傷心酸辣粉 (已結業)

老婆大人想來很久，但每次都是經過而矣，尋晚終於黎試下，不過坐位好細同迫，叫左兩碗酸辣粉，口水雞上例，毛肚，青瓜，全部小辣。先講碗粉，粉條幾粗，幾彈牙，湯底除左辣味，其實都食唔出仲有乜野味。口水雞雞味淡，毛肚唔奀OK，青瓜我唔食但老婆話唔錯。整體黎講真係除左辣之外，條利基本上食唔到其他味啦。如果四川粉真係咁既話我食過就算啦，反而譚仔都係麻辣但起碼湯底有豬骨甜味，岩我口味多D。

各位兄弟姊妹....我18號經過發現有新野出左..所以我就左去做白老鼠呀 !我都唔明白,...點解時常都鬼死咁多人去的呀 !我今次同個朋友去..我朋友就食酸辣粉加隻雞...我就試新野...一個叫酸菜牛腩米線另外一個叫蒜蓉白肉..酸菜牛腩米線:酸菜牛腩米線來到我就第一時間就試件牛腩..就發現件牛腩好軟及好夠味呀 !而且又唔痴牙...跟住我就試埋個湯底..好甜.但係又唔知係咩湯底...講唔出呀 !一句到尾..值得一試..蒜蓉白肉:蒜蓉白肉來到我就試個白肉..就覺得個白肉好像淡左啲..蒜蓉味比較多左啲...都可接受的..如果蒜蓉少返啲就會好的呀 !!

腦場展令我踏足久違既ssp，上次食過主店既bb辣，記憶猶新，今次再來多，但因為睇到有間分店就去試下，入到去個收銀哥哥著曬老西，嘩，專業呀~坐底見比另一間多好多野食喎~怕辣死就叫個卥水套餐，我對個併盤無咩冀望，話曬佢都唔係主力，來到先知，咁大碟既~有成兩隻雞翼，一大堆既腸同埋一大堆既腎，味道唔錯，個腸最好味，d汁唔太咸，有少少甜，好味~但係個腎硬左少少，雞翼凍左d，咬落去乾左少少。主菜來喇~bb辣，今次真係頂到喎，佢唔似其他地方扮係麻辣，佢食完係有花椒既after taste架~又香又有少少麻，d花生係脆既同埋好新鮮，令佢同個酸菜好夾呀~d薯粉又彈牙，成碗粉都好好味呀~叫凍hotlick，唔少野呀，夠粉唔係沖奶水有色比你算架~見到下次好想試佢既雞絲涼粉呀~

尋晚屋企又冇飯食, 踢完波就落左深水寶, 掃左一陣街之後, 有d掛住傷心酸辣粉,記得上次食左個中辣都好似冇乜貨, 可以接受既辣...今日再黎到深水寶, 襯番我呢個傷心人, 就去食傷心酸辣粉~~ 仲要係食令人後悔同流淚既大辣.......坐低左, 為左迎合我既傷心既心情, 叫左個大辣既傷心酸辣粉餐, 配一個中辣既麻辣牛肚.....當個waiter好似掉垃圾咁掉左碟麻辣牛肚落我張檯時, 傷心既我就急不及待咁食佢兩件先....入口爽脆, 味道清甜, 仲係冷盤黎架添, 諗住頭盤就ok啦...... 點知食多兩舊就出事喇, 原來入口唔辣, 要等多一陣先辣既....嘩嘩嘩, 個咀開始麻麻地喇~~~響我諗諗感覺到個咀俾d麻辣牛肚麻醉左之後, 另一個waiter小心翼翼咁將一碗鮮血放左響我前面, 丫, 原來唔係鮮血, 係鮮紅色既辣油, 就係我果碗大辣既傷心酸辣粉喇......死火喇, 餚底添!好, 頂硬上............嘩, 不得了, 入口即麻! 再食就喊埋出黎添.....望住牆鏡入面既自己, 兩隻眼真係濕左~~~愈喊愈開心, 但又唔可以俾人見到我流眼淚喎....dup低頭慢慢食, 成個咀好似

