倫哥火鍋私房菜 (已結業)

一年前食過，印象都幾好。今次食，多左個218雞煲餐，兩人送左個海鮮拼盤。雞煲： 好濃味打邊爐：職員倒哂雞煲剩餘既雞同醬汁，倒湯（簡左 雜菌湯），湯底失敗。小小湯料都睇唔到，似係雞粉湯。海鮮拼盤： 一般打邊爐的配菜： 講就講48款 但睇雪櫃應該得20款內。（上年食係張有紙剔）總括黎講：2人埋單$480～ 失望😞唔會再食

今日同朋友訂左枱起元朗食倫哥，之前起佐敦食過一次已經覺得好正。 元朗呢間雞煲雖然無佐敦甘大，但都幾易搵。我地嗌左個$288 火鍋任食套餐，包括左雞煲任食，牛頸脊、海鮮拼盤、其他打邊爐配料等等。我地叫咗一個小辣雞煲，好快就上枱，炒同焗左大約8分鐘就食得。等雞煲的時候就食住前菜先，個麻辣豆角同麻醬豆腐都好開胃。凍櫃飲品都幾齊全，之前去佐敦分店仲會有涼茶飲！我地仲加左豬皮、牛柏葉同埋魷魚落去個雞煲一齊煮，佢哋吸晒雞煲嘅精華，呢個隱藏食法超正！煮完8分鐘就食得啦！呢間雞煲的確非常出色，啖啖肉好香好惹味，雖然可以無限任加，但為咗試其他嘢食唯有忍口。食完雞煲就點左一個酸菜魚火鍋，入面的魚柳無骨啖啖肉，個湯唔係好辣。 限一份的牛頸脊，肥瘦均勻。海鮮拼盤都好豐富，有帶子、海蝦、蟹等等。。墨魚滑同蝦滑都好足料，真係食到有花枝！仲有其他配菜任食，食幾多攞幾多唔怕浪費。但耐何我地個胃太細，食完本身個餐啲野已經飽左😂 所以只係攞左少少菜幫助消化lol。最後有個黑糖冰粉，唔算甜。其實如果鐘意食雞煲，可以嗌$198餐再瘋狂refill，呢間d雞煲的確不錯

疫情期隨時再爆，跟朋友相約一起吃雞煲，想食任食又多選擇，揀了HKD288一位的海鮮任食。店內還有HKD198的任食套餐，同樣任食雞煲及火鍋，只是少了牛頸脊、冬菇扣鮑的頭盤，少了幾款海鮮任食及湯底選擇。配醬櫃標準醬料櫃配置，乾淨俐落，色澤新鮮。任食雞煲三人吃了兩輪雞煲，首輪中辣，第二輪選了大辣，以每兩分鐘兜一次鍋，共兜四次即可享用。雞煲麻辣味較香，醬汁豐富入味、雞皮薄而肉厚、肉質軟腍彈牙。六款湯底任選吃完兩轉雞煲可以直接換鍋，共六款湯底選擇，選了豬骨牛奶湯，香濃卻不上火，奶滑卻不膩口。五至六款時令海鮮任食HKD288包時令海鮮任食，有青口、蝦、魚片、蜆、魷魚等，頭盤更贈送一隻青蟹，滿足海鮮友的心癮。冬菇扣鮑魚套餐更包人頭冬菇人頭鮑魚，冬菇大片肉厚，質感柔軟富彈性，鮑魚飽汁香濃濃稠，鮑邊爽口鮑貝質感煙韌。牛頸脊牛頸脊紅白相間顏色鮮嫩，口感柔嫩富彈性，肉汁豐沛，牛味香而鮮美。黑白墨魚滑任食墨魚滑以人手手打，質感幼滑，超級爽口彈牙。滑里均附墨魚粒，口感及味道更富層次更香濃，一定要翻點。配菜櫃配菜櫃包括多款丸類、菜類，屬基本火鍋配置，主推手工韮菜餃及鴨血。韮菜餃皮薄柔滑，餡料豐富肉汁多，餡香而肉

