你妳 (運通洋樓) (已結業)

上星期路過想吃，但實際太多人排隊。今個星期再去，排了差不多半小時。1. 你妳珍珠魯肉飯，原來以為很特別，結果是肉鬆，蛋，鹹珍珠送飯，沒有到很難吃，但有點失望，鹹珍珠只能當點綴，不能當主菜，如果可以加多一點點魯肉會比較好。2. 肉鬆芋泥、仙草3號，可以接受，不過不失。3. 百香果綠茶，淡味，要$29。寧願去買老虎堂。總體評分不是很差，但的確沒有台灣味，也沒有到很好吃的地步。我不會再去吃第2次，比較會選擇路德圍其他的台灣小店。

遇到多人排隊食店，但看到門外寫著【台式鐵板吐司】，還要限量！！ 估算應該幾好，反正路過，便先取飛排隊。離開辦完要事後，轉頭再回來。嘻嘻，幸好沒有過龍。溫馨提示：星期日沒有下午茶餐的。吐司當然必食啦，等位也是為吃他我們點了❮肉鬆芋泥吐司❯ 麵包脆，芋泥似醬，搽得非常厚底，帶著芋頭本身的甜味，很軟滑，肉鬆帶鹹甜，沒有蓋過芋頭味道，食落有多種口感與層次😋 ，如芋泥是熱的會更美味。❮台灣牛肉湯麵❯湯頭不太濃稠，卻是牛肉味濃郁。少鹹，沒有重重的香料或八角之類味道，麵條煙韌度適中，牛肉夠腍。❮烘培烏龍珍珠奶茶❯跟餐只需加$8，很抵飲茶有烘培的微香，奶多少甜，珍珠煙韌，不要放過這優惠。❮滷肉飯❯一碗看似平淡，但越吃越有鹹香味，加了肉汁的米飯，五花腩當然會有肥脂，三肥七瘦，已經做得很不錯。最後，還點了❮桂圓紅棗❯ 因為想試包餡芋圓。外皮煙韌，裡面是軟滑芋蓉餡，微溫的甜品，桂花清香，少甜，其他芋圓煙韌度 ok，這碗溫暖 .....是容易入口，味道也沒問題，但我個人比較喜愛吃熱或冷的甜品，嘻嘻！

每次去荃灣，都一定會落路德圍搵食，路德圍出名多美食，今日經過見到新開既台式餐廳排了長長人龍，見到餐牌好吸引，所以我地都排埋一份去食。餐廳主打人氣台式厚吐司，有三款吐司選擇，好想食個兩款已經售罊，睇黎下次要早d排隊黎食。餐牌除左單點，仲有二人套餐可以選擇，價錢合理。台灣牛肉湯麵-湯底牛肉味濃厚，喝罷不口喝，麵條有驚喜，手打麵條，食落好Q彈又唔會過靭或過腍，牛肉非常入味，好軟腍，不會柴口，如果牛肉多一點會更好。炸澎湃花枝丸-以款下次黎一定要再食，花枝丸粉漿厚薄適中，不會炸到太多油，花枝丸非常彈牙，好耐冇食過咁好食既花枝丸仙草3號-飯後甜品，入面有三色芋圓、包餡芋圓、布丁，水晶，芋圓煙煙韌韌，包餡芋圓有芋泥餡料，有芋頭味道，仙草滑溜，整碗都不會太甜白桃綠茶-茶味香濃，白桃味非常突出，甜度適中

荃灣有間新開冇耐嘅台式餐廳，裡面用咗粉紅色牆，裝修比較別緻，走少女風，都好啱女仔嚟打卡。咁見佢主打芋泥吐司，但可惜嘅係，夜晚已經賣哂啦。我哋就叫個276蚊二人餐，任揀2款主菜同4款小食，有碟魯肉汁青菜，同埋揀2杯飲品。整體嚟講，味道中規中矩，未去到突出，可能未試到佢主打食物📍魯肉飯&乾拌麵我自己鍾意乾拌麵多啲，麵質爽口彈牙，配埋啲汁，比較入味，魯肉飯都ok，食落去唔會太乾，份量係足📍炸澎湖花枝丸唔算好油，唔會食到一團粉，合格啦📍台南鮮蝦卷個人比較鍾意嘅主菜，蝦味突出，唔會炸到好乾好硬📍椒鹽四季豆算係比較清淡，食落都幾開胃，叫做唔會一味食肉📍古早味雞卷有少少普通，外皮唔算好香脆，肉質未去到嫩滑

