今和壽司 (已結業)

平時食開大路壽司，突然好想挑戰下就嚟到呢間位於尖東同佐敦交界嘅日本餐廳 - 今和壽司👻餐廳唔算太大，一推開燙門所有嘅角落幾乎都睇得一清二楚。呢間餐廳嘅餐牌經過特別設計，連壽司款式名亦都係好創新🤟🏻我哋先嗌左一個焗火山($95)🌋外表睇嚟好巨型，有啲似黐飯，入邊其實有青瓜、牛油果、蟹子、帶子粒、醬汁等。由於有芝士醬汁，其實食落都非常飽肚😂好彩有青瓜同牛油果中和下，感覺無咁膩😪我哋仲嗌咗一個特色卷物叫辣妹 ($95)🧝🏻‍♀️用芝士、炸蝦、辣味吞拿魚、沙律醬同酸瓜組成，就咁諗呢幾樣食材嘅味道就覺得刺激味蕾，從來冇諗過壽司嘅味道竟然可以咁多元化🌈呢度除咗有特色卷物之外，竟然仲有壽司pizza($90)🍕 壽司pizza可以揀三文魚、吞拿魚、鰻魚同蟹柳其中一款，而我哋今次就選擇左三文魚。入邊係有三文魚、沙律醬、蟹子、芝士、燒汁，而個Pizza底其實係將壽司飯炸成香脆嘅底部，食落其實都幾飽肚🐷店員將兩碟壽司放埋一齊，加上小小嘅點綴，望落都幾似一條魚，色彩鮮艷，打卡一流🎆.總括而言成餐飯真係食咗好多飯😂睇圖好似好少但其實食落都幾快膩😂眼闊肚窄太高估自己嘅食量👻

朋友請Mrs Yan Lee食生日飯就黎到尖沙咀呢間黃店💛食日本野🤤入到去見到個menu即刻心心眼😍原因係呢度除左有壽司、刺身、定食、沙律和小食之外，主打就係卷物和pizza🤩款式好創新、好特別、仲有好多款揀，每樣野都好吸引我眼球好想食😍不過得兩個人食唔到咁多，其他唯有留返下次先去食。我地叫左三文魚壽司pizza、搖滾樂和辣妹。.1️⃣三文魚𝒫𝒾𝓏𝓏𝒶 $90 （8.89/10）我好鍾意食呢個🤤款式好有特式。面層放左三文魚粒、脆脆和蟹子，用左炸過的壽司飯壓平去做個餅底，成件事好夾，食落去好香脆，我會再去食呢個🤩👍🏻.2️⃣搖滾樂 （芝士、炸蝦、牛油果、鰻魚）$92 （8.24/10）本身想叫鰻魚pizza，但見到卷物有鰻魚就叫左搖滾樂😍卷物有8件，壽司飯入面包住牛油果、芝士和炸蝦，上面放左一舊鰻魚，鰻魚肥美但有少許骨，口感好豐富，好味😋.3️⃣ 辣妹 （芝士、炸蝦、辣味吞拿魚、墨西哥辣椒）$95 （8.43/10）卷物總共有8件，壽司飯包住芝士和炸蝦，上面放左辣味吞拿魚、墨西哥辣椒和脆片，口感好豐富，好味👍🏻

今日係尖沙咀做完野，係附近搵左間日本野「今和壽司」自己食個午餐😝呢到專食啲特色卷物，啲名仲好鬼正，例如係富士山、忘不了你、午夜牛郎等等🤣仲有啲小食、壽司、刺身、烏冬等等我就揀左個卷物叫「龍捲風」，有芝士、鰻魚、脆片。賣相好靚，中間既芝士同鰻魚都幾夾，芝士咸咸地，鰻魚同照燒汁就甜既，平衡返個味道😝好鍾意佢面頭加咗啲脆片，食落脆卜卜，增加咗啲口感。加多左兩件黑松露左口魚壽司🍣🤤我最鍾意就係食左口魚，油脂感十足，好肥美。加咗黑松露就錦上添花，鍾意黑松露嘅朋友唔好錯過！另外要咗一個小食，炸南瓜餅🎃估唔到都幾大件，我自己一個都差啲食唔晒😝炸到好香脆，中間既南瓜餡料好香甜，可以點埋啲沙律醬食👍🏻呢度都坐得幾舒服，下次搵多啲人一齊嚟食，可以試多幾款卷物😆自己一個唔食得多🙈

