倫住蒸倫哥私房菜 (已結業)

呢一排嘅天氣真係涼咗好多，不其然想打邊爐暖一暖個胃，但一般嘅傳統嘅邊爐都比較飽滯，有時食得太油都唔係幾好， 今次試下新式少少嘅蒸氣火鍋，相對而言就冇咁油膩，比較健康。適逢上次飛機嘅朋友Y 有空，於是規劃咗一齊去試下呢一間新開嘅蒸氣海鮮火鍋，順便聽下佢上次去完美國，再去馬里亞納海溝尋找佢失去咗嘅道德嘅經歷。餐牌上有八款海鮮，再加上蒸蔬菜同荷葉飯，其實都相當豐富。用餐前，侍應先送上燉湯， 係紅棗桂圓雞腳瘦肉， 材料非常豐富，但飲落相當滋潤，一啲都唔油膩，絕對係足料嘅燉湯。跟住就係炆鮑魚同花膠作為小食， 呢一個就取代咗原本蒸海鮮入面嘅鮑魚， 雖然鮑魚唔係好大隻，但炆得非常入味， 花膠都好軟熟，不過味道就唔算好濃， 不過作為餐前小食，質素相當唔錯。先試下呢一個嘅蟶子皇， 足足有手板咁大，而且蟶子肉都好甜，加上蒜蓉粉絲夠入味，如果送埋飯就不得了。之後就係薑蔥蒸蠔，蠔肉都幾肥，同埋夠大隻，蒸完都無縮水。而龍躉就落左XO 醬蒸，醬汁好香口惹味，魚肉厚身夠實肉，仲加埋有黑松露醬嘅釀豆腐，唔錯。而蝦就選擇咗豉汁蒸，雖然唔係好大隻，不過都算甜，而且師傅仲好好刀工，將其開邊蒸，令味道更加入味。至於龍蝦都好大

今日同朋友食倫住蒸，味道都唔錯喎，每人連加一都係$273，啲嘢食都幾高質，有八款海鮮，一碗燉湯，蒸蔬菜同足料蒸飯，仲有甜品。個八款海鮮可以自己揀點樣蒸。個燉湯幾濃味，應該煲左好耐同埋落咗唔少料，不錯。蒜蓉粉絲蒸聖子，聖子幾鮮甜，冇俾粉絲搶左做主角，當然，粉絲都好好味。蟲草花龍躉件，再配有黑松露喺面嘅清蒸豆腐，非常難忘。龍躉肉質幾嫩滑，豆腐清甜。蒜蓉蒸生蠔，蒸完個size都仲喺度，有時候食生蠔變熟果下變咗好細粒，冇晒feel，依度唔會咁樣，啲蠔水我都會飲埋佢，好正。XO醬蒸蟹，有少少辣，不過唔知點解食左唔會停。隻蟹都幾多肉。清蒸龍蝦，因為一開個下，已經忍唔住食咗，所以唔記得咗影相，隻龍蝦完全冇over蒸，仲好有水份，仲要好易起肉，可以成隻啪。講講個蒸飯，有好多料，例如排骨，南瓜，粟米，蝦米，雞肉，蠟腸，芓頭，腩肉，翠玉瓜。花生同埋蔥可以自己揀份量。撈埋一齊好好食。黑糖涼粉冰，唔會太甜，如果係夏天食一定會更加好味。

今晚朋友相約倫哥，我以為打邊爐，一去到入座見到無火鍋，反而有個蒸鍋，問朋友先知是蒸海鮮，果然有驚喜。食店裝修一般，好切合佢地實際作風，反而玻璃貼了一個由多張相片砌成的“倫”字比較特別。無幾耐，先嚟碟鮑魚花膠同燉湯，湯很燙是剛從爐拿出來，猴頭菇瘦肉味道清香火喉十足，鮑魚有啃口，打的憲汁不錯。來一道龍躉伴豆腐，每人一件，肉爽無懸念，面上的蟲草有淡淡藥材味，而豆腐嫩滑，蝦膠及黑松露同樣出色。蟶子肉新鮮入味，配蒜泥很香。這個蒸飯夠足料：雞肉、 臘腸、蝦乾、粟米粒、翠玉瓜、南瓜 、芋頭、萵荀、蒜蓉排骨等，每一口飯豐富而有層次，撈埋甜甜地嘅豉油，如果唔係飽真係可以食多幾碗飯。店長服務不錯。這裡是蒸一個，食一個，逐個逐個上，啱晒鍾意慢慢食住吹水嘅人，食得夠爽。

