倫哥火鍋私房菜 (已結業)

同屋企人講開打邊爐，即刻諗起倫哥個雞煲同温泉冬瓜雞湯底！雞煲任食，見我有小朋友就知我哋嗌唔辣啦～仲好醒目問我哋要唔要另上辣醬温泉雞湯底有椰子冬瓜煲雞，好清甜，呀仔都讚海洋拼盤好大份，4個大人都食唔晒~仲有個原盅燉湯，好足料呀～牛肉佢哋都話好好味

初頭看傳單及食評， 好似有幾多嘢食， 所以姑且一試。 但係以咁嘅價錢、食物質素真係一啲都唔掂！ 鮑魚細到無倫， 海鮮冰鮮完全沒有鮮味， 我哋一行七人去， 竟然同隔離枱四人嘅牛肉份量差唔多， 其中任食的食物， 好多都話今日沒有供應。 明明套餐有刺身，問佢話已經畀咗牛肉所以冇刺身， 同傳單描述完全唔一樣， 問多兩句， 服務員完全唔理我哋走咗去。 最重要是食物超多味精，我已經飲咗兩罐可樂， 仍然超口渴。 唯一可取係雞煲都算惹味 但係一定 唔會有下次。

有同事調職所以就同佢做個farewell咁就揀咗呢間倫哥私房菜喺元朗都幾出名下咁有雞煲啦又打邊爐仲有啲海鮮拼盤肥牛如圖所見紅色好鬼新鮮海鮮都鮮甜美味跟住仲有個雞煲有得揀咩辣道啱晒我口味總括嚟講呢餐真係好鬼正個同事都食得好開心

今日去左倫哥火鍋私房菜度試試火鍋，空間都好大噶，所以走動都好方便，又坐得舒服，唔錯唔錯，而哩間店最特備噶就系雞煲可以無限添加，超級好，不過如果轉場食火鍋噶話就吾可以添加了，雞煲好好味，洋蔥，同埋少少豬皮、魷魚，好惹味啊，而火鍋方面都好好味，食材夠新鮮，可以來多幾次！

一年前食過，十分都有7-8分既，點知昨天晚上去食，佢話無左刺身牌，無哂刺身，但事前又無通知（我whatsapp訂座），跟住就話安格斯牛肉會雙倍分量以作彌補，好，甘你安排彌補，無問題，我就試下有幾好味。 先講： 埋單$711 （兩位客人）。好啦、先講雞煲：肉無味，仲要件件骨頭。2/10分（個2分系因該有蔥有芫茜 ）頭盤：麻醬口味豆腐 ，ok，開胃7/10分跟住：湯底 芫茜皮蛋湯（無問題 有鮮味ok)7/10分牛肉： 話double 份量，（不是任食的 ，是固定份量）完全吾覺有咩特別...........又un又無牛味，返大陸食碟$30仲正過佢。3/10分海鮮：完全系垃圾花甲仔卜卜蜆 ...有蝦 有蟹 有魚 蝦6/10分蟹0/10分 完全系霉既 仲要系固定無得任點 ，另外，佢比你點菜加單既 只系一張佢地過左膠既a4 menu 。你口頭同佢落單，喂（大家食開任食既，不嬲都系用紙用筆自己劃架啦！）你甘樣叫人口頭落單法，客人點樣落單？？？？ 數到第三四五六樣個時，都吾好意思繼續點菜啦！！）邊有人做生意做到甘樣架！？其實我想帶出。一兩年前幫襯，真系好好食，依家呢次幫襯，完全系失望，收費與食物質素完

食過好多次 之前覺得都唔錯但係最近兩次食 海鮮越來越少質素差 都是一些平價海鮮 如兩片魚片 幾隻死蝦 比手指尾還要短的聖子 仲有比$5硬幣還要小的貝殼類早期食的時候還有刺身拼盤包括在內 但現在沒有了刺身 食到中途查詢時才知道沒有包含 再問先知話無左個刺身牌感覺上似$150任食的酒樓火鍋沒有吸引力非常失望應該不會再有下次一間本身好好的餐廳 點解會攪到咁架 唔好話因為經濟唔好冇人出嚟消費係因為你們的質素越嚟越差作為曾經的支持者 我大感失望

七人 星期五晚上人已不多 本身海鮮每份已不夠七份只有幾樣海鮮任加 「蝦、魷魚、蜆、魚」就算任加 每次只有幾件 叫完一次 比一樣野 有三件 其他大部分都是收費態度極差 記性唔好 一次同佢講加咩又記唔到 再同佢落單 又極差態度問 仲有咩加 講完又記唔到叫份免費任加既豬肉，黎3塊？！大佬我七個人叫佢免費任加既野 叫三四次 佢黎一次 只有幾塊，等幾十分鐘。叫佢點收費既野，即到食物質量唔算差 但根本你叫佢落單叫到 唔想再叫 態度跟本就唔想做 比錢買難受第一次寫食評 因為極差！