一試傷心酸辣粉叫左個口水雞+酸辣粉 set 連飲品口水雞: 幾滑 酸辣粉 : d 少幾好食, 不過個湯就得個酸字

今天本人去左一間叫傷心酸辣粉食野,我問個侍應有咩好介紹,個侍應問反我轉頭,你可食唔食到辣及麻辣,我當然答他無問題啦…他就介紹我食個龍抄手及招牌腸頭.龍抄手嚟到第一種感覺就係好像辣雲吞一樣.跟住我試第一啖.發覺啲皮好滑同埋啲肉不鬆帶有彊味..及有麻味,口感幾好.最其怪就係點解會有彊味.因為我試過其他食重慶個啲餐廳..佢地個啲皮好厚..同埋啲肉非常之鬆呀 !咬左一啖就散哂..招牌腸頭嚟到後初頭就覺得好普通.但係食第一件就覺得個煬腸頭非常之好..因為我覺得好脆及彈牙.覺得好像食緊燒肉一樣呀 !哈哈..跟住我在加埋佢哋個啲調味料..一食我條脷就覺得好鬼麻呀.個感覺就係條脷比左佢哋燒左熟了一樣呀 !非常之麻呀 !跟住個侍應過來問我好唔好味呢!我就答佢都幾好啦…但係我條脷好麻囉…佢跟住介紹左一個開心冰粉..佢話可以消除麻味的感覺.我就好呀！…嚟到之後就好似係涼粉或啫哩囉.我試第一啖就好鬼奇怪囉.入口即溶..又不是涼粉同埋又唔係啫哩.試左之後真係消除左啲麻辣..哩個甜品值得再嘗試..食得麻辣值得去一去試試..

去開呢頭，係OK換完野就黎呢度開飯啦 gogogo!!我地點左2個套餐share，辣度全部都係BB辣，皆因同朋友兩個都唔受得太辣，哈哈夫妻肺片: 即牛展、牛舌、牛肚、牛心切成薄薄一片，夠香夠麻夠辣，用來當送酒小菜應該不錯酸辣粉: 配有小小花生、葱花、炸菜、辣肉碎酸辣粉呈半透明，灰色的不太討喜但原來煙韌非常，我食第一啖已經有"麻"既感覺，湯帶點醋味(朋友估計係黑醋??)酸辣做的平衡，配埋配料食好香口，非常讚口水雞: 雖然浸泡係紅色辣油，但唔算好辣雞肉夠入味，又滑又嫩，不錯川北涼粉: 第一次食涼粉，涼粉很滑很清爽，醬汁香辣，味道濃郁，撈埋食好好好好好味 推介!!!依家睇番相都流哂口水，會繼續去既!

我今日終於試到傳說中你們所指的傷心酸辣粉嘅口水雞及傷心粉呀。。。。發覺阿叻同郭富城及阿叻個老婆都有去吃呀....我今日行開深水埗買電腦零件。。跟住想起你哋說傷心酸辣粉嘅口水雞及傷心粉都好食，所以我就去試一試..怎知道裡面好鬼多人呀 !要我等了10多分鐘呀 !一個人都要等..真離譜呀 !初初都唔知點解會那麼多人的呀 !.我點個口水雞再點一個傷心粉... 跟住個侍應問我要幾多辣.跟住我問反佢..你哋最多人叫幾多啦…個侍應就答我中辣的..跟住我答佢要小辣就算呀 !因小弟怕受唔到呀 !碟口水雞嚟到我看到已好得人驚呀 !因看到好像好辣..跟住我看一看有幾多件先…因為我之前看到你哋講好像得4件…但是我今次數個有成7件呀 !我一咬落口.就發覺好味呀 !因為好滑及好夠味道…跟住個傷心粉嚟到後.我一放入口就發覺辣味多個酸味好多呀 !真是差呀….但係啲粉就OK..夠彈牙呀 ! I LIKE…… 總括來說….如10分為滿分.. 我會比7.5分.. 不計服務呀 ! 可值得再去食呀 !...

