云手工火鍋店

營業中

休息中

天氣一涼左，要食番d烚下烚下既野暖肚，一般既打邊爐都食到悶，想食間有特色啲既火鍋店，就揀手工火鍋試試先。侍應首先遞上九宮格醬料格，點樣混醬都任君選擇。金湯花膠雞鍋✨呢個鍋簡直顛覆一般火鍋湯底既認知，一大片金黃色腐皮浮係湯面，專人幫忙剪開小塊後，發現湯裡面有足量花膠，仲有一大隻嫩雞！雞湯底係非常鮮甜而又無味精，未打邊爐都飲左好幾碗，仲有娃娃菜吸晒啲精華。牛肉拼盤（本地牛肉、安格斯、牛脷、牛心椗、牛胸爽、牛柳粒）心多既我地一眼就揀定呢個拼盤，加上乾冰噴煙既效果，超夢幻😍拼盤有齊6種不同牛既部位：本地牛係出名最豐富牛味，但又唔會太臊安格斯既油花就比較均勻，肉質都好嫩牛脷係薄切既，碌幾秒即食，腍得黎都好彈牙牛心椗係牛既大動脈血管，屬於幾罕有既部位，食落十分爽口牛胸爽個樣一片片白色，係胸腔肋骨中間d軟骨，同心椗一樣食落彈彈下🤣牛柳粒就相對平凡一啲，雖然無前幾款咁驚艷，但都粒粒有好雪花般既油脂，一啖一粒好正呀！黑栢葉號稱𤆥6秒就食得，不經漂白既黑栢葉少左化學野既洗禮，比較raw，但保留到牛栢葉原味同質感，點啲醬料食一流。咸蛋黃蝦丸呢個要𤆥得剛剛好，等咸蛋黃仲係半流心既狀態，爽彈既蝦丸配上蛋黃既鹹香

最近天氣涼返d, 又係openrice發現呢間火鍋店做緊優惠, 全單88折, 人均消費滿$200 仲送金湯花膠雞翅鍋, 見到免湯底費用, 即刻約fd訂位去食下!平時都要好貴先食到高質邊爐, 今次有禁好既優惠真係慳唔少!金湯花膠雞翅鍋放上檯面見到好華麗, 包到成朵花。職員仲有介紹外面係腐皮, 入面會有半隻雞、翅、花膠、娃娃菜等等。雞肉煲到最後都仲係好滑, 唔係好鞋! 剪好腐皮之後, 職員會加入雞湯, 煲一陣已經好香雞湯味!安格斯牛肉 $228叫左細份都好多牛肉, 牛肉味好出。個人覺得10秒仲有少少紅, 15秒就岩我一d!桶蠔 $168一放上檯哇左聲, 比平時食開既桶蠔大超多, 而且好肥美, 放落湯到滾完, 都仲好大隻, 連湯底都有鮮味!依呢個價錢都算幾高性價比!黑柏葉 $78呢隻係無染色既牛柏葉, 大約20秒左右就食得, 好新鮮爽口!紫菜響鈴 $88紫菜響鈴係個人私心推介!大大件響鈴, 入面包住紫菜, 食落好香紫菜味!黑松露餃 $68望個樣似係自家包既餃, 包得幾薄, 黑松露味好重, 食落好似唔覺得有肉, 菌類多!咸蛋黃蝦丸 $52叫左半份試下, 蝦丸個樣望落唔錯!咬開入面有咸蛋黃, 個

餐廳佈置得非一般的火鍋店， 設計時尚型格， 花上心思，座位舒適寬敞， 隔著透明大玻璃， 可以看到整潔廚房的運作， 令人食得更安心。 金湯花膠雞煲$368 招牌金黃色的腐皮包裹著半隻肥美的雞、 素翅及花膠，夠曬真材實料， 造型似一個大福袋， 店員先剪開腐皮， 再傾下鮮雞湯，水滾後， 湯底變成一片金黃， 並且香氣十足， 先呷一口湯底， 無比鮮甜， 帶黏黏的口感 ， 原來湯底用上十幾隻以上鮮雞長時期熬製出來的， 夠曬滋補養顏， 女士至愛， 腐皮好滑溜及充滿誘人豆香。老友鬼鬼$78 脆卜卜的油條， 中間釀滿蝦滑， 令清淡油條， 帶出好鮮味，別有一番風味。香菇貢丸(半份)$48香菇丸， 彈牙緊緻， 仲食到粒粒香菇， 津津回味。唐生菜$48 唐生菜新鮮翠綠， 灼熟後，特別爽脆香甜。鳳城水餃(半份)$48脹卜卜的鳳城水餃，外皮透薄，包著豐富鮮蝦和豬肉， 蝦肉鮮味爽彈。自家製黑松露餃(半份)$68 自家製黑松露餃， 外皮軟嫩 滑溜， 入口散發著陣陣黑松露香氣，格外吸引。鴨血$78 滑嘟嘟的鴨血，質感嫩溜之中帶 QQ彈牙， 越食越過癮， 我的至愛。椰青$48原個椰青水，入口比想像中更清甜， 冰爽解膩 ，

