你妳 (運通洋樓) (已結業)

最近呢間荃灣路德圍既台式餐廳真係好hit！次次路過都大排長龍😳今日6點經過，竟然有一張檯，雖然仲未餓，不過難得唔洗排，入左先算啦🤣餐廳裝修係以淺紫色為主調，頭香港一般既台式餐廳唔同，感覺好少女心❤️相信黎呢間餐廳既人都係為左個芋泥吐司🍞芋泥綿密香甜，加上烤到脆脆地既麵包同肉鬆，平實中帶有驚喜😋小食選擇都幾多，我地揀左推薦菜古早味炸雞卷🐔炸雞用左一層薄薄既炸雞皮包住，增添油香！咬落雞皮超脆，但雞肉又juicy🤤搭配蒜蓉醬同辣醬，超惹味台灣牛肉湯麵湯底濃郁，仲有大量鹹菜，令人食唔停口！友人就叫左藥膳排骨餐，分別有藥膳排骨、滷肉飯同肉豆。藥膳排骨湯底藥材味超級濃郁，飲完成個人都暖曬滷肉飯肥瘦均勻，感覺有台灣既味道跟餐加8蚊可以轉台式飲品，都唔錯，大家記得轉走既時候又排隊lu

朝聖「你妳」台灣美食，網上瘋傳必食肉鬆芋泥吐司，但本人覺得芋泥不夠香，無芋頭味，唔鹹唔淡，配搭不夠突出，失敗😒台灣牛肉面，牛朒湯底夠濃，野味😍，牛肉多汁牛肉味重和鬆軟，配上酸菜，減少油膩感覺鹽酥雞花枝丸配魯肉乾撈面，整碟最好食是花枝和流心蛋

台灣牛肉麵麵量比想像中多，軟硬適中，幾掛湯，湯底濃郁，牛肉細粒，大約有4粒，但較鬆散，有點太林，午市套餐$75，揀牛肉麵，要加$18，性價比低。魯肉飯肉質冇有一層肥一層瘦口感，似普通肉碎，味道尚可。乾拌麵麵底選用台式刀削麵，厚身闊條扁平，麵煮得過火，麵質太淋，失去左煙韌有咬口的特性，加上唔夠肉燥汁，太乾黐埋一餅，完全撈唔到，有點失望。一口鹽酥雞配酥炸甜不辣鹽酥雞唔會太厚粉，炸得剛剛好，肉質嫩滑juicy，不過味粉可以多一點，甜不辣煙韌彈牙，口感唔錯。台南鮮蝦卷拼炸澎湖花枝丸蝦卷有少許蔬菜粒，花枝丸中間有一粒粒花枝，兩樣都好彈牙。古早炸雞卷拼酥炸甜不辣炸雞卷有驚喜，用雞皮包着雞腿肉，中間釀咗一些餡料，外層炸得酥脆。肉鬆芋泥$40芋泥雖然夠creamy，但凍冰冰，芋頭味不突出，感覺好奇怪，麵包睇得出有烘過，一食落口唔脆，睇相就靚，食落就一般。仙草3號 $46三色芋圓、包餡芋圓、布丁、水晶，芋圓口感Q彈，有芋頭香，甜度適中。

去唔到台灣旅行😭唯有食下台灣菜回味下先啦🙈呢間位於荃灣的台式小店‘你妳you you’價錢又平又好味又有特色😋你妳珍珠魯肉飯珍珠魯肉飯真係第一次見成碗飯係冇魯肉架😂佢係用魯肉汁整成粒粒珍珠但細細碗仲有半隻溏心蛋真係好飽肚台灣牛肉湯麵 🍜湯底牛肉味濃，真材實料麵條係手工做的Q彈麵條真係好煙韌彈牙又爽口夜市鹽酥拼盤有齊台灣夜市最出名嘅小食鹽酥雞、甜不辣、花枝丸、四季豆呢個配搭唔錯，仲要大大份好足料👍🏻👍🏻滿足晒我對台灣小食的慾望😋仙草3號 加小丸子本身已經有三色芋圓、包餡芋圓、布丁、水晶我再另加左小丸子無諗過布丁都有3粒咁多真係超足料啊😍😍整體也不會太甜，芋圓好QQ🤓

