京饌 (已結業)

平時好小係apm既餐廳食下午茶，因為覺得一定貴過工廠車區個邊。但今日同家人( 長者)，唔想佢行咁遠，係apm睇左幾間之後決，錯誤決定左食呢間..... 下午茶餐係一個主食加一個小食，冇餐飲我食左排骨麵+小龍包，排骨好像屋企平時炆豬腩肉既味道，而且好多肥膏，冇咩肉食。小龍包個皮有d硬，入面都有肉汁。家人食炒麵同燒牛肉，炸麵分量唔多，味道普普通通得。燒汁牛肉原來係幾塊牛腱... 分量好少咁就收左六十幾蚊，早知食同都齊場內既泰國菜

今晚約左成班朋友食生日飯，突然好想食上海菜。朋友就搵左呢間話幾好食！我地已經預先訂左枱，無限時，岩哂我地食飯吹水！門口望落去有古典感覺,整齊。一入去裝修幾雅緻，好多圓枱。又吾會太迫。我地被安排坐窗邊圓枱，望落去係地鐵站🚉餐牌食物都好選擇，又有套餐揀。。我地就揀左以下食物:小籠湯包:一份4隻，望落好多汁，一咬落去肉汁咇哂出泥！好好食！片皮鴨:有2份鴨，一份蒸皮。份量都算多！片皮鴨食落有肉癡住，吾會太油，好食！醉鴨肝:食落好有酒味，好粉。釀得好入味！不過我食左一小舊，因為吾太中意食肝。但朋友就話好好食！食左2件咸蛋黃米通:好食，勁有蛋黃味！脆卜卜，吾太感，仲好香！叉子燒餅：好中意自己放啲肉碎入去。塞到滿滿，一啖咬落去。好味！羊肉:好有羊蘇味，我覺得羊太肥啦，吾好食，肥膏好多比目魚頭大魚鍋:我都吾記得正確叫咩菜名，呢個係侍應姐姐介紹。大魚頭配荀，冬茹去炆。真係好大碟！好大個魚頭！估吾到甘大個魚頭炆得好入味，魚頭都好多肉，好食又香！不過我就吾太識食，朋友都食到lam lam利，話好多骨膠原，哈哈😄食完正餐都已經好飽，再食個甜品🍮酒釀湯圓:湯圓入面有芝麻蓉，好味，又吾甜。桂花味好濃，好食拔絲香蕉

今晚好想吃担担麵，選了这間，裝修颇有特色，可惜食物卻令我好失望！京川菜的基本菜担担麵，湯底微辣無香味，麵應該是另外煮，然後放湯，完全冇担担麵的感覺，又無肉碎，花生醬少到差不多吃不出來～失敗普洱茶，只有茶色，無茶味～失敗鮮肉餃，这是比較好，饺子是全肉，無菜的～這樣的餃子也是第一次吃牛肉粒炒年糕，年糕像乾貝的細小，牛肉粒無香味，唔知想点～失敗成餐飯食得好唔开心最後，付款，个侍應不會放單在檯上，在半空，要自己拿到放檯上，到我比了信用卡，她交回來，竟然放在我老公那边，有没有搞錯，前後不到2分鐘，連基本服務都欠奉，失敗！等執笠吧，不要阻礙大好的鋪位！

