影片
更多
2018-11-18
15 瀏覽
呢一排嘅天氣真係涼咗好多，不其然想打邊爐暖一暖個胃，但一般嘅傳統嘅邊爐都比較飽滯，有時食得太油都唔係幾好， 今次試下新式少少嘅蒸氣火鍋，相對而言就冇咁油膩，比較健康。適逢上次飛機嘅朋友Y 有空，於是規劃咗一齊去試下呢一間新開嘅蒸氣海鮮火鍋，順便聽下佢上次去完美國，再去馬里亞納海溝尋找佢失去咗嘅道德嘅經歷。餐牌上有八款海鮮，再加上蒸蔬菜同荷葉飯，其實都相當豐富。用餐前，侍應先送上燉湯， 係紅棗桂圓雞腳瘦肉， 材料非常豐富，但飲落相當滋潤，一啲都唔油膩，絕對係足料嘅燉湯。跟住就係炆鮑魚同花膠作為小食， 呢一個就取代咗原本蒸海鮮入面嘅鮑魚， 雖然鮑魚唔係好大隻，但炆得非常入味， 花膠都好軟熟，不過味道就唔算好濃， 不過作為餐前小食，質素相當唔錯。先試下呢一個嘅蟶子皇， 足足有手板咁大，而且蟶子肉都好甜，加上蒜蓉粉絲夠入味，如果送埋飯就不得了。之後就係薑蔥蒸蠔，蠔肉都幾肥，同埋夠大隻，蒸完都無縮水。而龍躉就落左XO 醬蒸，醬汁好香口惹味，魚肉厚身夠實肉，仲加埋有黑松露醬嘅釀豆腐，唔錯。而蝦就選擇咗豉汁蒸，雖然唔係好大隻，不過都算甜，而且師傅仲好好刀工，將其開邊蒸，令味道更加入味。至於龍蝦都好大
適逢上次飛機嘅朋友Y 有空，於是規劃咗一齊去試下呢一間新開嘅蒸氣海鮮火鍋，順便聽下佢上次去完美國，再去馬里亞納海溝尋找佢失去咗嘅道德嘅經歷。
餐牌上有八款海鮮，再加上蒸蔬菜同荷葉飯，其實都相當豐富。
用餐前，侍應先送上燉湯， 係紅棗桂圓雞腳瘦肉， 材料非常豐富，但飲落相當滋潤，一啲都唔油膩，絕對係足料嘅燉湯。
跟住就係炆鮑魚同花膠作為小食， 呢一個就取代咗原本蒸海鮮入面嘅鮑魚， 雖然鮑魚唔係好大隻，但炆得非常入味， 花膠都好軟熟，不過味道就唔算好濃， 不過作為餐前小食，質素相當唔錯。
先試下呢一個嘅蟶子皇， 足足有手板咁大，而且蟶子肉都好甜，加上蒜蓉粉絲夠入味，如果送埋飯就不得了。
之後就係薑蔥蒸蠔，蠔肉都幾肥，同埋夠大隻，蒸完都無縮水。
而龍躉就落左XO 醬蒸，醬汁好香口惹味，魚肉厚身夠實肉，仲加埋有黑松露醬嘅釀豆腐，唔錯。
而蝦就選擇咗豉汁蒸，雖然唔係好大隻，不過都算甜，而且師傅仲好好刀工，將其開邊蒸，令味道更加入味。
至於龍蝦都好大隻，就咁清蒸加埋鹽已經好甜好鮮，如果有膏就更加好了。
而肉蟹都有唔少膏，入口都幾香，蟹肉結實。
蒸荷葉飯上面鋪上唔少料，例如搾菜、芋頭、豬肉等，蒸完之後啲汁落曬飯到，入口好香，撈埋配料食好夾。
至於呢個鮮魷腸粉都幾特別，用左沙茶醬蒸，感覺有少少似麻醬，腸粉好滑，加埋厚厚嘅魷魚食，真係食到好飽好滿足。
張貼