之前食倫哥都係打邊爐食雞煲任打任食，而位於太子呢一間則是另外一種方式，就係蒸海鮮，大概每人250元左右，就有一set蒸海鮮餐，睇餐牌有好多食材，海蝦、蟹、龍躉、龍蝦、鮮魷，扇貝、鮑魚、蠔，睇個陣容就好豐富。味道方面，確又係樣樣都好新鮮，我個人就最欣賞龍蝦，因為用手一起成嚿龍蝦肉出嚟，咬落肉汁鮮味十足，基本上唔使點樣調味已經很好味，因為食材新鮮就已經很足夠，另外，蠔的食法有多種，而蒸的較少，我好怕蠔因蒸太耐會縮水亦會變嚡，而佢地的蒸鍋有時間制，所以掌握蒸的時間很準，不會過火剛好，蠔保持了原隻size及水份，一咬juicy，不錯。佢哋有個甜品叫做黑糖冰涼粉，外型好特別，透明得好似冰一樣，食落口咁都幾有趣，甜甜地幾好食。整體來說，蒸的可以食到材料的鮮味，新不新鮮一食就知無得呃，而且比火鍋較清新無咁肥膩，起碼少了自己左溝右溝的醬油，清新之選是也。

之前試過倫哥火鍋，感覺很不錯，原來倫哥現在還開了蒸氣海鮮鍋，好像沒有帶爸媽食過蒸氣海鮮鍋，見價錢很優惠，一於帶倆老來嚐嚐⋯新開業現在還有優惠，8時前離座及10時後入座全單7折，7折後每位都不用二百元，而且有龍蝦食，真的抵食到不得了﹗蒸氣海鮮餐原價每位238，其實正價都己經比好多蒸氣火鍋店平，入座後可以先揀選每款海鮮的配撘，然後職員預備其間可以先嚐暖暖的燉湯，今晚是猴頭菇燉雞湯，足料又夠火猴，暖胃潤肺⋯再來是蠔皇扣鮑魚花膠，雖然鮑魚細細隻，但好有咬口，正﹗第一樣蒸海鮮是蚌仔，口感爽滑，我們選了蟲草花蒸⋯再來是龍躉腩，配菜還有黑松露蝦膠釀豆腐，頭腐跟龍躉腩一樣滑嘟嘟，鮮味十足⋯蒜蓉蒸蝦陣陣蒜蓉香味，蝦肉爽口還開了邊，方便客人食用⋯薑蔥蒸生蠔為生蠔提鮮，生蠔飽滿且多水份⋯龍蝦當然清蒸最好，原汁原味才能嚐到龍蝦最鮮的味道，龍蝦口感相當好，彈牙蝦味好濃，龍蝦拑則是滑滑的，一隻龍蝦，2重口感⋯羔蟹同樣清蒸最好，蟹膏豐富，配菜椰菜花也吸收了蟹的味道，份外好吃呢﹗這個鮮魷腸粉很驚喜，腸粉軟滑，跟鮮魷、甜醬配撘起來完全沒有違和感，超級好食﹗很多時食蒸氣鍋最後都是以粥底作結朿，但倫住蒸卻選擇以這個特色的十

