九重鮮 (已結業)

單一層果啲蒸海鮮之前都同同事食過今次啲同事話食蒸夠九層既所以搭新果條地鐵路線黎左依度店鋪都好大我地揀左首爾塔果個餐再選左豬骨粥底所以最初未放蒸籠時先放左米同豬骨落最底層蒸籠送黎嚕，九層咁高好彩對面位果個唔係同自己好熟如果唔係唔駛傾計等左五分鐘度已經可以開蓋由最頂層開始食了一開蓋第一層就係大蚌同蟶子皇，賣相好吸睛，食落肉質爽口鮮甜，夠哂大大隻花甲食得出好新鮮，入口完全無沙，配埋甜香木瓜一齊蒸沙巴肉蟹既外殼比較容易咬碎，可以直接用筷子夾住食，蟹肉味道清甜仲帶少少膏，好味第一次食清蒸海螺，入口有少許海水味，沾左醬汁一齊食都唔錯，食件日本南瓜清一清，質感粉得黎好甜最後食埋個豬骨粥，好飽好滿足

第一次寫食評,原因真的覺得好味,所以想同大家分享下.因為老婆中意食海鮮,之前一直聽好多朋友講話九層鮮幾好,幾好, 所以星期日就一家三口黎試下,環境坐得都很舒服,一家三口叫左5層既首爾塔. 海鮮塔分了五層.鮑魚、蟶子、海蝦、大蚌、大貝、海螺、象拔中蚌、大花蛤、北寄貝、沙巴肉蟹、蝴蝶蚌、新鮮花尾龍躉、日本南瓜、日本蕃薯..等左 一陣就上塔,速度都算快, 仔仔見到仲好開心,但係自己當時係唔知應該點入手,嘻嘻,因為本人都係第一次食,好在餐牌上面及服務員會提示我地如何食法是最佳的.(塔面有個電子溫度計,當溫度到85度時可開始食用)而且服務員也提示不要蒸太熟,食唔切可以夾入保溫碗先慢慢食.食到最後一層,我覺得先係成個塔既精華,豬骨湯底粥. 由於所有海鮮既鮮味都入晒個湯底到,用既係珍珠米,所以特別香特別甜. 我們平均都可以一人食到兩碗.老婆食完話好滿足.另外,如果怕在等上塔前既時間冇野做,大家可以到自助吧拎一些餐前小食.咁就唔駛咁''齊''啦. 下次會再約一大班朋友再挑戰.真的食到好飽,份量很足.入秋啦,再次挑戰應該又會係另一種享受.

平時出去食蒸海鮮都習慣左每樣輪住蒸，食下等一陣又停下，今日約左成班好友又食蒸海鮮，依度係以韓式既蒸法，比平時所食開既不一樣，一次過用左九層蒸籠疊高一齊蒸，好有氣勢店內燈光充足，坐得舒服，門口仲有韓服衣架供客人穿著影相，有創意同幾搞笑有四款套餐選擇，我地每人叫左首爾塔套餐，係店既首嘗推介，有十四款食物另配一鍋粥底。外面設有沙律吧，係我地等緊蒸既時候，可以出去拎少許前菜填係胃先每款海鮮隻隻都勁大隻，第一至三層有蟶子、大蚌、海蝦、元貝、大花蛤，好新鮮，唔洗沾醬都已經好鮮甜，連個湯汁都飲埋，好味道之後幾層係夾雜左蜆類、海螺、龍躉、鮑魚、蟹同瓜菜，蜆螺食落新鮮無沙，龍躉口感嫩滑帶鮮味其中不得唔讚係日本蕃薯，入口超甜同香濃薯味，估唔到蒸都咁好食粥底叫左韓式豬手湯底，海鮮既所有精華集結係依鍋粥底，入面有豬手、年糕、蜆肉，濃郁又入味，入口又綿又滑，加少許白胡椒，勁香粥真係太大鍋，最後食唔哂打包左返屋企做宵夜，都有一大碗，真係足夠兩個人食

正所謂生日話事朋友生日話要食依間我地成班朋友入黃埔同佢食成大班人坐底都唔會同隔離檯碰檯我地點左首爾塔等佢送黎既同時店員放底左啲醬油海鹽麻油、秘製辣醬、柚子醬油我地揀左最底層既粥底係人參雞所以放蒸籠前，先放左米同雞先跟住就開始食可能因為高溫蒸既關係都唔係等好耐就食得了開蓋嚕好大隻蟶子同大蚌兩者都好大粒唔會好痴殼一啲都唔韌，好鮮甜再黎之後幾款海鮮樣樣都好新鮮由於佢係蒸出黎所以啲汁都仲存在係個殻度每當食到殼類既海產都飲左啲汁先食，好好味除左海鮮外每一層都有配埋蔬菜食感覺唔會淨食海鮮咁飽滯最尾食埋最底層既人參雞粥人參味唔算好濃海鮮既鮮味流晒落最底令個粥仲更加鮮甜