我是芋泥愛好者🤤🤤一見到有新野試一直都好想來試試今日終於試到啦！真係除左伏，伏，伏真係俾唔到正評🙁🙁好失望1-魯肉飯： 賣相就得啦，但味道除左咸，搵唔到好食之處，要加白飯溝埋先正常dd,如果唔係，咸到食唔到，失望😞2- 肉鬆芋泥吐司： 又係賣相就得，食落就唔得🙊等就等好耐，來到係凍既，唔明點解要等甘耐🤷🏻‍♀️芋泥淡而無味，仲要凍既，加咸既肉鬆，好奇怪，唔識欣賞3-檸檬風味烤雞腿🍗： 好香既味道，賣相都得，但食落又係偏咸，但可接受，不過$45/4隻真係貴最正常係杯牛奶珍珠，唔係特別出色，普普通通對於芋泥愛好者的我真係好失望試一次就夠打下卡算啦！

都話路德圍美食圈呢排多新嘢架啦🥰今次想介紹嘅係corner位，次次都排曬隊，又無得預約嘅你妳(想食就行快啲啦⛹🏻‍♀️)主食+小食雙拼=$72主食+小食雙拼+飲品=$75魯肉飯🍚分量同濃度都適中，唔會太鹹，而且啲肉唔會好碎，保留翻少少口感。溏心蛋好正，外面濃味，入面超流心，撈飯一流🤤乾拌麵🍜呢個除左肉醬之外，仲落左啲甜辣醬，都幾惹味，但我都係鐘意魯肉飯鹹鹹地嘅味道椒鹽四季豆+檸檬風味烤雞腿🍗四季豆唔會食到成口油，而且落左椒鹽令人食唔停口😋雞腿有3隻，烤得好香😌烤完肉質都仲係嫩嘅，但檸檬味唔算好突出一口鹽酥雞+酥炸甜不辣🍢鹽酥雞脆漿唔厚，調味亦適中。甜不辣外皮略硬，但咬到中間口感煙煙韌韌，不錯不錯🥰高雄紅茶牛奶珍珠🥛(套餐價+$8)茶味香濃，珍珠唔會太多，推介大家試下🙆🏻‍♀️台灣牛肉湯麵🥩牛肉勁稔又夠濃味，每一啖麵都吸曬牛肉湯嘅日月精華，而且同上面個兩個主食一樣有湯麵必備溏心蛋，簡直無嘢好挑剔👍🏻

無得去旅行...導致每個星期都去唔同香港餐廳打卡搵好食既野去平衡下心態今日去荃灣搵到一間台式餐廳！而且仲有芋泥吐司食！！！之前已經超級想食，真心估唔到係香港都可以食到，所以去朝拜餐廳勁多人等位，我諗大家都好掛住台灣😂不過都好多人外賣啊芋見紫薯吐司佢款吐司有芋泥、肉鬆、珍珠奶茶款不過我個人偏愛芋頭，所以無條件芋頭🤗佢啲芋泥同蕃薯泥係多到爆漿，搵手指壓一壓包面，爆漿湧現，真係見到都流口水唔好講笑🤯你妳珍珠滷肉飯好想食滷肉飯，不過佢個滷肉飯好特別😳係有珍珠係上面因為好特別，忍唔住要嗌裡試一試食落去會有珍珠QQ既口感（學台灣腔😂），其實即係鹹既珍珠令到個滷肉飯好特別啊🤗而且佢個份量比我想像多啊，我本身以為好細碗台南米糕波波其實我從來無食過米糕，食落去其實同糯米雞有啲似，但係哩個再chewy啲。而且餡料超級多，係極度飽肚本身以為唔夠飽既我點知發現三樣都係澱粉，都好飽，而且味道好正又可以影靚相😍好似去咗轉台灣咁啊 仲有個燙青菜（無影相🤔可以幻想下青菜同滷肉汁😬），中和下澱粉既罪惡感如是者，一個台灣美食trip就完結了🤫