倫哥超震撼優惠~$238吃蒸鍋海鮮套餐，吃足七款海鮮，而且11月有期間優惠8點前離座全單7折，抗通脹價超級抵吃😂 先送上倫哥招牌的老火靚湯。燉湯入面很足料，有豬肉雞腳紅棗猴頭菇等等，味道好甜，秋冬喝一碗滋潤湯水暖入心～吃海鮮前也有一碟很豪華的鮑魚花膠😋我們先填好海鮮的佐料配法，然後店員就會親自料理～蒸鍋較好時間，蒸好就可以吃嚕。第一道是蒜蓉蒸蚌仔～時令的蚌仔飽滿多肉，帶點海水味然後是生蠔，蒸完仍大大隻阿，鮮味十足蒜蓉開邊蝦，賣相很吸引，加上香噴噴的蒜蓉非常惹味份量十足的龍蝦，用清蒸方法熟度剛好，肉質爽脆彈牙，而且味道很鮮甜～除了每款海鮮都有一款蔬菜配菜之外，還會有一整盤蔬菜呢，可以均衡飲食又可以清清味蕾～有椰菜花、豆、南瓜、蕃薯、芹菜和菇接下來是龍躉腩，蒸得非常嫩滑，魚味濃郁，魚皮膠質豐富，加一點點豉油提味很好吃。伴菜黑松露豆腐也很捧，豆腐超滑呢奄仔蟹多肉又充滿蟹膏，好正，吃不停口然後是鮮魷腸粉，加甜醬辣醬吃風味十足以為吃完了，誰知還有十足十二串足料蒸飯，有齊雞肉、臘腸、蝦干、粟米粒、翠肉瓜、南瓜、蝦腩片、芋頭、萵荀和蒜蓉排骨，香氣十足色彩繽紛～吃起來有多重口感👍🏼甜點是輕盈清甜的黑糖

屋企附近發掘食好野嘅好地方有次偶然行過倫哥私房菜發現佢哋而家做緊蒸海鮮套餐，一個價錢有八種唔同嘅海鮮，慢慢歎!!一入到餐廳坐低之後就會有碗熱辣辣嘅燉湯,然後餐廳就會提供一張落單只俾我哋選擇海鮮嘅煮法，有蒜蓉蒸,清蒸,豉汁蒸,蟲草花蒸!!!海鮮會有聖子,龍蝦,鮑魚,龍躉片...蟲草花龍躉片值得推介!!! 果皮蒸鮑魚一定唔會錯，我最愛嘅係蒜蓉蒸開邊蝦!!!!!餐廳仲有一個沙嗲蒸腸粉，以及最尾嘅八寶飯!!! 食唔晒的話可以打包返屋企慢慢食哦!!!

新開倫住蒸 見到網上有人推薦 就去試下~ 重點係蒸海鮮 仲有價錢合理 不太貴~ 位置不太難搵 太子地鐵站一出 好方便~ 一座底 環境好乾淨 ~ 餐具非常齊全 之後見到張MENU已經好吸引 ~ 首先會有熱辣辣嘅湯~好足料~ 有雞腳, 縲頭, 豬肉, 紅棗~ 而且非常清, 不咸~ 鮑魚 + 花膠: 這道已經蒸熟了拿出來~ 好入味~ 不硬 而且味道剛剛好~ 聖子: 選擇了蟲草花蒸~ 好香~ 好肥美~ 仲要一D沙都沒有 ~ 好鮮甜~ 生蠔: 選擇了薑蔥蒸~好肥美~ 蠔殼的汁都真係好好食~ 蝦: 選擇了豉汁醬蒸~蝦分成兩邊~ 非常鮮甜~ 而且很入味~ 龍蝦： 呢味係主角~ 蒜蓉蒸 ~ 看似手板咁大~ 但份量好足~ 非常鮮甜彈牙~ 龍躉腩: 配了黑松露豆腐 ~ 真係好好味~ 散發黑松露的香味~ 而龍躉腩就選擇了XO醬蒸 ~ 帶出了魚的鮮味~ 蟹: 好多蟹膏~ 啖啖都好好味~ 好甜~ 鮮魷腸粉: 不太"忍" 食落感覺幾特別~ 仲有飯, 都係勁足料~ 有12道材料 ~ 最後有個黑糖冰涼粉~ 第一次食好特別 ~ 涼粉是透明的~ 整體黎講~ 好抵食~ 二百幾元可以食到咁多海鮮~ 會再來食~ 

