仙后餐廳 (已結業)

食物：以餐牌價錢來說，絕對是貴得出奇，食物質素非常一般，如果以非常普通的法式餐單，加夜上海裝修就有如此定價，未免太高。頭盤：紅色的啫喱有太多魚膠粉，型成一片彈力十足的膠，未能與同碟其他食材混和進食，浪費原有設計嘅原意。湯：不過不失，但因整晚菜色份量太少，而令到凍湯有拉低整體感覺嘅情況，屬非戰之罪。主菜：龍蝦比擦字膠還小，第一次食fine dining之後要宵夜，無下次；去骨羊架油脂太豐富，全熟羊肉口感一般，羊味不足。甜品：兩道甜品味道可以，但次序應該互換，用餐嘅起承轉合會更好。裝修：標榜法國情懷，但實際只係上海外灘嘅複製品，未能感受法式小館嘅意境。