難得今日有野要俾個朋友，約咗佢出嚟見吓順便食個飯啦🤗。佢話想食日本野，所以我揀咗呢間。咁睇個門口，好有啲日式居酒屋既感覺。我睇過話呢度有啲好特式既食物，所以我都好有興趣去食下🥰。餐牌都好多野揀，又有刺身，壽司，卷物，定食。我頭先話呢度特式既就係佢個Pizza同啲特色既卷物。先黎食左個明太子雞翼做小食，一咬開全部都係明太子。又多又香濃既明太子，配上雞油既香，真係好好味！之後就到個特式卷物，呢個叫午夜牛郎，係個炸既卷物。我真係第一次食炸既，食落又唔油膩，牛油果同三文魚都好香口。之後就叫左兩款壽司，油金魚同左口魚都係我至愛。呢個油金魚又鮮又肥美，好重魚香。左口魚就更香油份，火灸左之後仲香口，加上有黑松露醬，成件事好match。最後呢個鰻魚Pizza，原來個pizza底係白飯再炸脆。配上來又唔覺好肥，一舊一舊不停食🤤。原來佢仲有好多酒類飲品，最衰今次唔飲得，下次一定要試吓先。

趕及收緊限令前 約朋友食飯其實有好多野食 都要堂食先係最好食今日就專程同朋友試’炸壽司‘餐廳係正尖沙咀既韓國街門口係好日式既木色餐廳內裡唔算大 如果book枱先就唔怕到時無位啦有別於傳統嘅日式餐廳呢度主要係食卷物炸壽司一啲特色嘅卷物 佢有另一份menu會有圖有解釋10分體貼另外餐廳亦有提供一些特色日本清酒首先叫咗個明太子雞翼香脆既無骨雞翼入面壤左滿滿既明太子 唔會過鹹 保留到肉汁 作為小食係一餐好好嘅開始之後就叫咗個油金魚壽司油甘魚鮮甜新鮮 而且唔會切得太薄嚟到呢間餐廳一定要試吓壽司pizza今次我叫咗鰻魚Pizza底其實係炸左嘅飯冇諗過珍珠米炸左之後會保留黏嘅特性識落唔再係一粒粒嘅飯啲飯連埋一齊咬落煙煙韌韌而且同鰻魚好夾食完唔會話好油膩喺香港好少日本餐廳會有呢款食物嚟到呢度一定要試吓一定要支持香港嘅特色小店

今日行尖沙咀同朋友book咗呢間日本野試佢應該係出名食卷物，同壽司pizza平日都滿座首先叫咗黑松露左口魚，少少黑松露味，唔會蓋過過魚味，油脂分布啱啱好，新鮮三文魚腩同吞拿魚壽司，香港食吞拿魚好多地方都中伏，呢間都不錯，性價比就好OK了。三文魚腩都好肥美呢個就係佢最出名之一嘅: 富士山入面有蟹柳，脆脆片，鰻魚。第一啖入口覺得個鰻魚味重，之後就食到蟹柳，加上脆脆片嘅口感，新派壽司真係比到個驚喜嘅感覺！最後就係呢個龍蝦卷，呢個真係不得了！！入口嘅龍蝦新鮮彈牙，仲要龍蝦味好重，配埋佢上面牛油果同埋沙律醬，超級yummy !!! 可惜我哋兩個女仔嚟，唔食得太多野，如果一班人嚟真係啱晒，可以叫Pizza同埋多啲唔同嘅卷物，下次要再嚟試吓。

突然好想食日本菜，今晚小妹走到柯士甸路既嘉華大廈搵到呢間叫今和既壽司店🍣😍店外貼滿各款美食圖片，相當吸引，疫情期間外賣自取抗疫便當都只係$45餐廳佈置相當日系，走居酒屋🏮風格，環境唔算好大，約容納到5張4人枱，麻雀雖小，五臟俱全，仲有廁所提供今和主打各款特色fusion卷物，例如芝士及牛油果🥑配搭兩款壽司食材既龍卷系列另有日本菜必備刺身、定食、拉面烏冬、小食等，小妹就叫左以下幾款：壽司：飛魚子、黑松露左口魚-飛魚子多到瀉到出壽司邊-黑松露味好香，左口魚夠新鮮特色卷物：辣妹新鮮辣味吞拿魚配上墨西哥辣椒🌶️，成個造型已經好hot呢個名真係改得夠貼切！另外吞拿魚與飯之間有香濃既芝士，飯內有脆口炸蝦🍤一次過滿足哂軟滑香脆既口感特式炸雞塊鹽香味好出，外脆內嫩炸軟殻蟹好大隻軟殻蟹呀！炸唔厚，炸得好脆口上面仲有蟹籽tim ！好味😋今和壽司店既卷物真係做得好有心思，而且上菜十分快，食物特別係炸物質素好出色下次黎會再試埋佢既壽司pizza

