今和壽司 (已結業)

熊貓好耐都冇食過日本嘢，偶然朋友談起，尖沙咀三角褲公園附近有一間良心日本小店😍最出名就係有好多種唔同嘅卷物，咁一定要去試吓啦😋小店細細間，7:00去到已經坐滿晒人😍所以大家去之前最好book定位呢度嘅日式卷物固然吸引啦，不過呢度嘅芝士年糕都係好正😍一咬落口，啖啖芝士，真係好鬼死邪惡😜除咗芝士年糕之外，熊貓亦要為大家推介呢個蒜香安格斯牛柳粒😍非常高質好喇😍要講下最正嘅嘢食呢度每款卷物都非常正，而且每款都有好特別嘅名，其中我最推薦火山，入邊係有牛油果，同埋帶子。而且呢個卷係焗出嚟😍😍一路寫都一路肚餓另外其他短襪都非常好食，例如金龍卷，天婦羅炸蝦卷😍最後食完壽司，我哋仲叫咗個炒野菜，非常足料又好味😍熊貓我非常推薦大家過來吃東西，性價比非常高，簡直係放工談天說地嘅好地方。

呢帶多美食 今次購朋友帶我試左呢間餐廳都幾好食 推介一下炸天婦羅蝦天婦羅蝦好出色 炸粉唔厚但又夠脆 熱辣辣上檯忍住熱都要快快食 而且都好多隻 好滿足章魚小丸子外皮夠脆內軟 配搭埋沙律醬同紫菜 無得輸我哋嗌咗呢個卷物叫做龍捲風同埋一客油甘魚壽司龍捲風就係芝士鰻魚同埋啲脆片上面啲脆片增加口感 而且芝士係少少半熔狀態軟軟地 夾埋鰻魚一齊食 味道好好食食完小食同埋卷物我已經好飽但朋友仲有胃口就叫多咗個油甘魚壽司食 佢都讚話好新鮮而且刺身都比較大件 超值

好耐冇食壽司啦! 我係一個好鐘意食日本野, 不過其實我唔好魚生既人好多朋友都會覺得我好古怪 終於搵到同路人啦! 一齊黎呢間專做創意壽司/卷物既餐廳餐廳除左卷物之外都有好多小食，岩哂我地啦!-一坐低食個炸芝士年糕先! 外層炸得鬆化，加埋流出黎既流心芝士，鐘意食香口野同芝士一定唔可以錯過!我地2個人叫左3個卷物，三款卷物放埋一齊，上面估唔到卷物既份量係咁多，一黎到我地都嚇親火山 – 焗既卷物第一次見，青瓜牛油果蟹柳帶子我最鐘意食牛油果架啦，青瓜牛油果的配搭食得出好清新，有少少甜味，味道豐富! 帶子份量好多，配合埋上面既芝士同沙律醬好正!蜘蛛 – 青瓜牛油果蟹柳軟殼蟹天婦羅炸蝦卷軟殼蟹同埋天婦羅炸蝦都好正，炸粉唔會太多，食到係得薄薄一層，唔會俾炸粉搶左原來既味道，餡料豐富味道安格斯牛柳粒: 牛柳粒配上蒜香一流，牛柳粒火候岩岩好，又唔會過熟炒野菜最後食左咁多澱粉質，都要食返D菜既，炒野菜份量又係超多見佢仲有壽司pizza，好創新好有趣，下次再黎就試下先！

今日同媽咪黎食lunch, 都比較full, 所以好多人黎拎外賣!見到lunch set最平既便當都係45蚊, 真係好抵食!我地叫左4樣野, 食到好飽, 樣樣都相當唔錯, 有驚喜!鰻魚pizza, 本身以為只係普通壽司飯做底, 點知係炸過既飯, 好香口好脆, 上面鰻魚仲大大塊, 好match好好食!軟殼蟹沙律勁大盤, 沙律好新鮮, 仲有d中華沙律加埋一齊好味! 軟殼蟹又係勁脆!tempura係超級推介!! 睇個炸粉已經覺得好高質!薄薄一層透光咁滯! 食落好香口, 1d都唔會硬!便當都好豐富, 炸豬排又係炸得好好!! 呢到既炸野真係相當高質!

