九重鮮 (已結業)

這天晚上, 又來到九重鮮吃晚餐. 有水準的地方, 不妨一吃再吃.這一次吃的是仁川塔, 每位$888, 兩位起. 當然由湯底開始介紹, 韓式豬手湯是個底, 有豬手, 年糕, 白米, 仁川塔還特別添加馬卡, 花膠, 以及螺頭等等, CEO當然吃得高興.等吃, 不如來客象拔蚌刺身吧, 新鮮的象拔蚌, 很彈牙, 一客份量相當之多, 真的是吃極都有, 爸爸媽媽也吃得很高興.正式開始攻塔, 由泡菜和牛卷開始, 很喜歡此品的平衡, 和牛本身已經很有水準, 加上泡菜, 微辣, 整體感覺刺激得多.岩鹽火焰海蝦, 表演位, 玩火, 甚麼時候也有市場. 海蝦很爽彈, 帶微微的酒味, 還有岩鹽的味道, 精彩.韓國菜, 吃人參雞很正路, 而這客柚子人參雞, 雞肉超級嫩滑, 而柚子跟人參的組合, 很匹配.接下來的一層有蜜餞麒麟鮑魚, 白玉扣遼參, 以及日本南瓜. 當然以蜜餞麒麟鮑魚最為吸睛, 鮑魚份量十足, 蒸完也不會覺得過老. 另外, 白玉扣遼參已經很稔了, 有水準.添加了黑豚肉, 一客$138, 很肥美, 跟和牛相比, 各有特色.一客$58的蔬菜拚盤, 就是為小晴晴跟CEO預備, 其實單計仁川塔的原有項目,

記得在草帽蒸氣之前，曾經出現過的那個九層塔嗎？有很多時候，很多人講講下也會追問那個曾經流行一瞬間九層塔的消息，前年在大坑吃過一次，一直沒有機會再試，到前排這間食九層塔的九重鮮在黃埔開新分店的時候，我想起了這個曾經的潮流。我們很多時都會忘記潮流，在火鍋與草帽蒸氣鍋的中間，曾經有過的一個過渡，就是這個九重鮮的晚飯。九層塔係來自韓國，無論樣子格調水準等等其實都完全和蒸氣火鍋爭一日長短，你記得嗎?我唔明點解big pan有熱潮，太陽的後裔有熱潮，都敏俊C有熱潮，就算食平野食Junk food的部隊鍋都有熱潮，就是這個九層塔做極都唔起。我特別喜歡寫火鍋，因為我經常喜歡拾下捨下，而對於這些新鮮的方式，我更加有興趣，可惜那天看看下自己的文章才發現，原來我還沒有為這間餐廳寫過一篇文章。奇怪自己為什麼沒有寫，是因為想不到題材，是因為不見了那些相片，是因為我像其他人忘記了他有這個好的選擇，我想不到，但今天當我看到電話有幾幅影得滿精緻的相片時，我寫幅情書看你記得曾經和它有過這段情沒有.....第一層為蟶子，加上的是蕃茄仔和韮菜花，絕對是你少見的做法，不過，那條蟶子卻是如美空雲雀般亮麗，那些蟶子大條彈牙新鮮的

近年流行海鮮蒸煱，試過坊間不少蒸煱，質素都是一般，今次試試這個正宗韓式蒸煱。點了一個人参鷄粥底九層塔，首先店員將粥料放在最底層，包括半隻鷄、米、湯和蜆等，令人十分期待！等待幾分鐘便由店員一層一層打開品嚐九種不同海鮮，由蟶子開始，之後是八爪魚、扇背、蝦、蟹、蠔、花甲和鮑魚，總括來說都十分鲜甜，且份量十足！尤其是蟶子，非常新鮮甜美，肥美嫩滑，口感十足，有咬口但又不「韌」，火喉控制頗佳。到了我最期待，吸收了所有海鮮精華的粥底！⋯⋯真的沒有令我失望，經過了一個多鐘「練製」的粥底不但有非常濃郁的人參雞味，而且有海鮮的甜味，很綿很滑，可惜大家都後勁不計，只吃得下一大碗，餘下差不多一半要帶走。另外，我們也叫了韓式醬油生蝦，今次是第三次在香港食生蝦，這個醬油的味道跟在韓國食可以比美，且蝦肉爽口，值得推介！最後要批評一下，雖然食品質素幾好可是服務就要改善了！晚飯時段爆滿，好多時候都要呼叫幾次才有回應，而且由於有朋友遲到，我們想先上前菜但給拒絕，不是中級食肆應有的服務態度。