今日黎到尖沙咀行街，亂咁行，咁岩見到有間日式餐廳幾有feel，就入左去食野relax下啦！就係呢間「今和壽司」！入面唔算大，但都坐得好舒服，入面好日式風，唔錯！Menu好多選擇，好多特色卷物，睇見都流晒口水，唔知揀咩食好！呢到有我最中意食既左口魚，呢個係黑松露左口魚，同埋飛魚子壽司，刺身新鮮唔洗講，壽司飯醋味好出唔會一舊舊好似雪左好耐咁，好好味！辣妹，有芝士、炸蝦、吞拿魚、墨西哥辣椒，但食落唔係好辣，面頭仲有啲脆片，食落好有口感，出色！呢到啲卷物真心高質！炸軟殼蟹，一整隻，好脆，入面啖啖肉，上面有啲甜甜地既醬，唔錯！炸雞都好出色，入面keep到啲雞汁，好嫩，見到入面啲雞都係有啲肥，但就係因為有少少肥膏，入面先咁淋咁滑，正呀！再講一次，今和壽司啲卷物真係好高質，真係要試下！

收工同友人喺尖沙咀行街，醒起同事講過有間壽司店幾高質，橫掂喺附近就去試試先。餐廳除咗壽司外仲有刺身、定食同日式小食選擇，款式都幾多。我哋先點份海老忌廉薯餅，因為係即叫即炸，食落熱辣辣特別香脆。外層炸粉唔算好厚，中間嘅餡料好飽滿，食落味道好香，口感好滑，味道同喺日本食嘅一樣高質。壽司用一隻好長嘅直碟一字排開，夠曬排場，打卡一流。三文魚腩壽司嘅魚生好肥美，size仲長過舊壽司飯。甜蝦壽司一件有兩隻甜蝦，新鮮爽脆，味道好鮮甜。油甘魚壽司肉質好鮮嫩，口感柔軟細滑。劍魚腩壽司白裡透紅，食落油脂感比較重。北寄貝刺身擺盤有好特色，每一份有四片，肉質好爽脆味道好甜。三文魚牛油果卷灑上黑白芝麻食落好香口，牛油果食落好滑，健康又好味。

好耐冇食壽司，上網見到呢間有85折，就同友人嚟試吓。門面好日式，而鋪入面唔算大，兩三知己嚟就最啱，唔會話好逼。壽司同卷物都有好多種類選擇，包羅萬有，樣樣都想試。小食都好吸引，同友人商量咗一陣先決定到食咩。最後決定點壽司，毋忘初衷😂先食啲熱食暖吓個胃。炸芝士年糕 - 啱啱炸起熱辣辣，外皮好薄好脆，入面係滿瀉嘅芝士，但又唔會好膩，啱啱好。年糕好煙韌，好食。之後就嚟咗一連串嘅壽司同刺身。見到咁多壽司已經好滿足，有三文魚腩、油甘魚、劍魚腩、甜蝦同北寄貝刺身。三文魚腩壽司 - 好滑同好香魚油，夠哂肥美甜蝦壽司 - 幾新鮮，啖啖肉。劍魚腩壽司 - 好厚身，好濃嘅魚油，壽司飯好軟熟。油甘魚壽司 - 我最愛，厚切先最好味。北寄貝刺身 - 好爽口，唔腥腐皮壽司 - 甜甜地，好惹味平日人流都多人，好旺場。

同朋友係尖沙咀行街行到肚餓，見到咁日本風古色古香風既門面 即加想入去試下餐牌都好多選擇 吾知係咩都吾緊要 有埋相比你參考🍣🍕鰻魚壽司pizza $98Pizza既意思其實係炸左既飯 覺得幾得意就嗌左 估唔到同鰻魚咁襯！ 啲飯炸完口左好煙韌脆卜卜 而啲鰻魚都無骨有成6塊咁多 抵～🌪超級龍卷風 $92入面有好creamy好soft既芝士🧀青瓜🥒蝦🦐鰻魚🐟脆片姐係薯片😋成個口感都好match唯一美中不足係個蝦內面如果再炸多啲就好啦～炸芝士年糕 2粒 $20新鮮熱辣咬一啖啲芝士流出嚟 正炸軟殼蟹 4隻 $70性價比高 入面重要有蟹膏 炸得剛剛好 上面重有蟹籽 令到口感無咁dry同膩

