傷心酸辣粉 (已結業)

約半年前已食過舊店，一試難忘，早想再來挑戰味覺。買完電腦用品，順到新店。裝潢,地方比舊店好上不至一皮，仲有電視睇，唔錯唔錯。兩人座下，點菜先。口水雞(小辣)，雞肉好滑，溢滿芝麻香及辣味，但份量小得可憐。涼拌雜錦(中辣)，牛柏葉，豬皮，魷魚，入晒味，且夠爽口，但每樣得兩三件，太小了吧。尖椒皮蛋，廣東皮蛋及黃金皮蛋，糖心黃，黃金皮蛋極有蛋香，廣東皮蛋則較為鹹，但整體都不錯，加上尖椒，更加激辣。酸辣粉，比之前食，小了香味，而且過鹹，酸味不足，只淨麻味。比起只得一間鋪仔時，食物份量及品質都下降，而老闆亦由放麵轉做收銀，是否引致質素下降原因之一，就不得而知了。仲有新店點解會冇椰汁呢，猶記得上次椰汁解辣之神効，極之過癮過癮。