億饍 (已結業)

今晚book左7點幾去食億饍收工同同事去旺角行街行到夠鐘先過去食野上到去見到都坐滿左大半餐牌都有幾多選擇中式有燉湯肉餅泰式炒飯小食樣樣都有越式有撈檬應有盡有 啱哂每個人既口味飲品都係咩都有 啤酒雞尾酒紅白酒椰青三色冰 數都數唔哂要左軟殼蟹牛油果米紙卷軟殼蟹炸得好脆配埋綿綿既牛油果好感好rich泰式炸蝦餅開頭以為係豬排好大件 炸得好香蝦餅同出面食既有啲唔同比較彈牙 真材實料原個菠蘿炒飯有好多海鮮 加埋酸甜既菠蘿炒得乾身香口2個人可以食哂成個冬蔭公海鮮湯河微辣但好香 食落都幾開胃海鮮配料都好多好滿足一人叫左個椰青幾清甜椰肉仲可以食呢餐食到好飽好滿足

今日同妹妹喺旺角做完facial心情靚靚，於是走去搵好嘢食，旺角真係好多選擇，我哋行經呢一間 樓上鋪，個名叫億膳，即係話有好多款式選擇，我哋畀佢個名吸引著，上到去非常滿座，信心即時再加分。307豬肺排骨萬壽果燉湯＄68潤肺養顏 女孩子梗係要靚啦，呢個湯就啱曬我哋，份量都唔少㗎，燉湯濃郁芳香，甜潤順喉，材料豐足，我哋連湯料都冇放過。603泰式香辣肉碎生菜包＄78小辣在其他地方都經常有食呢個生菜包，呢間質素都算上乘，佢嘅香辣肉碎濃香撲鼻，肉碎唔會乾爭爭，濕潤又惹味，小辣好啱我哋，新鮮生菜，裹着肉碎來吃，清脆索索聲響，非常滿足。902泰式原個菠蘿炒飯＄108整個菠蘿散發著幽幽香氣，果肉金黃璀璨，新鮮菠蘿盛著滿滿嘅炒飯，材料豐富，大大隻鮮蝦，爽甜多汁，配搭多款食材。飯粒顆顆渾圓爽口，新鮮食材味道適中。J10 Grilled Pineapple Lime Mocktail $48 HH pineapple, lime juice, honey, orange juice, soda呢杯特飲真係冇得輸，多款鮮果配搭令你鼻蕾、味覺、有多種享受，各種份量調配得恰到好處，飲後令你身心舒暢。

平日成日出街食飯。多數都係飲味精例湯。唔健康。今次search openrice見到億饍啲燉湯都多人試，又多其他食物選擇。就一於踩上去試下。。同朋友每人叫左一個燉湯滋補一下。我嗰個係椰子烏雞排骨燉湯。非常足料，岩哂最鐘意食湯渣嘅我。啲排骨一入口就碎，燉湯又清又甜，好有椰子香，飲得出係燉左好耐。而朋友叫左花膠烏雞香菇燉湯。真係勁大粒花菇，燉湯又夠熱又足料。小食揀左我最愛的軟殻蟹牛油果卷。好足料。四件大大件。菜都好新鮮。重點係軟殻蟹真係大大舊，配牛油果醬，好creamy!見到生牛肉河又忍唔住叫。牛肉都幾多。湯頭非常夠熱，扺讚，牛肉好快就熟，而且薄切夠嫩。朋友鐘意食菜，揀左香口的欖角水碎炒豆角，正常水準。最後一定要甜品作結，揀左芒果椰汁黑糯米。黑糯米香軟，配椰汁無得輸，仲有大大粒芒果。如果芒果再甜啲就好啦。可能因為已經過左當造嘅季節。

想喺旺角食越南嘢，見呢間嘢網上評價出奇地高，所以一試，可惜中伏。第一，環境差。一出升降機已是餐廳，跟本沒門口可言。裝修是茶記格局，好難想像夜晚是酒吧。衛生一般，食材和垃圾都是經由露台位置出入，但露台又有坐位，很難想像。第二，服務一般。服務員姐姐禮貌都算ok, 可惜點餐經常出錯，我要生牛肉檬粉，變了生牛肉河粉，不只是我，坐在我左右兩邊都出現相似情況，是落單出錯定係廚房呢？第三，食物質素。點餐後，先來一個羅宋湯。湯足料，可惜多油，西芹多渣。再來主菜生牛肉河粉。牛肉ok, 可惜粗製濫做，洋蔥絲變洋蔥條，應有的九層塔、芫荽等越式配料變粗蔥粒。再加上勁味精牛肉湯,完全唔得囉!最後係咖啡，算把啦，跟餐送的size,得半杯，唉………很難想像會有200多個好評，眼見周圍的食物賣相也不敢恭維，一定不會再光顧。

