy Hour Price)見到有泰式cocktail想試下，襯埋啲枱上食物，一啖濃一啖refresh,有點疏乎！飲品除左有酒: Vodka &