一行六人點左Citibank九折優嘅首爾塔餐，食物多到食唔晒要打包，海鮮質素都算ok，不過個粥底就比較失望，冇其他餐廳食到嘅鮮味，唔知係咪因為有九層，頂層海鮮嘅汁落唔到粥底。食完諗住走，個男職員話卡機壞左，只收現金（個餐都$400一位）！等佢整卡機等左超過十五分鐘，催佢打去卡中心問佢又唔肯，結果我地要自己打Citibank customer service 佢地先肯同卡中心follow up！最後check單發現原本應該送醬油蝦，但從來冇食過。男職員話落單職員時應該講左變成送五花腩，um......又真係冇聽過......原來一開波送嘅幾塊肉就係送嘅......

祈望左好耐想食呢間既海鮮塔，但係食完好失望10月5日晚，我地一行五人（其中一個仲係美國返黎去食）叫左5份首爾塔再加一份和牛，個塔一黎我已經好祈待，但係啲海鮮食落口，就知道出事，啲魚有腥味鮑魚蒸過火，啲蜆，沙白，扇貝有啲有陣腥味，全晚最好味道就無蕃薯，南瓜，木瓜，雞粥都算啦，到我地埋單聽到隔離檯問先知用 Citibank 有折，咁梗係用佢埋單啦但係到我地行到門口先發現仲有醃生蝦送添姐係咁如果你唔想送就收起張宣傳單張仲有由我地入去到走都無講過有咩優惠會送啲咩我覺得咁生意唔得囉無下次

之前一直都好hit既蒸海鮮，用一層層的方式去將海鮮蒸熟，以保持完汁完味和那新鮮的感覺，真是大受歡迎，所以昨天都同朋友一齊放工去一試佢既名氣😎😎😎門口放左好有韓國特色既擺設，可以影下相👍🏻紅磡呢間比較新，裝修都好闊氣，每張枱仲有個蒸氣煱，煲緊粥既時候會自己出一點水，好搞笑😂😂👍🏻每個set都包左飲品同前菜同side dishes，不過等個海鮮塔都要一段時間，可能佢要稍微蒸熟左先可以放上個蒸氣煱上面吧...登～我地叫左5層既首爾塔，都已經好夠飽for2人🐽🐽 要等佢溫度上到80來度就可以食啦😋😋😋第一層開既係超大隻又新鮮既聖子同大大隻既蜆，那仲新鮮既海水鮮味，少少咸，不用沾任何醬料都已經100分😍😍😍😍大贊呀！佢既海鮮肉質結實多汁，仲要貼住那貝殼，證明係新鮮貨😚😚😚 那些海鮮汁多到呢直頭可以拿起貝殼來喝一口那屬於海洋的鮮味👅👅第二層是大大隻鮮蝦同手板咁大既元貝，肉質鮮美嫩滿，大蝦就爽口甜美💋💋💋 無得頂呀簡直😁😁😁再黎呢層係好多蜆肉同一隻花蟹，同其他海鮮一樣，那股鮮味一湧而上，好像每開一層都有一個海洋在你面前，聞到那鮮味，看到那肥美多汁的外表，再食下那令人回味無窮的鮮美，哇！真的現正回想起

第一次來吃九重鮮，想不到各方面也有如此驚喜！ 午市時間去食海鮮塔，除左有折外，仲free埋自助吧，多款沙律、涼菜、小食、飲品任飲任食 點了首爾塔（$398/位），底下選了韓底豬手湯粥底，吃完所有海鮮後，便可享用了。 海鮮塔分了五層，食物包括了：鮑魚、蟶子、海蝦、大蚌、大貝、海螺、象拔中蚌、大花蛤、北寄貝、沙巴肉蟹、蝴蝶蚌、新鮮花尾龍躉、日本南瓜、日本蕃薯 海鮮塔送上後，店員會教的們食用方法，建議我們在85度便可進食。為免海鮮過熟，建議5分鐘吃一層，趕不及也有保溫碗盛住食物！每款海鮮均新鮮好味，大隻鮮甜爽口，蒸好的海鮮上蓋滿了海鮮精華，可以倒入粥底！吃完海鮮後，終於可以吃豬手湯粥底了。粥底內有豬手、硯和年糕，吸收了海鮮精華，甜到不得了，我們一人吃兩大碗，還可以打包呢！