特此聲明，本小姐絕對明白"一分價錢一分貨，要食平野就咪囉嗦" 的道理。對平價小店的服務態度絕對不會有過份的要求，但有時候無要求唔等於可以忍受咁樣的服務態度。在深水步買完電腦用品之後，咁岩架車就泊左係呢間舖前面，咁就試下呢間傷心酸辣粉啦，話晒我都幾欣賞呢間店舖咁有創意的標語- 酸到流口水，辣到流眼淚。入門口講低兩位，有一位著住西裝寫住大概MANAGER 的類似字眼的男士指示我地去好像樓梯位下的位置，沒有問題，坐進去，之後睇餐牌，再諗諗要叫乜野野食醫肚啦！之後聽到門口有職員大叫"五位"，兩三秒左右就有一位職員問我地介唔介意轉去1號台。我都唔知道一號台係邊度時，已經同老公企定起身準備行去就下人之際，呢位職員就話"唔使啦!唔好意思" well，咁既然唔使啦，就坐番低，再揀過野食啦！之後大概一分鐘左右，點知又同我地講，你地可唔可以再轉位呀？轉去一號台，今次我再望得清清楚楚，一號台就係收銀後面個張卡位，而當時係坐住一對男女，重要係一人坐緊一邊食緊野！？！我啞左，想我地點樣坐？坐係人地大脾度？定係要我地行到埋去趕呢對男女埋一邊？我講左一句 "唔使轉位，我地走" 就離開左呢間舖頭。呢間野有幾好食我唔清

31-10-2009友人生了大飛枝, 但在忍不住聞到咁香的情況下入左去食我們叫了一個餐, 方便之後再食其他野, 餐有:1. 夫妻肺片, 好香, 有深圳東門食的味道, 都不錯 佢加點炒過的花生同埋芝麻, 好香, 好味 但係就細碟得滯, 唔係好夠2. 一個傷心粉, 要小辣 真係好細碗, d粉冇咩彈口 雖然係小辣, 但我已經食唔到了, 辣到停左... 友人雖有飛枝, 但仍然撐得住, 真西利! 不過, 我們都覺得呢碗野的風味都不及深圳的咁好食~3. 凍檸茶, 好似唔夠甜, 可能因為食得太辣的緣故吧~$43+2凍飲

一直都想去試，到底它可以令我有幾傷心???今天終於有機會去嚐傳聞中的傷心酸辣粉!!!酸辣粉($15)一碗(要左個BB辣)，很便宜但沒有「餸」，只有花生碎、炸菜、葱、小小肉碎和辣!!外形沒有紅薯粉般晶瑩剔透，也沒有紅薯粉般彈牙。它的外形望落去好像很舊，很粗，吃時不太覺得辣，只感到其粉條都幾滑，其湯很濃郁，但只有辣味並不酸。兩個字：一般尖椒皮蛋：廣東皮蛋加黃金皮蛋，糖心黃，黃金皮蛋有蛋香，廣東皮蛋則較為鹹，但整體都不錯，加上尖椒，更加激辣。一個字：正皇牌口水雞(有很多肉且滑)要左小辣，嘩!原來呢度既小辣比其川味的小辣還要辣些，我和同伴都將其放在已食完的酸辣粉湯裡面，過一過河嘛!!!唔使自己舌頭麻痺~!~三個字：幾好食!!!夫妻肺片($35)︰小辣，有牛舌、牛心、牛肚等。切得薄薄的，讓人不覺韌，但感覺不是特別的新鮮，不太入味。四個字：非常普通總括而言：一點也不感到傷心，當然也不夠暢快；不過食物質素還可以，真想下次光臨時能夠膽試大辣，看能否牽動我的真情?!!!