雖然鋪頭係新開，當日晚市仍坐爆，好彩可以好快可以入坐。鋪頭光猛乾淨，以淺紫色牆為主，整體裝修係簡約清新風，感覺舒服，不過就有點擠迫。餐單裹有最常見既台灣美食，魯肉飯、鹽酥雞、士林香腸等。我地叫左士林香腸炸雞腿飯、鹽酥雞花枝丸飯，味道同貌相一樣咁好。所有野炸得岩岩好，粉薄香口。食物份量好足，擺盤有心思，味道可以。跟主食加幾蚊就可以有特飲，我鐘意依度依度既珍珠奶茶，好有奶香 ✅晚市時間拌麵同芋泥三文治已經售罄，有點失望。👉🏻👈🏻甜品叫左仙草芋丸，芋丸可以，其他配料正常，無太大驚喜，絕對推薦大家另加手作芋泥🙆🏻‍♂️有天然芋頭味，口感綿軟，好足料。👍🏻整體份量不錯，2人晚餐消費約$270。

行過見到有啲人排隊，應該係新開無耐的食店，就咁望原全係走少女風，以為係cafe類，但睇下menu先知係台灣菜，但重要既係hongkonger落單。唔知食咩好，見到二人套餐就直接叫，而且都幾多野食魯肉飯 乾拌麵機會難得，就一次過試哂兩款，魯肉飯睇落以為好干，但食落唔係，肉汁好多，而且味道好夠又唔咸，好滿足。而乾拌麵都是用魯肉汁為主，但再多一點紅油撈麵，麵條係彈牙台灣麵，都係相當惹味，燙青茶 配魯肉汁6選4的小菜炸澎湖花枝丸台南鮮蝦卷椒鹽四季豆古早味雞卷小菜比想像中高質，炸的油漬不多，配上辣椒醬和蒜蓉係一種享受，仲有雞卷在香港比較少有得食，外皮煎得香脆，雞肉嫩滑。古早冬瓜茶蜂蜜綠茶兩款跟餐的飲品，都是少少甜，茶香味濃

之前係飲食平台介紹你妳，即刻約埋老公去食。未到6:00已見到長長人龍排隊，睇黎下次要再早D黎等位。餐廳店鋪細細，坐位與位之間都算逼狹，只有5-6張枱，可容納20人左右。裝潢以粉紫為主，簡潔清新。魯肉飯($32)每次去到台灣餐廳我都會必點魯肉飯，魯肉飯細細碗，肥肉比例多，接近入口即化，滷肉汁香口，米飯粒粒分明，流心蛋入味。椒鹽四季豆($35)四季豆清脆口感，不會炸到好多油台南鮮蝦卷($45)蝦卷口感Q彈，加上辣醬，味道更提升炭培烏龍珍珠奶茶(+$8）烏龍奶茶炭培味濃，茶味濃郁，甜度剛剛好，口感順滑，珍珠Q彈

荃灣新開左間食手作芋泥吐司嘅舖頭，舖頭座位唔多，就算平日中午都要等位... 今次等左30分鐘左右，趕時間嘅朋友可以選擇叫外賣！/芋見紫薯 $45/睇圖都feel 到芋頭紫薯泥份量好多，食半分其實都已經好飽！吐司好脆口，芋泥綿密，但係就唔係好食到芋頭嘅香味，比紫薯嘅甜味蓋過左！可能叫有肉鬆個款味道會更加有層次/仙草2號 (紅豆、包餡芋圓、三色芋圓、小丸子 $46/黎個芋圓我就覺得麻麻地，芋圓唔夠彈牙，反而包餡芋圓有驚喜，外皮比較彈牙，入面芋頭餡味到幾濃！我唔知係咪平時食d 仙草唔正中🙈我覺得黎個太過流質（另一方面睇你可以話佢係滑溜😂）同埋仙草個陣草藥味太過濃😣整體黎講，食物一般，服務正常，但係如果等位要等更長時間我就覺得唔係好值🧐建議12:00 一開門就去！

