32
29
5
港鐵觀塘站 A2 出口, 步行約2分鐘 繼續閱讀
電話號碼
35801882
開飯介紹
主打京滬菜式中餐廳,一系列菜式按照京城傳統。招牌北京填鴨是客人必點之選。 繼續閱讀
營業時間
今日營業
11:30 - 00:00
星期一至日
11:30 - 00:00
付款方式
Visa Master AE 現金 銀聯 JCB
其他資料
Wi-Fi
酒精飲品
自帶酒水 詳細介紹
切餅費 詳細介紹
外賣服務
加一服務費
食評 (76)
套餐抵食又好味 焦點食評
等級4 2017-12-26
11057 瀏覽
聖誕節一家人約埋一齊食飯,事先打電話訂位,同店員講小朋友多想要求靠牆位置!店員都講會盡量安排!當日早兩個鐘,有店員打電話來確認訂位!準時去到,門口無店員,入內見地方幾大,中式桌椅加大量中國宮廷式裝飾!店員帶我哋去最入近窗靠牆一張大圓枱!開咗茶放低餐牌就走開,食物係北京同上海菜常見嘅菜式!不過散叫都幾貴,最後我哋叫套餐再加小食!黃袍北京填鴨六人套餐($1680)醉鴨肝:賣相幾好,浸嘅汁好重酒味,所以鴨肝無腥味,仲幾滑溜,只有微微嘅內臟甘味!喜歡酒浸食品嘅會喜歡!雞絲粉皮:粉皮好煙韌彈牙!花生醬味濃,好在加咗清爽青瓜!唔會好膩!好味蔥油海蜇皮:海蜇賣相好似幼嘅即食麵,雖然爽但唔煙韌,而且有啲壓味,加了蔥油同青瓜都掩蓋唔到!麻辣鳳尾魚:小魚炸得香脆,外面包裹嘅薄薄甜辣嘅糖漿,魚唔腥,成條都食得,好香口好味!花旗蔘螺頭燉烏雞:湯足料,燉得夠火喉,湯嘅蔘嘅苦味勁,小朋友都唔喜歡!北京填鴨(全只)賣相幾精緻,鴨已片起肉,皮脆卜卜,鴨肉瘦,唔包鴨殻,加上熱辣辣麵皮,京蔥絲、青瓜絲同甜醬,好味紅燒大黃魚:好大碟,炸完嘅魚肉滑,醬汁嘅配料好多,荀爽脆、冬菇稔滑、腐皮滑溜,全部炆得入味,醬汁偏鹹,好味京蔥爆黑豚肉:唔算大碟,京蔥炒完無乜味(豬肉片薄,豬味濃有咬口!)京蔥調味唔夠惹味!豬肉片比較老!一般上湯浸荳苗:賣相豐富,嫩綠荳苗係爽脆,加上菇菌彈牙夠味!啲湯唔多幾清甜!好味!北京水餃(6隻)灼餃子飽滿,不過應該煮耐咗,啲皮穿晒窿!餡料係菜肉餡,豬肉餡唔乾多汁,要讚沾汁好惹味,辣辣地鹹鹹地開胃!糖水:紫米粟米芋頭糖水,煮得滑,芋頭味濃,配料紫米打爛,仍然有咬口,加上粟米粒,唔會無野咬!唔太甜好味!另加:桂花糖蓮藕($55)實物同相片有啲出入,啲炸粉太脹,蓮藕爽脆,外層甜膩!幾好南翔小籠包($48/4隻)即叫即蒸,小籠湯包皮夠力,見到啲湯墜到啲皮彎晒都無穿,啲湯有一半咁多,熱辣辣加黑醋,酸醋提鮮,啲湯鮮甜,豬肉餡滑唔乾!好味!食物好味,套餐抵食,餸菜都幾大碟!店員唔太夠人手,好多時加水、落單、叫起糖水都要搵一陣先有人應,不過應得嘅店員都有禮,同即刻處理要求!態度幾好!北京菜有特式!套餐先抵食! 繼續閱讀
(以上食評乃用戶個人意見 , 並不代表OpenRice之觀點。)
烤鴨聚餐好選擇 焦點食評
等級4 2017-10-29
9429 瀏覽
原來大家都挺喜歡吃烤鴨呢!好吧,繼續介紹另一個烤鴨好去處,不嫌遠的話,在觀塘 apm 商場內,有間主打京菜的 京饌,其烤鴨及小菜都甚有水準! 一段日子沒到 apm 找吃的了,當來到這間裝潢富中國風情,同時又不失開揚摩登的 京饌,坦白講都幾有驚艷感,對著特色牆壁,或是透著自然光的廂房,都忍不住拍了又拍! 迷人的環境之下,食物消費卻不高,而且除了京菜外也供應川滬菜式,選擇十分豐富。 