今和壽司 (已結業)

今晚和朋友到尖沙咀搵食，今和壽司這間小店比較吸引我，因為有不同的特色卷物，真是各式各樣，任君選擇。卷物的名字很有特色，配上圖片來看更容易掌握😂蜘蛛牛油果和軟殼蟹是很搭配的，軟軟香香的牛油果配上炸得香脆的軟殼蟹，配上新鮮的青瓜和鮮甜蟹柳，令到整個卷物吃起來有不同的層次👍🏼黑龍卷本身是個鰻魚迷，這裏的鰻魚配上特製的甜燒汁，加上燒得焦香，果真不錯👍🏼還是選了我喜歡的牛油果，今次配上芝士，濃濃的芝士配上熱辣辣的炸蟹柳後，溶化的芝士包裹着炸蟹柳，吃起來脆卜卜，口感很豐富。辣味三文魚卷朋友喜歡吃辣味三文魚，就吃一個簡單的手卷吧，簡單的食物，越能吃得出食物的味道。這三文魚卷的辣味夠，吃起來很惹味😆👍🏼

終於都可以放寬限聚令，可以同朋友食餐晚飯喇～選擇咗一年四季都咁受歡迎既日本嘢！入到去見到充滿日式風情既裝修同擺設，零舍有feel! 呢度出名既，就係有唔同既卷物同自創pizza!! 只係睇menu已經流哂口水，實在太吸引喇～素食者都有好多選擇！真細心！3個人，人均都唔洗100蚊！超抵呀！彩虹卷（$98）、辣味三文魚卷（$50）、辣味吞拿魚卷（$66）叫咗3個卷物，都放哂喺一個盤度，非常豐富，主要既材料都係三文魚、吞拿魚，前世應該同魚有仇😂三款當中最特別會係彩虹卷，材料都非常融洽，當中牛油果扮演著一個中間人嘅角式，令三文魚同吞拿魚入口更順滑，真心推介！！煎餃子（$47）～煎到底部非常香口，裡面菜同肉既比例剛剛好，餡料都好足料，絕對無失望！

一直都喜歡吃些特色的壽司卷，但一般的壽司店只有簡單的卷物，上網見到這間今和壽司🍣，有着各式各樣的卷物，喜歡鰻魚的我，也要來一客黑龍卷😋❤️黑龍卷（芝士、炸蟹柳、鰻魚和牛油果）出龍卷是店家所推介的，個人認為鰻魚和芝士是絕佳的搭配👍🏼配上炸蟹柳，令到整個壽司卷十分脆口！而牛油果的口感我也十分喜歡，軟綿綿的🤩蜘蛛(牛油果、軟殼蟹、青瓜和蟹柳）由於老公喜歡吃軟殼蟹，就點客以軟殼蟹為主題的卷物吧😚這卷物有牛油果、青瓜和蟹柳，配上軟殼蟹，口感很豐富。特別喜歡這間店的原因是因為卷物都配上青瓜和牛油果這些健康的食材，更健康！雖然小店的規模有限，但欣賞小店在佈置上都很有日本風情，而且衛生設施充足，值得再來😋

掛住日本嘅壽司同埋刺身，平時食開啲連鎖壽司店，但係個人比較喜歡食小店，今次嚟呢間日本餐廳，佢哋嘅壽司好特別，會有壽司pizza，同埋卷物係特色卷物，喺香港都未食過，所以同朋友一齊嚟試吓門口見到啲招牌都已經覺得好特別，每件卷物下面都會有佢地餡料，同埋佢哋會配有個好特別嘅名稱。正常刺身同埋壽司會有，另外佢哋仲有啲特別嘅壽司。我上網見有好多人都叫金龍卷，所以好想試吓，入邊嘅炸蝦好大條，新鮮炸起，佢哋嘅食物係好精緻，好似欣賞緊一件作品咁，金龍卷每一舊上面都會有千島醬，二個三文魚Pizza上面仲配有脆片。另外在叫咗個鹽燒油金魚鮫，個魚頭笑得好香，肉質嫩滑，啲魚鮨位置炸到好香脆，一啲都唔覺得鞋口仲叫咗個芝麻雞翼，呢個價錢真係好值。

佐敦不嬲有好多好嘢食，所以今日約埋朋友嚟試吓，平時喺佐敦食開都係茶餐廳度啊，但係朋友介紹，今日係食壽司，仲要特色壽司，真係諗起都覺得興奮🥰可能我哋下午茶時間去，都唔係好多人。舖頭比較細，坐嘅枱唔多，不過就見到好多人叫外賣食物嘅種類都比較多，一時三刻都唔知叫邊樣野好，因為我見到我㗎，好有特色，好想食。叫咗個金龍卷、三文魚pizza同埋芝麻雞翼，咁屋苑入邊包住炸蝦、三文魚同埋芝士，新鮮炸起辣辣，口感非常特別，再加埋芝士好濃味，入口好juicy，pizza嘅底部係飯焦，個飯焦係炸過再配埋三文魚，好香濃同特別。

