倫住蒸倫哥私房菜 (已結業)

之前食倫哥都係打邊爐食雞煲任打任食，而位於太子呢一間則是另外一種方式，就係蒸海鮮，大概每人250元左右，就有一set蒸海鮮餐，睇餐牌有好多食材，海蝦、蟹、龍躉、龍蝦、鮮魷，扇貝、鮑魚、蠔，睇個陣容就好豐富。味道方面，確又係樣樣都好新鮮，我個人就最欣賞龍蝦，因為用手一起成嚿龍蝦肉出嚟，咬落肉汁鮮味十足，基本上唔使點樣調味已經很好味，因為食材新鮮就已經很足夠，另外，蠔的食法有多種，而蒸的較少，我好怕蠔因蒸太耐會縮水亦會變嚡，而佢地的蒸鍋有時間制，所以掌握蒸的時間很準，不會過火剛好，蠔保持了原隻size及水份，一咬juicy，不錯。佢哋有個甜品叫做黑糖冰涼粉，外型好特別，透明得好似冰一樣，食落口咁都幾有趣，甜甜地幾好食。整體來說，蒸的可以食到材料的鮮味，新不新鮮一食就知無得呃，而且比火鍋較清新無咁肥膩，起碼少了自己左溝右溝的醬油，清新之選是也。