好一段時間冇寫食評啦！儲下儲下又一大堆相，要加把勁先得啦！其實我係好喜歡食海鮮㗎，今次就報告下黃埔九重鮮啦！今次2人晚餐想清清地蒸下海鮮，預先book定位免得等了又等，去到好快可以入座，庭位都唔算好迫，但人多就嘈啦！menu選擇唔算多，岩哂我呢啲有選擇困難症嘅病人 （笑）我地揀左釜山塔，每位$328（2位起），單睇menu以為唔會太飽，可以留肚食甜品，所以冇再加其他野，點知。。。（睇埋落去先啦），呢個餐可自選粥底，我地就揀左泡菜粥。個粥底會隨住上面一層層蒸嘅海鮮汁滴落去增加鮮味，食到尾每人一碗應該都好飽肚㗎啦。喺等緊海鮮黎嘅途中就食少少開胃沙律先啦！大部份係水果類，令口腔準備就緒吔海鮮。 好啦…上檯啦！嗱。。講明先，我好似掛住食，有一層忘記左影相 （爆）之前都有去食過類似嘅蒸海鮮，但今次一打開的確好驚喜，因為擺盤擺得好有心機，除海鮮類外，每層都拼一啲蔬菜，靚得嚟又健康啲，呢層有蟶子、大蚌，我比較中意蟶子多啲。帶子大隻厚肉，海蝦唔係蝦毛仔啊~肉多又彈牙，好鮮甜喔！旁邊有啲聖瓜、金菇，岩哂每餐都要食蔬菜嘅我。呢2隻大花蛤不得了，好鮮仲有點海水味，讚讚。食到尾呢層有鮑魚仔，粟米，蕃薯等等，我

🔑 海鮮迷狂熱🐠🦀🔑————————————————————#首爾塔🇰🇷 (HKD398每位)✔️👅：7/10✏️ 豐盛的海鮮晚餐：兩人為六人塔 包括鮑魚 蟶子 海蝦 大蚌 元貝 海螺 象拔蚌 北寄貝 蝴蝶蚌 大花蛤 沙巴肉蟹 花尾龍躉 日本南瓜及番薯😍 至於湯底可以選擇韓式豬手/人蔘雞/羊肉魚湯/韓國泡菜/芝士脆米 人蔘雞意外地好吃！雞肉內包了糯米 雞肉香滑而粥底綿密香濃✏️ 海鮮類十分新鮮 當中最喜歡沙巴肉蟹 花尾龍躉 日本南瓜十分香甜 是健康美味之選👍🏻 飽死人囉捧個大肚子走❤️⭐️ 最少兩位起 服務很好

講真嗰句，間野啲野食味道都接受到，不過不失，但如果可以俾我選擇，我會選擇銅鑼灣分店，點解會咁講，其實本身之前係銅鑼灣食過，但見到黃埔有分店，小弟當然想去試下好衰吾衰每次想打去Book位都打吾通，依樣野我都冇咁火，最後要打去銅鑼灣分店到叫人幫我打去黃埔Book，我足足book左一個星期先book到，係每次都打吾通嗰隻(因為假期怕冇位)本來黎到一心諗住可以開開心心食好野，但係中伏嘅事情就黎了一入到門口，冇人應我地，只係見到成班職員圍住係個門口吹水，完全冇諗過服務我地，之後我地同佢講我地book左枱之後，啲職員即刻好似黑哂面口對住我地，我地坐地之後完全冇人想理我地，點解連最簡單嘅服務都冇？之後基本上係想要乜冇人應咁食落去，對黃埔依間分店完全失望，亦不會選擇這間分店

