你妳 (運通洋樓) (已結業)

芋見紫薯吐司，份量大，手作芋泥、手作紫薯泥餡料爆餡、足料、厚身，手作芋泥、手作紫薯泥口感綿密、幼滑，味道甜度適中，吐司麵包口感鬆軟。仙草3號，好足料，包括有三色芋圓、包餡芋圓、布丁、水晶、仙草；三色芋圓口感煙韌；包餡芋圓內有芋泥餡料，口感好豐富；布丁口感滑溜，味道香甜；水晶海藻啫喱，食落有咬口，味道微甜；仙草口感爽滑，味道清甜。乾拌麵，麵質口感滑身，容易掛汁，配料包括有滷肉、豆乾、芫荽、辣椒油、滷蛋；滷肉肥瘦均勻，豆乾味道咸香，滷蛋口感接近溫泉蛋。椒鹽四季豆拼炸澎湖花枝丸，四季豆食落好香口，花枝丸口感爽彈，配以蒜泥豆瓣醬食用，味道香辣、惹味。高雄紅茶牛奶珍珠，珍珠口感Q彈，紅茶味道濃香，牛奶味道醇厚，口感細滑。小丸子仙草凍奶茶，小丸子口感軟糯，奶茶味道正宗，甜度3.5分。

荃灣路德圍附近有一間台式小店新開業，每次經過也見大排長龍，今晚經過一於排隊試試。但是芋泥吐司已沽清了，相信一定很受歡迎，下次要再早些來。餐廳裝修以紫色及木色為主，溫馨舒服， 很有台灣小店風每樣菜色都很吸引，我們點了很多款主食和併盤。珍珠魯肉飯全香港首創真珠代替魯肉，珍珠是鹹中帶Q彈，絕對一試. 油蔥酥味道鹹香帶微甜，加埋肉鬆味道更香士林香腸烤雞腿配乾拌麵見到士林香腸即令人想起台北的士林夜市, 香腸肥瘦適中配搭三隻烤雞腿， 乾拌麵彎彎曲曲煮得很煙韌，好奇問問店員後知道是刀削麵。夜市鹽酥拼盤很大份，分別有甜不辣，鹽酥雞，花枝丸，四季豆。 其中花枝丸最令我深刻，甘香可口又美味，外酥內彈，墨魚味很濃郁 燙青菜滷肉汁很喜歡這個簡單的燙青菜，因為是配上店裏鎮店的滷肉汁古早冬瓜茶食台式菜當然飲台式特飲冬瓜茶啦！ 太甜配上台灣菜最適合桂圓紅棗糖水清清甜甜的桂圓紅棗糖水， 配上台式煙韌QQ 芋圓，為這一頓滋味的台式晚餐作為總結。

✨荃灣新開的台灣菜小店✨門口裝修以紫色少女感十足做主調，很吸引途人目光😍假日中午很多人，大約排左半小時左右。🍴食物🍴1️⃣台灣牛肉麵$72: 湯很濃味道唔錯，飲完都唔會口渴👍🏻面很Q彈，不過牛肉略為老咗少少，唔夠嫩。2️⃣土林香腸烤雞腿滷肉飯$78: 雞腿皮脆肉嫩，很重香茅味😂但是魯肉味道比較淡。3️⃣肉鬆芋泥吐司$40: 芋泥唔太甜，配搭肉鬆都幾夾，可惜係麵包太乾，整體冇乜驚喜🤪4️⃣高雄紅茶牛奶珍珠（跟餐+$8）茶底很香而且味道很好，很推薦👍🏻💥環境💥大約有10幾張枱，雖然店舖不大但感覺唔會好迫，環境光線很充足俾人感覺好舒服😌💥服務💥人很多店員都好忙，服務正正常常沒什麼特別，只是出菜比較慢。（5❤️為滿）食物：❤️❤️❤️服務：❤️❤️❤️環境：❤️❤️❤️

因為新開，和自己喜歡食台灣嘢所以去試了。本身餐牌選擇已經不多了。想試下他們所說的招牌芋泥吐司，本身有三種選擇，最後說只有一種肉鬆芋泥。想要牛肉麵，又說沒有。當時只是傍晚時間。最後叫了個下午茶餐,要68蚊，好食都算了。一個乾拌麵，麵好淋，有半隻蛋，超級鹹。加配2樣小食。一個鹽酥雞，上面的炸粉好厚，食到粉多過雞。另一個炸甜不辣，炸到乾到好像食紙皮。配一杯飲品，叫了冬瓜茶。勁淡味，只有少少冬瓜茶味，好似飲水一樣。散叫了他們一份招牌爆漿肉鬆芋泥吐司。吐司又硬又乾，一點點暖，肉鬆和芋泥是凍的，沒有所謂的爆漿，只是中間切開是肉鬆和芋泥，四周都沒有，只是乾吃面包。芋泥又沒甚麼味道，真不知吃些甚麼。一定沒有下次