分享我在尖沙咀食嘅超高質火鍋，有一次經過加連威老道有員工派傳單,知道瑞生酒店三樓有得打邊爐 ,價錢十分抵食 .立即和同事去試試,一出電梯已有員工熱情款待！椰子雞湯好鮮甜，有好濃郁嘅椰子味！雪花牛肉有口感，非常鮮嫩！椒鹽淮山酥脆椒鹽茄子入口即溶總之一個字 好掂😄👍

📍 云手工火鍋店 之前天氣開始涼返 係時候打邊爐暖下身🤭小編就係早幾日去尖沙咀一間火鍋店打邊爐💓-金湯花膠雞鍋 $368呢個係佢哋嘅火鍋湯底🌟 有大大塊腐竹皮包住雞、花膠、娃娃菜、粉絲等材料😍啲雞食落去好滑 湯底好鮮甜🤩 仲有唔少花膠💓淨係湯底小編都飲咗幾碗牛胸爽 $138小編第一次呢款 食落口感軟淋 油油地嘅感覺鹹蛋黃蝦丸 $52叫咗半份 一共四粒 蝦丸食落去彈牙 中間夾住鹹蛋黃 但係食落去有少少乾身🤭如果中間轉鹹蛋黃醬應該好食啲自家製黑松露餃 $88一碟八隻 餃子入面勁多餡 而且餃子皮都好薄食落去黑松露味濃 中間仲有啲菇 好好味😍 大推！新鮮黑柏葉 $78一疊大約有八舊左右 就咁放落去滾兩滾就熟食落去有咬口 再配鮮甜嘅湯底都唔錯😆萵芛片 $58萵芛片一碟有十幾塊 咬落去少脆口 打邊爐小編一定都會叫菜🤪另外佢哋會額外收醬料費 有九宮格比客人任選擇🤓✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ ☆回頭率：★ ★ ★ ★ ☆抵食指數：★ ★ ★ ★ ☆

火鍋控的我今次來到尖沙咀新開的云手工火鍋店，環境雅緻座位寬敞，店員非常有禮貌，用心介紹每款湯鍋，手工湯鍋用上高質食材用心製作，來這裡打邊爐除了品嘗美味火鍋配料，還可喝到用真材實料熬煮而成的靚湯。金湯花膠雞鍋 $368用上一大片的腐皮包著半隻雞和花膠，還有一些素翅和娃娃菜，賣相很精緻。店員會先把腐皮包剪開，再倒入雞湯，湯頭是用上多隻新鮮雞熬幾個小時煮出來的，這煲雞湯都是雞的精華，滋補又健康，煮滾後先喝一碗雞湯， 雞湯味道濃郁鮮甜，花膠非常多塊，雞肉都很嫩滑，非常美味安格斯牛肉 (小) $228牛肉很新鮮，油脂分佈平均，肉味香濃，肉質軟嫩，很高質自家製黑松露餃 $68餃皮很薄，內餡是菌蓉，黑松露味香濃，很有特色咸蛋黃蝦丸 $52蝦丸彈牙有鮮味，咬開裡面是咸蛋黃醬，很惹味芝心牛丸 $52手打鮮牛肉丸很爽彈，中間是流心芝士，很香口

呢排天氣涼咗梗係要同朋友去咗打邊爐啦云手工火鍋呢間嘅湯底都好養生，我足料去煲，打邊爐之餘仲有湯飲，其他食物種類都幾多，味道都唔錯！我哋就叫咗金湯花膠雞鍋湯底入邊嘅材料非常多！好足料，淨係飲個湯同食入面啲食材都已經夠晒飽🤣🤣鮮蝦雲吞係佢地自家製嘅，好足料，又唔會太多味精。手打墨魚滑打邊爐叫呢啲就一定冇得輸， 而且佢呢度嘅墨魚滑都整得好好，食到粒垃墨魚粒係中間，夠彈牙！本地手切封門柳呢款牛肉非常好食，夠肉味之餘又唔會太韌😃