我鐘意食日式又唔食刺身 特意揀左呢間食卷物為主日式餐廳 首先我就嗌咗泡菜軟殼蟹十隻甜蝦（甜蝦夠鮮甜再有蟹籽增加口感 讚）主食方面我就嗌咗一個卷物蜘蛛要讚佢嘅炸物真係做得非常好個粉漿唔會太厚但仍然好夠脆口師傅炸得又唔會太燶太油軟殼蟹配泡菜之前又未試過呢個配搭但都幾好食 泡菜酸酸辣辣加多咗重口感味道喺軟殼蟹度 卷物方面 蜘蛛就係青瓜蟹柳軟殼蟹同埋牛油果 因為我真係好鍾意食軟殼蟹 個卷好好味 份量又多估唔到一個卷物加小食會咁飽 呢間餐廳員工都好好服務 食物質素又唔錯 絕對可以encore

今日小弟同女友人黎左尖沙咀覓食, 因為小弟比較鍾意食日式卷物所以朋友就介紹左我去今和呢間小店, 佢話呢度好多特色卷物.. 我地叫左搖滾樂，吞拿魚pizza, 咖哩薯餅，海老忌廉湯薯餅，雞泡魚干，炸雞芝士卷同埋時令既左口魚三食.. 味道方面真心好特別, 佢個搖滾樂係鰻魚作主導制作食卷物好易入口味道均勻, 個吞拿魚pizza都好特別佢個餅底原來係日本煎米餅黎難怪咁脆口惹味,個咖哩薯餅好正香濃得黎d咖哩又唔太辣，軟綿綿既感覺隨即而黎, 個海老忌廉汁湯薯餅仲正佢嗰隻忌廉湯底好吸引真係好好味同埋食完都唔覺濟, 佢個雞泡魚干都燒得岩岩好唔會太乾,個炸雞芝士卷都唔錯軟綿綿既日本飯包住好juicy既炸雞粒好惹味, 最後就食埋個左口魚三食就岩岩好飽晒啦, 個左口魚三食係時令既， 佢今次係三款左口魚壽司上面有不同既點綴， 分別有黑松露，柚子醬同韓式辣汁 各有風味！....

見到門面好古色古香，發現原來係食日本嘢，就入去試一試。原來呢度係主打卷物，啱哂我地！試左個搖滾樂，即係芝士鰻魚卷，有8粒咁多，每粒都有舊肥美鰻魚，夾埋芝士食超好味！我地仲試左個壽司pizza, 好特別！個薄餅底係炸過嘅壽司飯，餡料我哋揀咗吞拿魚，都幾得意～一人叫咗一份薯餅，海老忌廉湯薯餅真係超級好味！一咬啲忌廉湯就會湧出黎，又唔會太漏，超滿足呀！相比之下，咖喱薯餅就無咁特別，但都好食嘅。炸雞芝士卷，有少少韓國炸雞風味，變咗做壽司都幾特別，而且幾好味！見到今晚推介有左口魚三食，叫咗一份嚟試吓。三色分別係辣醬，黑松露醬同埋柚子醬，個左口魚有火炙過，入口好香魚油味，配搭唔同嘅醬食，口感都好豐富！最後食埋個雞泡魚乾，燒得幾好幾軟熟，唔會硬倔倔，唔錯～

日本壽司相信很多人一定食過，而且日本菜仲係大家既至愛，朋友知道我喜愛食壽司，便介紹咗一間日式小店俾我，此店位於佐敦，一出地鐵站行大約四至五分鐘便到。拉開趟門入內，店內大約有五至六張枱，提供約二十多個坐位，今晚我同朋友大約六點半已經到達，因此店內客人還未算多，大約七點三過後，雖然是平日，但已經坐滿人了。可多加留意黑板上的是日推介一打開menu, 以自家創作特色卷物為主，款式很多，見圖已經覺得好特別，我哋要揀咗一段時間先決定到食邊款好食個劍魚腩同三文魚籽壽司先，刺身好新鮮，而家係厚切 卷物需要D制作時間，所以需要時間等候，呢個叫《火山》（青瓜，牛油果，帶子，蟹柳）呢度有三款創作壽司，分別係《金龍卷》，《辣妹》，《吞拿魚披薩》，賣相擺位好有心機，Pizza底有D似炸薯餅😋