呢晚黎到又係我既最愛日本野, 今和壽司~今和壽司既位置比較少, 好彩朋友事前訂左枱,如果唔係應該試唔到~~ 我地都叫左好多款唔同既野食haha~ 包括有左口魚三食(是日廚師推薦), 三文魚子壽司, 鰻魚PIZZA~彩虹卷, 吉列豬, 明太子雞翼同埋辣味三文魚卷~!!! 真係超多野食超滿足! 先講下吉列豬同明太子雞翼~兩樣炸物都做得好出色! 炸粉唔會太厚! 撲得恰到好處!而且兩者都係啖啖肉, 好滿足! 岩哂食肉獸!!!!!!!! 左口魚三食又係好正! 左口魚味勁濃! 陣油香係口揮之不去! 正! 面頭再加上唔同既醬令左口魚味道再提升! 三文魚子壽司既魚子夠哂多! 多到鋪滿見唔到D飯! 魚子唔腥仲好香! 正! 鰻魚PIZZA勁特別! 有好多件肥美既鰻魚個餅底仲要勁脆!!!!!!! 未試過食呢類型既”PIZZA”! haha! 最後就係彩虹卷同辣味三文魚卷! 前者夾滿左唔同既刺身再配上牛油果真係一流! 後者就卷滿三文魚! 食完真係大滿足!

呢間今和壽司主打創意飯卷。 海藻沙律（$38）前菜當然黎啲蔬菜開始。據聞海藻可以降血壓添。味道唔會過酸，又有芝麻，正。炸芝士年糕（$20）年糕熱辣辣，入面嘅芝士就唔算流質，係綿綿嘅口感。龍卷風（$72）呢個用左芝士、鰻魚、脆片做嘅飯卷，入口最重嘅就係忌廉芝士，啱曬我呢個芝士控。脆片增加口感。三文魚（$27）、黑松露左口魚（$38）之後有壽司🍣。左口魚好有驚喜，火炙過令魚油盡出，油分入口即爆，有黑松露提味添。三文魚亦好新鮮。兵庫縣生蠔（$40）唔算重海水味，生蠔係鮮甜多汁，而且好大隻！呢度另外有$142-$198嘅定食包前菜、小食、三色刺身同飯，都幾抵食。

今次呢到呢間今和壽司，真係令我有意外驚喜，食物質素好高，而且價錢都幾抵，真係好過果d乜乜乜omakasas，尤其依家咁多冒牌日本師傅，呢d小型類似居酒屋style既日式餐廳，反而係更加食得過。環境方面，一d都唔馬虎，全店都用左木系既裝修，仲要係本人最鐘意既淺木色，入到黎已經好relax，環境乾淨企理，同朋友黎慢慢食一晚傾下計就最岩。食物方面，先講左最重要既壽司先喇，睇舊刺身外表有光澤，夠曬水潤，而且色澤都唔錯，仲係好鮮色，證明都幾新鮮。食落有少少果味，入口順滑，唔錯。另外，d飯既口感都唔錯，夠曬一粒粒，而且好有米香。最特別既係，佢仲有新創既壽司pizza，有大家最鐘意既香脆餅底，再配上鰻魚，口感好豐富多變，而餅底無乜調味，只取其口感，所以都唔會搶走左鰻魚既鮮味。

一向中意食壽司卷物, 今日放工, 朋友帶左我去尖沙咀一間主打壽司卷物小店, 卷物配搭創意有特色。餐廳面積不大, 座位比較窄, 將焦點放於menus上, 不同食材款式配搭令人好奇, 點左款share食。【煙花 (辣味三文魚、辣味吞拿魚、脆片)】HK$98壽司飯包住辣味三文魚, 面層放上辣味吞拿魚, 再灑上薯片碎同埋蟹子, 入口層次豐富, 充滿魚香兼帶少少辣, 惹味得黎唔洗再點豉油已經很正!【金龍卷 (芝士、炸蝦、三文魚)】HK$92飯卷包住吉列炸蝦, 面層放上三文魚, 以芝士醬做點驟, 吉列炸蝦還是keep到香脆, 淡淡芝士鹹香跟炸蝦簡直是完美配搭, 整個入口, 仲食到三文魚魚香tim~【三文魚PIZZA】HK$90將壽司飯壓成餅狀再炸, 製作成PIZZA餅底, 面層偏上辣味三文魚粒同埋少少脆片, 餅底表面香脆, 唔算太油, pizza入口微辣有魚香, 特色得黎味道唔錯!