上個禮拜翻屋企經過見到新開 主打手工吐司本身都冇咩興趣但後尾喺ig見到兩三個post推介見到佢好似同元朗嘅羅東肉焿番有啲關係(?)所以決定試下鹽酥雞花枝丸魯肉乾拌麵($78).一個人食份量都幾夠 但味道方面就極 度 普 通🐒正常少乾嘅鹽酥雞 花枝丸 溏心蛋同埋極度冧身細力夾都會斷L咗嘅麵😀想加多句 分清楚魯肉同肉燥未🤦🏼‍♀️🤦🏼‍♀️🤦🏼‍♀️古早味炸雞卷($45)咁多樣最好食係呢碟佢有兩隻唔同味嘅雞肉片 一隻比較甜身 一隻有少少蒜味外皮整到好脆 入面嘅肉幾嫩同有肉汁仙草3號($46)三色芋圓/包餡芋圓/布丁/水晶大概處於中等下少少嘅水評...唔夠多糖水 因為乾啃仙草芋圓呢啲其實會好快就濟仙草正常 芋圓都係偏冧身 自己鍾意比較有咬口嘅芋圓 所以覺得呢個好一般我會話差唔多價錢 實係走去買鮮芋仙嘢飲都係normal所以唔多講了/整體覺得價錢比較進取🥴進取得嚟食物質素配唔上呢個價主打手工吐司 但開舖頭3個幾鐘就賣曬係咩事😂接受到受歡迎嘅嘢好快賣曬 或者間唔中一兩樣存貨不足所以賣曬但接受唔到你主打嗰樣嘢 然後淨係得頭幾粒鐘有得食啫好似我行入米線舖但原來冇米線得翻啲涼拌小食咁睇過其他post都係話佢

碌ig fb 見好多人大推呢間台灣野 本身我都好期待食呢間 終於我都泥左試！但我想講 我唔知店主本身做左幾多宣傳 令咁多人都覺得好食 但係我角度泥講 可以用難食泥形容 用餐期間我已經忍唔住想要出post首先等位要等大約30-45分鐘 係唔值得既當日所有吐司已售罄 （唔肯定係咪只有吐司先係招牌菜）我地叫左兩份牛肉面 一份鹽酥雞 花枝丸拼魯肉拌乾面一心諗住台灣菜 呢啲基本野實冇死但完全係眾望所歸 會失望既🤷🏻‍♀️失望既點係 牛肉正常係用牛輾 但而家係牛肉粒粒 仲要係鞋 似瘦肉 而個面 以為係同拌面同一面種 但唔係 而家呢個面質係好易斷 仲要仲幾舊面痴埋一齊 原諒我忘記左影相到個拌麵 朋友表示 三樣野都好鹹 鹽酥雞又好油 最後食左少少都入唔到口 因為真係好鹹原來未入座前 諗住會叫仙草芋圓 但食完個主食 我係唔會再浪費quota成餐飯最ok既係杯野飲 蜂蜜綠茶唔太甜 但朋友話冬瓜茶偏甜總結：失望 有損台灣菜之名 同樣都係黃店 同樣都係台灣菜 我會揀番食阿木！

一到12:00開門就走咗入去食大概10分鐘之後外面就開始要排隊等位本身睇定餐牌想食雞卷甜不辣滷肉飯點知發現已經冇得叫呢個套餐因為我係一個人去食所以套餐選擇 對一個人去食飯既顧客黎講係冇乜選擇最後我點左鹽酥雞花枝丸滷肉飯餐個餐啲食物食落口覺得好失望- 滷肉碎好'鞋' 又唔多滷肉汁- 鹽酥雞好厚粉 啲雞又細粒 重點係冇味！我覺得附近間豪大大雞扒啲鹽酥雞整得仲好食過佢- 花枝丸好乾- 冬瓜茶因為我叫咗少甜少冰 味道不過不失但係如果個餐$78 我真係覺得唔抵第一次令我想寫食評居然係比差評真係抱歉