倫哥出左名又新鮮又抵食ga la 太子新開 倫住蒸 食蒸海鮮新屎坑ge我緊係去食啦又近屋企 有6半同8點打後 記得記得book位我就book左6半我地叫左個蒸海鮮套餐 $238一位都好平坐位都好闊落 坐得幾舒服好快就揀好野食 等上菜一叫完野食就有燉湯飲 唔洗加錢ga食得出冇添加 真材實料 好清甜 岩晒男女老幼一齊飲鮑魚同花膠鮑魚煮到非常入味 一d都唔um 味道適中花膠爽口 質素一d都唔差粉絲蒜蓉蒸蚌仔蚌仔肥美 粉絲吸晒d精華 超好食清蒸鮮蝦蝦唔算大隻 開半蒸方便食用 清蒸更能帶出海鮮鮮味清蒸鮮蠔新鮮ge蠔 蒸完仲係好肥美 好多汁蟲草花蒸龍𧄌特別揀左蟲草花蒸 蟲草花更能帶出龍𧄌ge鮮味 魚肉結實彈牙食到一半 有蒸菜清一清口氣蒜蓉蒸龍蝦肥美ge龍蝦蒸完 肉質鮮嫩 仲好彈牙Tim清蒸奄仔蟹估唔到咁多膏 d膏係偏creamy 唔係結實果隻 蟹肉好甜 新鮮係唔同d鮮魷腸粉加上沙茶醬去蒸 魷魚彈牙唔um 腸粉吸晒d醬汁同鮮味 非常惹味 好好吃蒸飯份量好多 熟左之後加上豉油攪拌 d餸多到滿出黎 唯一美中不足係飯太硬黑糖冰涼粉 可無限添食晶瑩剔透ge涼粉 都係第一次食 口感滑 唔會好甜 值得一食好彩有

一直都想試下出名的倫哥私房菜，原來太子有一間分店，係專食蒸海鮮！海鮮魔人絕對要捧場，一於約埋朋友一齊去嚐鮮蒸鍋海鮮套餐呢個係逐位收費，唔好以為蒸海鮮食唔飽，我食到捧住個肚然後打包走另外，每種海鮮都可以選擇味道，清蒸、蟲草花蒸、蒜香、ＸＯ醬etc 任君選擇～首先每位會送一碗藥材湯，老火湯真係零舍鮮甜，真係要煲好耐先出到呢種味道～而且有好多湯渣食1.蟶子好大隻好新鮮的蟶子皇呀因為想食到本身的鮮味，所以選擇左蟲草花蒸。鮮甜蟶子加上蟲草花的藥材香，係清新的味覺享受～2. 鮑魚鮑魚則決定用蒜蓉蒸，因為鮑魚汁味道很濃，因此直覺鮑魚應配較濃調味比較適合。事實上真的賭對了，相較鮑魚汁，蒜蓉口感沒那麼濃厚，但卻是微辣又惹味～店員很細心，待我們影好相再幫我地拆3. 生蠔跟餐本來是花甲，今天轉了做生蠔。這個吃法也很新鮮，因為一般都是生吃，要不就是炸蠔，第一次吃蒸蠔覺得不錯～味道近似平時的生蠔，只是變了熱食，海水味一絲不減，配上喜瑪拉雅山礦物鹽蒸，絕配！4.蝦嗜辣朋友絕不可以錯過剁椒鹽蒸，辣得來感覺健康，就是天然的辣椒味，配上蝦超級惹味～！5.龍蝦龍蝦又是另一種口感，本來肥美的龍蝦已經很美味，今次選了中式的做

