億饍 (已結業)

今日同朋友嚟到旺角食越南嘢 呢度地點方便 近油麻地地鐵站嘅商業大廈 去到座位唔多 已經爆滿等咗一陣就有位 叫咗牛油雞翼 雞翼炸漿略嫌太多 但係都炸得脆卜卜 牛油味就冇乜 不過雞翼入面調品都夠味 而且嫩滑 軟殼蟹牛油果卷 外面係米紙包住嘅 牛油果份量唔多 唔係幾食得出 但係軟殼蟹炸得夠曬脆 而且大大隻 肉質好鮮味 夠曬咬口 咁嘅配搭清新又唔油膩 煎芝士流心肉餅 肉餅好香 不過就好多油 但係整得好淋夠入味 一切開入面仲有好多芝士好香口 撈飯一流 原個菠蘿炒飯 佢用菠蘿嚟做器皿裝住熱辣辣嘅炒飯 炒飯炒得乾身夠味 而且原來波羅 都好大個 份量有好多 夠曬飽 椰汁綠豆冰 椰汁味超濃郁 微甜 但係入面啲綠豆煮得唔夠耐 有啲硬 芒果糯米飯 芒果新鮮 不過糯米飯淨係得黑糯米飯 有啲失色 配上上面嘅椰汁就一齊食幾夾 埋單計埋茶介同加一要524蚊 喺旺角食到咁豐富嘅越南菜 價錢都算合理

億饍這間餐廳，特色在於除了供應東南亞的菜式外，還有中式燉湯等。餐廳還附有酒吧，供應各式酒水。餐廳最大特點，標榜所有出品不含味精及防腐劑，令客人食得安心。泰式生蝦刺身（$118）👍👍👍👍泰式生蝦刺身有八隻，並標明售完即止。生蝦刺身肉質爽彈，伴以生蒜片，指天椒，並佐以酸辣的香草醬汁，味道清新又醒神。豬頸肉米紙卷（$56）👍👍👍👍越式的豬頸肉米紙卷，一碟有四件。外層的米紙包着一層生菜，內面捲着豬頸肉，越式檬粉，九層塔，香脆蒜片等。九層塔的香味，加上清爽的生菜，可以平衡豬頸肉的飽膩。串燒沙爹豬肉/雞肉（$72）👍👍👍串燒以每款兩串起，豬肉和雞肉每串$18。這個串燒比較多油，沙爹味亦不足。花膠烏雞香菇燉湯（$88）👍👍👍👍👍餐廳有多款中式燉湯，這個花膠烏雞香菇燉湯，真材實料，味道濃厚，有補血養顔，滋潤皮膚的功效。近日天氣乾燥寒冷，喝一口湯滋補一下，真是女仕們的最愛。馬拉盞炒通菜（$68）👍👍👍👍青綠的通菜簡單加入馬拉盞和辣椒，鑊氣十足，味道香濃惹味。椰汁蛋白燉燕窩（$43）👍👍👍👍這個甜品需時二十分鐘，所以要預計時間。香濃的椰汁加嫩滑的蛋白和燕窩，味道香甜又滋潤，亦是女仕們的首選。茶介（@$8）

今年的冬天好像過得特別長，氣溫急降至個位數，冷得不想外出，只想躲在被窩裡。是夜，下班後與友人逛了一會兒，再在附近歇腳晚餐。在網上幾番搜尋後，選址了商業大廈上的億饍，皆因這裡的燉湯也是主打之一，而寒冷的天氣，最適合喝點燉湯暖暖胃了。一出升降機，並沒有大門及玄關，就是餐廳了。雖然空間較細，一眼睇得晒，但每個座位也排列得井然有序，容納到不少顧客。而一旁設有開放式水吧，放置不少色彩繽紛的酒瓶點綴，令人感覺闊落又不失美感。這裡的食物大部份也是$100有找，價錢合理。其中亦有多款燉湯，主要以烏雞、豬骨、茶樹菇及黑排翅等製成，但是是每日限量供應。雖然我們7時已抵達，但原本想點的「烏雞翅軟骨燉湯」也售罄了，只好選其他。值得一提的是最初以為燉湯像茶餐廳般一人一盅，但是當奉上的時候，份量比預期中多，其實2人喝一盅也綽綽有餘。茶樹菇排骨燉湯/$68，老火湯的少量排骨油也遺在燉湯上，可見原汁原味，入口以帶點甘甜為主，其中湯中滲透濃濃的茶樹菇味。聽說茶樹菇營養豐富，可保健及理療，而混入排骨更有清腸胃瘦身的作用。而燉湯內用料足，單單吃湯內的食物也可捧腹滿足。另一豬肺排骨萬壽果燉湯/$68，是秋冬必備的滋潤湯水，也

