仙后餐廳 (已結業)

放假加上特別日子，值得搵一個特別地方慶祝。朋友說灣仔有間華麗餐廳，值得去試試。立刻上網訂位。餐廳名Junon，由歌星張敬軒所開。室內裝修非常華麗，充滿古典優雅氣氛。餐廳每一角落，包括用餐區、走廊及洗手間裝修到極盡心思，令人有時光倒流感覺。餐牌亦以報紙形式表達，玩味十足。同太太點了二人午餐。前菜有醃三文魚配蜜糖芥辣、紙包脆蝦配雲呢拿番茄醬，主菜則有青口配煙肉忌廉汁及魔鬼魚配法國馬鈴薯，甜品有紅石榴配桃駁李及杏脯撻配雲呢拿雪糕。坦白說，前菜的三文魚及紙包脆蝦普普通通，水準一般。主菜則不俗，青口食得出是新鮮貨，魔鬼魚煮得非常嫩滑，加上煙肉及忌廉汁，味道及口感配合得不錯。甜品亦水準一般。埋單約900多元，以價錢來說，略貴。但在特別日子來這高貴華麗地方慶祝，亦不錯。

利申小妹好欣賞張先生唱歌的認真及專業，我係會睇佢演唱會果種。但食評係撇除以上因素。今晚兩位朋友替小妹慶祝生日，叫咗兩個頭盤三個主菜。以食材同味道而言， 不是特別出眾。食完餐飯三個鐘後仍然覺得好口渴。服務方面，係OK嘅。但又不至於非常殷勤。環境裝修當然good啦，但係以呢個價錢嘅餐廳來講，枱與枱之間就實在close左啲.戲玉就喺呢度喇，live 鋼琴同一位打扮得靚靚嘅表演者，唱左幾首比較懷舊嘅國語同英文歌，亦同琴師交流做drama, 都有笑位，同現場客人有一些互動。呢part都有成45分鐘, 因為表演不是在一個台上進行而係同食客好近距離，所以娛樂性比較高，成張單呢一部份都佔咗超過三份一！總括而言如果想食好嘢仲有其他選擇，如果想聽歌開心relax係不錯。希望食物方面能夠再改進咁就完美喇！

生日飯朋友建議食Junon ，我當然贊成啦！一進入裝修已經好靚☝️就算廁所都好講究好靚食物質素非常之好👍🏼我哋叫左Starter蘆筍水煮蛋紙包脆蝦配雲呢拿番茄汁主菜煙肉忌廉汁青口馬鈴薯餡餅DesertVanilla Panna CottaChocolate Tart (味道好濃）朋友幫我預先加咗個生日牌最後每人飲咗杯咖啡，一道美味嘅午餐已經完結，還在回味中好彩朋友book到枱😁，否則就食唔到呢頓美味嘅午餐遲啲一定要同老公來試吓呢度嘅晚餐，呢度夜晚live 㗎😍感覺好浪漫期待下一次

我有一個好識飲識食嘅朋友生日，所以想搵一間好特別嘅餐廳同佢慶祝！最後就搵左呢間張敬軒開嘅餐廳！呢間餐廳響胡忠大廈上面，交通唔算太方便！入到餐廳，簡直係眼前一亮！餐廳嘅裝修好高貴優雅，別具特色！啲裝飾好認真，連走廊同啲小飾物都好靚！ 聽講呢間餐廳夜晚會有人表演，好有氣氛！可惜我哋今日嚟呢度食lunch，就欣賞唔到啦！除咗餐廳嘅裝修好靚之外，食物都好有質素！根芹菜配羽衣甘藍及捲心生菜沙律：沙律好新鮮，鮮甜爽脆！白汁法國藍青口配薯條：藍青口好鮮甜，薯條好脆！特濃朱古力心太軟配雲呢拿雪糕：好香濃嘅朱古力，配埋凍冰冰嘅雪糕一齊食，真係好開心！時令水果沙律配檸檬雲呢拿及香橙花雪葩：生果好新鮮，雪葩好香檸檬同橙味！下次嚟呢間餐廳好想試吓晚餐，如果有人表演，我相信一定會好有氣氛啫！