一次過可以嘆到中，越，泰既滋味 --- 億饍。每次諗唔到食咩好，都會想去一間比較多菜式可以揀慨餐廳，今次億膳就啱曬心水喇！雖然朋友同我食量都唔大，但係都忍唔住點咗好多野食︰首先嘆返盅燉湯先，點左椰子烏雞排骨燉湯  $ 68超足料！椰子，烏雞件，排骨，桂圓，淮山裝滿半碗，湯頭鮮甜，飲落舒服順口小食有：越式特大竹蔗蝦$ 72/1支鍾意食竹蔗蝦就緊系貪食完啖啖肉之後仲有支竹蔗啜嚇，炸得幹身，蝦肉依然保持Q彈，而且蝦味十足同埋點左串燒沙爹雞肉 $18/1串雞肉串燒同出面串燒店食到嘅水準一樣，沙爹汁比較濃稠  蒸手打麻辣香菇肉餅$ 72抱住嚐鮮慨心態嗌咗呢個肉餅，感覺同紅油抄手入面舊肉非常相似，肉餅夠滑，而且肥肉唔多，味道幾得意南乳吊燒雞$ 150 /半只半只份量都唔少，外皮夠脆，雞肉肥美嫩滑，再點埋南乳汁，鹹鹹香香，完全有潛質成為白飯殺手夠哂飽肚！！見到隔離好幾枱都係點烤魚，有火伴住上枱，好吸引，會想下次試下個烤魚！

有次朋友提議食億膳，貪佢中越泰都有，所以有日lunch 就一齊去食。 果次服務不錯，坐又坐得舒服，野食都好好味，最記得椰青靚，飲落青甜～朋友對個湯更讚不絕口。一心諗住帶屋企人黎食encore la. 點知一黎就安排我地坐出面露天位 (應該私下劃出黎），佢應該book 枱果陣同我講有機會坐出面，等我地再決定黎唔黎。因為屋企人見我好評呢間好評，所以最後都冇所謂坐出面。到野食，水準真係跌唒watt, 同夜晚餐貴啲我都明，但跌唒watt 就同個價錢唔match, 就唔值。我屋企人已經black list 左呢間。

今日下午去了九龍油麻今日下午去了九龍油蔴地很近地鐵A出口的裕發廣場，那裡有一間叫做(億善饍)吃越式和泰式菜的，入到去地方不算大，但都算企理舒適。頭號菜是越式河， 火車頭牛肉湯河， 🍜湯底清甜， 裏面有大粒牛丸 、牛展 、牛孖筋 、牛肉片、 牛柏葉、配上洋蔥芽菜，都幾真材實料㗎 ！其中最好食係牛孖筋，又淋又軟又煙韌 ，補💁‍♀鈣質🏃🏽‍♀膠質一流。第二個菜是傳統泰國菜式(香辣肉碎生菜包生菜🥙)你睇下！好新鮮好青綠顏色，伅人好有食慾 😋最重要佢係夠健康，大大塊唐生菜，餡料係爆炒洋蔥粒、蒜粒、 碎玉粒及小紅椒粒，食落去味道濃郁又清甜，都幾飽肚。價錢好合理，你都不妨一試啦😄第三你係我未食過嘅(軟殼蟹牛油果卷 🦀🦀🥑🌯)擺上枱外貌吸引，用米紙包住青綠的火箭菜， 裏面嘅牛油果🥑香，軟殼蟹🦀炸得唔錯，外脆內軟，呢個配搭好有創意 ，價錢合理呀 😊都幾值得介紹你食㗎😀