最近樓上舖越來越多，連樓上食肆都越開越多，今次呢間朋友帶我黎，話有野生龍蝦食～2人晚餐好抵食，不過今晚唔太肚餓，決定散叫～野生避風塘炒龍蝦$280龍蝦一般係食上湯/芝士焗,見呢度有得揀避風塘炒,望落好吸引,即管試下~用蔥、炸蒜粒、洋蔥、辣椒爆炒, 龍蝦香口之餘,肉質又帶點爽脆,最緊要係好多膏同啖啖肉,送飯一流呀~花旗參烏雞排骨燉湯$68天氣凍必飲燉湯補補,一盅份量都算多,兩個人SHARE都可以, 花旗參燉到出晒味, 烏雞排骨淋晒但又唔會鞋,食埋都冇問題~馬拉盞炒椰菜$68椰菜係切絲炒，馬拉盞好香，特別入味，要留意呢個菜會比較辣

星期六同左阿媽一齊去旺角bodycheck, 之前要空肚左, 成朝無食過野, 餓到七彩, 搞掂哂之後係附近試左呢間餐廳, 見佢好多國家菜式都有, 唔駛大家為左食咩菜就黎就去, 睇下menu, 午市套餐竟然係去到6點, 仲要都幾抵食由於太肚餓, order左套餐加配左小食, 另再order左軟殼蟹牛油果卷先黎個羅宋湯, 嘩, 好足料唔好講笑, 呢個應該係我成世人食過最多料既羅宋湯, 有起碼有2條牛肋呀, 雜菜都勁多, 蕃茄味夠哂濃郁, 如果平時食一碗唔駛食其他野都飽左4成主食本來想叫海南雞飯, 見隔離飯香, 後來幾經掙扎, 伊麵控都係揀返黑松露野菌炆伊麵, 大大份, 開頭幾驚食唔哂…………..可能我真係太肚餓, 竟然成碟清哂加配左小食有蒸粉包, 2大件, 趁熱食好好味軟殼蟹牛油果卷都唔錯, 一啖擺落口阿哂滿足, 軟殼蟹又熱又脆飲品order左雜果天下, 唔會太甜, 岩哂我最後本來想叫多個我最愛既芒果黑糯米, 耐何眼闊肚窄, 唔想做大嘥鬼, 又唔想做大肥婆哈哈, 唯有留返下一次再黎啦

冬天飯記@億饍 旺角彌敦道558-560號譽發廣場4樓 遷就油麻地上班的朋友，就來了億饎啦！有東南亞包括越南泰國得風味食物，又有中式小炒，多用香料在冬天口淡淡口子會令人開胃。濃味菜惹味開胃，間中食重口味人套餐是懶人精選,$328 又唔洗太多考慮啦！柚子鮮蝦沙律，本人對沙律因為其健康清新，所以好愛吃，柚子肉多汁豐富，加埋蝦肉真是美味 ，個酸中帶點鹹同辣的汁同花生碎也令分數提升  額外加$88烏雞花膠燉湯，滋潤呀，花膠，勁多料仲有大花菇同豬肉，清甜好飲添完又添，一盅分到4小碗 ，湯料多肉也被我食光光，絕不浪費  蒜香牛油雞翼，香口一向最愛，充滿牛油香又脆卜卜 串燒牛豬雞各1串，豬雞醃得入味甜甜地，真的想令人再加點的肉串。主食3選1，我點了香芒大蝦蟹肉炒飯，貪可以食到兩種海鮮，拆了肉混入炒飯中，肉碎很香加芒果甜度，富熱帶風情又開胃，同埋唔會炒完好油膩,飯粒帶點濕潤蔬菜要了蒜炒西蘭花，清新防氧化抗衰老，而且十字花類低卡又健康，炒完仲好爽口。甜品是椰汁紫米飯，好飽呀，紫米微甜，椰汁帶點鹹。飲品包了,可加錢轉特飲 。有時朋友間想食唔同地方菜，要就到大班人，呢間有多種選擇就唔怕得失任何人了，還有食物