由元朗西鐵站走路到倫哥火鍋，只需大約十分鐘，位置算是方便。進餐的安排大致上是：冷盤、刺身、每人兩件海鮮（我們這次去是飽魚跟聖子）、雞煲、火鍋。冷盤沒甚麼特別我就不提了，而我們這次來到因為餐廳未逐魚生牌，所以吃不到魚生，餐廳加了一倍的火鍋牛脊肉作為替代。因為餐廳是以雞煲火鍋為主，基本上吃的就是雞煲的配味、火鍋的湯底跟雞肉和火鍋配料新不新鮮。餐廳用料十分新鮮、而且火鍋也有不少海鮮，而雞煲也十分香，是十分用心經營的雞煲火鍋。特別值得一提的是火鍋可以選擇溫泉雞鍋，火鍋湯底十分清甜，在吃完雞煲吃火鍋前飲上一兩碗清甜的雞湯，可以一消雞煲帶來的油膩，所以誠意推薦餐廳的溫泉雞鍋。

我同屋企人book左6點黎食，黎到只有我地一張枱，最早到。我地係飲品櫃拎左飲品，款式都ok多。我地選左溫泉雞窩湯底，但佢一開始未到打邊爐，黎左二碟前菜，紅色個碟我冇食到，媽話唔好味，另外我食左甜甜地既豆腐，用麻醬做汁，味道可以的。之後黎左碟蒜香鮑魚，味道普通。食完呢個，等左一陣，佢開始上雞煲，女侍應同我地講雞煲要煲8分鍾，每2分鍾要攪一攪，我地有照住做，係煮緊個陣已聞到好香雞味，其實我平時麻麻地鍾意食雞煲，但今次呢個雞煲真心好味，我地都encore左一次，但要留心食個陣會有碎骨，要慢慢吃唷。之後到打邊爐環節，中間有d東瓜，裡面係椰子雞窩味，我地當湯咁樣飲，味道好清甜，好好味，飲左二碗咁岩今晚冇供應刺身，變左有二碟牛肉，d牛肉上枱勁靚仔，一睇就知好好味，入口即融，最衰唔係可以任點牛肉，唔點醬油都食到佢既牛味，正，其他既丸類，海鮮，吸收左椰子雞窩既味，變到好味左，但蝦，蟹就麻麻地，唔係咁新鮮，金菇同韭菜餃味道唔錯,另外墨魚滑同蝦滑都好好食，呢二隻滑我encore左幾次，yummy至於今晚甜品，現金埋單有椰汁官燕，信用卡有涼粉，我地選左椰汁官燕，食落都幾滋潤。我地將二個湯底合二為一左，先發覺

先食雞煲 後打邊爐一心諗住任食 都應該普普通通點知食落個雞煲又ok喎 仲可以加雞再食不過之後先知 所以無加到之後就叫咗個蕃茄薯仔湯低一黎到 已經好香然後就陸續上 海鮮 丸 牛本身系牛同刺身包埋但因為佢地刺身牌到期變左雙倍牛肉 餃子，手打丸都值得推薦 除咗本身包既野食 仲可以加其他野食真系夠哂食 一定夠飽食完仲有糖水送不過碗糖水份量得好少anyway 3百幾一位 包甘多野食我覺得好抵 同甘岩我去到 並唔爆場所以唔會話好嘈不過提提大家 只收現金

地點方便 我們一早就book左枱 但食物不算很好味 選擇少 大部分食物都由店舖安排 而且價錢還要三百幾蚊一位再加一 啤酒還要另外加錢 一般這個價錢都包啤酒 整體感覺不值 不過地方寬闊 坐得很舒服

元朗倫哥 倫哥出左名 食完雞煲再打邊爐，有海鮮、手切肥牛，仲有鮑魚花膠等等，所以係抵食之選，早前母親節就帶左媽媽黎到倫哥，一嘗豐富既晚餐，手切肥牛啲花紋靚唔靚就唔再講，有圖有真相嘛！大大盤既手切肥牛，牛味極濃，讚👍

一向都知倫哥好出名，一大班聚會去打邊爐就岩哂！CP值就真係冇得彈，300幾食到雞煲、海鮮、刺身拼盤、仲有鮑魚炆花膠，抵！海鮮、刺身食材都鮮甜，雞煲香辣惹味，絕對唔會比出面專食雞煲既餐廳差，鮑魚炆花膠就唔好expect係大酒店質素，但都好入味好淋!但係服務就有待加強，叫左幾次話可以上得海鮮，但等左好耐! 因為我地有位朋友未到，佢就話一定要人齊先上得刺身!問佢有咩配菜打邊爐，佢就話好多都有，問佢有冇Menu，佢比左張有格仔既Order任食紙，咁我地問佢拎埋筆，畫左落去，佢大叫唔好畫，你講就得 咁格仔同筆既用途係? 憑佢記憶落Order，野食當然黎D又冇咁D。成個環境係舒服，食物都好滿意，有冇好服務就睇你好唔好彩

今日我地係openrice book左位 然後特等係大埔渣車入元朗，後來先發現原來佢地打左5次電話比我 我見到已經馬上打返過去，電話上我有講我電話貴姓book左幾點，跟住電話入面個男人話係打黎想話我知因爲今日d刺身唔新鮮 所以會換左牛，咁我咪覆佢ok呀 無問題，個男人仲要覆返我今晚見！跟住去到餐廳個待應先話今晚full左無位，話打左比我6次（係得5次）重點我係有打返比你地，你地電話入面係無提過full左囉！仲要話今晚見！係咪玩野啊？超級勁不滿囉 ！！🤬🤬

人手不足，無禮貌，海鮮食物超唔新鮮，火鍋配料超級一般，一行7人只有一個爐如要2個爐另加$60不合理，埋單會先問比現金或Alipay 再決定比咩糖水如果比現金會比椰汁雪耳如果比Alipay 會比涼粉超小家，一定無下次