心思思又想食日本野☺️今次就試下呢間日式小店雖然舖頭細細，但都有好多唔同既野食龍卷風沙律一上碟已經覺得佢份量驚人有蛋絲、蟹柳絲同埋蟹籽 呢個配搭作為前菜冇得輸呀😂海老忌廉湯薯餅可能因為佢係湯薯餅，入面既餡都相對流質啲同creamy記得要趁熱食~跟住就到左重頭戲--卷物之前望到其他人影既相已經覺得好吸引，所以我同朋友都非常期待望到佢既size真係嚇親，我地兩個最後都食唔晒🤪火山呢個係焗既卷物，入面有青瓜、牛油果、蟹柳同帶子再配合埋上面焗完融左既芝士，更加香口。不過呢個相比其他兩個卷物就相對’漏’金龍卷呢個就有芝士、炸蝦同三文魚上面仲有少少沙律醬同醬汁，炸蝦亦炸得剛剛好😗超級龍捲風就有芝士，青瓜，蝦，鰻魚同脆片，三個入面我最鍾意呢個入面既toppings都係我鍾意既，而且脆片令到個卷物更有層次👍🏻

這晚收工後和同事行經柯士甸路想找地方醫肚，突然被一間面裝修日式的餐廳吸引吸引我的地方並非它的裝修，而是張貼在門口的食物圖片，它有別於其他日式餐廳主打魚生、壽司等食物，而是注重標傍券物，圖片拍得券物做型很特別，並各款配以非凡名字如午夜牛郎、忘不了您、烈火紅唇等等……和同事商量後他沒意見便進去一試，進去後發覺面積不太大，但装修雅緻，播放着日本歌曲，像極置身於日本小店。翻看餐牌，當然想看看吸引我的卷物，果然各款都加以奇特匹配名字，真想全部拿來試試，奈何肚子容量有限呢！同事坐下先不點菜，立即叫了一杯冰凍的札幌啤酒，他說外面比較少喝到札幌的啤酒，這個啤酒控當然不會錯過。我同事對食物方面沒太大要求，所以我全程負責點菜，我先來兩客劍魚腩壽司和三文魚籽壽司，先說劍魚腩壽司，肉質肥美鮮嫩，正確來說應加上1"厚切''兩字，因它的劍魚腩真是很厚切，至於三文魚籽壽司，那些三文魚籽很大粒，多到滿瀉在碟上呢！輪到我最想試的卷物出埸，果然沒有令我失望，單看賣相已令人眼前一亮一碟當中已包含三款菜式，Pizza吞拿魚辣妹和金龍卷還有火山今次試的日式食品，有別於以往魚生、壽司，完全非常飽肚滿足的離開，難怪餐廳內有很多外藉

難得放假去左今和食個日本菜先！ 再去staycation 當去左日本🇯🇵 😀舖面decoration好有日本感覺，入到去見到menu 既卷物，我為之瘋狂一叫就叫晒3種卷試，佢地既名都好特別！ 我最喜歡既係呢個炸壽司，做得好有心機！ 配上牛油果，三文魚 完美配搭！ 呢個吞魚卷入面仲有好多脆脆，口感非常豐富！ 而且醬汁嘅條配非常融洽成個卷物！ 至於握壽司方面，由於我非常喜歡黑松露，試咗一個黑松露燒壽司，魚嘅脂肪同黑松露醬完美融合，食完之後仲喺口入邊回味左好一陣子。飛魚子壽司亦都係非常多飛魚子，你見飛魚子一放喺枱面就已經跌晒落碟度就知。至於油甘魚，我本來係一個非常怕腥既人，但佢係一啲腥味都冇！ 小食軟殼蟹非常新鮮蟹肉好後蟹膏好香！ 炸芝士年糕亦非常新鮮好食！ 明太子釀雞翼新鮮炸起入邊嘅肉汁保留得好好總括而言呢一次日本之旅一百分！