經過這棟新大廈，同行友人說在openrice有人介紹這家餐廳的菠蘿海鮮炒飯好吃，便沒有多想乘坐電梯上樓了。下午一時，電梯門一開，只有一檯客。店員A請我們坐在餐廳的中間，但友人要求坐旁邊，店員便讓我們到旁邊坐下。桌上有兩張餐牌，一張是午市套餐餐牌，另一張是燉湯套餐餐牌。兩張餐牌的最大分別是午市套餐餐牌的湯是配羅宋湯或忌廉湯，燉湯套餐餐牌是配以餐廳做的燉湯，main course的食物也有點分別。友人想吃它的菠蘿海鮮炒飯，又想喝燉湯，但燉湯套餐餐牌卻沒有菠蘿海鮮炒飯，那我就點了一個兩張餐牌都有的越式三寶飯作午餐，我嚐一下它的羅宋湯，友人便嚐它的猴頭菇燉湯。店員B幫我們下單後，便轉身到電腦前入單。不久，店員B到我們的桌前跟我們說我們要的猴頭菇燉湯沒有了，可以點另外兩種燉湯: 木瓜排骨燉湯，花旗參烏雞燉湯。友人有點失望，因為三款的燉湯只有猴頭菇燉湯是她想想喝的，其他一概沒有興趣。她跟店員B表達自己對其他湯沒有興趣，店員B便說她可以點午市套餐的羅宋湯或忌廉湯。要知道，即使是一樣的main course，燉湯套餐餐牌是比午市套餐餐牌貴。以我點的越式三寶飯為例，在燉湯套餐餐牌點會比午市套餐餐牌裡點貴

今日經過油麻地，邁啱lunch時間。見到譽發大廈有好幾間食肆餐廳。廣場樓下有位姨姨派傳單。就係譽發廣場4樓“億饍”。就揀咗嚟試試。望望餐牌。有商務午餐/午市套餐。仲有一個餐比較特別。就係上湯黑排翅配白飯$158囡囡見到上湯黑排翅雙眼發光。見佢咁想食，當然會叫啦！排翅份量比較小，但湯非常濃郁。湯有少少酒味。我叫咗午市套餐. 有湯送. 我揀咗羅宋湯. 我平時覺得快餐店嘅羅宋湯唔係太好飲, 但億饍嘅羅宋湯好好飲. 味道唔太酸. 料又多. 芒果蟹肉炒飯套餐$68。芒果大大粒又甜，有蝦，蟹肉。飯炒得好乾身。味道適中。我地加錢叫咗3款小食。牛油雞翼$20~有2隻。雞皮舖滿蒜蓉。好香牛油味，皮脆。蒸粉包$12~有2件。由於係即叫即蒸，所以時間會等得比較耐。粉皮唔算太厚，好滑。有冬菇，肉碎，紅蘿蔔絲。味道唔錯。上湯浸生菜$20~菜面有幾粒炸過嘅蒜頭。我食咗3粒。好腍好好味。生菜好甜好新鮮。再加$8轉飲熱柚子蜜。加$10龍眼杞子茶。有4~5粒大大嘅龍眼。龍眼好甜。但整杯茶味道好好。唔會太甜。

