今和壽司 (已結業)

第一次來到這間今和壽司店舖門面裝潢都幾有日本傳統食店的韻味在長椅上打個卡拍個照真係可以令人以為置身日本旅遊的錯覺店內空間不大,擺放了約十張細檯由於樓底頗高,沒有很拘束的感覺不過如果隔離檯說話太大聲的話就比較困擾了食物方面,此店卷物頗為有名看著餐牌都真係樣樣都想試最後決定點了一份火山、一份炸明太子雞翼火山的擺盤幾靚 真的砌成一個火山模樣最上面頂層鋪滿飛魚子中間的醬內混合了牛油果、蟹柳及帶子帶子份量亦不算少最下面的卷物壽司就亦包了蟹柳、青瓜做餡整個火山食落好有層次師傅整得極有誠意至於炸明太子雞翼賣相漲卜卜好飽滿外皮炸得幾香脆無骨雞翼裡面塞滿了明太子香濃的明太子不會太鹹少少辣幾惹味雞肉亦夠嫩而且仲有肉汁啖啖肉好滋味咁有誠意,絕對值得再來

食咁多野，飽到剩番少少牛柳粒食唔曬，500蚊又唔洗😋🌋火山 6pcs $95(青瓜、牛油果、蟹柳、帶子)所有材料＆秘製醬汁mix好再焗，味道微微辣，好惹味，完全唔需要點醬汁。係openrice book位，見到餐廳留名好細心，記得mark低客人既註明，伴碟又靚，壽司卷又好食👍🏻🍕三文魚壽司Pizza 6pcs $90第一次試Pizza style既壽司，餅底用飯炸至香脆，幾特別🤩🍗炸明太子雞翼 $38雞翼位係無骨既，所以一咬落去，啖啖肉，明太子好full哦😍🔥👧🏻辣妹 8pcs $95(芝士，炸蝦，墨西哥辣椒，辣味吞拿魚)溶化芝士混搭帶酸辣既墨西哥辣椒，與辣味吞拿魚好夾，最特別除了卷內的炸蝦，卷面有薯片碎，好有趣🤹🏻👍🏻三文魚子壽司 $33粒粒飽滿有口感，帶咸香鮮味🤤黑松露左口魚壽司 $38少少炙燒，入口溶化充滿魚油，左口魚係我最鐘意既壽司之一😍安格斯牛柳粒 $89其實都好好食，但最尾到，係太飽既情況下便顯得無咩特別😂

外賣叫左5款食物，入面不乏需要炸的材料，所以拎到番屋企會淋左，但我相信堂食味道會好有水準，希望有機會係店內食一次啦。-天婦羅炸蝦卷$56入面除左包住炸蝦，仲加左芝士，即刻提升左個層次🤣有八件卷，呢個抵食-蜘蛛$89有青瓜、牛油果、蟹柳同軟殼蟹，雖然軟殼蟹拎到番屋企淋左，但呢個食材配搭依然係好味。相比起其他卷物，呢個會大舊d，所以感覺入面餡都包多d🤣-富士山$93有牛油果、蟹柳、鰻魚同脆片，呢款卷物入面較少炸的材料，所以拎到番屋企都唔會太影響佢本來嘅味道。壽司上面放滿蟹柳沙律，好有澎湃感。-忘不了你$96有芝士、炸牛肉同芒果，芒果係呢個季節唔甜，再加上用左千島醬，呢個食落稍微酸左d。炸牛肉同芝士就好夾👍🏼-三文魚pizza$92將壽司整成pizza超特別😍將壽司飯炸成pizza底，咬開睇落好似薯餅🤣但食落係飯粒黏黏的口感。上面鋪左三文魚粒、脆片同蟹籽，味道好豐富。-當日買晚市外賣，全單做左九折，我地3個人食都係$383，岩岩好食到飽。不過揀呢五款食物都多醬重味，食下食下好似d味都撈埋哂一齊🤣下次可能會搭下普通壽司刺身或者其他小食中和下。

今晚約咗朋友敘舊，佢介紹我嚟呢間「今和壽司」食，話佢嘅特色卷物幾特別，一定要我黎試試門外裝修有日本居酒屋風格，亦貼上餐廳嘅主打壽司卷物，賣相幾吸引，我都急不及待想試吓！餐廳可選擇嘅食物其實不算多，除咗壽司及刺身之外，只有少量小食及定食選擇。我哋叫咗個名叫「辣妹」嘅卷物，材料有芝士、炸蝦、辣味吞拿魚及墨西哥辣椒。雖然聽個名好似好辣，但其實食落都算OK～墨西哥辣椒帶出嘅酸辣味成為成件壽司嘅點綴！龍捲風沙律～份量非常之多，除咗沙律生菜之外，仲有中華沙律、蟹柳、蟹子及粟米片，食落口感非常爽脆及清新～