朋友與我尋找中午飯時路過此店人山人海，原來原有的韓國餐廳已搬遷，新開了一間專門手作芋泥的台式餐廳。罕有地選用深木及紫色為主，配上少女吃著三文治的標誌，確實令人難忘。意外下地與萬聖節的黑紫色佈置頗恰襯。鋪內也有花心思於佈置上，整個環境充滿萬聖節氣氛。在門外等待座位期間，店員已替我們下單，所以就座不到五分鐘食物便逐一呈上。吐司果然夾雜爆餡肉鬆與紫薯泥，麵司鬆脆配上軟滑少甜紫薯泥，為乾身麵包增加濕潤度而不甜溜，再與少咸肉鬆一併進食令整體甜度進一步一降，更增添了鬆化層次感。清幽的餡料令我倆不知不覺間已吃光整件三文治也不覺滯。用竹籃盛載吐司略有加分，整體感覺有另一番風味。牛肉麵較預期中份量為大，內有麵條、牛肉、炸菜、半隻溏心蛋及生菜。牛肉大小為一口牛，碗內大約有4-5件，肉質軟腍如湯渣但更鬆嫩，帶淡然滷水肉汁，其味道滲透至整個湯底，再加上炸菜辣，頓時增添惹味感。麵條呈扁身略如刀削麵，自覺麵身頗適合泡製牛肉麵，粗扁特質增加了掛湯力，令湯汁只掛在麵身表面之餘更可保留麵條的澱粉味，兩者佳可取得平衡。但可能浸泡時間較長，導致麵身較腍，欠缺煙韌及彈牙度。朋友滿心期待的蘋果西打原來是一罐現成飲品，甜度甚高的

之前有睇台灣d飲食節目講芋泥吐司已經心心眼。但睇個勢都唔知幾時可以再去台灣喪食，焗住喺香港搵間餐廳止癮。難得喺荃灣，呢間野紅得鬼咁快，但下午5點幾都仲好多人等位，所以決定外賣返屋企食算。 揀左肉鬆芋泥吐司 講定先，因為外賣拎返屋企需時，已經淋晒。食之前自己用左光波爐再烘，應該會同即刻堂食嘅質感有分別，所以麵包就唔評喇。但目測佢烘得幾靚仔，金黃色冇燶到。肉鬆都幾多，夠乾身又夠肉味。芋泥個味唔會太甜，都滑身嘅，但有半邊吐司冇芋頭粒，芋泥會偏淡，被肉鬆搶左d味，但另一半有一兩粒仔芋頭，濃味返d冇被肉鬆搶fo就啱啱好。 但始終最想食嘅係芋泥麻糬吐司或者芋泥奶凍吐司，希望佢地之後會出啦。

今日放工約左朋友食飯，由於大耐冇食過日本菜，行行下荃灣見到有間台式餐廳，就試試佢啦，結果果然冇去錯餐廳。餐廳環境非常有台灣style，令我好似置身喺台北。我地首先叫左個芋見紫薯吐司，味道好出，又唔係好甜，非常似我喺台灣食到嘅吐司。之後叫左個鹽酥雞花枝丸乾拌麵。好好食。飲品方面，我地叫左個珍珠奶茶，好有茶味，珍珠非常彈牙，好飲！最後講下依間餐嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地兩個人食左大概180蚊。以咁高質素嘅食物黎講算係物超所值。所以整體黎講我對今餐嘅評分係9分！