最近的生活真係有d閉翳， 一年前買的股票唔生性；英國的公投又攪到蝕左一頸血；收到政府的綠色人情(你明白的); 夠期還學生貸款；成世唔去日本都上唔到樓.…不過是咁的， 是日娘親生辰大日子， 暫時都將d唔如意野抛開，開開心心食餐豪的。見到食評對九重鮮係一致好評，而剛剛娘親又想一嘗蒸海鮮的味道，所以就決定試下佢的真本事。老老實實，間舖真係好。難。揾。 比佢眼前呢個指示牌呃左我行30分鐘，去到屋苑入面問管理員，佢哋都剩係話唔知道吖，大佬，35度天氣下，放工仲要同你周圍揾路，果下都幾難頂。幾經辛苦終於揾到路，不過已經行到身水身汗，飲杯清水冷靜一下先。舖頭睇落都幾大，側邊仲有卡位可以坐。本身對呢度感覺都好正面，旦偏偏一坐底就見倒幾隻昆虫仔行黎行去，感覺即刻打折。睇一睇佢個menu, 佢分左幾種唔同價錢的塔。有首爾，斧山，濟洲，仁川， 海鮮塔，價錢由268 至888 都有， 另外有個粥底可以揀的，免費的有人參雞，豬手，泡菜，另外的要加錢。餐牌都有介紹食的時間同注意事項，簡單d講，等到85度可以開始，海鮮的汁可以沿旁邊流返最底層，食海鮮都唔需要點醬汁。今日另外追加左一盆菜，盛惠58銀兩。分別揀左首爾

近日小晴晴身體不適, 照顧她, 我們睡得不好, 博文也有多天沒有更新. 當然, 小朋友還是優先的, 只要她健康成長, 其他的, 不算重要. 說回上星期的晚餐, 就是來到九重鮮吃九重塔. 是晚一家五口一同前來, 這次吃的, 是新品, 仁川塔.仁川塔 $888: 9分, 因為是晚要吃的很多, 店方就把食物分兩次上, 把九重塔分開, 也好, 不用吃得那麼急. 或許大家也知道, 吃九重塔, 是一層一層的吃下去,鮮味每層添加, 但也要爭取時間, 吃得太慢, 就影響了食味. 分兩次上, 正好解決這個問題.湯底繼續選來韓式豬手湯, 招牌嘛, 主角是豬手, 再配上年糕, 白米. 仁川塔還特別加上馬卡, 花膠, 以及螺頭等等, 相當豐富的材料.先來的是象拔蚌刺身, 象拔蚌相當新鮮, 質感爽彈, 切得夠薄身, 份量十足, 愛吃刺身的, 一定吃得很滿足.接下來的是泡菜和牛卷, 吃法是把泡菜放在和牛中間, 卷起來吃, 辣辣的, 很惹味, 但又能夠吃到和牛的肉味.這時候, 是表演時間. 岩鹽火焰海蝦, 一時間, 火光熊熊, 視覺效果一流, 海蝦肉質爽口, 彈牙, 帶岩鹽的鹹香, 更有酒香, 相當美味, 很有驚喜

慶祝生日，是尋找美食的最好理由。今次主角好想食層層蒸，於是搵左今次呢間～呢間鋪頭好好，可以揀每人預算幾錢，裡面有咩食物，咁就唔怕埋單時超出預算。我地揀左每人$3xx果個餐每一層都會配上菜或蕃薯之類，可以減輕「流」既感覺。最正係最低果煲粥。第一層 第二層第三層第四層第五層第六層第七層第八層第九層第十層最後一層

知道呢間受歡迎成日爆滿，所以早於大半個月前已經book定枱。今晚我地叫左一個《海鮮塔 $398》，入面有：。🦀鮑魚/蟶子/海鮮/大蚌/元貝/海螺/象拔蚌/大花蛤/北寄貝/沙巴肉蟹/蝶蝶蚌/花尾龍躉/日本南瓜/日本蕃薯🦀。🍲粥底:我揀左人蔘雞湯🐔。喺開始蒸之後店員會再雞、年糕、花甲放入最低層，雞釀左人參、糯米，等上面甘多層既海鮮精華滴落去變成一窩超級鮮味既粥底！。枱上有3樣醬汁，喺比你點唔同既海鮮食，但店員建議唔使點醬食，因為海鮮本身已經夠晒味。。原來食海鮮塔時間的掌控好緊要，因為等塔上既溫度計達到90度後，就要5分鐘食一層，而枱上已經有一個漏斗比我地計5分鐘，都幾好玩～。每層放入唔同既海鮮令人好期待。除左海鮮外，其實入面都有菜、日本甜蕃薯、南瓜、津白、車厘茄。令成餐平衡左亦豐富左。。海鮮全部都好大隻，而且肉質鮮甜而且彈牙，尤其是花尾龍躉嫩滑可口，真係唔使點醬汁都好夠味！一食落口嗰種海鮮味好濃，而且食得出每款海鮮既味道分別！。食晒所有海鮮之後到最底嗰層就係已經煮得入味、又吸晒所以海鮮精華既人蔘雞湯粥底勒！嘩，一食落口真係無得頂，喺出面真係食唔到嗰種零味精既鮮甜濃味！店員夾開雞入面既釀料比