和朋友去了元朗鳳攸南街的倫哥尊尚火鍋私房菜，這是一間非常出名好的雞煲火鍋放題。元朗這間店相當闊落，讓人坐得舒服，另外店員亦相當殷勤有禮，服務態度相當主動，讓食客感覺被受尊重和服務周到。我們選擇了$288的雞煲海鮮火鍋套餐， 裏麵包括了鮑魚花菇，另外一盤海鮮拼盤和牛脊肉。配料擺放得整齊衛生，這裏還有一些小吃，可以在未食雞煲之前用來醫肚。這套餐是先食雞煲這雞煲，店員細心講解，由於是未全熟的，所以需要煮八分鐘，另外每兩分鐘需要攪拌一次，總共攪拌四次。我們在攪拌的期間已經聞到惹味又香噴噴的 雞煲，認得我們不定吞口水。在雞煲食得時候，雞肉剛剛熟透了，非常嫩滑惹味，一件接一件的，停不下來。幸好這裏飲品都頗多選擇，有含糖的飲品，亦有不含糖的茶類飲品，剛好解去雞煲的麻麻辣辣的味道。當食完雞煲後，店員為我們轉過另外一個煲， 奉上海鮮拼盤及牛脊肉等其他火鍋配料。海鮮拼盤裏面有桶蠔，青口，海蝦，花甲等等相當豐盛。牛脊肉，肉味相當濃郁，肉質軟腍，好味，與一般火鍋的肥牛質素有很大差距，喜歡鍾意食牛肉，的這牛脊肉個絕對推介。除了店員奉上的火鍋配料外，在雪櫃裏還有其他丸類，蔬菜等等，其實火鍋配料相當豐富，當食雞煲及

$288任食火鍋套餐 非常豐盛 讓我簡單來說明一下吧 先吃雞煲 雞煲是任食的 食完可以再加 食夠咗之後就收起雞煲 轉換打邊爐湯底 部分火鍋配料是餐廳安排的 例如海鮮及安格斯牛 會按人頭份量提供 部份海鮮更可以重點 例如：海蝦，海蜆，龍躉片，青口 ，生蠔等等 大部分火鍋配料是自助形式的 食物選擇多 而且 火鍋配料高質 這確實是一個性價比超高的火鍋雞煲專門店雞煲好像怎麼都吃不厭，醬汁濃郁，香辣惹味，最愛重口味， 熱騰騰的嫩滑雞件，肉質嫩嫩的而且夠入味， 有多種香菜一起爆炒，那股香氣十呎丈都聞到呢！意想不到有蠔油鮑魚炆花菇提供(按人頭送) 非常奢華 這道私房菜很出色 鮑魚炆得好淋 肉質夠厚仲好彈牙 花菇好大隻 味夠香接下來便是火煱環節 揀咗雜菌湯底 湯底中有鮮菌和乾菌 充滿濃郁的菌香味 鍾意佢夠清夠健康 打邊爐嘅時候唔會覆蓋食材嘅鮮味唔需要落order 店員自動送上一桌子的美食 並會講解 邊啲可以再encore 其實食完個雞煲已經飽咗一半 然後仲有餐前小食同埋鮑魚冬菇 食完之後 再飽多兩錢重 最後再打邊爐... 最後個個都飽到捧住個肚走 好彩餐廳冇限時 可以慢慢食打邊爐又點可以冇肥牛呢 安格

真心覺得倫哥好正 可以任食雞煲 食完仲可以打邊爐 部分火鍋配料由餐廳提供 是一次性的 另外亦有任食的食材提供 店內通風系統良好 每枱都在食雞煲/打邊爐 但係完全聞唔到嗰啲臭崩崩嘅味 食完之後個身都冇味 等緊雞煲嘅時候去混醬先 一般嘅蒜頭,辣椒,鹽茜,蔥都有齊 醬料區夠乾淨 值得稱讚雞煲可以揀大/中/小辣 ... 今日揀咗個唔辣嘅 估唔到原味都咁好食 整體感覺好有鑊氣 洋蔥，蒜頭，芫茜香料嘅味道好出 雞件冇雪藏味 食到本身肉嘅甜味 而且肉質鮮嫩多汁 生炒生焗 所以雞肉一啲都唔鞋口食完雞煲之後 職員會收咗雞煲 然後轉換湯底打邊爐 餐廳有六種湯底選擇 例如酸菜魚，豬骨湯... 最後我揀咗蕃茄湯底 個湯底係特濃 超級正 酸酸味味 鍋中有大量鮮蕃茄，薯仔，雜菌... 然後自己再加粟米及其他海鮮 個湯底越來越濃郁 越來越鮮味海鮮拼盤由餐廳提供 款式很多 而且新鮮 有象拔蚌，扇貝，青口...共七至八款 當中蜆，青口，龍躉片， 魷魚 到時可以再追加的花蟹鮮甜多膏 可惜冇得追加雪櫃已經一盤盤火鍋食材整齊地擺放好供食客選擇 但其實食完雞煲 已經飽咗七八成誠意推介墨魚滑 黑白配 真材實料 真係有粒粒墨魚肉

