323
40
27
港鐵荃灣站 A1 出口, 步行約5分鐘 繼續閱讀
所有分店 (3)
電話號碼
35946658
66072360 (whatsapp)
營業時間
今日營業
11:30 - 21:15
星期一至五
12:00 - 21:15
星期六至日
11:30 - 21:15
公眾假期
11:30 - 21:15
付款方式
現金
座位數目
23
食評 (419)
等級4 2021-09-11
36 瀏覽
逢星期都日會去荃灣一帶上堂,上到5:00pm幾,咁就好自然在附近覓食,大條道理,哈!逛逛下,見到這間以對男性第二人稱的「你」和對女性第二人稱的「妳」合拼為「你妳」店名的店子,感覺挺特別,一於就它吧!門面擺了幾塊大型的餐牌,一睇餐牌就知是一間台式小店。按門而入,全店以粉紫色為調,有點輕柔夢幻的氛圍。內約有六七張隔了板的二至四人枱,座位不算多,但樓底都算高,空間感夠。餐牌畫上一些菜式的圖案,設計富心思。有供應招牌飯麵套餐、皇牌套餐、台式蛋餅、小吃炸物、湯飯麵類,當然唔少得近年大熱的手作吐司,還有一些台式特飲。*******************雖然手作吐司是大熱,但其實我一向鍾情於台式蛋餅,每次去台灣旅行都必吃幾次,好懷念呀!蛋餅有四款選擇,揀了我在台灣都好似未見過的芋泥肉鬆蛋餅 Egg pancake roll with taro & meat floss ($40),挺特別的配搭。蛋餅煎至金黃,唧上醬膏和煉奶,每件都大大件,捲上滿滿的饀料。蛋餅捲得相當紮實,唔會鬆鬆散散,易於進食。厚身的餅皮帶些煙韌,吃下去見到一層層,中間捲着鹹香的肉鬆和綿滑的芋泥,配上甜甜地的台式的醬汁和煉奶,鹹鹹地又甜甜地,配搭幾特別。*******************一向不能沒有蔬菜,點了一碟魯肉汁燙青菜Boiled Vegetable ($28)。翠綠爽嫩的唐生菜上舖了一堆鹹香的肉燥,肉燥只夾少許肥膏,肥瘦適中,烹調入味,而最喜歡是加了些豆卜絲,更添美味!*******************我一向養生,見到熱桂圓紅棗 Longan and jujube Tea ($23)就岩晒。入口暖笠笠,甜度剛好,滋潤順喉,還有幾粒甜美的紅棗咬下,不錯!----------------------你和妳應是兩人來好好品嚐,可惜我只是一個「妳」,究竟幾時可遇上那個「你」跟我一起來? 繼續閱讀
(以上食評乃用戶個人意見 , 並不代表OpenRice之觀點。)
現在天期好熱,想喝個珍珠奶茶,吃個小甜點chill住過weekend,平常經過的這家台式特色toast店今天終于有機會試試啦!餐牌上每一樣都好像好好吃,不知到何從入手呢!鋪面雖然不大,但裝修好簡潔乾淨,鋪面用粉紅色為主色,好可愛!今日lunch hour仲要無人排隊,即刻衝入去試! 台灣甜不辣,味道分別有:原為椒鹽味//酸甜甘梅味//限定草莓味//瘋狂10級辣味//輕嚐辛辣味//香濃咖喱味,我和朋有勇於試新味道,一於挑戰酸甜甘梅味!甜不辣炸前切成薯條size,配埋酸酸甜甜嘅甘梅粉,一條食完接住食一條!好有驚喜!香脆外皮咬開立面QQ彈彈,超好味~好開胃呢!紫薯白兔糖麻糬吐司,一見到餐牌的照片,就好似一粒放大版嘅白兔糖禁樣,超吸睛,加上見到吐司配麻糬這個配搭夠creative,就和朋友點了!麻糬食落唔會太甜漏,有啲似仙草,牛奶味道濃,白兔糖味其實更加似鍊奶味道,配埋香脆牛油toast同埋軟糯紫薯滿分啊!大大大推介!!打卡都一流!!肉鬆芋泥吐,芋泥的澎湃程度很誇張!芋泥配上鹹香鬆化柔鬆很好味不太甜~~配上香脆牛油烘過的麵包好正啊!號足料好抵抵食!2個人一人食一份超滿足!午餐set我們選了大魯肉飯//一口鹽酥雞併澎湖花枝丸,肉燥都好夠味好香,鹽酥雞同花枝丸都好好味,滿滿台式風味啊!古早冬瓜茶消暑又清甜,滿滿的古早自家製味道~~自從發現了小芋圓的存在,真的愛不釋手了,芋泥珍珠小芋圓裡面的小芋圓入口後還能吃到淡淡的芋頭、蕃薯味道,吃起來 Q 彈有嚼勁,以大甲芋頭鮮奶為基底~芋泥製成綿密泥狀!多層次的口感一次到位!大推介啊!這次無意中發現的精心小店很用心啊,食完已經好掛住個白兔糖麻糬吐司!!一定會再光臨~!!🥪店名:你妳🧋地址:荃灣運通街6號運通洋樓地下K號舖 繼續閱讀
