今和壽司 (已結業)

好耐冇食壽司，上網見到呢間有85折，就同友人嚟試吓。門面好日式，而鋪入面唔算大，兩三知己嚟就最啱，唔會話好逼。壽司同卷物都有好多種類選擇，包羅萬有，樣樣都想試。小食都好吸引，同友人商量咗一陣先決定到食咩。最後決定點壽司，毋忘初衷😂先食啲熱食暖吓個胃。炸芝士年糕 - 啱啱炸起熱辣辣，外皮好薄好脆，入面係滿瀉嘅芝士，但又唔會好膩，啱啱好。年糕好煙韌，好食。之後就嚟咗一連串嘅壽司同刺身。見到咁多壽司已經好滿足，有三文魚腩、油甘魚、劍魚腩、甜蝦同北寄貝刺身。三文魚腩壽司 - 好滑同好香魚油，夠哂肥美甜蝦壽司 - 幾新鮮，啖啖肉。劍魚腩壽司 - 好厚身，好濃嘅魚油，壽司飯好軟熟。油甘魚壽司 - 我最愛，厚切先最好味。北寄貝刺身 - 好爽口，唔腥腐皮壽司 - 甜甜地，好惹味平日人流都多人，好旺場。