今日想食好西就黎左今和，叫啲壽司同小食都夠曬，人均都只係$150，性價比高，食到好飽先走👍熱茶係玄米茶消油膩，食完凍既壽司飲啖茶再食熱食比較好，黑松露左口魚壽司2件($38)，黑松露味濃郁，火炙方法令左口魚入口即融，口感滑嫩鮮甜，壽司飯份量恰好，芝麻雞翼原隻上炸到外皮香脆，雞肉都幾滑，平時最擔心就係炸雞翼入面唔熟，仲有海老忌廉湯薯餅，應該係佢地自家制，之前食親都係蟹肉忌廉，而且比較秸身，呢個海老忌廉湯餡料稀滑啲，而且係用蝦肉唔係蟹肉，見到佢啲定食都幾抵，下次收工會再黎試其他野

細細間卷物黃店，周圍既擺設都有日本屋既感覺，個人好中意啲木材質感，疫情關係餐廳每張枱都放左隔板，逼少少但都坐得舒服。同男朋友試左個金龍卷，係三文魚、炸蝦脆卷，連埋少少蛋黃醬好好味，三文魚口感新鮮，佢連埋三文魚pizza一齊上，擺碟幾精緻，本身份量會好少，點知有8件，份量合理，三文魚pizza係我最驚喜既，之前係其他地方食過鰻魚pizza真係西式加鰻魚，結果味道個人認為好奇怪，但呢到既薄餅真係用壽司飯做底，似炸米餅，所以味道同三文魚，沙律醬同蟹籽好夾，好好味，仲有薯片增加脆脆口感，賣相同味道都幾難忘👍👍👍

尖沙咀內街的日式小店，店內坐位不多，地方也不算大!不過午餐都有很多款選擇，而且份量都好足夠!有很特色的卷物，有烏冬，價格不貴，而且味道也不錯，店員服務也很好，CP值算高

之前經過今和, 比佢門口d卷物名吸引左, 上網睇原來成間主打特色卷物, d名又幾得意, 今日就去食個lunch!menu好靚款款卷都好似好吸引, 今次叫左紅龍卷, 費城卷同埋辣味三文魚卷。黎到個擺盤係幾靚, 卷物既賣相都好精緻, 每款有8件, 女仔細食既話都夠食既。紅龍卷有炸蝦, 頭尾都有炸蝦尾, 加上芝士, 面頭鋪左吞拿魚, 口感同味道都好夾。辣味三文魚卷我都幾中意, 因為佢知sauce調得幾好, 甜甜辣辣又不失三文魚既鮮味。費城卷有牛油果三文魚同芝士, 牛油果同三文魚一向都係匹配之選, 好好味

早排同朋友喺尖沙咀，經過呢間日本餐廳，見到佢啲卷物好吸引，所以入咗去。估唔到呢間小店冇令我哋失望，好有特色，魚生重要好新鮮。我地叫咗3款卷物，有彩虹卷、辣妹同鰻魚牛油果卷，擺得好令，好啱我地打卡。🤣彩虹卷，個名改得好啱，真係包到好似彩虹咁。呢個卷物面層有3款魚生，三文魚、吞拿魚同油甘魚，重有牛油果，中間有青瓜同蟹柳，口感好豐富，好食。😆左面係辣妹，右邊鰻魚牛油果卷。辣妹個名改得好得意，因為有辣味吞拿魚，好惹味，中間係天婦羅蝦，炸得好香脆，味道非常夾，必叫首選！🥰右邊嘅卷物，味道濃郁、口感醇厚，值得一叫。炸芝士年糕，口感煙煙韌韌，中間重有濃濃芝士流心，食到舔舔脷。炸明太子雞翼，估唔到咁足料，一咬就爆曬啲明太子汁出嚟，食個陣要小心。😝辣辣地好惹味，重要無骨啖啖肉，好好食！

近住尖沙咀嘅嗰段柯士甸路兩邊一向都係出名嘅韓國街，但偏偏今晚就揀左呢間日本野店仔細細但選擇好多，主打特色卷物淨係揀都要花d時間今晚人少少點左三款，一邊吹水一邊食第一款就係呢個大堆頭嘅"富士山"，睇落成個生日蛋糕咁上面鋪左滿滿嘅蟹柳沙律，有趣係加左脆脆片，令口感豐富左like最想介紹嘅仲有一條長長嘅金龍卷一頭一尾仲有條炸蝦尾，好得意中間夾左d cream cheese 食落好似加左沙律漿中和左炸蝦嘅油膩感，like!

