京饌 (已結業)

食物質素唔錯，份量更係十分大！玫瑰素鵝：一d都唔油膩，仲淡淡既玫瑰香。豉椒炒聖子：夠鑊氣，而且聖子都有好多。上海粗炒：有d太油膩。海蜇：配埋青瓜絲，口感豐富😄食物是可以的，不過服務就真係唔合格，感覺就好似去左屋企樓下間茶餐廳食飯咁！唔係，仲衰過茶餐廳，因為茶餐廳比較有人情味。同門口個reception講“唔該兩位丫”，之後佢一副麻煩既嘴臉帶我地入去，之後就走左。我地要自己主動問其他侍應攞menu…想落單既時候，叫極都無人黎，個個人都不斷迴避我既眼神。終於有個阿叔埋黎，我地叫左4個餸，佢無寫低，一句Ok就走左。當我正諗住讚嘆佢既記憶力既時候，佢走番轉頭叫我講多次😑。 之後到上菜，由於佢張枱唔大，而d碟都幾大，其實我地張枱唔係太夠位放4碟餸。不過上菜阿姐一於少理，是但擺左上枱唔跌就算，有成半隻碟突左出枱都一於唔理！

最近要與跟朋友聚會，想要找點不一樣的，有人介紹了京饌，還沒吃過的我看了別人評價感覺還不錯，就決定是這間了。我們就四個人，點了10個菜式，上菜的時候看到擺盤很精緻，未吃已覺得心情好。整體吃了味道都還不錯😋另外，我最欣賞的是起菜夠快，吃飯最不喜歡的就是點了菜之後超久才來。不過我們點的菜多，桌子卻不是很大，以致位置有點擠🤦🏻‍♀️anyway, 賣相吸引！味道不錯片皮鴨撈麵個皮蛋一般🤷🏻‍♀️蓮藕👍🏻手撕雞🤤

我每次去食上海菜都會叫鎮江餚肉同小籠包！呢到個餚肉似午餐肉咁🙊不過都幾好食！ 個小籠包皮薄但個肉有d散！麻麻地！個賽螃蟹旦白都ok, 蟶子好抵食，不過唔夠熱！整體都可以！下次會試其他野😊

京饌在 觀塘apm 3樓 因為時值週末沒有平常很便宜的午市套餐。唯有單點了!點了一個菜肉水餃， 排骨拉麵 及 四喜烤麩. 整體水準達七十分左右 沒有驚喜但也不是難吃， 倒是地方坐得很舒服。在apm這個消費都不算低的地方，這裏的價格算是便宜的了。是一個和朋友聚會 相約傾談的好地方. ​​​

同朋友同樣OT到9點半，基本上觀塘好多鋪頭已經關左。又唔想食西餐，我地就決定食呢間。地方都算大，乾淨。睇menu佢嘅餸算多，傳統嚟講我想食雞絲粉皮同埋小籠包。68元都幾大碟下，唔係一般嘅麻醬，無咁濃。粉皮係同平時食再透明多小小，有啲似河粉，但爽口啲。48元4粒，正常價位，緊係趁熱食！每次食小籠包最期待咬開一小口，倒湯出嚟呷。4粒有一粒，完全無湯，希望只係失手，其他三粒湯都好正。湯唔濃，較清甜，皮簿，我地小心拎唔會穿。肉都ok。呢個108元通菜係用蝦醬炒，味濃，而且有鍋熱住，還ok，份量都多。砂鍋咸肉菜飯（$88），肉唔多，菜份量ok，飯份量就明顯多啲，可以有4至5碗，炒得香口。茶我地叫咗鐵觀音，好舒服。整體都ok，兩個人食360，中菜晚飯都ok呀。如果兩個人，可以建議叫多款小食，除非特別想食飯，如果唔係打包走。

来到香港的第一顿饭，还是选择了家乡的名点---烤鸭！没吃到嘴里之前说实话特别的期待，还想着如果能在这里吃到全聚德的味道，那我严肃的宣布这个餐馆升级成我的个人食堂了哈哈。满心期待中，几个盘子依次呈上，然后看到两只巨大的鸭腿，心里就有点想笑了…这鸭腿难道是想让我蘸着酱啃着吃的？吃着吃着再夹起几条大葱和黄瓜?😂 第一口下去，嗯还行，但是酱的味道很奇怪，说不出这是啥酱，但这肯定不是烤鸭酱，有点奇怪。最惊艳的是山楂糕，非常的正宗！其他我们还点了麻婆豆腐、宫保鸡丁和烤肉粉丝什么的，味道都还行，就是那和烤肉的量有点太少了。总的来说我给7分吧，毕竟离北京那么那么远，烤鸭做成这样已经很不错了来到这里还是入乡随俗吧，晚上就去吃酒楼去特别期待在这里的一年会遇见多少美食，想想我就鸡冻