呢間台式餐廳 想食好耐 因為人地影既相太吸引 好想印正係咪真係甘好食 平時不論中午 定晏晝都有人等緊而我揀左下午茶時間又係發揮我既一餐當兩餐食既時候🤪下午茶時間 full~~ 所以我決定叫外賣 當我想係門口menu睇叫咩好 佢地既staff 即刻攞個menu出黎門口 話有下午茶個menu真係密密既字 我又密集恐懼症 好唔好意思甘講我睇唔到d字 佢仲好好 詳細講左一次我決定叫下午茶叫左兩個set 分別紫薯芋泥吐司 🍞肉鬆芋泥吐司兩個唔同款既芋圓仙草凍 個set送指定既飲品 蜂蜜綠茶🍵或冬瓜茶我接到個外賣既時候 第一個感覺就係好大包 有少少重 點解甘講呢 開頭我會以為純粹係因為外賣packing多所以甘大包因為下午茶 一般都係主食（正常量/比午餐少d) +甜品 🍮一般甜品都唔會太大份量再配茶但係返到去拆開份量真係好足 講下味道先 紫薯吐司🍞甜度恰到好處 而且個餡係非常多 而肉鬆芋泥吐司肉鬆一樣爆滿👍🏻👍🏻🤤🤤芋圓亦都一樣足料 兩碗1）紅豆 蒟蒻 仙草 芋圓 另外有兩粒有芋泥餡既芋圓 2）紅豆 小丸子 仙草 芋圓 一樣有兩粒有餡嘅芋圓份量同樣足 甜度岩岩好 全部黎講份量真係好多 最緊要係好食

近日不斷在IG/FB被朋友洗版，原因當然就係呢間新開台灣🇹🇼風味餐廳。因為逢假日無論午/晚都見長長人龍，所以選擇係平日晚上嚟碰一碰運氣。平日晚上大概七時左右都要等2-3組人客，店舖面積雖然不大，但空間都舒適。餐廳採用粉系簡約裝潢，清新風的感覺。講到招牌必點之一，當然係主打手作吐司啦!!從餐單上可能只見到肉鬆芋泥及芋見紫薯2款，但店員介紹原來仲有其他餡料配對架!例如可配個肉鬆紫薯，不過晚上7時左右就賣剩不多，想食嘅朋友就要留意一下啦。肉鬆芋泥吐司🥪吐司有一定的厚度，表面烘得夠脆入口又唔會太硬鬆化，肉鬆配芋泥有鹹甜混合口感。芋泥份量激多且爆餡，口感綿綿細滑。 一人份量用黎做下午茶就最適合不過!高雄紅茶牛奶珍珠🥤奶茶幼滑，濃濃奶味配上易咬又彈牙珍珠，配餐必點！士林香腸烤雞槌 魯肉飯🍗🍛配料超級多，基本上單點都已經夠飽肚。烤香腸有台式味道及油脂感，濃濃肉味令人掛念台灣街頭小食。雞槌肉都夠爽，仲帶點檸檬清香，不過再烤耐一點表皮可能更脆更香。魯肉及半溏心蛋 配飯亦係一流選擇~~~台灣牛肉湯麵🍜牛肉香腍入味而且份量多，麵條質地煙韌彈牙，酸菜切得細碎，濃湯帶點辛香向肉香，惹味！台南米糕波波球🥘台南米糕