難得有個空閒既藍色星期一🤣黎尖沙咀附近行陣街同朋友仔嘆下日本野啦☺️🍣費城卷(芝士、牛油果、三文魚)以牛油果及三文魚粒配合既卷物🤤帶出啖啖牛油果香三文魚鮮味之餘🤤🐟亦不失啖啖邪惡芝香😋🧀鰻魚牛油果卷中間以鰻魚既完美配合🐟😋加入滑嫩Creamy既牛油果更將卷物味覺昇華🤤值得一試的😋🍣三文魚籽壽司每日新鮮既三文魚籽🤤啖啖魚油香之餘一啲都唔腥🤤🐟乃小肥之最愛😜😜🍣黑松露左口魚充滿魚脂香既左口魚🤤🐟經灸燒燒出啖啖魚油香之餘🤤👨🏻‍🍳🔥配埋松露香入口即溶既口感更係一絕🤤

琴晚跟朋友去左今和壽司食特色日本菜，餐廳地方比較細，如大家有興趣黎幫襯可以訂位啊！油甘魚壽司：壽司比平時所見既壽司SIZE大少少，油甘魚口感林林地，魚鮮味很突出；同時油甘魚既甘香味好香口，真的不錯。黑松露左口魚壽司：左口魚比油甘魚表面油潤一點，左口魚入口即溶，而魚油味十足！加上少許既黑松露為左口魚增加香口既味道。東京爆脆(蟹柳，吞拿魚) － 炸：想食下特色既反卷就Order依款黎試下。反卷既飯粒吾易鬆弛，但同時飯粒又吾會太乾太硬。中間既蟹柳同吞拿魚經炸既過程，所以又再增加口感；而蟹柳甜甜地，吞拿魚有少少咸味啊。

前排政府宣布話要限堂食，即刻把握機會，趕早堂食嘅尾班車🤣我同朋友揀咗尖沙咀嘅今和壽司，見佢有好多卷物，同平時啲壽司鋪唔同😀我地嗌咗三個卷物，一個係鰻魚牛油果卷，同一個彩虹卷，仲有個叫辣妹呢度嘅鰻魚牛油果卷好足料，每一舊入面都好清楚見到有好大舊鰻魚同埋牛油果，食落去好香，啲牛油果已經熟晒，食落去好香呢一個係彩虹卷，上面有唔同嘅魚生，例如有吞拿魚，三文魚，油甘魚仲配有牛油果。啲刺身好新鮮，咁樣嘅配搭可以一次過食到唔同嘅刺身，可以滿足晒咁多個願望呢一個叫辣妹，上面其實就係辣嘅吞拿魚蓉，入面係蝦天婦羅，食落去好香，配搭得好好，辣辣地好惹味我哋仲嗌左芝士年糕，入面嘅芝士味好濃，外皮好脆，一咬開，就食到好香嘅芝士味，好好食😋😋😋我哋仲嗌左個明太子雞翼，入面釀滿咗明太子，食落去都幾有脆，仲要去埋骨🤣🤣

勁多卷物選擇嘅一間小店，揀左好耐最後決定要試下呢個 吞拿魚牛油果卷見到件件都有一太粒牛油果女朋友已經好開心，牛油果生熟岩岩好，你知要唔爛但又唔過生唔係咁容易平時多數食開配三文魚，呢個配搭又幾match嘅特色卷物富士山應該係佢地嘅招牌，好多客人都有點入面有牛油果，蟹柳，鰻魚，中間有少少鰻魚汁，加埋沙律一齊食好rich~炸明太子雞翼上碟嘅時候我仲心諗說好的明太子呢? 一咬開先知原來原條嘅明太子已經釀左喺入面啦!不過放心佢無平時supermarket買個種咁咸，皮脆入面仲幾juicy, 記得趁熱食啊

環境方面：座位比較窄，可能因為在尖沙咀的緣故都差不多嘅。位置方面：於尖沙咀韓國街尾，不過由於鋪位太入都幾難搵到。可能係路癡嘅緣故，hahaha 食物方面：食物擺碟設計窩心，如有人生日，就會幫你寫埋Happy Birthday落去。但食物質素一般，三文魚籽及海膽不夠新鮮，欠佳！但侍應都幾有禮貌+分！不過可能餐廳使用木檯的原因，所以桌子會較黏，給人感覺不太乾淨。價錢較高，與食物質素不成正比。不過見係小店就試下啦！