這天主要是參與影片拍攝,拍照不多,但也盡量抽其中幾款菜式來介紹:首先是 四合院 ($168),擺設很漂亮,其中蔥油海蜇皮、五香鴨舌、手剝筍及天綠香干都很好吃,吃半其實我已有半飽!清炒河蝦仁 ($188) 相對貴一點,但味道又鮮又甜,Chloe極愛吃也值票價~ 還有 西芹百合雞頭米 ($98) 也清爽得來有口感,味道不錯一改我對西芹壞印象!巨大的 紅燒元蹄 ($350) 皮香肉糯,墊底有大量清爽生菜以作平衡,至少可供十人分享,人多也值得點~ 其他的還有:美味 極品蜜汁金華火腿 ($188)、抵食 京味燒羊肉 ($148)、由炸醬、蔥粒、青瓜絲、花生、芽菜、芹菜粒豐富配料組成的 老北京炸醬拌麵 ($78)、多汁 南翔小籠包 ($48/4件)、爆汁 招牌生煎包 ($65/5件)、上海炒年糕 ($88) 等,十分豐盛! 可惜最想吃的烤鴨當日不供應,唯有加倍選點更多甜品,哈哈~這裡的 香煎八寶飯 ($98)、桂花酒釀丸子 ($120) 都好吃,後者更加用上皮薄餡香的芝麻湯圓(比純丸子吸引多了),好喜歡!再加上非常精緻的甜品架,太滿足了~ 後來在附近上班的老公,乘地利之便再訪了烤鴨,水準也非常好!幾時再帶上我啊? 繼續閱讀
(以上食評乃用戶個人意見 , 並不代表OpenRice之觀點。)
等級3 2018-07-11
113 瀏覽
朋友生日 BOOK左呢間食~ 去到坐左去勁遠 ~ 想揾人落單都無人囉~ 之後自己去叫人寫野~ 叫左個SET ~ 樣樣都有D可以食~ 北京填鴨係不錯~ 份量都很多~ 包埋一齊好好食~ 炸魚都好好食~ 脆脆的 食到不停口~ 冬瓜粒湯都不錯~都幾足料~ 大蝦真係比想像中仲要大~ 而且好多蝦肉~ 而其他野食就真係好一般~年糕牛柳粒就好怪~ 最後仲有個甜品~ 食物就普遍還可以 ~ 有D係不錯~ 但服務態度就覺得要改善下 ~  繼續閱讀
(以上食評乃用戶個人意見 , 並不代表OpenRice之觀點。)
等級3 2018-06-26
322 瀏覽
再戰京饌,當然要兌現自己既承諾,試下佢個北京填鴨啦等左廿五分鐘到,北京填鴨終於上台啦!其實一放低,就賣相而言,同我想像既有啲出入。睇食評見到果啲皮會多啲同燒得金黃啲嫁喎見到隔離台遲上既果隻大隻啲,皮又燒得靚啲,我地哩隻鴨應該係鴨仔黎,偏瘦既可能我地運氣冇咁好啦,雖然有些少失望都即管試下佢,話曬大家食過都讚好嘛~先講下主角填鴨先啦!鴨騷味,我個人就覺得鴨冇咩騷味既,但同伴就覺得有啲騷,不過都係係接受範圍之內。鴨肉,單就鴨肉而言,肉質燒後尚算嫩滑,可能未係十分juicy果種,咬落去唔會鞋口,做得唔錯。都係果句,我地隻鴨較瘦弱,唔夠澎湃;又或者師傅切曬啲肉啦睇下果兩隻鴨脾,其實係得啲骨,好少肉咬鴨皮,鴨燒得唔夠均勻,唔同部位鴨皮既口感唔同,有啲位係香脆少油脂,做得出色既。但大部份鴨皮燒得未夠   火候、唔夠脆,切得細片亦佢變得失色。如果燒得均勻啲就好啦~值得一讚既係,鴨既皮下脂肪唔多,減少油膩感同罪惡感(見過朋友食既片皮鴨成塊都係脂肪,真係唔知點食)配料方面有青瓜條、京蔥同山楂條。青瓜條感覺唔太新鮮,爽脆度唔夠,切出黎既大細有出入,切得太薄既包係餅皮入面會冇咩口感京蔥正常,無特別山楂條質感偏軟身,酸甜既味道唔太出,要單獨認真品嚐先有山楂既味道餅皮方面,面頭有一層粉防黏,餅皮唔油哩到既餅皮唔似其他鋪頭咁用蒸籠蒸熱、蒸軟,可能係用烤焗既形式加熱,食落較乾身,放耐左再食有啲似硬身既wrap可能因為佢偏乾同硬既關係,會令餅皮變得厚,包左所有配料之後,淨係食到啲醬既味道,令其他配料既味道同口感冇咁明顯,個人較偏向軟身啲既餅皮唔會蓋過其他配料味道同口感可作改善整體黎講,冇咩驚喜喎!