影片
更多
2010-01-10
78 瀏覽
尋晚屋企又冇飯食, 踢完波就落左深水寶, 掃左一陣街之後, 有d掛住傷心酸辣粉,記得上次食左個中辣都好似冇乜貨, 可以接受既辣...今日再黎到深水寶, 襯番我呢個傷心人, 就去食傷心酸辣粉~~ 仲要係食令人後悔同流淚既大辣.......坐低左, 為左迎合我既傷心既心情, 叫左個大辣既傷心酸辣粉餐, 配一個中辣既麻辣牛肚.....當個waiter好似掉垃圾咁掉左碟麻辣牛肚落我張檯時, 傷心既我就急不及待咁食佢兩件先....入口爽脆, 味道清甜, 仲係冷盤黎架添, 諗住頭盤就ok啦...... 點知食多兩舊就出事喇, 原來入口唔辣, 要等多一陣先辣既....嘩嘩嘩, 個咀開始麻麻地喇~~~響我諗諗感覺到個咀俾d麻辣牛肚麻醉左之後, 另一個waiter小心翼翼咁將一碗鮮血放左響我前面, 丫, 原來唔係鮮血, 係鮮紅色既辣油, 就係我果碗大辣既傷心酸辣粉喇......死火喇, 餚底添!好, 頂硬上............嘩, 不得了, 入口即麻! 再食就喊埋出黎添.....望住牆鏡入面既自己, 兩隻眼真係濕左~~~愈喊愈開心, 但又唔可以俾人見到我流眼淚喎....dup低頭慢慢食, 成個咀好似
記得上次食左個中辣都好似冇乜貨, 可以接受既辣...
今日再黎到深水寶, 襯番我呢個傷心人, 就去食傷心酸辣粉~~
仲要係食令人後悔同流淚既大辣.......
坐低左, 為左迎合我既傷心既心情, 叫左個大辣既傷心酸辣粉餐, 配一個中辣既麻辣牛肚.....
當個waiter好似掉垃圾咁掉左碟麻辣牛肚落我張檯時, 傷心既我就急不及待咁食佢兩件先....
入口爽脆, 味道清甜, 仲係冷盤黎架添, 諗住頭盤就ok啦......
點知食多兩舊就出事喇, 原來入口唔辣, 要等多一陣先辣既....嘩嘩嘩, 個咀開始麻麻地喇~~~
響我諗諗感覺到個咀俾d麻辣牛肚麻醉左之後, 另一個waiter小心翼翼咁將一碗鮮血放左響我前面, 丫, 原來唔係鮮血, 係鮮紅色既辣油, 就係我果碗大辣既傷心酸辣粉喇......死火喇, 餚底添!
好, 頂硬上............嘩, 不得了, 入口即麻! 再食就喊埋出黎添.....
望住牆鏡入面既自己, 兩隻眼真係濕左~~~
愈喊愈開心, 但又唔可以俾人見到我流眼淚喎....dup低頭慢慢食, 成個咀好似甩左出黎咁!!
講番味道丫, 成碗野雖然真係好辣, 但酸味同辣味既層次都係出到黎既, 最鐘意食佢既花生, 浸住湯都可以脆既, 最抵死係d花生真係好香架麻, 絕對唔似係隔夜貨....個粉本身係薯粉黎既, 浸極都唔林, o岩曬我呢d慢慢食既人....
當我食到就黎尾聲既時候, 有一個媽媽同兩個女仔坐左響我隔離檯,
個媽媽望住我碗粉就話:"咁辣, 點食呀~~"......
無聊既我就答爹話: "係勁辣, 食左成個鐘都未食完, 辣到我衫都除埋, 『小辣』都咁辣, 都唔知點食....."
響度就我尋日講既大話, 向果位媽媽講聲唔好意思先~~hehe~~~
張貼
