云手工火鍋店

營業中

休息中

💡環境高級 湯底出色🥰天氣開始涼涼地，啱哂飲靚湯打邊爐。係尖沙咀見到有間新開手工打邊爐餐廳，環境勁舒適，乾淨衛生，一洗小編覺得打邊爐污糟嘅睇法！🍽 金湯花膠雞鍋 賣相好精緻，好大片金黃色嘅物體，原來係腐皮。剪開個腐皮，入面包住好多材料，有花膠、半隻雞、素翅、娃娃菜……好豐富。當加入金湯煲滾後，已經聞到好香花膠味。湯底真係好香濃、好足料，未食火鍋前，小編都忍唔住飲左幾碗😋 花膠口感好彈牙，雞肉就算煲完都保持到肉質嫰滑👍🏻🍽 羊肉片羊肉片切到好薄好輕身，淥一淥就食得，有羊味之餘又唔會有羊羶味，肉質幼嫰，食嘅時候加番小小自己配製嘅醬汁就更加美味。🍽 豆腐份量都幾多，而家好幼滑，淥一陣就食得，入口即溶，好香豆腐味，推介！🍽 黑松露墨魚丸叫左半份，有4粒，好濃黑松露味，又彈牙。混合埋墨魚味，好夾，好特別😋🍽 蔬菜拼盤想食得健康啲，打得邊爐點可以唔嗌蔬菜呀。入面有生菜、皇帝菜、白菜，蔬菜好新鮮。ps/只要透過OpenRice訂座，即可享全單88折。另外， 仲有幾間vip房， 可以慢慢同啲friend 傾住計chill住過。