呢間壽司都幾多賣點,好多特色既配搭。我呢左原條壽司,有牛油果、鰻魚、炸蝦,全部都係我中意既食物呀!如果唔中意呢款,佢仲有好多其他味!都真係幾有創意!另外我叫左北海道蕃薯,甜甜的,細細粒,一口一口食,好過癮!佢仲加左沙律醬,層次又再豐富少少!呢度既STYLE好有OLD JAPAN既風情,好有返左日本既感覺。呢度仲有好多特色小食,其實我都好想食明太子雞翼架!呢度好岩三五知己黎食下野,飲杯野,上菜都快架!

今日同朋友去開尖沙咀準備新年需要買嘅東西，行到咁上下要醫下個肚，就見到間日式小店，因為門口的Poster寫著pizza sushi，感覺很特別，就去試試。打開menu都睇到好多不同的pizza壽司同卷物，而且賣相幾吸引，真係花多眼亂😆。因為朋友想食辣，所以先點了煙花，餡料有辣味三文魚同辣味吞拿魚的，還有脆片，所以食落去有點脆卜卜的感覺，又帶點辣，正👍🏻，再來點了超級龍捲風，有芝士，青瓜，炸蝦，鰻魚同脆片😆，芝士同鰻魚個味好夾，又係有脆脆，而且係炸蝦脆脆+脆片，雙重脆卜卜😋。最後還點了鱈場蟹三文魚飯，蟹肉大大舊，三文魚又新鮮，滿足，又可以再起行去shopping。

尼間餐廳係喺尖沙咀同佐敦之間個人認為係尖沙咀過去會好啲尼間係一間小店內面既裝潢都幾有心思的去到個門口已經幾有feel基本上佢啲鎮店之寶已經係門口見到架啦俾佢啲壽司吸引左入左去🌐壽司pizza（$90） + 金龍卷（$92）首先講吓個pizza真係之前未試過原來壽司都可以咁食佢底個塊野好脆 面頭鋪左啲三文魚 再加啲三文魚子 有啲薯片碎 成個口感係好match好有口感好香口好好味同埋佢既sauce係好夾同埋個金龍卷 都好正又幾多舊岩晒我尼啲大食怪🌐三文魚腩壽司 🍣 吞拿魚腩壽司🍣好大舊壽司佢舊魚超巨型而家食落去可以feel到有啲魚油香味好jeng啊！！！雖然一件壽司都貴架不過咁耐冇出街食嘢冇所謂啦埋單都係$340原來都幾飽出乎意料之外

呢間餐廳位於尖沙咀同佐敦中間，餐廳外牆有啲食物拼圖，大概都睇到有咩食😀第一次見壽司pizza呢個配搭，就試左個三文魚pizza, 個底係薄薄既薯餅，上面有啲三文魚，薯片同蟹籽，都幾新奇，食落脆脆地，暖暖地。我比較鍾意隔離既金龍卷，即係三文魚炸蝦卷物，上面既醬應該係千島醬，意想不到幾夾，有加分😋，點少少wasabi鼓油會令味道層次更加豐富👍🏼點左個芝麻雞翼，好快就上，新鮮炸起好脆口😋值得食下。點左三文魚腩壽司同呑拿魚腩壽司，三文魚腩比較出色！魚生都算厚切，幾肥美😝呑拿魚腩都唔錯，不過魚油味唔夠濃郁。呢間餐廳有好多唔同配搭既卷物，總有啱你心水既😌個人推介金龍卷，芝麻雞翼同三文魚腩壽司。

終於開放返晚市堂食！又可以放工之後食我最愛嘅壽司！😎緊係要重臨番呢間特色日本餐廳，雖然細但係好有居酒屋感覺，周圍都係啲日式畫同裝飾👍🏻啲特色卷物名都幾特別，就咁睇都唔太知食緊咩，不過好彩有另一張menu講番入面有咩😂😂三文魚壽司薄餅 ($90)呢間餐廳嘅必點之選！一望即聯想起pizza🍕 用白飯炸成嘅”pizza餅底”上，鋪上mix埋千島醬嘅生三文魚粒，食落好有層次感，脆卜卜口感十足，有驚喜！🤤 味道方面就比較食到醬汁味道多過刺身味道😂炸芝士年糕 ($20)芝士+年糕，真係超邪惡！😈 上菜時仲熱辣辣，真係有拉絲，口感幾唔錯，外脆內軟，不過無咩味haha 😂Overall超有特色超有創意，比想像中飽肚🐷味道就不過不失🍕