食物：以餐牌價錢來說，絕對是貴得出奇，食物質素非常一般，如果以非常普通的法式餐單，加夜上海裝修就有如此定價，未免太高。頭盤：紅色的啫喱有太多魚膠粉，型成一片彈力十足的膠，未能與同碟其他食材混和進食，浪費原有設計嘅原意。湯：不過不失，但因整晚菜色份量太少，而令到凍湯有拉低整體感覺嘅情況，屬非戰之罪。主菜：龍蝦比擦字膠還小，第一次食fine dining之後要宵夜，無下次；去骨羊架油脂太豐富，全熟羊肉口感一般，羊味不足。甜品：兩道甜品味道可以，但次序應該互換，用餐嘅起承轉合會更好。裝修：標榜法國情懷，但實際只係上海外灘嘅複製品，未能感受法式小館嘅意境。

拍拖週年紀念日預先上網卜定餐廳 時間關係今次訂左下就由於係預訂 所以唔洗等位服務員為您帶位 拉凳 距知道我有左 仲馬上提供枕頭比我墊腰 好細心環境好靚 清幽 唔會好逼 可以隨便影相 服務員都會好樂意幫您 （連女洗手間環境都一流👍🏻好靚）可能係法國菜關係 上菜時間唔會好快 用膳既您可以慢慢欣賞環境 影相 傾下計 用餐時間大概預個半鐘 （睇您order幾多樣）食物份量唔會好大 一人一個set share小食+甜品 都覺得岩岩好 每款都唔錯最鐘意鴨肝安格斯牛柳 好香好冧 甜品法式車厘子布甸 好味下次可以卜晚餐 睇埋show應該更有feel

仙後餐廳真係好適合週年紀念或者生日聚集同求婚既地方👍🏻👍🏻 環境氣氛真係好高級，服務態度十分好.例如每一次上既菜式同埋酒都會講解什麼年份，真係好專業👍🏻一餐飯都會分幾個環節，例如會講小王子既故事，之後仲會有話劇既表演.真係十分精彩，唔怪得一場飯都會咁貴😂不過野食就一般般啦😅

裝修非常靚，極之華麗，甚至連個toilet 都好精致，但唔好意思影太多相，因為服務員可能都係行型格路線😂😂所以有小小cool，我地都變得好乖乖😂😂😂2人午餐埋單唔洗900，比晚餐便宜得多👍🏻份量唔算大但優素高👍🏻好味嘅😋但午餐就無歌聽同3點就關門，所以2:45左右待應就好心急咁要收碟同收錢😂😂😂全塲都有十多枱客，雖然仲有好多位，但建議預早訂枱同早小小去☺️☺️

今次慕名而來到了張敬軒開設位於灣仔的法國餐廳，內𥚃裝修充滿著古典風格，再襯托著華麗的舞台，加上古董木製鋼琴，令現場氣氛仿似進入了懷舊時空。頭盤小食點了香脆墨魚配秘製他他醬及薯條，特別是炮製出金香的墨魚，值得一試！主菜黑安格斯牛柳加上牛肝菌汁及牛肉汁，肉質的軟硬度恰到好處，回味度高👍🏻👍🏻👍🏻 忌廉芝士香草雲呑也是必食推介，滿滿的忌廉，雲呑內裏有波菜與忌廉的味道十分配合，而且比較飽肚，建議與朋友share比較好，就可以嘗試其他菜式👩🏻‍🍳另外，在員工服務方面，某些員工態度其差，希望餐廳可加以改善。

進餐氣氛非常好，餐廳環境有70/80年代的感覺，而且食既過程中有現場歌手即時表演，果日有Ian同陳喜同觀眾互動，氣氛好愉悅如果是生日或週年紀念的人，記住話俾餐廳知，會有個唱生日歌既環節，同埋甜品會多支蠟燭同生日字樣！影左D主菜既相，整體黎講都好好味，side dish既份量好足魚肉 煎得唔錯，皮脆而肉軟，推介👍🏻黑毛豬就 OK，肉質嫩滑，不過沒太大驚喜 薯容同菠菜份量好足，不過見隔離食西蘭花好似吸引D總結，餐廳環境好適合紀念日去，會食得好開心食物都有水準，不過就唔好expect有太大驚喜

同老公慶祝結婚周年紀念去咗久仰大名嘅仙后餐廳Book咗7:30但我哋7:10已經去到一坐低就有侍應介紹今晚今晚會有乜嘢菜式我中間有唱歌嘅表演每道菜上之前待應都有解釋，服務態度一流前菜係芝士配麵包個人麻麻哋就咁食芝士之後就係三文魚配hazelnuts咁樣嘅煮飯係幾特別幾好味pork belly個底配左啲菜同蕃茄仲有一塊脆脆豬肉煎得幾香外脆內軟主菜係海鮮有虎蝦龍蝦同帶子酸酸地幾開胃而且啲海鮮啖啖肉好正最好係甜品紅莓配雪糕哥紅莓脆脆太酸買單要$4000其實好貴不過當睇咗一個Mini concert都OK嘅而且啲歌手質素好高呢個好好聽不過好可惜見唔到張敬軒