這裡標榜有不同類型的菜式，打開餐牌，有越菜、泰菜、串燒、中菜、燉湯、西式甜品 ..... 除非廚房裡有很多廚師吧，實在難以相信兩、三個廚師可以處理那麼多類型的菜式。朋友未齊，先點些小食，邊食邊等。先奉上是豬肉鮮蝦米紙卷。除了米紙有點厚，看來都正正常常的。只是摸不著頭腦，何以配上的是乳豬醬。新奇配搭，但很奇怪。正當我們仍在研究乳豬醬配米紙卷這個新奇配搭時，店員奉上越式炸春卷。好像是求其放上碟的樣子，賣相毫不吸引，而且看來油淋淋。要是沒有生菜包著，一口油。幸好接著來到的椒鹽豆腐味道不錯，炸得乾身，外皮香脆。主菜點了鮮茄牛腩煲，加一份蒜蓉包。雪藏牛腩是意料之中，大量茄膏和茄汁浸過牛腩，獨見不到鮮茄，連蕃茄皮也見不到。香芒腰果泰式炒飯。飯身炒得幾好，夠乾身，腰果也香脆，但芒果好酸。想吃菜，本來選炒椰菜苗，可能入不到貨，結果改為馬拉盞炒芥蘭。不過不失。朋友說想食生蝦刺身，就叫了一份。蝦肉是爽身，算合格。未夠飽(其實只是5個人食)，多叫一碟鮮蝦蟹肉炒粉絲。炒粉絲要炒得夠爽身，不會糊作一團，都考功夫的。這個炒粉絲合格。飯後當然要個甜品，點了一份芒果黑糯米。芒果酸也算，那堆黑糯米，像是求其「畢」上蝶，

姊妹行街日，血拼完指定動作醫肚加拆戰利品油尖旺區愈來愈多食市，仲多左好多成棟大廈都係食市既商廈，中日韓乜都有，各有特色，揾食一d都唔難啊呢次我地隨便揀左間有泰國越南野食既~軟殼蟹牛油果卷 $88一客4件，薄薄既皮包住脆卜卜既軟殼蟹同沙律菜，食落香口清新~青木瓜鮮蝦沙律 $78鮮蝦爽脆，下面係脆身既青木瓜，混入左酸酸甜甜既醬汁，連埋面頭既炸香蔥食幾香口惹味~南乳吊燒雞 $150半隻外皮脆卜卜，脂肪唔多，雞肉嫩滑多汁，配埋南乳醬食味道咸香十足好惹味~香草安格司牛柳粒 $125牛肉份量多，加左青紅椒去炒，賣相吸引，味道都唔錯~

二人～平均$250/人生蝦~好好味烏頭魚ok 但湯底只是清湯，肉醉味道怪怪蝦醬炒芥蘭~正常兩柸飲料～ok，咸檸可樂特別。白飯~好食，爽。整體來說：便飯多一個選擇，價格合理！三五知己，吹水好地方。

今晚喺旺角同朋友睇完戲，跟住去食晚飯，之前朋友都有嚟過，呢間樓上舖真係包羅萬有，集中各種美食，佢個名叫做億膳已經 展示出嚟。504生熟牛肉湯河＄68 生牛肉色澤鮮明，閃令令，鮮味可口，肉汁豐盛。熟牛肉肉質軟腍，汁液豐富。河粉爽口彈牙，滑溜溜。湯底濃郁甜美，配搭都不俗。601泰式海南雞＄150半隻 本人對海南雞特別喜愛，賣相頗美觀，外皮柔滑爽口，皮肉之間不會肥膩，肉質柔軟潤甜，不過不失，還有兩款醬汁配搭，可提升雞肉的滋味道。1201芒果椰汁黑糯米＄62芒果肉蜜甜清香，顆顆圓潤黑糯米煙韌彈牙，混合香濃椰汁，非常匹配，如糯米可軟腍一點更加理想。K16杞子紅棗龍眼茶＄40 x 2 呢杯龍眼茶，我好鍾意，幽幽的 香氣，令人感覺舒暢，非常美味清甜潤喉，食飽飽過後，再飲番一杯令你好有滿足感。