老竇好鍾意食海鮮，即使唔識入廚，但我都決定做返個孝順仔帶佢食下海鮮。去咗位於太子嘅倫哥！餐廳係新裝修，所以間隔闊落，舖面企理！話曬都係第一次食蒸氣鍋，所以都好期待！原來一開始就要為每種海鮮揀選你想要嘅醬料，然後侍應就會順次序幫你放落鍋度蒸！順帶一提，由於蒸嘅時間係會有侍應幫你計埋，所以唔怕蒸過龍！一開波，當然要飲碗湯補一補！湯味濃而且幾足料。睇下有仲埋猴頭菇！蟶子連埋蒜蓉同粉絲一齊蒸，超正！鮑魚就唔洗蒸啦，而且仲有花膠！加埋特製醬汁，超滋味！蝦就用咗豉汁醬調味，估唔到又幾夾！龍蝦超級新鮮！放落去蒸鍋嘅時候仲係生嫁，郁下郁下！所以真落好有鮮味！龍躉腩估唔到幾大件，仲啖啖肉！用面豉醬調味係唔錯嘅選擇！蟹就不得不提中間超多膏，肉質亦唔差！鮮魷同腸粉都係第一次試，入口軟滑細緻！蒸飯就超大碗，蒸好後侍應會加醬油同花生入去撈埋！用料豐富，大家要留肚食！黑糖冰涼粉味道比傳統涼粉無咁甜！但清清地反而更好，不會太heavy！用料新鮮同埋服務用心、價錢都好合理！

來到太子這一帶覓食，價錢相對比較經濟實惠，但是質素都非常高。這間蒸海鮮的餐廳就是我最近的至愛，好吃到不停與不同的朋友來吃。首先奉上的燉湯，裏面的湯渣有雞和雞腳等等，非常足料和豐富，所以熬出來的湯非常清甜，而且不油膩。這餐廳有誠意的是，每張桌上都會有一個計時器，每種海鮮需要蒸嘅時間都不一樣，這個貼心嘅服務令到每種海鮮都可以蒸得剛剛好，不會過老。這個聖子沒有過多的調味，配上粉絲，肉質彈牙和易咬，非常好吃。那麼多到海鮮我最愛這個蒸龍躉肉，這個魚肉的龍躉皮非常厚，吃下去有滿滿的膠質和骨膠原，而且魚肉肉質肥美，配菜還配上了黑松露蝦膠蒸豆腐，誠意十足。之後的薑蔥蠔，蠔肉非常大粒新鮮，蒸6分鐘後，非常多汁鮮甜。這個超值的價錢竟然還有龍蝦吃，而且龍蝦肉質豐厚，份量大方，足夠四個人吃。之後這個蒸飯材料非常豐富，有豆豉排骨，臘腸，花生，芋頭，南瓜，和豬腩肉片等等，把它拌勻後再淋上甜豉油，蒸飯粒粒分明，非常香口。最後以一個個甜美的黑糖冰粉作結，冰粉非常冰凍，配上微甜的黑糖，非常完美。

在太子地鐵站一出，附近這幾條街雖然沒有旺角般熱鬧，但是不難發現這裏多了一間間不同的食店。今日和家人來吃，就被一間蒸海鮮店吸引了， 以238這個價錢來說，實在是非常抵吃。首先餐廳送上了一個燉湯，湯頭非常鮮甜，裏面的湯渣也給了不少， 十分足料。之後會比一個餐牌我們去選擇每種海鮮喜歡什麼樣的配料，普通蒜蓉蒸，去到豆豉蒸和老干媽醬蒸都有，選擇非常豐富。第一款海鮮就是豆豉醬蒸蟶子，每張桌上都有一個計時器，時間一到服務員會馬上過來把海鮮給我們，所以聖子蒸得剛剛好，肉質非常鮮甜。之後就是果皮蒸鮑魚，鮑魚同樣肉質彈牙，只是我更喜愛味道濃烈的豆豉醬。這裏的回到蒸菜都會配上不同的蔬菜，所以十分健康。之後的這個蒜蓉蒸蝦，每隻蝦都開邊，這樣的方式去處理海鮮，每到海鮮都能保留其鮮甜味，值得一試。蠔和龍蝦肉質非常豐滿，用的是上成的材料，這個價錢有那麼厚肉的蠔和龍蝦，實在是非常抵吃。最後這個魷魚蒸腸粉，應該是用了麻醬和花生醬去整，味道非常特別。到最後還有一個重頭戲，就是蒸飯，我們吃完這個蒸飯之後，已經飽得吃不下任何東西，還打包了大半個回家做明天午餐呢。