想念台灣風味，於是特地來荃灣拜訪這間你妳。這間新開小店很有人氣，店外一直有等位或是等外賣的人潮。還好等了一會就有位置了～店內走木系配紫色的清新路線，而且樓底很高，令空間感提升。桌子放滿美食，真的令人食指大動😋😋 忍不住要開動了芋見紫薯吐司很大份！自家製芋泥和紫薯有滿滿的厚身爆餡效果，非常足料。一口咬下，有芋香味和清甜的紫薯味道，口感綿密細緻，大滿足～小食選了夜市鹽酥拼盤，有鹽酥雞、甜不辣、花枝丸和四季豆。鹽酥雞很有台灣風味！本身的椒鹽香氣已令人垂涎欲滴，不過另外沾一點蒜泥豆瓣醬更惹味～甜不辣炸得Q度剛好，帶有煙韌咬感。花枝丸也真材實料，吃到粒粒的墨魚肉，彈牙好吃。而四季豆炸得香酥可口，非常涮嘴。士林香腸烤雞腿魯肉飯份量也非常豐富呢，還附了溏心蛋！烤雞腿肉質紮實飽滿，士林香腸外皮烤得薄脆，鹹香兼備，下飯一流 跟餐只需加$3就可加配古早冬瓜茶或蜂蜜綠茶～ 冰涼的冬瓜茶清甜好喝最後意猶未盡，再點了甜品仙草3號，有三色芋圓、包餡芋圓、布丁和水晶，沒想到除芋泥吐司外，這裡的芋圓也做得不錯，彈牙煙韌，吃到芋頭味道

網上見到勁多廣告介紹呢間新開的台灣野，朋友話黎試下喎，咁呢個長假就出黎荃灣食佢先。下午茶時段黎到，非常多人，門口目測有二十人以上排隊，都幾誇張。新開張大排長龍呀～店內不大，大概20個位左右，睇黎要等上一時半刻了。點左你妳珍珠滷肉飯，有珍珠嘅滷肉飯好特別呀，忍不住點一個來試試。鹹食的珍珠又無怪喎，鹹鹹地彈下彈下好得意，值得試呢。仲點一份小食梅柑地瓜條，雖然燶左啲，但炸得香口，粗條口感不錯。食完鹹食就輪到期待已久的甜點，先來是奶茶肉鬆吐司，好厚啊～淡淡的茶味不錯呀。仲點左肉鬆芋泥吐司，是日係呢兩款口味，梗係要試晒啦，呢款芋頭味重啲，綿綿的好味呀。最後要食埋糖水，點左仙草三號，有三色芋圓，包餡芋圓，布丁，水晶，仙草本身不甜，芋圓香口煙韌，好豐富好多料，甜點真係好好味。新開張好多食物未預備好，店內也有點忙，等日子久了應該更有系統，期待喲。

下午茶時段見餐廳裏面有吉枱所以去試，但最後等了20分鐘先入枱，不明白原因，疫症未完，枱好密，我直情聽到旁邊情侶話唔會再黎食而且不推介比朋友😅點左2份下午茶餐加1份單點台南米糕 $45下午茶餐 - 芋泥紫薯吐司＋仙草3號＋ 蜂蜜綠茶 $68＋$25下午茶餐 - 魯肉飯＋蝦卷拼雞槌＋冬瓜茶$68先到嘅係2杯飲品，2杯飲品味道都係飲到甜味，冬瓜茶冬瓜味好淡，連蜂蜜綠茶都係同一問題，第一碟先到竟然係甜點仙草3號，其他菜式才隨後送上，但所有食物都出品好慢蝦卷拼雞槌的雞槌炸得很乾魯肉飯的肉係鹹的，真係第一次食咸的魯肉飯，而且超鹹台南米糕最差，上面的蠔油醬好鹹，定價$45但分量極少仙草3號食落似有藥水味， 三色芋圓食落仲有粉似未煮熟芋泥紫薯吐司食落去有少少甜味，兩個人食一份都感覺好滯總括而言，餐廳食物用作拍照可以，性價比低，味道差，定價太高，大伏

去完南豐妙廠之後，又到下午茶時間，上次星期日想食你妳，但大排長龍，被逼放棄。今日係平日星期四，一於同朋友去碰下運氣，結果唔駛排隊就有位。佢有提供下午茶餐，我地叫左一個一齊食，唔食太多，留肚食晚餐。叫左個芋見紫薯吐司(+$25) 你妳甜品套餐+仙草二號，飲古早冬瓜茶，$87。芋見紫薯吐司勁足料，爆餡勁正。兩者既泥都打得好滑，微甜，好食。芋泥味比紫薯味更出。如果吐司可以更脆或者更鬆軟是但一方就更出色。仙草2號有仙草、三色芋圓、包餡芋圓、小丸子、紅豆。整體都唔錯，糖水唔會過甜，仙草嫩滑，芋圓煙韌，小丸子同紅豆都好多。包餡芋圓唔係好食得出同普通芋圓既分別，只係大粒啲。古早味冬瓜茶主要係我朋友飲，佢話比較淡味，但我覺得唔會。