同朋友黎左太子，做完野就梗係搵食啦，見到億饍個易拉架，都好呀食下越南菜，之前食過都覺得正呀。八點多來到，依然全店滿坐，要坐lift口位。店員先送上茶一壺及餐牌，慢慢揀下食咩先。茶芥($8)茶幾香的，可惜不太夠熱。茶樹菇排骨燉湯($68)太晚來了，朋友想點的烏雞湯已經售罄，轉了飲茶樹菇湯。很足料，湯頭清甜好味。豬肺排骨萬壽果燉湯($68)自己要了一盅木瓜湯，是晚最後一份了，好好彩呀～同樣足料，木瓜，豬肺，瘦肉等，好清潤，最正係熱辣辣，飲湯最鍾意勁熱呀。軟殼蟹牛油果卷($88)香脆的軟殼蟹，加埋清新的生菜同牛油果，味道豐富口感十足，好味。香烤牛肉脆蝦片($52)牛肉散發著淡淡的香茅味，下層有粉絲，加埋蔥油同炸蒜勁正喎，good！泰式原個菠蘿炒飯($108)點都要有下飯落肚飽啲嘅，要了菠蘿炒飯，滿滿一盤好大份量，內裏有蝦仁，魷魚等同炒的，菠蘿甜甜地，飯炒到粒粒分明，又係好好味。芒果椰汁黑糯米($62)最後再來多個甜品，可能唔係季節啦，芒果好酸呀……椰汁也略微不夠，都ok啦。食物好好味，但個位認真麻麻地好坐，係正lift前面，每逢有人出入就要讓一讓。

推介軟殼蟹牛油果米卷！軟殼蟹炸得好脆菠蘿炒飯炒得好乾身，唔會濕立立反而芝士肉餅好油，冇乜芝士味牛油雞翼亦都只係似普通炸雞翼，不過好滑，唔會好乾也唔會好油膩芒果黑糯米飯都唔錯，不過本人就鍾意白糯米多d

近排個口生痱滋，個人都無咩胃口，所以就所以聽朋友講就嚟到近排好多嘢食既呢幢大廈食泰國嘢，呢間餐廳一出𨋢後就已經到 ，都幾多人食，黎既話可以book定位。呢到服務唔錯，坐低就有杯茶飲，同時提一提呢到係計茶介。睇menu 時仲發現，呢到有啤酒飲，平日放工可以黎呢到happy hour。餐牌都好多選擇，有湯飲，好多菜色。我同朋友叫咗原個菠蘿炒飯，炒金邊粉，串燒安格斯牛肉，串燒沙嗲豬肉，桂花bb 鴿。嘢飲叫咗椰汁三色冰，椰汁濃，三色既配料都好多，三種唔同口感都食到。原個菠蘿炒飯，一個完整菠蘿上，炒飯配料好多，蝦，魷魚，非常豐富，底部仲有好多菠蘿肉，好juicy,。炒金邊粉，同樣配料好多，扎肉條，蛋絲，蝦又大隻又新鮮，調味岩岩好。串燒安格斯牛肉，叫得安格斯，肉質都唔同d，特別有牛味，仲叫埋串燒沙嗲豬肉。桂花bb 鴿，滷水味非常入味，超正，肉質鮮嫩，味道真係唔錯！最後甜品叫咗芒果黑糯米，classic甜品，喂為呢餐畫上完美嘅句號。