趁住未到晚飯時間，有一個下午茶嘅空檔，就來這間台式店吃一件吐司加一杯台式飲品，過一個輕輕鬆鬆嘅台灣之旅。小店的佈置簡約，沒有太花巧的裝飾，反而有一種清新嘅感覺。肉鬆芋泥吐司 $40兩件三文治夾住啲餡澎湃到溢出，芋泥香軟綿綿，添加的肉鬆與芋泥嘅甜很夾，一口咬落去，暖暖嘅芋泥好有口感。高雄紅茶牛奶珍珠 $35紅茶醇香配上牛奶的幼滑，調教甜嘅程度適中，珍珠煙韌有咬口，不錯。仙草系列糖水(三色芋圓/水晶/布丁/包餡芋圓) $46我見隔壁的人點了這個糖水，我也蠢蠢欲試，雖然已經很飽肚，卻還是點了這個糖水，仙草之外還有不同的料，芋圓煙韌，雖然有三隻色卻舌頭味蕾分不出是什麼味道打什麼味道，總之視覺上就很豐富，就是味道不錯的甜品。

今天路經荃灣的這條街，見到有人在這店外等候，引了我的八卦之心，便上前看看是食什麼？原來是食台灣的食物，還見到很吸引的手工芋泥吐司，便二話不說攞籌等候入座。吐司有三款，我選了芋見吐司，有芋頭做嘅餡料，加上紫薯做嘅餡料，一次食到兩層口味，軟綿綿，果然有驚喜。呢度除咗有一般散叫之外亦有套餐選擇，二人套餐的份量可以夠二至三個人。乾拌麵，將醬料與麵撈在一起，唔係好辣但又惹味嘅麵食落唔錯，流心蛋係正。滷肉飯的滷肉汁亦很惹味，大啖大啖吃很快就清咗一碗。套餐可以揀四款小食，四款小食雖然都係炸但亦各有特色，因為各有嘅材料和口感都不同，我個人較喜歡台南鮮蝦卷，香脆而且蝦肉夠彈性，另外甜不辣口感比較特別，煙煙韌韌幾有趣。花枝丸中間的魷魚粒金鑽鳳梨綠茶，綠茶中帶有菠蘿嘅清香，唔會太濃郁甜度啱啱好。食到呢度，已經感覺到滿滿嘅台灣味道，不過這裏店鋪的面積不太大，要等一等才能入座，所以下次約朋友就要早些嚟。

呢間開業無耐嘅餐廳屬於台灣羅東肉焿番有良心又有家鄉味思鄉嘅你哋，快啲去試吓呀😉🍞肉鬆芋泥吐司（$40）吐司每日新鮮製作，人氣超高呀！厚身嘅吐司烘得金黃香脆內餡夾入豐富嘅肉鬆&澎湃嘅芋泥📸齋睇都令人流哂口水喇🤤入口肉鬆&芋泥混和...鹹香中帶清甜嘅芋泥味，幾特別喔！但芋頭味無預期中咁濃，如果濃味啲就更加好味喇！🍴士林香腸烤雞腿魯肉飯（$78）飯量同餸量都好足白飯面頭鋪滿甜甜嘅魯肉撈飯食真係一流呀💯而士林香腸真係好似台灣食到嘅一樣咁好味😋烤雞腿有三隻，香口惹味喔！🥤高雄紅茶牛奶珍珠($35)奶茶茶式芳香，茶味突濃郁絕對係我杯茶呀💕茶底下滿滿都係珍珠，珍珠唔算大粒但咬落都幾有嚼勁喔！🥤金鑽鳳梨烏龍茶（$29）甘香嘅烏龍茶味混和香甜菠蘿味🍍清爽冰涼，幾解渴👍🏻

秋天本來係去旅行既最好季節，無得去旅行唯有食啦。台灣我中意既國家之一，今日就去食台灣野！我地點左：台灣牛肉麵牛肉肉質軟，入口好快溶；有啲牛筋帶嚼勁更香牛味。麵條吸收晒湯底好入味。流心蛋睇個樣就知煮得岩岩好，蛋黃半固體半液體，伴飯食，正！士林香腸花枝丸魯肉飯依度既魯肉加左豆絲同以前食開既唔到，令口感豐富又帶一點豆卜香。肉汁甜甜佐飯一流。台灣香腸甜甜配旁邊既蒜蓉醬更香更甜。花枝丸炸得香脆，配著豆辦醬咸咸辣辣好惹味。肉鬆芋泥吐司芋泥係我好中意食既食物，甜甜的，好似雪糕咁滑。加上似肉鬆既咸香，一啲都唔會覺得膩。吐司仲要烘底，正呀！仙草凍奶茶充滿茶香和陣陣茶香，唔會太甜，好味又健康。仙草滑Dodo, 口感Q又軟😘白桃烏龍茶濃郁桃香，好香甜，配著烏龍茶香夠清新。