今晚屋企又冇煮飯，下晝同朋友喺尖沙咀行完街，就諗住食埋晚飯。日本菜都係我哋嘅最愛，最後揀咗嚟食呢間「今和壽司」，第一次嚟食，味道都唔錯。餐廳面積不大，提供座位大概20個左右。首先叫咗個小食，呢個咖喱薯餅外皮揸得非常酥脆，咖喱餡香濃惹味，屬於高水準嘅可樂餅雜錦天婦羅，放入口是簡直熱到辣嘴，即叫即炸加分！海老天婦羅大大隻，其他什錦蔬菜嘅份量亦都唔少，天婦羅炸漿亦做得香酥不油膩，值得一讚。另外亦都叫咗一份壽司卷物，吞拿魚茸配上炸蝦及墨西哥辣椒，配搭新穎，味道亦清新可口。

我好鐘意食壽司飯😆😆😆咁啱見到呢間舖頭有好多特色卷物，有啲仲整到成個pizza甘，所以我前排的起心肝去左食。餐牌真係好多選擇😆配料有芝士，三文魚，牛油果，肉，蟹柳，鰻魚，吞拿魚，等等。不同嘅配搭都有，有辣有唔辣，總有一樣啱你😂😂😂由於我哋食唔到辣，我哋叫左火山。火山係有青瓜，牛油果，蟹柳，帶子。火山嘅面頭舖左蟹子同埋沙律醬，好惹味丫！ 所有材料好夾，其實有啲似食緊加左飯嘅高級蟹子沙律。入面都幾多細細粒嘅帶子，加左啲鮮味比佢。青瓜就令個飯冇甘漏。份量都大。如果兩個人食嫁話加多一兩樣食物就好夠了。我哋仲叫左個雜錦天婦羅。 佢嘅炸粉都幾薄，蝦肉彈牙。有成兩三隻，加埋其他天婦羅常見嘅款式，食完好滿足！餐廳坐位都唔算迫。待應都好friendly

今和出名卷物又靚又幾有特色, 今日就約埋fd一齊試下。鋪頭唔係好大, 只有幾張枱, lunch time可能要等下位了! 除左卷物外依度都有小食同定食, 不過主打卷物梗係要試下!紅龍卷 $110賣相靚, 材料簡單有芝士吞拿魚同炸蝦, 簡單又好味, 炸蝦有肉地唔會得層粉, 加上吞拿魚鮮味, 係幾好食!費城卷$ 60都係簡單材料有三文魚牛油果同芝士, 好多人都話牛油果點豉油味道就變左三文魚, 自己都中意咁食, 味道好夾海老忌廉薯餅 $46即炸熱辣辣既薯餅, 入面爆creamy, 表面炸得鬆脆, 香口

掛念日本心起，前排同左我媽媽去食日本野，疫情關係，我哋去左尖沙咀人流比較少嘅area。舖頭好骨子，以閒日下午嚟講都唔小人，好得意，舖頭入面嘅外國客好多。我地兩個人叫左啲小食同天婦羅。食物味道，新鮮度都好。三文魚籽 33蚊 2嚿啲三文魚籽大大粒，咬落去porkpork声，好新鮮，數量好多。食完好滿足！炸芝士年糕 20蚊 2嚿呢個好好味，佢煎到個皮脆loklok, 金黃色，食落暖暖地，煙煙unun。入面嘅芝士ham好creamy, 重芝士味，唔會太漏！炸明太子雞翼 38蚊 2嚿雞翼炸嘅火喉剛好！唔會燶，都係脆loklok嘅。入面有明太子，同雞好夾❤️雜錦天婦羅 74蚊 好抵食，有好多送，蝦，青椒，南瓜，菇，等等。蝦一啲都唔霉。 跟住個天婦羅嘅仲有一碗湯加蘿蔔蓉，浸1浸先食可以解膩，性價比高！

今日放下晝，想出去shopping下，準備扮吓年貨。最近抗疫措施成日圍封地區，剛剛放咗佐敦同油麻地，好在零確診。所以今日嚟到尖沙咀逛逛。可能因為疫情，街上明顯少人。嚟到柯士甸道附近，之前有好多韓國舖頭，而家都有啲新餐廳。見到有間食卷物幾出名嘅壽司店，一於入去試吓。餐廳座位唔算多，大約五張枱左右。Menu果然有超過20款卷物嘅選擇，材料包括牛油果、龍蝦、鰻魚、帶子、蟹柳、cream cheese等。仲有丼飯同埋刺身，淨係望個Menu都用咗20分鐘選擇。另外有個叫pizza嘅壽司，我同朋友都估唔到係飯組成還是刺身組成。雖然見到pizza賣相幾吸引，但怕兩個人食唔晒，唯有下次先試。雪場蟹三文魚丼飯嘅雪場蟹肉好足料，三文魚油脂分布均勻。辣味吞拿魚佩三文魚maki roll，好新鮮。卷物上邊加咗脆片，有啲似pringles，幾有口感。太滿足了，飯嘅份量好充足，我好似食咗嚟緊兩日嘅飯，好豐富。