今晚與友人晚宴，選擇了大家都方便回家的APM搵嘢食，朋友選擇了3間餐廳，1間西式吧，1間日式，1間中式，最近西式吃多了，日式果間又在其他地方比較常吃，最後就選擇了這間中式的京饌，起初打去book 位，說已滿, 要walk in, 晚上去到看看, 也不算太多人，不用等一下就已經可以進去吃了。食物方面：叫了1份牛柳年糕味道不錯，份量覺得可以再多一點，1份魚湯時蔬，都幾好味，不會太咸，蔬菜都夠多，1份銀絲卷，正常口味，1份小籠包，湯汁夠多，肉也幾香值得推介。環境方面：整個餐廳都幾大，每個坐位都是大的椅子，坐落都幾寬敞，桌面大小適中，大枱與大枱之間不算擠迫，但這次我們坐的2人枱，應該是原先可以由4人坐在一起的位置拆開的，所以坐得貼近一些。中式格局配中菜，非常正路！一班人一起飯叙也適合。稍有一點點嘈雜。服務方面：侍應可能稍為不足，不是一舉手就會有人招待您，要等侍應完成手上工作，才有空看到您，服務質量正常，沒特別差，也沒特別好！衛生方面：餐具整潔漂亮，桌面也乾淨，整間餐廳感覺也乾淨舒適！價錢方面：稍為遍貴一點，一個正常份量的魚湯菜，要一百多元，不過環境舒服，食物味道還不錯的餐廳，多付一些也是可以接

星期日同家人係APM睇完戲，之後諗緊食乜之際，係商場美食指南見到呢間京菜館。抱住一試嘅心態去試下，咁啱又唔洗等位。入座10分鐘後就見有人排隊了，真好彩食物質素服務態度北京填鴨同烤羊肉都非常好吃，絕不油膩，最欣賞嘅係山渣條+青瓜條包住填鴨一齊食，超好味用石鍋上咸肉炒飯一流家常餅脆而不膩，非常鬆化，完全冇用麵粉太多嘅感覺高力豆沙和豆沙鍋餅都好好食，唔係太甜總括一句~一定會再去試埋其他野由其是其他飽點類!

好少黎觀塘，所以吾知食咩好，行過見到呢間，又甘岩想食中菜。見到有citibank信用卡優惠，所以就簡左食呢間。。。叫左1客紅燒大鮑翅，$290..以為有鮑魚，原來冇。。因為呢個翅比起其他幾款貴。。味道普通，但翅都吾少。。。另外叫左個醉鴨舌，因為自己從來吾飲酒，食完竟然有d面紅。仲叫左一隻片皮鴨，略嫌鴨吾夠肥，吾夠多油，無一咬落去爆油果種口感。。2個人食左9百幾蚊，諗住有citibank信用卡可以每500平200...點知我張卡碌吾到，所以要比原價。。

今日去咗觀塘APM京饌食京菜，約埋三五知己放工食大餐，由於還有朋友未到，但放工已經肚餓，所以叫了前菜食住先，雞絲粉皮丶餚肉和五香薰魚，此些冷盤做得出色又好味，跟住叫了大白菜肉絲炒粗面，貝勒爺灌湯小籠包和蔥油餅。其實北京菜和上海菜非常相似，甜品有棗泥拉膏、高力豆沙、豆沙鍋餅等，樣樣都想食，眼闊肚窄，終於叫了一個甜品拼盆。由現在至31/7做Citibank信用卡優惠，滿$500減200，所以更加抵食！要讚下待應哥哥，不斷冲茶加水，期間又換碟，熱誠接待顧客，禮貌加分👍🏼