見到元朗倫哥$198任食雞煲+邊爐，於是便和朋友黎吃﹗先在門口位置量度體温，餐廳環境寬敞，坐得舒適。雞煲有多種辣度可以選擇，我們選了小辣，上枱時，店員說上既係生雞，需要每兩分鐘翻炒一次，8分鐘內共炒四次。雞煲有蒜頭、芫茜、紫洋蔥等加上多種香料製成， 開蓋聞到香濃惹味，經過不斷翻炒，雞件相當入味，雞肉嫩滑多汁，又不油膩﹗雞煲無限量添加，之後加湯轉打邊爐，有三款湯底供選擇，包括蕃茄、雜菌、酸菜魚。我們選了酸菜湯，有酸菜在入面，附送以人頭份量計海鮮盤，海鮮包括鮑魚、蝦、帶子、蜆、青口、脆肉鯇，亦算鮮味﹗客人需要戴上口罩自助取飲品、醬料、火鍋配料，而打邊爐配料種類不少，有不少丸類、瓜菜、鴨血、鵝腸、豬皮等，而肥牛同豚肉則要向店員要求。雞煲邊爐加埋都係$198，食物質數不錯，相當抵食~

天氣開始轉涼 又到咗食雞煲同打邊爐嘅時候 今日全家人出動 揀咗倫哥火鍋私房菜 鍾意佢一個價錢任飲任食 食完雞煲仲可以打邊爐先來餐前小食 麻辣辣豆角 惹味非常 又麻又辣 豆角爽脆 完完全全可以刺激我嘅味蕾 越食越開胃 另外係麻醬豆腐 微凍的口感 食落有種透心涼嘅感覺 豆腐豆味濃沃雞煲可選辣度 揀咗小辣 店員細心講解雞煲炒飯 四炒四焗 時間拿捏得剛好 雞肉 緊緊熟 嫩滑又多汁 醬汁惹味 辣度柔和 還有大量洋蔥/蒜頭 惹味程度爆燈食完雞煲就可以選擇湯底打邊爐 湯底六選一 我哋揀咗 美人番茄濃鍋 湯底非常出色 湯底內含有野菌，鮮茄 ，薯仔... 非常足料 湯底是帶點傑度的 比一般的湯底更為濃縮 味道酸酸甜甜 讓人越食越開胃隨後店員奉上人頭計的海鮮盤 有花蟹，海蜆，海蝦 ，生蠔 ，帶子，象拔蚌，魷魚，龍躉片！ 部分海鮮是可以任點任食的 無限量追加 喜歡吃海鮮的人真是有福了龍躉片又厚又彈牙 雪白的魚肉 幾乎沒有什麼骨 就算有骨也是大大條的 不懂吃魚的人也能吃 沒有雪藏味 鮮味非常海蜆我一個人幾乎吃了兩斤 隻隻又肥又鮮 海水味十足 最緊要係冇沙 本人吃得非常痛快安格斯牛肉片也是按人頭份量奉上 色澤紅

今日同另一半入左元朗行街買傢俬，行到無睇時間，原來都差唔多6:30有多，先發現連lunch都無食，二話不說緊係塊醫左個肚仔先啦，起Yoho入面行左陣，連鎖商店都唔知食咩好，最後決定同另一半出去睇吓有咩好野食啦行到一半比我地見到間倫哥私房菜，有得食雞煲又有海鮮打邊爐🍲價錢仲要好相宜，只係$198咋，就有齊咁多嘢，估唔到俾我哋搵到間好嘢食一開始當然要食咗雞煲先啦，首先d雞好滑，點解？😹 雞煲味道濃郁，而且幾雞肉嫩滑多汁因為佢係上生雞比我地先架，然後每兩分鐘要兜一兜佢，兜足4次煮熟先食。出面既雞煲一般都係煮熟咗先上，所以相對比較唔滑。當食完雞煲之後就可以自助加返上湯，之後就可以直接打邊爐，而打邊爐配料款類亦都有好多海鮮亦非常新鮮，不得不提係海蝦 完全冇梅口、蝦肉彈牙，仲要勁大隻。最後甜品送上黑糖冰涼粉，清清口啌一流。

外面比較少有雞煲可以任食，多數係食完一round就冇得再加。而倫哥嘅雞煲就可以任食無限次數加雞，食到你滿足為止，唔洗爭雞食🤣雞煲一打開個蓋已經好香好香，食落十分入味，好好味😋啖啖肉啱晒食肉獸基本上食完兩round雞煲已經有7-8分飽😆食完雞煲之後可以揀湯底打邊爐，會再附送以人頭份量計嘅海鮮盤，賣相同味道都唔錯。價錢$198再加一，當日係星期五，所以要再加$20。整體性價比極高，座位又夠闊落。食雞煲通常都需時比較長時間，坐得舒服都好重要食物好食，環境又舒適，當然會有下次