食海鮮要原汁原味，蒸的方法是最適合不過。當然客人亦可選擇一些調味料，如薑蔥，豉汁，岩鹽...之類提鮮。燉湯食海鮮之前每人會有一盅燉湯，時日是猴頭菇燉湯。湯底清徹，材料豐富。味道清甜，是秋冬滋補的湯水。蟶子每蒸一様海鮮都會有店員代勞，服務周到，非常貼心。時間控制得宜，蟶子爽脆又彈牙，用了蒜茸作調味，味道一流。蠔薑蔥的配搭恰到好處。蠔隻好鮮好嫩滑。蝦肉質爽彈，好鮮。蝦頭爆膏，甘香無比。龍躉腩肉質嫰滑啖啖肉，魚皮部位好有骨膠原的感覺。龍蝦鮮味盡出。花蟹雖然細小，蟹肉不少呢！啖啖鮮甜。蟹膏綿綿的好甘香。什菜有南瓜，翠玉瓜，紫蕃薯，椰菜花，冬菇。只灑上少許鹽調味，菜蔬的原味表露無遺。鮮魷腸粉好特別的一道菜！腸粉蘸了甜醬，辣醬十分滋味。魷魚夠入味有嚼口。十足十二串足料蒸飯材料真的豐富，雞肉，臘腸，蝦干，南瓜，芋頭，蒜蓉排骨.....蒸後再混入花生，蔥花和適量豉油，一碗美味的蒸飯就完成了。一次過嚐到不同味道，口感確不同，正！看似食得好豐盛，其實用蒸的煮法，既健康又好味，多吃也無所謂啦！

清蒸不僅能考驗海味食材的新鮮度，不需過多的調味也能留住食材原始的鮮甜，而且沒有一般火鍋的味精湯底，相對較輕盈健康，前幾日我就來到位於太子的倫住蒸倫哥私房菜，品嚐海鮮蒸氣火鍋。全店分開兩層，今次坐在樓上，面積較為寬敞，卡位坐得舒服。蒸氣火鍋每人收費 $238，總共有八款海鮮。海鮮本身沒有添加調味，由客人自選，可以因應個人口味靈活配搭。蒸鍋前先端上一盅燉湯，不另收費，裡面真材實料，喝得出沒加味精，不會過鹹，在秋風起的日子來一碗滋補燉湯，真是暖身又暖心。店員全程都會幫忙上菜、下鍋、計時、起海鮮等，服務週到。而且時間控制恰當，不會蒸得過火或未夠熟。蟶子簡簡單單只用豉汁醬蒸，蟶子的鮮味被粉絲充份吸收。蝦不算特別大隻，不加過多調味，其實最能保留蝦隻的鮮美原味。蝦肉熱騰騰出鍋， 入口鮮嫩彈牙，無油好清爽。煮鮑魚時間必需拿捏得非常準確，因為煮多了就很容易變韌，這裡蒸鮑魚蒸得剛好，將其鮮味保存及封鎖。蒸鮑魚口感緊緻而又保留到肉汁，滿足口腹之欲，以蒜蓉提味，啖啖鮮味爆燈。由於這天沒有花甲供應，因此就以蒸蠔代替，加上鹹香惹味的XO醬。蒸後的生蠔不會縮得太細，處於半生熟的獨特鮮嫩質感，蠔味濃郁，回味甘香。以薑