又係果句,期望越大失望越大?!唔用餅皮包住黎食既,鴨肉、鴨皮都有做得唔錯既地方,可以食到各自本身既質感同味道;但用左餅皮包住食之後,餅皮入面既所有配料都比餅皮同醬搶左風頭,味道、口感都一體左,唔知自己食緊咩,要仔細咁試先記得係食緊片皮鴨。似係食緊卷,但入面包住咩,你係唔知既咁另外,一隻北京填鴨要$380,比香港其他相對出名食鴨既餐廳要貴,但以咁樣既質素黎計,好似有啲進取如果有半星,我會比三星半,但無。睇在佢唔肥膩、脂肪少哩一點,我比佢四星啦~咸蛋鍋粑有六件,碟底有少少咸蛋醬。鍋粑係即叫即炸既,一放低就試左一啖,仲熱,炸得金黃香脆,仲幾乾身,食落似食緊熱啲脆啲既米通,唔會成口油。 咸蛋醬份量唔多,但會聞到咸蛋既香氣。加埋鍋粑一齊食味道更好。個人而言,對炸野不嬲就唔麻麻,試左一啖就冇食。對於唔中意炸野既人黎講,正常既表現啦!冇咩特別,但唔會去到差既地步既。不得不提,鍋粑性價比低左少少,六件鍋粑索價$68,如果比我揀我會寜願試其他麵食或小食雞絲粉皮無得輸每試一間上海菜館,雞絲粉皮係必叫菜式,而京饌既雞絲粉皮絕對係我心目中既no.1粉皮份量足,雪得夠凍,質感爽彈,每次食都覺得好幸福慷慨既雞絲同麻醬令哩道前菜增色不少青瓜份量就較少,起唔到清新既作用,好似都唔係好新鮮,不過可以令口感更豐富衛生方面,睇落環境古色古香,都幾乾淨企理,但係仔細觀察你會發現餐具依然有些少污漕,不過出得街食都預左嫁啦~服務方面,雖然京饌既服務員有部份年過半百,但佢地服務態度其實唔差,會主動加水、有問必答,有個伯伯仲成日笑笑口咁同我地講野添反而門口帶位果位三、四十歲女人黑口黑面咁,唔知想點順帶一提,晚市每位要收$12茶位費,仲要加一呀京饌會再食,但片皮鴨一試便足夠。香港邊到有好食既片皮鴨呀? 繼續閱讀
(以上食評乃用戶個人意見 , 並不代表OpenRice之觀點。)
等級1 2018-06-18
465 瀏覽
同同事開完會,之後就係公司附近食飯,同事介紹我食呢間,因為成9點,無咁多人等位,入到去環裝修好靚,有中國宮廷式裝飾,中式圖畫,我深深比佢地裝修吸引住,因為我好鐘意中國風既。另外,地方又好大,吾會逼住逼住,一家大細,同一大班朋友去食都吾怕逼。跟住就點野食,朋友之食過佢介紹五樣野食比我地食,第一樣係必點既北京烤鴨,我食過咁多間北京烤鴨,係最最最好食既一間,鴨吾會好肥,包住鴨食既皮係同其他鋪吾同,你會食到佢地用心做既心,加埋青瓜絲,食洛勁清爽,唔會好漏,而且份量大,驚喜感超高,勁鐘意食,因為份量大最後食吾曬,打包番屋企再食過,正!我十分推薦大家食尼個,之後二樣叫咗個咸蛋鍋粑,超脆口,好有食咸蛋味,食完一口又想再食,最後我地又叫多咗一份黎食。第三樣係個蕃薯苗菜,正正常常的一個菜,健康首選,第四樣叫咗個韭菜餅,大大舊,好有滿足感,最後係蔥油海蜇皮,勁開胃,食到都停吾到口,食物全部都好好食,下次再去,再可以試下其他。特別係老北京炸醬拌麵,因為可以食,又可以放上網呃LIKE !呵呵,岩岩至食完又諗定下次食咩,因為CP 值真的很高,哈!服務方面,待應好好,會放食物放得好好,專比我地呢相機食先既港女影相呃LIKE,而且會主動加水。另外我地要打包,要拎盒,待應好好,我地叫拎盒時無要求要大位盒,哥哥仔拎咗黎都無黑面, 再去拎過比我地,仲幫我地包好,一百分滿分呀! 繼續閱讀
(以上食評乃用戶個人意見 , 並不代表OpenRice之觀點。)