Ever experienced what being in a cloud ☁️ feels like? Check out Cloud Handmade Hot Pot! They offer variations of fresh seafood 🦞 (including sashimi) and meat 🥩! Their location is great right by The One mall. This restaurant is quite newly renovated with a modern interior. The service was also superb having waitresses checking on us consistently if we needed more soup 🙈 Recommend coming to satisfy those hot pot cravings 😋🌟🍲 金湯花膠雞窩 ($368) - soup base is so important for hot pot, and Cloud definitel

呢到打個邊爐都好高質素🥰🥰環境未試過打邊爐坐最爽最豪既一次大枱到呢唔使驚擠逼😎特別我呢個加加大碼同埋上野食都好有效率外野食擺盤都好心思而且食物質素非常之高，貴咩？但我覺得值得俾喎😍啲牛真係無敵一並望未食到口，已經blingbling眼擺到口咬肉味香濃 🤤🤤🤤忘不了又停不了同朋友約定左時間過幾日再食！食下其他湯底！佢個煲真係足料到同埋係連湯都飲埋架我地一啲都唔會味精味啖啖材料啖啖精華雞湯好飲到 你同我講油咩？唔好意思我完全唔在意 因為真係唔到你唔飲🤣🤣🤣😎

💡環境高級 湯底出色🥰天氣開始涼涼地，啱哂飲靚湯打邊爐。係尖沙咀見到有間新開手工打邊爐餐廳，環境勁舒適，乾淨衛生，一洗小編覺得打邊爐污糟嘅睇法！🍽 金湯花膠雞鍋 賣相好精緻，好大片金黃色嘅物體，原來係腐皮。剪開個腐皮，入面包住好多材料，有花膠、半隻雞、素翅、娃娃菜……好豐富。當加入金湯煲滾後，已經聞到好香花膠味。湯底真係好香濃、好足料，未食火鍋前，小編都忍唔住飲左幾碗😋 花膠口感好彈牙，雞肉就算煲完都保持到肉質嫰滑👍🏻🍽 羊肉片羊肉片切到好薄好輕身，淥一淥就食得，有羊味之餘又唔會有羊羶味，肉質幼嫰，食嘅時候加番小小自己配製嘅醬汁就更加美味。🍽 豆腐份量都幾多，而家好幼滑，淥一陣就食得，入口即溶，好香豆腐味，推介！🍽 黑松露墨魚丸叫左半份，有4粒，好濃黑松露味，又彈牙。混合埋墨魚味，好夾，好特別😋🍽 蔬菜拼盤想食得健康啲，打得邊爐點可以唔嗌蔬菜呀。入面有生菜、皇帝菜、白菜，蔬菜好新鮮。ps/只要透過OpenRice訂座，即可享全單88折。另外， 仲有幾間vip房， 可以慢慢同啲friend 傾住計chill住過。

/ /養生火鍋專門店🍲❣️開始轉涼啦，又係打邊爐嘅季節🤍#火鍋控 必嚟呀！連個鍋湯底都好正！環境優美，仲有好多間VIP房添👍🏻金湯花膠雞鍋🐔入面有腐皮、娃娃菜、雞肉、素翅！真係好足料，淨係飲個湯都飽哂啦！係我最愛嘅養生湯，仲有素翅食😻好鮮甜，真係忍唔住飲左兩碗！本地手切封門柳🐮呢個好值得食！份量都算好多！價錢雖然貴咗啲，但封門柳肉質好嫩口大概淥10秒，啱啱好，牛味重🤩手打墨魚滑🦑好彈牙，2人份啱啱好！中間仲有啲墨魚粒，好有層次口感！響鈴🔔真係好脆口！好新鮮！仲好大條，食火鍋緊係要叫響鈴啦！鮮蝦雲吞🦐呢個一睇就知係自己包！好足料勁大隻蝦，又唔會好重味精！