這是一間樓上鋪的越南餐廳, 因為餐廳面積有限... 所以桌子與桌子間是比較迫的... 柚子鮮蝦沙律:它是用一個透明大杯子把沙律盛住, 上碟方式超級可愛, 吸引吸引吸引!!! 讚!!!  這個沙律的材料很新鮮也很簡單, 就是一些鮮蝦、泰國柚子和生菜!!! 配合酸酸的沙律汁, 很開胃呢!!! 椰汁三色冰:濃濃的椰漿香味, 加上有一點點咬口的紅豆和綠豆, 不錯呢!!! 香辣肉碎生菜包:整碟肉碎都充滿數種香草香氣, 但卻沒有一點的香(((辣)))味道... 炸春卷:春卷外皮有點點的軟糯口感, 但春卷外皮同時充滿油膩口感... 炒金邊粉:蝦肉很彈牙, 但完全沒有鮮味!!! 金邊粉的鍋氣不是很足夠, 而且金邊粉偏濕, 炒得不夠乾身!!!芒果黑糯米:椰漿很香, 但沒有甜味... 黑糯米沒有軟糯感, 而且質感變異, 開始硬化中... 幸運的是芒果是熟透的, 很香甜!!!

長大了後,覺得越南菜愈來愈得自己歡心,偶爾會想要吃,於是查過OPENRICE,最後選了這裏。菠蘿炒飯,是基本要點的吧,原個菠蘿上,料很多,有柱貝,有蟹柳,菠蘿,還有大大隻的蝦,炒得香,而菠蘿不會很酸,很清新又開胃。豬頸肉,好大碟,燒得很香,不會很硬或太乾,加上辣汁愈食愈過癮。蝦餅也是必點的,大大塊,十分彈牙。馬拉盞椰菜,這個配搭是我們自己選的,想要試試新意思,馬拉盞很香很惹味,椰菜也很甜,不過這個配搭不太MATCH,還是應該點通菜的

依一間餐廳，平時夜晚好多人，最好訂位。等左一陣，店員就幫我地安排左坐窗口嘅二人座花膠烏雞杞子燉湯$88，絕對值得推介，非常足料，入邊仲有瘦肉、北菇，絕對唔會有味精。花膠滋陰養顏、烏雞補氣養生。大大碗湯，足夠兩個人份量share，每人飲足兩碗，飲完之後個身即刻暧晒。飲完之後，千祈唔好放嗰啲湯料，非常好味。誠意之作！肉碎生菜包$78 生菜包肉碎整得幾好味，因為喉嚨有啲唔舒服，專登叫店員幫我地走辣。走咗辣之後，更加能夠食得出，豬肉碎，新鮮帶來嘅香味，配埋生菜食好清新。肉入邊有薄荷、乾蔥、青蔥等，平衡返肉嘅味道。蟹肉濃湯海鮮番茄湯檬粉$78。又係大大碗、而且湯底濃，又有足料海鮮。蝦肉食落彈牙、爽口，鮮蝦味十足，絕對唔係雪藏材料。$40椰青，清涼香甜的椰青，飲完之後特別醒神。最後加多個甜品，蛋白燕窩燉椰子奶$48一碗。貪靚嘅人必須選擇，而且成個甜品暖意十充，好快一口又接一口。

天氣凍凍地，特別想食d有湯嘅嘢，暖笠笠下！尋晚漫無頭緒咁亂咁行，搵湯麵，誤打誤撞搵到佢-----越南河！！！以前小妹返上環，lunch time最歡喜去樓下食碗越南牛肉河做lunch，可惜搬左金鐘返工之後就好少機會食到啦😫於是一人一碗越南河！小妹叫左牛腩河，男人就叫左火車頭！男人碗火車頭真係超超超大碗呀😱😱😱勁足料！牛丸、肥牛、牛𦟌、牛栢葉，仲有越南指定配菜：芽菜同洋蔥♥️超豐富！男人表示d餸好入味，而且份量真係好足，湯底好甜，好香牛味👍🏻小妹個牛腩湯河，份量就無火車頭咁多，不過料都好足！牛腩有大約7到8舊左右(無特別計過🤣🤣🤣)小妹淨係覺得妹似食極都有咁咋，牛腩煮到好淋，而且都好入味！湯底同男人講嘅一樣，真係好甜！！👍🏻之後叫左個菜，炒芥蘭，份量都可以，味道尚可，芥蘭唔算老！另外仲叫左個生菜包🤤🤤🤤叫左小辣，味道岩岩好，個炒肉碎食到辣味，但又唔會辣到要飲水👍🏻👍🏻