今和壽司 (已結業)

今日行尖沙咀同朋友book咗呢間日本野試佢應該係出名食卷物，同壽司pizza平日都滿座首先叫咗黑松露左口魚，少少黑松露味，唔會蓋過過魚味，油脂分布啱啱好，新鮮三文魚腩同吞拿魚壽司，香港食吞拿魚好多地方都中伏，呢間都不錯，性價比就好OK了。三文魚腩都好肥美呢個就係佢最出名之一嘅: 富士山入面有蟹柳，脆脆片，鰻魚。第一啖入口覺得個鰻魚味重，之後就食到蟹柳，加上脆脆片嘅口感，新派壽司真係比到個驚喜嘅感覺！最後就係呢個龍蝦卷，呢個真係不得了！！入口嘅龍蝦新鮮彈牙，仲要龍蝦味好重，配埋佢上面牛油果同埋沙律醬，超級yummy !!! 可惜我哋兩個女仔嚟，唔食得太多野，如果一班人嚟真係啱晒，可以叫Pizza同埋多啲唔同嘅卷物，下次要再嚟試吓。