真係諗唔明香港人點解咁鍾意打邊爐，次次問親啲friend食咩，唔係打邊爐就燒嘢食🤣好啦，但又唔想食任食，搵左呢間好似幾正咁😋.🍴金湯花膠雞湯 $368喂呀個湯正到呢，未食過咁濃既花膠雞，搵腐皮包著半隻雞+魚翅+花膠，份量勁多，一開始先飲湯，真材實料，個湯唔會好重味精。.🍴即叫即炸炸魚片頭 $68 + 炸午餐肉 $68，有無人同我一樣打親邊爐都要食午餐肉🤣呢度仲有炸埋既，仲正，兩樣炸物都脆卜卜即刻食。.🍴咸蛋黃蝦丸 $52 半份手打蝦丸，咬落裡面係爆汁嘅鹹蛋黃，小心食會爆到周圍係。.🍴鳳城水餃 $48 / 鮮蝦雲吞 $48水餃雲吞都幾足料，仲有半份叫，岩晒兩個人每樣食啲。.餐廳應該新開無耐，裝修都好新，但人流都唔少，睇黎香港人都好鍾意打邊爐😂😂

約左勁愛打邊爐嘅舊同事，每次佢都帶我試新嘢，佢話入秋天氣涼涼地啱哂飲靚湯打邊爐，餐廳喺嘉連威老道嘅尖沙咀酒店3樓，地下裝潢好有特式！平時行過唔知原來係酒店🏨餐廳好大，座位濶落舒適，仲有VIP room，下次人多可以book定啦！打邊爐最緊要梗係個湯底，佢地招牌手工湯底有金湯花膠雞鍋、松茸雞翅冬瓜魚鍋、鮮椰青雞鍋等十幾種湯底。menu除左打邊爐食物，仲有刺身、海鮮同惹味小食，款式都幾多！🍲金湯花膠雞鍋 $368上菜時比佢嚇一嚇！好大片金黃色嘅物體！原來係腐皮～等我地打完卡，侍應會立即剪開個腐皮，入面包住滿滿嘅花膠、半隻雞、素翅同娃娃菜！跟住加入金湯去煲，湯滾起立即要飲一碗！花膠非常足料，口感彈牙香滑。半隻雞嘅雞肉十分嫩滑，連雞胸都好好食！加埋煲到個湯入哂味嘅娃娃菜，淨係湯底都食到半飽！ 🥩羊肉片 $138好少見打邊爐有羊肉，羊肉片切到好薄好輕身，淥一淥就食得，完全羊羶味，肉質軟嫩好新鮮！ 🍢手打梅菜豬肉丸 半份/$52 手打自家製梅菜豬肉丸，肉質彈牙又爽口，豬肉味香濃夾埋切碎嘅梅菜食好香口！ 🍢炸響鈴 $68 響鈴都係自家製，特別香脆可口！最後點埋 🥬蔬菜拼盤 $88， 午餐肉 $58，

夜晚涼涼地，梗係要拾下拾下，呢間湯底好特別，係手工精心餚製湯底，今晚就揀左佢嘅金花湯花膠雞鍋做湯底 先黎9格調味架，自選你喜歡嘅醬料，有麻辣、沙茶醬等🥣 金花湯花膠雞鍋足料花膠加素翅，再加半隻雞，放係大片腐竹皮入面，好似一個大福袋包住一樣，煲左一陣店員就會幫你剪開大福袋，再加精心餚製雞湯係個鍋度，即刻有好香濃雞湯味道🥰 本地手切封門柳每碟都有窩心指示牌，建議放湯10秒，牛肉味濃😋 羊肉片無羊羶味又幼嫩，放落鍋後加點醬油更加美味😋 手打墨魚丸🍢自家製手工墨魚丸肉質彈牙又爽口 咸蛋黃蝦丸🍡鐘意食咸蛋黃可以試下呢款 鳳城水餃🥟魚皮餃🥟兩款餃子都係火鍋必備😊

天氣涼左，即刻好想去打邊爐，云手工火鍋主打高質食材，而且湯底真材實料 湯底就揀左金湯花膠雞湯，大大塊腐竹皮包住花膠、素翅同半隻雞，花膠非常足料，仲有足料雞湯餚製精華做上湯，超正👍又有娃娃菜係入面 本地手切封門柳 $368湯底已經咁正，原來封門柳牛肉都好高質，肉質鬆軟味濃🥰，碟上仲有窩心指示放湯10秒 羊肉片 $138薄薄羊肉片，唔覺有羊羶味，好幼嫩，加左醬料更加美味😋 手打墨魚丸🍢$98手打自家製墨魚丸果然唔錯，肉質彈牙又爽口 咸蛋黃蝦丸🍡$52仲有特色蝦丸包住咸蛋黃 鳳城水餃🥟$48皮薄水餃，入面仲有鮮蝦 魚皮餃🥟$48唔錯嘅餃子，火鍋必備😊