午飯來左呢間， apm 來講唔使點等位的選擇。午市套餐都唔少選擇，有客飯和小菜或炒粉。已經包含很多大路的京滬菜式，例如紅燒桂花魚及上海年糕等等。大約$70-$80 一份，價錢尚算合理。三人行，我地叫左：排骨炒粗麵 $80紅燒排骨份量多，有骨落枱但仍然有啖啖肉。粗炒夠鑊氣，味道適中，夠乾身唔油膩。加入的配菜有小白菜及竹筍，火候控制不錯，整體而言幾完美。京蔥爆牛肉 $70三碟之中份量比較單薄，炒埋唔算大碟。牛肉都大片而且嫰滑冇筋，味道咸淡得宜。京蔥數量夠多，新鮮清甜又入味，好有驚喜。整體味道不錯，唯獨個汁同排骨粗炒好似一樣，食食吓有點悶。白飯轉菜飯加八蚊一個，大碗，唔油，唔算多菜，正常冇驚喜。除非真的好喜歡菜飯，否則可以慳返。香豉芋頭炆鴨 $70芋頭夠粉夠淋夠入味，而且睇得出用左好多香料來炆，讚 ！ 鴨是骨多肉少，可能剛剛分配到的部位問題（頸、胸）可食用的部分不多。可以話唔好彩，唔係好夠食。

早上心血來潮，想食片皮鴨，睇下openrice 見到京饌既填鴨幾多人讚好，之前我幫襯過呢間店一次，都無為意有填鴨，於是拿拿聲打電話訂座。星期六晚市分2時段：18:30 或 20:30，用餐限時90分鐘。如有心想光顧，最好訂位，因為當晚我地抵達時已見有人等位，但無晒 walk in 位，最後那位食客等到第一輪檯有人走。。。7點幾才能入座。座位方面就比較逼，會有櫈貼櫈情況。侍應方面，普遍ok，尤其serve 我地張檯果位伯伯，笑容可掬。由於今晚為填鴨而來，我地得3條，一定要控制自己不能叫太多，免得辛苦了腸胃。最後我們點了3道菜：1. 填鴨：一定係一隻，無半隻。要等30分鐘才有得食。我地張檯剛好望住玻璃烤鴨房，隻隻都好有光澤，仲見到師傅將鴨放入烤爐。點解5叫片及鴨，我估因為師傅連肉片出來吧。鴨上檯，賣相好掂，5算太油膩，鴨皮都脆，蘸醬汁好好味。唯一要改善就係包鴨既皮，沒有小火灶保溫，結果很快就涼了。2. 小籠包：一籠4隻，皮算薄，包內多湯汁，我like~3. 雞c 粉皮(呢個我有 coupon送)：保持味道，芝麻醬5知係咪超市賣果隻呢？茶錢位位 $12我地都好滿意今餐既味道，但都過飽。。。。

平時比較小吃京菜，今日行完公司，行到 京饌 ，在門口的菜牌所吸引，便入去試試。叫了一個 黑白芝麻擔擔冷麵，味道與口感直得一贊，以芝麻醬加少少醬油，味道一流。另外是雜果糖醋菘子魚，京菜就唔少得啊，買相與味道都好好，略嫌醬汁比較酸了少少。點多了一個什菇扒小棠菜，一般菜式啦！兩個人食 $594 ，都算係咁啦!

雖然無法和北京的全聚德和四季民福相比，但在香港，總算是一間比較好的北京菜。例如有驢打滾，雲豆糕和甜蓮藕就是一般香港的北京菜館無的。吃北京菜又點可以錯過北京填鴨，我覺得水凖都很好，皮薄和不肥。但是，最好味和必吃的，算是甜品併盤，$90 很靚的甜點組合，和很美味的甜品實在不可不吃

難得有空跟朋友聚在一起一行人唱完k來到這叫了四個小菜北京烤鴨全隻（需要半小時）- $380外皮香脆肉質鮮嫩不油膩配上山渣及青瓜醬汁完美的組合炒露荀蓮子苦澀中帶點甘味配搭木耳口味清新口味清淡我挺愛這道菜的牛柳粒味道濃郁份量有點少肉炒得有點老年糕太小顆要是大顆一點口感會更好小籠包能做到皮薄咬下去那湯汁包得很好但就是一般的小籠包整體食物不過不失但服務就差了一點特別是門口接待處職員態度其差呼呼喝喝的需要改善