放咗工行去柯士甸路條彎位搵嘢食，最鐘意搵D小店試新嘢，呢晚去咗一間叫今和嘅壽司店。炸芝士年糕 $19，普普通通，其實無乜特別，不過放工好肚餓，第一樣起嘅食物通常係最好食🤣海老忌廉湯薯餅 $42，因為個名得意所以叫，一客有2件，放響高杯上用生菜墊底，平凡嘅薯餅變得高檔哂，有一件已經開邊，又薄又脆嘅薯餅包滿白白嘅汁，一口咬落啲「汁」多到漏，首先嘅口感係食到外層薯餅炸得鬆化，之後食真D好有懷舊feel，幾秒後終於知道原來自己「食」緊係舊港式西餐廳嘅白汁忌廉湯，幾好玩😂Pizza (牛油果）$88，日本料理食pizza都係走唔開個餅底係米造，但牛油果pizza又會係點呢？唔通齋放啲牛油果片上飯度就係？賣到$88我估應該冇咁簡單，所以忍唔住叫咗客試吓，放上枱真係今餐嘅亮點🤩炸得脆身呈現金啡色飯底，加上一層青翠裙邊生菜，再放上成個軟綿綿牛油果，打圈醬汁，灑埋脆片，成碟好靚👍🏼味道亦正，值得一試。

冇得去日本旅行，唯有食返啲日本嘢止下渴🤥呢間日本餐廳有幾多特色野，例如係壽司pizza😂見到張pizza相就覺得太多所以決定下次等多啲人黎先食會好啲！龍捲風沙律有蟹柳絲，蛋絲，中華沙律蟹子同生菜，配搭清爽，係一個好開胃嘅前菜身為雞翼控梗係要要嗌返雞翼試吓😆左邊係芝麻雞翼，非常香脆，食到外皮有少少少調味所以唔使點醬汁都得。右邊係明太子雞翼，明太子釀到隻雞翼脹卜卜，鹹鮮並重🤤海老忌廉薯餅本身以為得一塊，原來有兩塊😍相比起薯仔嘅綿滑，忌廉creamy嘅質感比較重，而外皮亦都係脆卜卜，趁熱食好正！三個卷物係重頭戲，嚟到嘅時候嚇親我😂份量相當大，兩個女仔唔會食得晒，😂😂火山有青瓜，牛油果，蟹柳同帶子，焗過果然有啲火味，相當惹味。金龍卷有芝士，三文魚同炸蝦，三文魚幾新鮮！超級龍捲風就有芝士，青瓜，蝦，鰻魚同脆片，配搭都幾唔錯！

喺尖沙咀柯士甸道見到呢間日式餐廳，入去是旦食，餐廳面積唔大，但勝在冷氣夠凍，坐低之後叫咗啲特色卷物，天婦羅炸蝦卷($50)，炸雞芝士卷($55)，忘不了你一一有芝士+炸牛肉+芒果🥭($95)，另外仲要咗鹽燒油甘魚鮫($89)。落咗單冇幾耐啲野食就上枱，三款特色卷物一齊放埋喺同一個大碟上面，炸鷄芝士卷真係有好多芝士，見到已經覺得好開心，入口啖啖芝士，正！炸牛肉同芒果放埋一齊又出奇地幾夾，再加埋芝士，口腔充滿左豐富嘅味道！盬燒油甘魚鮫燒得啱啱好，裡面啲魚肉仲keep住有肉汁，可能因為燒個油甘魚鮫嘅時候火喉掌握得好，將裡面魚嘅肉汁鎖住左，所以食嘅時候外皮香脆可口美味，而裡面肉汁仍然豐富好味道，都幾好食！

想搵尖沙咀嘅壽司食，見到網上介紹呢間就入去試下我哋門口見到佢介紹卷物，好似好吸引。最後揀咗兩個試吓一個叫做富士山，佢有鰻魚蟹柳同埋脆脆片。入口首先係食到沙律醬同蟹柳嘅味，鰻魚係卷物入面包住，感覺好豐富，而且我覺得佢調味好好，加上脆片係好新穎嘅感覺good good !吞拿魚同埋三文魚腩壽司: 我冇嗌拖羅但就咁吞拿魚已經好好食👍🏻三文魚腩就當然係肥美新鮮黑松露左口魚，燒得香口👍🏻滿到寫晒嘅飛魚子，佢真係一啲都唔孤寒最好味嘅當然係要壓軸出場，呢個就係龍蝦卷～一啖係咬唔晒，我最初食到牛油果同埋cream cheese, 鰻魚嘅味道，第二啖就係龍蝦同埋壽司飯，超級豐富！！！龍蝦味好重同埋最重要係新鮮，彈口要加分嘅係個醬汁，有少少辣味，令到成個卷昇華！估唔到細細間比到驚喜我