懷舊計設格局💕環境氣氛一流💕精彩現場表演💕法式香蒜牛油焗田螺$190；5⭐️最愛既田螺❤️牛油味好香好入味，如果可以再加上薯蓉就完美脆薯棒配松露蛋黃醬、山葵忌廉、蕃茄醬$95；4⭐️脆薯棒炸得好香口，但係唔會太多油，食多兩條都唔會覺得heavy🙋🏻‍♀️，配上松露醬非常開胃黑安格斯牛柳配白甘筍及迷你椰菜、牛肝菌及牛肉汁$350；4⭐️鱈魚西洋菜醬欖油薯蓉及脆薯片$320；5⭐️🤤推介主菜之一，香煎鱈魚一流Tiramisu $130；5⭐️當時一邊聽住現場演唱，再加上燈光同甜品，非常浪漫💕💬仙后餐廳灣仔皇后大道東213號胡忠大廈2樓

男朋友預早訂咗枱，為我慶祝生日，特別吩咐我著靚啲餐廳位於灣仔胡忠大廈，經旋轉門入餐廳，就好似去咗第二個年代咁。餐廳分成兩邊，一邊係小餐館，另一邊就食Fine Dining男朋友訂咗後者，餐廳範圍有個紅地舞台，感覺似法國紅磨坊。待應全都係講廣東話的，因餐廳賣點係懷舊，冇需要好似其他餐廳咁聘請外藉待應令感覺高級啲。待應都會講解Menu, 詢問有冇食物敏感，非常細心食物相當唔錯，亦好精緻，第一次食Fine Dining, 就唔扮專家品評食物喇！成餐飯食咁大約3個鐘，期間有3場表演，分別有法藉結他手演奏、女歌手演唱懷舊廣東歌、邊演邊唱的小劇場！值得一提係餐廳裡面每個角落都係打卡位，睇得出張敬軒及團隊嘅認真、專業，每個小細節都好唯美。

今日同bestfriend慶祝升職就來呢到食翻餐，都有啲希望可以見到軒仔，入到去第一眼見到吧檯，表面用一塊好似水晶之類嘅)整成嘅台面，顯得好高貴。 最搶眼一定喺放喺中央嘅古董木製鋼琴，呢個具有百年歷史嘅古董，唔單止喺裝飾，而且每晚餐廳都安排音樂人演奏，與食客互動，帶來輕鬆進餐氣氛。餐廳分開左兩邊嘅，一邊是食平價少少，唔駛dress code既，而另外一邊就食貴價少少既。法式古法艾門塔爾芝士洋蔥湯，洋蔥湯入面有2塊已吸收湯的麵包，麵包上面有一層芝士我就觉得芝士唔够满足。牛扒唔錯，細細件唔算驚喜。我反而覺得豬扒仲好法式甜品 分3層 每層都有個靚名最高層 靚到 我都唔忍心食既Sweets。 性價比就肯定唔夠出面啲比，都係享受壞境同氣氛。

成日俾女朋友話我悶蛋🥚🍳，唔識氹女仔份人又唔浪漫🌹💀。 等我發功做番d 野先，知張敬軒係灣仔開左依間Juno 餐廳， 睇相好吸引！ 成個歐洲宮廷咁樣。 而我女友又鍾意英式貴族下午茶。 早兩個月前訂左位，俾個surprise 佢。 -環境裝潢處處洋溢高貴氣息，場地分兩邊，晚餐那邊有舞台每晚都有人唱live, 仲有好華麗既水晶燈。 下午茶那邊都絕不遜色，沙發卡位設計尤為舒適，影相位頗多，連廁所都靚過人！推推旋轉木門仿如時光倒流到中世紀的宮殿；總之好relax ,有種遠離塵囂既感覺。-當日既主題係「Queen Marie Antoinette ‘s Jellwery Box 」最特別係紅色的珍珠項鍊手飾盒❗️職員帶著手套捧過來，好像俾客人睇珠寶咁；其實係玫瑰🌹慕絲蛋糕 像真度💯味道同賣相都好有驚喜每款又靚又好好味 少甜為主！全部食得哂 個tea set 係2-3 人份量 環境好grand, 好似去左歐洲宮殿咁女友食到好開心🥳