難得有空跟朋友聚在一起一行人唱完k來到這有茶位跟加一但他的普洱茶也挺好喝的叫了四個小菜北京烤鴨全隻（需要半小時）- $380外皮香脆肉質鮮嫩不油膩有山渣跟青瓜作配菜醬汁也夠入味炒露荀蓮子苦澀中帶點甘味配搭木耳口味清新口味比較清淡的人會愛上這道菜牛柳粒味道濃郁份量有點少而且肉炒得有點老了年糕太小一顆了如果大顆一點口感會比較好小籠包皮薄做得不錯整體食物味道不過不失上菜速度快就是服務差了一點特別是門口接待處職員態度其差需要改善

$380🦆 片皮鴨極速二句食評:片皮鴨($380) -85/100 份量多 味道好 CP值高 值得一試 若能切出更多脆皮會賞心悅目 小籠包-90/100 名正言順的皮薄餡靚，香濃湯汁伴在肉餡四周，非常滿足雞絲粉皮($68) -65/100 雞絲及粉皮彈牙清爽，屬於中上級，但麻醬竟與我們熟識的日本BB芝麻醬一樣友人特別愛吃片皮鴨，連生日飯都要求吃片皮鴨。一次來到位於APM的京饌，二人入座，給予細椅，限時用餐一個半鐘，這大概已經成為香港飲食文化一部份。一坐底，友人興奮地點了一隻片皮鴨（沒有半隻或例牌提供），等了半小時，一上枱並沒有令我們失望，二大碟片皮鴨連左右鴨髀，令我們雙眼發亮，感到相當滿意，蒸籠上的手工麵皮，眼看以下造得非常薄片。閃閃發亮，充滿油光的脆卜卜鴨皮手工麵皮也十分吸引！包好，一口吞下，極為滿足。皮薄至晶凝通透，可見湯汁飽滿。用筷子夾起便知湯汁有沒有！來吧！到我的嘴裡去！這一籠4隻小籠包的確沒有令我們失望，無論是小籠包皮的薄片程度，還是湯汁的飽和度和香濃的味道，都令我們十分感動。$68 雞絲粉皮雞絲及粉皮彈牙清爽，屬於中上級，但麻醬竟與我們熟識的日本BB芝麻醬一樣，欠缺中式感覺

今日又襯兩老去左旅行，我地兩個又自私食！突然好想食上海野，但依家官塘都真係冇咩選喇 😤坐底後有午餐餐牌，有前菜同主菜，每人點一個餐 🤣🤣 選左 雞絲粉皮，粉皮好 Q！佢地個麻醬調教得好好！勁香！入口亦都唔會好滯！多少少青瓜就好喇 🤣隻佬叫左擔擔麵...佢只係答我得麻醬味...早知就乜乜乜啦 🤣而我叫左粗炒，我都覺得差左！唔夠濃味！好淡咁！鑊氣係有既！但濃油濃味先係上海！菜同豬肉絲都唔夠多！麵既份量就好多 🤣仲有小籠包，呢個反而讚一下！夠熱同夠湯 👍🏻

朋友生日 BOOK左呢間食~ 去到坐左去勁遠 ~ 想揾人落單都無人囉~ 之後自己去叫人寫野~ 叫左個SET ~ 樣樣都有D可以食~ 北京填鴨係不錯~ 份量都很多~ 包埋一齊好好食~ 炸魚都好好食~ 脆脆的 食到不停口~ 冬瓜粒湯都不錯~都幾足料~ 大蝦真係比想像中仲要大~ 而且好多蝦肉~ 而其他野食就真係好一般~年糕牛柳粒就好怪~　最後仲有個甜品~ 食物就普遍還可以　~ 有D係不錯~ 但服務態度就覺得要改善下　~ 