男朋友愛吃海鮮 放假一齊去挑戰下九重鮮 食海鮮大餐😍看到這個外牆就知道找對了路門面的裝潢十分韓味，門口有些魚兒游來游去的射燈，很過癮。前菜豆同泡菜，泡茶辣得好過癮，食完好開胃仲有碟醬汁，海鮮本來已經好有鮮味啦，可以先試左佢原汁原味先，食多幾層先點醬汁我地簡左人氣既首爾塔，簡完個塔就可以先簡粥底，有人參雞、豬手、韓國泡菜湯等。我地簡左人參雞既粥底店員先將雞同米放係底先，雞入面釀左人參同糯米再等多陣層層塔黎啦，尼個時候就係等食既時候啦要等佢到90幾度就可以開餐啦！第一層係蟶子同象拔蚌咩都唔洗點就咁原汁原味已經好好食了，好鮮味第二層係大大隻元貝、海蝦同金菇。元貝蒸得岩岩好😍唔會蒸到硬晒，上面有d汁可以倒埋落去做粥底又得自己飲埋佢又得！我就倒一半飲一半，真係鮮甜無比😋至於金菇都好入味，好味～海蝦肉質好彈牙👍好新鮮，仲食到一隻有膏啊，超級正第三層係龍躉、北寄貝、西蘭花、木耳。龍躉既肉質非常嫩滑仲係無骨既添，真係想整多幾舊。北寄貝第一次食蒸既，原來又幾正wo.我覺得比刺身還要好吃第四層係沙巴肉蟹、花蛤、大蛘、木瓜、本菇。蟹已經分好左幾分，食得更方便呢👍蟹膏真係好味，雖然膏唔算太多，木瓜又幾清甜多汁

一直想試海鮮塔，為咗滿足自己，仲去買咗個電子蒸塔返屋企試。終於搵到朋友一齊去食正版的海鮮塔喇今次我哋去咗黃埔的九重鮮，試吓佢個首爾塔真係足足有九層，同屋企的四層真係天與地。蓋面仲有電子溫計，等…等…等…終於到85至90度，開餐喇！！第一關大佬係蟶子同象拔蚌，又鮮又甜，剛好熟，唔會老，好爽脆第二關大元貝，元貝殼牌所有的精華盛載著，正整到大家忘記精華要留給下面打終極大佬第三關海蝦配金菇，玩咗三關，啲蝦熟嘅時間仲好match，既鮮味又彈牙第四關龍躉同北寄貝，咩北寄貝唔係配壽司，點解會喺度出現，仲要爽！！再配大大龍躉肉，補充番啲骨膠原第五關花蛤同大蚌，呢一刻戰鬥力開始下降，但係隻手不自覺將眼前的敵人一一送入口中，勢要打爆機。第六關喇見到我嘅天敵，蟹，我要召喚拍檔幫手第七關鮑魚，我要滿血復活，見到大鮑魚，點可以停，難得經過七關，肉質仲係咁鮮嫩，彈牙，再加上充滿海鮮精華的白蘿蔔和蕃薯，已經唔記得自己已經好飽。第八關海螺、南瓜，無添加的螺，真係另一番的風味。終極第九關豬手湯底粥，味道勁鮮甜，因為集合咗之前八關大佬的靈魂，果然係終極大佬，承受著爆肚的威脅，都要食兩碗