相信短期內都去唔到旅行㗎喇，所以想食台灣嘢嘅心情日益濃厚，如果你問我荃灣新開嘅呢間你妳可唔可以解決到鄉愁，我答你，係唔得嘅。老實講，佢哋真係唔係好有台式嘅風味，價錢都唔平。舖頭好細，十零個位咗右，我會recommand外賣好過堂食嘅。去到嗰陣見到好多花牌，應該係開業冇耐，好多嘢都非常之需要改善，不過，一堆年輕人做樓面，看似缺乏經驗，我覺得值得比啲耐性去接受佢哋嘅。先講下主食類，有覺類「台式」嘅飯麵，味道唔差，炸花枝丸鹽酥雞呢啲，炸得嘅，香香脆脆咁好難會唔好食嘅。魯肉飯OK啦，我覺得幾好嘅因為冇乜肥豬肉，但你話好台式，就真係唔講得上。你懂的。索價$78，偏貴。另外加錢叫咗杯台式特飲，個味唔係好台式，呢條街一街都係珍珠奶茶鋪頭，個人唔建議喺呢度食正餐或者飲嘢。我覺得你妳本來就係想主打芋圓甜品同埋佢哋嘅招牌多士，所以如果你打算過來食，唔好浪費自己個胃食其他嘢（因為個多士好大份㗎！）驟眼望落去，好有元朗羅東嘅影子。後來喺餐廳門口見到招聘告示，原來真係羅東D朋友，作為元朗人，羅東一定唔會陌生。佢哋嘅仙草芋圓甜品，出名大碗足料，同埋唔會好甜，怕甜一族都可以嚟試。仙草芋圓系列有嘅個combinati

最近因為疫情冇得去旅行🥺 而荃灣咁岩開左間台灣野，咁就去過下口癮，順便當去左個台灣啦～😭 鋪頭係以紫色為主色，好靚啊嘻嘻😚-💎 芋見紫薯吐司 $45芋泥同紫薯既份量都係超級足料‼️ 食落都幾滑，但味道相對較淡，對於唔中意食太甜既人就岩哂啦🤪 小編建議同朋友share食會比較好，因為食半個其實都已經覺得有啲飽肚🤣

/相信大家呢一年一定會好痛苦因為連最近嘅台灣都冇得去啊😭😭不過唔緊要 有我推薦唔同地方嘅美食俾你地😝今次就嚟到荃灣嘅你妳 出名係手作芋泥所以都忍唔住要返份肉鬆芋泥($40) 試下肉鬆同芋泥本身嘅口感都係唔一樣肉鬆嘅鬆脆配上軟綿綿嘅芋泥 令口感層次更豐富而且肉鬆嘅鹹香 加上甜蜜嘅芋泥 味道幾好👍🏻除此之外仲有台灣嘅特色美食例如台灣牛肉湯麵 ($72) 麵條幾Q彈不過略嫌湯底有少少淡 在濃翻啲就更加有台式味道啦另外仲叫咗個魯肉飯配鹽酥雞同花枝丸($78)MY BOSS嘩滷肉飯還原到台灣嘅風味鹽酥雞同花枝丸都發揮到正常嘅水準😋最後我哋仲叫咗古早味炸雞卷($45)同埋酥炸甜不辣($45) 兩款小食都好好味🤤尤其是我第一次食甜不辣 煙煙靭靭嘅口感好正外脆內軟 配上炭培烏龍奶茶就更加好味了💕-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

行開荃灣，留意到哩間新開食台式食物既食店，入左黎食晚餐，食物幾抵食，味道又唔錯！食物選擇同一般台式店差不多，但見到一款珍珠魯肉飯好特別，珍珠奶茶就飲得多。芋泥吐司好吸引呀，可惜夜晚賣晒，下次中午黎試下先。夜市鹽酥拼盤 $86一盤香脆既炸物真係諗番喺台灣夜市掃街既回憶，有鹽酥雞、花枝丸、甜不辣同四季豆四款。四款都好味，特別係花枝丸同四季豆，個醬微酸辣都幾好味。珍珠魯肉飯 $36一上枱即刻試試珍珠咸既會係點，d珍珠吸晒魯肉汁既味，好濃，出奇地夾，有創意！魯溏心蛋同肉鬆好送飯。士林香腸烤雞腿配乾拌麵 $78跟餐 +$3 熱冬瓜茶拌麵個汁好正，刀削麵彈牙，台灣腸同雞腿都好味。高雄紅茶牛奶珍珠 $38唔會好甜，幾香既紅茶味，幾好。