以前的倫哥，食物質素靚又好味，而家質素差左好多。 尋日晚4 人晚上食雞煲， 而家轉湯底要加錢，海鮮都要加錢，連最簡單的肥牛都唔好食，我未試過食肥牛，舊牛厚到舊豬肉甘，又un, 趙完都un到吞唔到另外佢d野食係出面自己夾，無晒都唔fill, 同你講無晒就算質素差過d酒樓148 任食。。。。成餐每人$248唔值

太令人失望，做依d咁嘅質數，衹會快d結業，話有48款火鍋，但今晚衹有20多款，貨不對辦,依個價錢大把選擇特別系元朗區， 無下次。今晚和家人去食，咁差嘅食物真系失禮哂。

值得大家學習的市場營銷技巧。餐廳除了食物要出眾外，還多時候還要講究營銷策略。這個舖位十年前曾去參觀，上手業主開價低水，當年Yoho Town還未落成。前景向好，落標競投，本來十拿九穩，卻突然殺出一個程咬金比我標價略高幾萬元，敗予中式地溝油酒樓。自此元朗雞地這地方就沒留意了。今次周日來到倫哥，車泊樓下錶位。發現舖位改建細了許多，並非原本那間過萬呎長形間隔，分割了一半空間予健身中心了。倫哥老闆低調，對待朋友豪邁。以往多到九龍佐敦總店，電話打聲招呼，總是送來一盆又一盆高質海鮮，氣氛十分高漲。對他的雞煲及火鍋十分欣賞，更是喜歡他的營銷技巧，最懂得從客人角度出發。即管說說幾個他們善用的方法吧。1. 善用社交媒體即時回覆顧客聯絡他們的WhatsApp查問價格及訂枱，往往即時回覆及確實訂位。吃火鍋雞煲多會良朋歡聚，一大群賓客到達餐館，若然還要在大門輪候座位，往後氣氛便會大打折扣，很難再提高。即時WhatsApp確實訂枱，到達後不用等待，入場就座立即上菜，客人的愉悅度隨即上升。2. 先聲奪人，製造高潮坊間雞煲火鍋競爭者眾多，大部分都以劃紙仔自助形式供應食物，甚少會注意食物賣相，廚師按單執菜隨併一通。但

倫哥係元朗也是有點名氣的海鮮火煱，今日特意帶家中兩老來吃！預先 book位～坐底後店員既問雞煲辣度，要求小辣，好快店員先上麻醬豆腐！蟲草花燉雞湯，雞湯足料又濃味～再送上雞煲，配菜豬皮，魷魚，鮑魚！店員有講解雞煲先煮幾多分鐘，再落鮑魚煮幾多分鐘，都幾細心～雞煲小辣剛剛好，雞既份量也夠多～豬皮吸收左汁既精華，非常好食～本來我唔食豬皮的，但也停不到囗！鮑魚入口也夠爽口彈牙～食完雞煲店員好快主動上前問需唔需要加雞，我地選擇不加，要豬骨湯底～豬骨湯底奶白色亦有些小配料！牛肩脊一大碟，入口牛味濃！海鮮拼盤有蝦，蚌，蟹， 蜆，魚，帶子～手打新鮮墨魚滑，蝦滑，料子十足，入口也有鮮蝦肉！還有蔬菜拼盤～配料有丸類，魚皮，唔夠可以同店員落單再追加～最後食飽還有椰汁雪燕～自助飲品區也有自家制五花茶～兩老好滿意，又再問幾時又再來～

提起倫哥一定唔少得海鮮火鍋. 但係如果想食雞煲加海鮮火鍋的話就一定要試下倫哥海鮮火鍋x雞煲. 三百頭任食, 價位ok可以接受. 首先一開始店員會畀雞煲我哋, 要自己焗下炒下三個round到, 咁就可以加鮑魚再兜一兜. 雞煲惹味可口, 鮑魚又非常新鮮. 食完之後就上咗一碗燉湯畀我哋, 非常鮮美好想飲多碗, 只可惜每人得一碗. 之後就開始我哋嘅火鍋啦, 湯底嗌咗個蕃茄濃湯. 足料好多新鮮蕃茄係裏面, 再嚟上咗個海鮮拼盤先係, 有蝦蟹蜆蠔蟶子等, 全部都係新鮮彈口而且冇沙. 至於飲品方便就係任拎. 同埋任食食品方面, 大部分都係自己出去拎, 款式與出出面一般火鍋店略多一點. 仲有漏咗佢送嘅安格斯牛肉, 呢個我諗一般食都要差唔多成二百蚊一碟, 肉質鮮嫩牛肉味濃郁. 食材十分新鮮值得一試.