過去一年蒸汽鍋可謂大行其道，猶如雨後春筍，開得遍地，連好多酒樓都轉型加入戰團，都咪話唔激烈。不過，正所謂汰弱留強，九重鮮我認為喺其中一支「強隊」，皆因舊年年中由佢哋較先引入九層塔海鮮蒸鍋，經過一年，跳出大坑，再晌紅磡開分店，足證實力所在，可謂未卜先知，不容忽視 。門口擺着九層塔蒸鍋，已成為其生招牌。因為本身都幫襯過大坑店，知道都好旺場，所以，訂枱於紅磡店時，都選擇訂早啲，一來人客無咁多招呼可能到位啲，二來早啲嚟心態上覺得食材都大機會揀手啲，哈哈 。此外，晌門口嘅易拉架所見，仲有啲午市套餐（$58-$68），另加$15更可享1小時自助少律吧及任添啡茶，如果食海鮮塔可享八折優惠。對比起大坑店，依度真喺大好多，座位編排都闊落啲。新簇簇嘅裝修，一室暖木色系，予人柔和溫暖。最鍾意挨牆嘅卡座，騷擾度較少，不過，嗰啲算為6人座，我哋則只有4人而已。餐枱下面有個位可以放吓袋或背囊，唔夠擺嘅話，佢哋仲有啲儲物盒，咁就唔使將背囊放晌地下啦 。大廳夠大之外，仲有幾個廂房，裝修幾骨子，好適合一大棚老友聚一聚，或一啲大家族搞活動。不過設有最低消費，每人$600，我等慳鬼都喺坐大廳可以喇！睇睇餐牌，基本上無

最近好流行蒸氣火鍋，唔少放題同酒樓都推出左蒸氣火鍋。之前食過放題既蒸氣火鍋，覺得不過不失（可能因為唔係正宗既關係）。但係我又好想試下正宗蒸氣火鍋，男朋友就搵到間食蒸氣火鍋既專門店-----九重鮮。餐廳以簡潔大氣的木材作主題，而餐具都是跟韓式的鐵碗。每枱都有韓式小食，免費仼添。海鮮塔共有三款選擇，我們選擇了中價類別的首爾塔（$398 + 10%，兩位起)我們都不飲酒，所以另外叫了韓國橙汁！第一次飲呢個牌子既橙汁，好好飲！我最滿意就是店員的服務，很熱心地教我們如何吃這個首爾塔。第一次吃如此正宗的蒸氣火鍋，令我好興奮。塔頂有個温度計，85度就開始可以食。店員說精準地計算首爾塔的溫度才能夠食到最鮮嫩的海鮮！第一層有蟶子及象拔蚌，伴點車厘茄、絲瓜及菇菌。蟶子好鮮甜，可以想像到佢係好新鮮，完全可以不用沾醬汁！第二層有帶子、蝦。我最中意個帶子，大大粒而且肉質鮮嫩！第三層有蟹、花甲、青口、魚、南瓜及雲耳。估唔到有蟹食，而且隻蟹係有膏添！第四層有鮑魚、螺、大蜆、南瓜、粟米、娃娃菜、蘿蔔、冬菇及蕃薯。食左咁多海鮮終於有啲菜食下，啲菜擺係第四層可以吸收埋上幾層既海鮮汁，令娃娃菜、蘿蔔更加鮮甜！最底下一層就係

睇電視有介紹過好高一層層既海鮮塔, 經朋友介紹, 就去左黃埔既一間食海鮮塔既餐廳~雖然唔近地鐵, 交通唔算方便,但其實附近都有好多巴士可以去到~本身自己好中意食海鮮,但係出面餐廳食,通常都係海鮮價,分分鐘食到超哂budget落樓。但係呢間「九重鮮」就係一個價錢,可以食到好多款唔同種類既海鮮,而且係以「蒸」既形式烹調💦一坐低, 侍應就送上沙律前菜, 同埋四款韓式小食.檯面上除左一支水同Menu外,仲有一個5分鐘計時既沙漏, 因為每層既海鮮塔都要依建議食用時間內進食, 咁先可以食到最好食既海鮮!門外更設有幾套韓服供客人拍照留念------------------------------【首爾塔】HK$398/位 (兩位起)整座海鮮塔係要蒸至90度（有溫度計探測,保證溫度正確）先可以食第一層,而且食店會建議我地食每層海鮮要係指定食用時間內進食,所以我地就可以食到原汁原味既鮮味,海鮮好新鮮,鮮甜肥美,唔洗點豉油都已經好好味。除左海鮮外,仲有蔬菜伴碟,估唔到連菜都吸收到海鮮既鮮味,好清甜👍🏻👍🏻精華所在就係最底層既粥底,從上面多層既海鮮蒸氣水一路流到最底部, 我地今次揀左個「人蔘雞湯」既粥底。當