很傷心很傷心,到現在才去吃聞名於黃金地段的傷心酸辣粉!!!前幾個月經過,還是小店子,每次去到都很多人,只有3張小枱,而且天氣又熱,怕了男人的臭汗味 ,還是沒緣去吃!嘿!想不到3個月後的今天,"傷心酸辣粉"開了分店~店大了5倍~而且有穿黑色恤衫的MANAGER~!!!又有電腦落單!更厲害有3部液晶體電視!(勁)酸辣粉$15一碗,很便宜~但沒有「餸」,只有花生碎、炸菜、葱、小小肉碎和辣辣辣!!!除了大、中、小辣,還有BB辣可選,但沒有「不辣」的!口水雞都有BB辣,我真的怕辣,BB辣都吃得耳朵痕了!雞有很多肉,吃完雞可吃花生芝麻,呷得滿口辣辣辣!媽!好辣呀!今次,怕辣都沒得吃「原味」了!

上次初訪傷心, 點中辣的辣粉覺得不夠喉, 就相約老友一同再戰今次因有地膽幸福王子同行，竟讓他碰上兩位正在傷心酸辣粉內打工波友；見狀，以為有熟人好溝通，豈料原來新上工，落錯單少不免....我們的那碗酸辣粉是想要比大辣更辣的"喪辣", 豈料, 新同事不知曉, 在其他兩位朋友都只叫小辣的狀況下，竟只為我落單要"小辣"的加麻加辣; 朋友那碗要走花生, 卻完全沒了那回事。不過人家始終新上工，也就此作罷; 反正店員雖忙, 解釋情況後也會盡力補救, 務求讓我們吃得心滿意足，這點抵讚！好，今次的大辣再加麻加辣的酸辣粉，終於教人"傷心"了；喜歡傷心的這個"酸/麻"比例，剛好平衡得宜，薯粉得爽口, 辣得又夠香, 加上那些花生米的酥香感，過癮之餘也很滿足。涼拌耳絲 - 耳絲夠爽口, 小辣雖沒有噴火感, 但辣得都算香, 這道不錯吃的。涼拌雜錦拼盤 - 拼的是魷魚, 牛栢葉和豬皮, 最精彩的是豬皮, 吸了辣汁, 加上海綿般的口感, 又爽又香也夠剌激。紅油抄手 - 其實雲吞皮作得一般, 太單薄而沒甚麼嚼勁，不過還是那辣香滿盈的麻辣油為其加分，添在肉香上，不錯吃的。口水雞 反而一般, 雞味本身較薄, 辣香稍強就將之

自從係大睦( 東門 ) 食過之後, 就好鍾意食酸辣粉喇....!個日sister 揸車去深水埗買野....經過 呢間鋪..就捉左 sister 入去食.....叫左酸辣粉同 口水雞, 同埋掠伴面口水雞幾好食, 酸辣粉ok la....因為都係東門 果個好食 d....!!食完個咀好麻痺, 反而就唔係好辣.... 不過不失咁 la...!!!

約半年前已食過舊店，一試難忘，早想再來挑戰味覺。買完電腦用品，順到新店。裝潢,地方比舊店好上不至一皮，仲有電視睇，唔錯唔錯。兩人座下，點菜先。口水雞(小辣)，雞肉好滑，溢滿芝麻香及辣味，但份量小得可憐。涼拌雜錦(中辣)，牛柏葉，豬皮，魷魚，入晒味，且夠爽口，但每樣得兩三件，太小了吧。尖椒皮蛋，廣東皮蛋及黃金皮蛋，糖心黃，黃金皮蛋極有蛋香，廣東皮蛋則較為鹹，但整體都不錯，加上尖椒，更加激辣。酸辣粉，比之前食，小了香味，而且過鹹，酸味不足，只淨麻味。比起只得一間鋪仔時，食物份量及品質都下降，而老闆亦由放麵轉做收銀，是否引致質素下降原因之一，就不得而知了。仲有新店點解會冇椰汁呢，猶記得上次椰汁解辣之神効，極之過癮過癮。