父親節就快到啦! 所以今日同爸爸媽媽同家姐一齊黎到APM呢度慶祝父親節。APM嘅餐廳既質素都有好有不好，而呢一間上海菜未試過，剛好我同姐姐都好想食北京片皮鴨，所以就一早預約了這間餐廳。最後冇叫到套餐而係自己單點雞絲粉皮吖芝麻醬份量好足夠，而且粉皮製作恰到好處，食起上嚟帶點口感!個人比較推介呢度嘅海蜇頭，味道酸酸的但係海蜇頭彈牙而且十分爽口，配上佢呢度嘅特製醬汁味道一流！男朋友都很愛吃鎮江肴肉呢個咁有特色嘅鎮江肴肉名菜唔使多講啦掛唔知以為自己食緊啫喱凍，一道好味的心機菜小籠包皮薄各樣野都做得幾好，就係個湯汁做得唔夠香普普通通唔算十分好京饌的特色擔擔麵六款配料比客人自己加自己撈睇得玩得又食得，而且麵都係呢度既師傅人手拉，好味!今晚嘅重點當然係呢一個北京填鴨啦！北京填鴨其實即係片皮鴨，只係地區嘅不同叫法片皮鴨皮脆肉嫩，而且鴨還是啱啱燒好再職場已手切幫客人切好，賣相真係十分吸引依度嘅面皮都係人手做，非一般出面平時用嚟包片皮鴨果一塊皮，味道真係令人垂涎三尺六個人吃這一個片皮鴨分量剛剛好，如果覺得太多的話也可選擇半隻。最後叫咗呢一個高力豆沙新鮮熱辣，配上中間的豆沙味道不會太過甜，為今晚畫上完美句號

自從上次無意中試過片皮鴨之後一直想再食份量咁多四個人先勉強食哂一隻片皮鴨$350貴得黎值得鴨皮夠熱夠脆多肉又多汁仲俾你夠多薄餅皮同配料包黎食配菜最特別係個條山楂條酸甜岩岩好食幾多皮都唔會膩最難得係隔左半年都能保持水準另外叫左個京味燒羊肉 $148好食到唔記得影相烤到皮脆肉嫩一咬就化開不過驚羊so味既就唔好試喇再要推薦既就係高力豆沙一上台夠哂熱甜得黎岩岩好另外餐廳侍應服務仲好好反應快又夠主動好滿意今晚晚餐

有同事生日, 預早幾日訂咗位, 一行6人被安排坐近玻璃窗位大枱, 叫茶時我地試咗隻四寶茶, 但味道怪怪咁, 唔知四寶指邊四類, 冇叫套餐食, 散叫咗七至八款食品, 上菜都唔算太耐小籠包- 皮薄肉鮮多汁蒜油白肉  - 賣相一般, 味道只得個辣味素鵝 - 味道可以, 裡面夾咗好多花菇粒紅油炒手 - 普普通通, 辣油既色, 但味道唔算濃肉絲薄餅 - 真係只得肉絲, 乜料都冇, 感覺齋咗啲雞絲粉皮 - 味道可口, 粉皮好煙韌豆沙煎餅 - 失色....我比較鍾意傳統果款, 呢個皮食落去好怪, 因為好淋, 唔好食棗泥糕 - 都好濃紅棗味, 但唔夠煙韌總結 : 呢到改名裝修後, 食物都係麻麻地 

星期五好少出街食,因為太多人,朋友仔近排轉左公司,係APM付近,所以放工陪下佢APM間間都好多人,得呢間比較快少少,可以價錢比較貴砂鍋雲吞雞叫左半隻雞,多湯多菜清清地,2個人每人可以有3碗,好飽小龍包OK,皮薄多汁菜燴面,勁大碗,可以用盤形容好好食,不過食完湯太飽食唔晒,呢碗可以幾個人食整體都唔錯,

八點，一行人，一條路線來到APM京饌，京饌前身是家傳戶曉，為景樂集團經營的餐廳。饌者，陳設或準備食物也，其意大概是為食客準備美味可口的北京地道美食。首先映入眼簾的就是突出而宏大的招牌：京饌，伴隨著古色古香的玩物擺設，京城氣息猶自撲面而來，好，就做一回京城中人，來吃一次歷史底蘊，因為美食代表的，不只是一種藝術，更是一種文化表現。雖然全場爆滿，但是排隊的人數並不算多，不用同朕check下都知道，等待旨意入座的時間不會很久，果然不出所料，只給了杰倫一首歌的時間，就獲安排入座，哎呦，不錯哦。然而，令人意想不到的是竟要敬坐末席(即是角落頭位置)，不過，這樣也好，一來可以飽覽餐廳食客眾生相，二來不用給人在背後襲擊，三來走火警也走得快些，一旦發生火警，我想全場應沒有人夠我走得快好世界掛。現代人吃的不再只是食物，更重要吃餐廳的環境，這裡的器皿富有古典的色彩，餐椅的擺設具有雅緻的風味，美侖美奐的裝修確能帶給人一種投入感，一舉投入京城作為多個朝代首都的歷史文化洪流之中。遍藍的餐牌厚窄非常，每揭一頁都像要用盡吃奶的力氣，一系列菜式，包括招牌填鴨，貝勒爺灌湯小籠包，手工北京鮮肉水餃…看來都美味非常，於是，我們