再戰京饌，當然要兌現自己既承諾，試下佢個北京填鴨啦等左廿五分鐘到，北京填鴨終於上台啦！其實一放低，就賣相而言，同我想像既有啲出入。睇食評見到果啲皮會多啲同燒得金黃啲嫁喎見到隔離台遲上既果隻大隻啲，皮又燒得靚啲，我地哩隻鴨應該係鴨仔黎，偏瘦既可能我地運氣冇咁好啦，雖然有些少失望都即管試下佢，話曬大家食過都讚好嘛～先講下主角填鴨先啦！鴨騷味，我個人就覺得鴨冇咩騷味既，但同伴就覺得有啲騷，不過都係係接受範圍之內。鴨肉，單就鴨肉而言，肉質燒後尚算嫩滑，可能未係十分juicy果種，咬落去唔會鞋口，做得唔錯。都係果句，我地隻鴨較瘦弱，唔夠澎湃；又或者師傅切曬啲肉啦睇下果兩隻鴨脾，其實係得啲骨，好少肉咬鴨皮，鴨燒得唔夠均勻，唔同部位鴨皮既口感唔同，有啲位係香脆少油脂，做得出色既。但大部份鴨皮燒得未夠   火候、唔夠脆，切得細片亦佢變得失色。如果燒得均勻啲就好啦～值得一讚既係，鴨既皮下脂肪唔多，減少油膩感同罪惡感(見過朋友食既片皮鴨成塊都係脂肪，真係唔知點食)配料方面有青瓜條、京蔥同山楂條。青瓜條感覺唔太新鮮，爽脆度唔夠，切出黎既大細有出入，切得太薄既包係餅皮入面會冇咩口感京蔥正常，無特別山楂條質感偏

同同事開完會，之後就係公司附近食飯，同事介紹我食呢間，因為成9點，無咁多人等位，入到去環裝修好靚，有中國宮廷式裝飾，中式圖畫，我深深比佢地裝修吸引住，因為我好鐘意中國風既。另外，地方又好大，吾會逼住逼住，一家大細，同一大班朋友去食都吾怕逼。跟住就點野食，朋友之食過佢介紹五樣野食比我地食，第一樣係必點既北京烤鴨，我食過咁多間北京烤鴨，係最最最好食既一間，鴨吾會好肥，包住鴨食既皮係同其他鋪吾同，你會食到佢地用心做既心，加埋青瓜絲，食洛勁清爽，唔會好漏,而且份量大，驚喜感超高，勁鐘意食，因為份量大最後食吾曬，打包番屋企再食過，正！我十分推薦大家食尼個，之後二樣叫咗個咸蛋鍋粑，超脆口，好有食咸蛋味，食完一口又想再食，最後我地又叫多咗一份黎食。第三樣係個蕃薯苗菜，正正常常的一個菜，健康首選，第四樣叫咗個韭菜餅，大大舊，好有滿足感，最後係蔥油海蜇皮，勁開胃，食到都停吾到口，食物全部都好好食，下次再去，再可以試下其他。特別係老北京炸醬拌麵，因為可以食，又可以放上網呃LIKE ！呵呵，岩岩至食完又諗定下次食咩，因為CP 值真的很高，哈！服務方面，待應好好，會放食物放得好好，專比我地呢相機食先既港女影相

第二次來食，主要為了個烤鴨，即點即烤堅好食，可惜一定要全隻點，兩個人用餐，想點其他嘢都要就住點烤鴨全隻有成兩大碟，皮脆肉嫩，麵包都係即烤，香噴噴，但要快食，凍咗會硬；配料中的山楂條好正，中和烤鴨的油膩感小籠包，一客四隻，皮夠薄，睇得出師傅功力，一口一粒，爽，我一個人可食兩客😜魚香茄子，辣度適中，香口，下次要加點白飯擔擔麵，不過不失，以我這餐計，最普通，但麵條係唔錯，可選系列是夜連茶水，兩個人食咗六百幾，埋單時，侍應問有沒有渣打咭，原來渣打做緊promo，正價食夠五百即減二百，仲要係即時優惠，成餐飯食咗四百幾，抵👍👍👍