(以上食評乃用戶個人意見 , 並不代表OpenRice之觀點。)
好食是良知,信念一致都要食物入得口先得。見到呢間好評如潮,同芋泥控朋友一試,入座同落單時一位店員嘅態度唔太友善,好似畀人激嬲左咁,唔緊要啦香港人壓力大,食物正常就得啦,點知食物質素都強差人意,好彩我只係食個下午茶。私下同朋友分享先發現有其他苦主,去唔去自己衡量啦。 🍽你妳吐司套餐:芋見紫薯吐司配梅甘地瓜條 ($68⁣)吐司有芋見紫薯、肉鬆芋泥同紫薯泥肉鬆三款,配梅甘地瓜條或精選炸物籃。先唔講好唔好食,一撕開吐司嘅包裝紙就見到原隻小強屍體已經嚇親🙃店員當然換過份新嘅黎,吐司有烘過,但硬夾乾,芋泥同紫薯蓉份量幾多,都算幼滑,甜度唔高,但得紫薯有啲味,而且個餡凍冰冰,同我預想有出入。地瓜條炸到外皮脆身,甘梅粉比平時食開嘅酸,怪怪地。🍽甜品芋圓套餐:仙草3號配精選炸物籃 ($59)仙草3號有三色芋圓、包餡芋圓、珍珠同水晶,包餡芋圓厚實粉感重,三色芋圓食唔出各自嘅味,糖水甜度爆登,布丁就係兒時小食部嗰啲。芋圓套餐同樣配一款小食,叫左炸物籃,有蝦卷魚餅等,係全餐唯一擺得落口嘅食物。套餐包冬瓜茶或蜂蜜綠茶,問店員綠茶可否走糖,佢叫我加錢轉茉莉綠茶,換來有色凍水一杯。 繼續閱讀
(以上食評乃用戶個人意見 , 並不代表OpenRice之觀點。)
喺OpenRice介紹出咗隻白兔糖吐司,好奇就同🤴🏻去試試先😘😘🤴🏻話佢超級、超級肚餓所以叫咗兩個吐司+1個飯餐🤣🤣~~~地瓜白兔糖麻薯吐司🍞~~~白兔糖係香港人童年回憶,白色甜甜地嘅醬蓉再配埋黃色嘅地瓜醬蓉,味道唔會太甜清清地!😙😙每一口都要食得好小心因為隨時都會有爆漿嘅效果!~~~黃金蛋黃芋泥紫薯吐司🍞~~~紫薯蓉同芋泥超多,紫薯連同蛋黃蓉一齊食口感豐富,可惜芋泥雖然多但冇乜味🙂🙂仲有兩個吐司皮好乾,做唔到軟熟嘅效果🙁🙁起初以為係熱,原來係凍!建議店家可以整熱食黎買可能會更吸引😊😊~~~便當B。滷水三層控肉~~~滷肉飯好味,配菜木耳同酸瓜可以解膩,但控肉就較乾同硬!😞😞~~~古早冬瓜茶~~~跟餐+3 有台灣味😚😚~~~紅茶牛奶~呢個要$29個人覺得唔抵,紅茶味冇乜、牛奶味好淡🥲🥲仲有佢嘅服務好好,特別係短髮戴眼鏡嘅女店員,留意店面情況,快速應對客人需要!👍🏻👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-31
1514 瀏覽
▪️ 招牌牛三寶湯麵(7/10)💲75牛三寶既牛筋有住滿滿既骨膠,牛肋相比下粗嚡一點,牛腱最為不錯,軟腍而且有牛味🐂滷過既溏心蛋微微流心🥚湯底比較清,唔會話濃得好口渴嗰種,但都帶點微辣,配上自製酸菜,而手工麵條掛湯度適中,質感再硬身返少少更好🤫▪️ 台灣甜不辣(7/10)💲35油炸既魚肉魚漿,有得自選酥脆度,要左普遍人叫既五分脆,入口脆中帶點煙韌,都唔會好油膩☺️亦可以揀味粉,最傳統既椒鹽味就最好不過,唔知草莓或者咖喱味又會係點🤣▪️ 鐵板手作肉鬆芋泥吐司(6.5/10)💲42好多款口味既吐司,爆餡影相一流,同場差唔多每檯都有叫🍞見到餐牌上既新口味有鹹蛋黃或者白兔糖,不過實在太創新了,第一次都係試原始版本先🤪麵包包身有烤烘過,上檯微暖,口感會偏向乾脆身,肉鬆鹹香突出,呢個位加分,但就蓋過了綿密滑身既芋泥味,如果係芋泥控既話就未必夠滿足🙈呢個本身打算當係小食,但其實好似一個餐咁飽肚🤭▪️ 抹茶奶綠珍珠(6.5/10)💲+19 (跟餐);39顏色夠曬綠,飲落以茉香綠茶為主,感覺比較清幽,但就無咩抹茶既回甘,珍珠煙韌有咬口🍵▪️ 炭焙烏龍珍珠奶茶(6.5/10)💲+10 (跟餐);35烏龍奶茶既奶同茶味都略為淡口,勝在無坊間既過甜問題🤨🔎 整體評分(6.5/10) 繼續閱讀
(以上食評乃用戶個人意見 , 並不代表OpenRice之觀點。)