疫情仍然有啲反反覆覆，啲大飯局就唔使考慮架喇，跟啲極相熟嘅朋友啲小飯局就間中一次半次咁啦。因為一件「芋泥吐司」，今晚同朋友專誠嚟到台式餐廳「你妳」捧場試試，估唔到就算疫情下都咁多客，幸好，門口嘅客人都喺等外賣多，我哋等一陣就有位。餐廳屬小店，一踏入門口環境就一眼望晒，有別一般好多台式小台走文青風，「你妳」嘅環境就簡約得多，紫色為主調，配以淺色系嘅木枱木櫈，光猛整潔。講講餐牌先，食物方面，分咗小食類、飯粉麵類、仙草系列、甜湯系列、招牌兼每日限量嘅鐵板手作芋泥吐司。不過，以荃灣區而言，加上自己幫襯過嘅台菜店作對比，佢哋嘅定價確喺定得相對進取！嗌飯粉麵類，可以以優惠價配飲品，+$3可配冬瓜茶、蜂蜜綠茶，+$8可配其他台式飲品。睇吓個台式餐牌，都有唔少選擇，但揀珍珠奶茶、仙草奶茶喺心理上覺得最抵，因為標價最貴，同樣都喺+$8，哈哈！如果想要懶人包，就梗喺考慮二人晚餐啦，包兩款主食、一客蔬菜、四款小食及兩杯飲品，都包幾多嘢食，恐怕兩個人都未必食得晒。梅甘地瓜條 $45 仲記得好多年前去過一次台中，就喺見到小攤商賣呢一款地瓜球，印象非常深刻，而晌香港亦唔喺好多台式餐廳有賣，所以，今次見有，就好想再

荃灣有間新台灣餐廳開張，上網睇是一對情侶開，你妳是代表他與她，有意思又浪漫。裝修以紫色及木色為主，溫馨舒服。除了魯肉飯、牛肉麵那些，最特別想試是手作芋泥吐司，特別的有珍珠吐司、珍珠魯肉飯。食物全部來了，賣相十分吸引~~~士林香腸烤雞腿魯肉飯 $78，份量比想像中多，雞腿有檸檬清新味，肉質嫩滑，而魯肉份量也有，多汁入味不錯，而香腸夠可口彈牙。白桃烏龍 跟餐加$8，茶中有桃香，不錯。紫薯肉鬆吐司 $45，賣相咁靚，好適合影相打卡。紫薯軟滑香濃，配合肉鬆味道又幾夾。台南炸蝦卷 $45小食份量也好多，蝦卷香口，內裡有蝦肉，幾彈牙。如果小食有雙拼就好，可以試多樣，這個份量對於2人有點多。

荃灣路德圍新開了台式小餐館，粉紫色的格調，洋溢清新的感覺。<你妳>價錢親民，座位不多，吸引長長人龍，仙草及芋泥吐司俘虜了你和我。鹽酥雞花枝丸魯肉飯 $78充滿古早味道的客飯，一次過滿足幾個願望。鹽酥雞炸至酥香可口，沾上甜酸醬，十分開胃。魯肉飯肥瘦均勻，拌匀滷肉汁精華，加上香菇丁帶點甜味，香濃吸引。花枝丸爽口彈牙，十分鮮味，配上溏心蛋，味蕾大滿足。士林香腸烤雞搥乾拌麵 $78乾拌麵煙韌、粗身，每條麵中間有扭扭坑紋，掛汁力強，拌勻醬汁一起吃，每口麵都充滿油香！檸檬風味烤雞搥，肉香中沁出清新檸檬香氣，配搭十分新鮮。士林香腸比一般香腸肥厚，炭烤後切片，口感帶有肉汁，十分惹味。台南鮮蝦卷 $45金黃酥脆的鮮蝦卷，香炸至油而不膩，質感爽彈，入口熱燙，吃到啖啖鮮蝦肉，沾上酸辣醬，滋味誘心。仙草二號 $46滋養的甜品，煙韌口感的芋圓，夾合綿糯紅豆蓉，啖啖天然甜香，吃到底還有大大嚿、滑溜的仙草，一啖啜入口，過足口癮! 配上QQ小丸子，好香糯米味，更加吸引。白桃烏龍茶/ 百香果烏龍茶 (主食+$8轉台式飲品) 白桃帶清香味道，感覺柔和、淡然，和烏龍茶融合後更清爽，烏龍茶流過舌尖，清新解渴。