和同事午飯，途經彌敦道這越式餐廳看到有燉湯，決定試試看。豬肺排骨萬籌果燉湯 - 非常足料，豬肺好淋，湯味濃郁，本身有少少喉嚨痛，飲完即刻舒服好多。海南雞飯 - 雞香滑，油飯香濃，配上特色醬汁好好味。花旗參烏骨排骨燉湯 - 同事大讚好飲，粒聲唔出就飲晒，慌死我問佢攞咁。香茅豬頸肉撈檬 - 豬頸肉厚切夠爽口，肉質嫩滑，檬粉加魚露鮮甜可口。蒸粉包 - 即叫即蒸，唔太咸幾好蠔油生菜 - 份量足椰汁紅豆冰 - 大熱天時一流龍眼冰 - 清清地不太甜，好飲

友人知道我愛食越菜。帶了我去億膳用膳。店舖面積不算大，餐桌間有點兒擠。但食物水準不錯！泰式生蝦超新鮮！生蝦頗大隻，蝦肉又爽又彈牙！肉質鮮甜的蝦肉包上生蒜一併食一流！牛串燒；肉質柔軟，肉汁惹味。生菜包：超大碟的生菜包，堆高成小山丘狀。微辣的肉碎包在生菜裡，一咬，既清新又鬆香惹味。火車頭湯濛十分足料！洋蔥夠多！有以下：生牛肉、牛展、牛柏葉、牛筋等。超足料超好食！推薦！水晶粉包面頭舖上炸香了的蒜片。水晶粉包的粉皮內包住黑木耳絲、蘿卜絲、味道清新清甜。

彌敦道有好多大廈都反新後，變成美食大廈，至前太子，旺角段就食得多，今次食到去油麻地嘅譽發商業大廈嘅億饍，主打越菜，粵菜同泰菜。一次滿足三個要求。餐廳位於大廈四樓，lift 門一開就可見餐桌近在咫尺可能餐廳環境唔算大，所以每個空間都充分被利用，傍晚7:30已經客人滿滿。好在我們到時，咁岩有人埋單唔駛等而餐廳另一邊就係水吧同廚房位置。我們點左三個小食，青木瓜沙律，有四隻爽口嘅中蝦，但整體味道偏淡，木瓜爽脆，清清地。炸蝦餅，口感微乾，味道也不錯。最好食係呢個脆炸軟殻蟹牛油果卷，軟殻蟹部份做得好好，炸漿唔會厚，但香脆度十足，配起牛油果減膩，而且爆料份量真係好好食。南乳吊燒雞也做得很好，外皮薄，脆，味度唔咸，配上南乳醬汁，另外多左番香味，所以我都好中意明爐泰式海斑，同一般食到嘅有啲唔同，師傅先將魚煎熟，放上鐵板後上桌然後樓面同事再在上面加上酸湯，又開胃又惹味，只係魚肉偏熟，但配料豐富整體都覺得好味，所以最後差啲骨都想食埋。最後嘅菠蘿炒飯

男朋友轉了新工作，這天請他吃飯，去了一間朋友推介的餐廳起初聽她說這𥚃的泰國菜不錯，以為這是一間泰國餐廳，上網看才發現這裡也有中菜和越菜，多元化得來又更合我男朋友的口味這𥚃地點便利，離地鐵站不遠，附近又多商場，難怪這𥚃全場滿座～ 這𥚃還設有室外座位呢既然中、越、泰菜都有，我們就來個東南亞多國菜晚餐吧點了串燒、米紙卷、菠蘿炒飯、蒜蓉炒芥蘭，還有椰青。串燒安格斯牛肉($22x2)：平日吃串燒比較常點豬和雞，但看到了安格斯牛肉，立刻就「轉軚」了～ 牛肉燒至帶點焦香，適量的油脂讓牛肉口感軟嫩，而且juciy配上沙嗲醬吃更美味。軟殼蟹牛油果米紙卷($88)：軟殼蟹配上牛油果形成了一個令人難以抗拒的組合軟殼蟹的肉身幾厚，雖是油炸但不膩因為用上了米紙而非炸春卷，又加了生菜，所以整體感覺幾清新菠蘿炒飯($108)：菠蘿炒飯算是經典的泰菜吧炒飯分量不少，以原隻菠蘿盛載，飯粒炒得乾身，配上甜甜酸酸又多汁的新鮮菠蘿，很合我口味蒜蓉炒芥蘭($68)：青脆的芥蘭炒得翠綠有光澤，入口不油膩椰青($40)：椰青水冰涼、清甜又清新，任何時候都是東南亞菜的最佳拍檔