顧名思義係玩韓式蒸鍋🍲門口跟室內都用上韓國裝潢，而前菜小食都係會有泡菜、魚乾等我就揀咗$398一位(兩位起)嘅首爾塔😈再選粥底，我要了韓式豬手湯會跟埋米，食到最後會煲成粥首爾塔一共有五層第1️⃣層：蟶子皇、象拔蚌配勝瓜跟菌蟶子皇跟象拔蚌肉質除咗口感爽口外，也非常鮮甜第2️⃣層：元貝、海蝦配金菇元貝就算蒸過耐都唔會太韌，海蝦今次就失色了，有點霉第3️⃣層：龍躉、北寄貝配木耳跟西蘭花龍躉肉身很厚，咬落去啖啖魚肉，北寄貝很大隻唔會太韌第4️⃣層：花蟹、大蚌、蝴蝶蚌、花蛤配木瓜跟菌花蟹足料實肉，唔係水蟹貨色，新鮮甜美，而其他蛤類也不錯第5️⃣層：鮑魚(可加錢轉南非鮑魚)、海螺、配各式瓜類跟菌鮑魚好大隻，點少少豉油提味都夠鮮，而食到最尾有各式鮮甜瓜類，感覺唔錯到最後可以食埋連之前海鮮水份流到鍋底煲成勁鮮甜嘅精華粥😌粥入面仲有年糕、花蛤同豬手食今餐大滿足喔😚可能去貨快，整體海鮮都很新鮮，如果再平少少或有優惠就更好🙊-另外一讚係服務唔錯，店員都好細心講解步驟點食👍

剛重山區回來家人提議到紅磡嚐鮮好吧....海鮮正是本小姐最愛此店最出名就係層層叠海鮮有分為濟洲塔、首爾塔、釜山塔....我唔記得仲有無其他選擇總知店家一早就set好套餐比客人揀好餐, 坐低就只需等食就可當晚等位的客人不少店員自見我們有老有少的就提出只要點首爾塔就可給我們包房最後我們二話不說就接受了店家的安排夠鐘開第一層啦基本上每台上都有一個沙漏比客人count住時間去食每一層0既食物我地0既經驗係時間未到,工作人員好早已standby幫我地打開全程好少時間我們要自己動手除了食...第二層0既聖子皇最like呀!然後就到扇貝正常貨色蝦係最敏感的海鮮唔夠熟當然唔可以啦但過熟又會破壞質感安排在這個時間打開,可以話係岩岩好蝦肉仍保持鮮甜彈牙之後都分唔清0既貝類出場戲肉0黎啦!本人最愛0既肉蟹屋企會同我爭食蟹0既人真係無咩邊幾個所以大至上都係我獨享估唔到蟹仔細細入面0既肉結實頂蓋而且鮮甜無比一人一隻....唔好爭!最後一層0既花螺其實海鮮只要夠新鮮清蒸已經好鮮味哩餐食到0既都係新鮮食材除了搭高了之外我真想不通為何會那麼貴anyway, 潮流0既0野總要趕一下都叫試過唔洗out呀麻一開始時我們便加

聽朋友講黃埔開左九重鮮，於是放工就去試8點幾去到2人等位10分鐘都算快!因為想食蟹於是簡了398套餐蓋上夾左紅色溫度計 90度就可以叫侍應幫忙開蓋一開蓋見到禁大隻聖子仲要好鮮甜 一邊食一邊講材料新鮮D蝦好新鮮！肉質彈牙..連敏感既我都破介食1隻遺憾係呢隻有沙 兩隻都有沙掛住食都忘記每層拍照..蟹肥肉厚（但沒拍照）食到最黎比隻大鮑魚解決左..飽到食唔到精華豬手粥底因為真係食唔落 就打包回家 原來都有兩大兜最後 我試左啖豬手粥 可能因為好多海鮮滴晒落底 所以好鮮 鮮到覺得過鮮偏重口味 不過值得一試 以材料新鮮黎講 價錢都成正比

顧名思義係玩韓式蒸鍋🍲門口跟室內都用上韓國裝潢，而前菜小食都係會有泡菜、魚乾等我就揀咗$398一位(兩位起)嘅首爾塔😈再選粥底，我要了韓式豬手湯會跟埋米，食到最後會煲成粥首爾塔一共有五層第1️⃣層：蟶子皇、象拔蚌配勝瓜跟菌第2️⃣層：元貝、海蝦配金菇第3️⃣層：龍躉、北寄貝配木耳跟西蘭花第4️⃣層：花蟹、大蚌、蝴蝶蚌、花蛤配木瓜跟菌第5️⃣層：鮑魚(可加錢轉南非鮑魚)、海螺、配各式瓜類跟菌到最後可以食埋連之前海鮮水份流到鍋底煲成勁鮮甜嘅精華粥😌粥入面仲有年糕、花蛤同豬手食今餐大滿足喔😚可能去貨快，整體海鮮都很新鮮，如果再平少少或有優惠就更好🙊-另外一讚係服務唔錯，店員都好細心講解步驟點食👍