放工去荃灣拍拖食個晚餐，路過見到呢間*你妳*覺得個名好特別，再見到有藥膳排骨就好想食！ 臨近萬聖節，餐廳掛住南瓜同隻大蜘蛛，好有氣氛！藥膳排骨手工麵套餐$99 我其實唔係好識得分藥膳排骨同肉骨茶的分別，不過一樣咁好味！排骨分量幾多下，啖啖肉，有陣陣的藥膳味～值得一提是手工麵，雖然彎彎曲曲但好彈牙！一口手工麵一啖藥膳湯，感覺好滋補～而且跟餐的冬瓜茶已經好正，其實唔使特別轉特飲港豬就點了個邪惡的鹽酥雞花枝丸配魯肉飯$78，再加$8轉紅茶牛奶珍珠特飲！我都忍唔到要食幾件^ _ ^ 鹽酥雞的油迫晒出來，食完都唔覺油膩，最正係花枝丸，又熱又彈牙，咬開見到入面一粒粒的花枝！港豬又點多一碟鮮蝦卷$45 ，見到切開一半的蝦卷內有少許蔬菜粒，一碟一個人食就太多，最好同人share~甜品 仙草3號$46 選了平時好少見的布丁，又cute又甜蜜蜜！芋圓好QQ,而且係幸運大抽獎，其中有幾粒係有芋蓉涵！！！食埋仙草清熱氣，可以下次有encore~

手工吐司🍞成為最近大熱食品 不過大部分都係以外賣店形式經營 咁岩荃灣開咗間新既台灣店 仲要係黃店🟡 店名又改得幾特別 作為荃灣人當然要去試下！餐廳門面裝修以紫色為主 雖然係夜晚六點幾到 但外面已經排咗好多人 幸好餐廳限時75分鐘 所以都唔需要等太耐就有位👍🏻餐廳雖然地方唔算太大 但佢都已經放好哂透明隔板 加埋門口放好咗測體溫機 防疫工作都算足夠～我地兩個由於勁肚餓 所以嗌咗好多野食 趁機食多幾款🙊🔻你妳珍珠魯肉飯 $36有普通版同珍珠版既魯肉飯 但其他地方都好少見到加入珍珠係魯肉飯入面 一於試下 珍珠份量都唔少 口感有趣偏軟身 珍珠醬汁就係滷水汁 食落感覺都有d衝突 因為平時食嘅珍珠都係甜既為主 今次就係咸咸地 配埋魯肉飯 賣相好岩打卡😗🔻肉鬆芋泥吐司 $40每日吐司既款式都唔同 今晚勁好好彩咁有三款 舖頭為咗擔心有人會食唔到 所以一人只限點一份 咁樣其實都幾好😚 始終可以比多啲人食到啊～ 吐司幾足料 吐司好軟身 好濃芋泥 食到有芋頭顆粒 同肉鬆幾夾 如果吐司可以再熱d同脆d就更好😋🔻夜市鹽酥拼盤 $86作為貪心既foodies 嗌拼盤就可以滿足左大家樣樣都想試既心態 拼盤有齊鹽酥雞

荃灣新開台式食店😍主打人氣台式吐司🍞即刻勾起係台灣食嘅味道🥺唯有係香港食住頂下癮先啦～🥰-肉鬆芋泥🍞芋頭控必食‼️滿滿的芋泥餡料好澎湃🤣口感軟滑綿密亦食到有粒粒芋頭👍🏻肉鬆帶點鹹香 唔會蓋過芋頭嘅香🥰吐司烘過帶點脆身😗食落味道有層次😋不過芋泥係凍食 個人比較喜歡熱食🤤💛-台灣牛肉麵牛肉麵嘅麵係手工做 麵質好彈牙好有咬口 浸咗湯一段時間都唔會腍哂👍🏻湯底味道香濃好有牛味🐮亦唔會太鹹🤤牛肉方面就一般 帶點韌可能牛肉部位較瘦 中意食少肥🤪同埋牛啲份量較少😌不過整體味道亦不錯👌🏻😋-鹽酥雞拼甜不辣鹽酥雞都炸得香脆👌🏻甜不辣煙煙韌韌 口感幾特別 配埋香辣醬汁更惹味😋👍🏻🎂🍮🍭🍬🍫🍿🍩🍪🍣🍱🌮🍔🍎人均消費💰: HKD $80Lamlam脷指數🤤: 7/10性價比⚖️: 7/10