九記牛腩

營業中

休息中

前兩日聽朋友講起去左九記食牛腩，其實我之前都食過，但好耐無去過喇，聽佢講到我都流曬口水，因為果度D牛腩真系好正，今日落班就拿拿聲趕過去喇，但食飯時候，通常都要排隊喇，等左差唔多二十分鐘先到我。咖哩牛腩，分量其實都算多，但我因為中意食，所以單點左一個，牛腩煮得好淋，煮得夠曬時間，都幾多牛筋，好Q彈，又覺得有D爽口，腩肉好香，好入味，咖哩做得好正宗，但我又唔覺得好濃，食到最后都覺得好香。麵我就比較中意清湯，所以點左個清湯牛腩麵，同咖哩的重口味比，呢個比較清淡，但牛腩都系煮得好入味，唔中意咖哩嘅朋友可以點呢個，因為清湯腩一樣都系好好味啊，湯好清甜，食完面可以飲埋個湯。凍奶茶都可OK，幾香醇，茶味濃奶味香，唔錯。

今日外出辦事，中午時候經過九記牛腩，聽朋友講過呢度嘅牛腩好好味，之前一直無機會試，今日經過又見到唔算多人，咁就排隊等左10分鐘左右，多年嘅小店，環境就一般啦，但至緊要系食物本身好唔好食。點左個清湯牛腩面，原嚟牛腩搭清湯都一樣咁出色，個湯底好清甜，濃而不膩，面吸收曬牛腩嘅湯汁，同本身湯底的鮮味，而且個面本身就系靚面，軟硬適中，中意牛腩又清淡嘅唔好錯過呢款面。想一次試兩種口味，所以面就點左清湯，又點左一碗咖哩牛腩，咖哩好香啊，食落口又無搶味，好正宗，牛腩煮得好軟爛，有一半系牛筋肉，牛筋感覺更好食，嚼得好過癮，過足嘴癮，肉都吸收曬咖哩味，好香醇，分量算幾大下，下次嚟都會點呢個，好正，好好食。

九記相信唔使我介紹，大家都耳熟能詳喇，作為HK美食排行前五大嘅老字號，鐘意食嘢嘅我哋肯定唔會錯過；九記響一條巷仔裡面，上下坡路比較多，又要拐來拐去，一般比較難穩；所以若果比較遠過嚟嘅朋友建議打的，只要同司機講去九記牛腩都識路；若果剛好係附近想步行嘅，都可以導航或者問下街坊都OK；嚟到之后見到條大長龍唔好氣餒，若果係一行人嚟嘅，大家唔介意分開坐，可以等九記嘅伙記出來叫拼枱果陣，一、兩個人咁分開入去落單食住先；假日太多人，我哋兩個人都排咗足足40分鐘先有位，叫咗一個咖喱牛筋腩伊面同埋清湯牛腩面，唔鐘意食面嘅朋友仲有河粉同米粉可以選擇，參考一下嗰餐牌，可以根據個人口味嚟搭配組合；試咗一下朋友嘅咖喱湯面，食面嘅時候匙羹加小小咖喱湯汁一齊食入口，d咖喱汁嘅味道好濃，滲入伊面之后完全唔覺得油膩，牛筋煮得又軟又好味，入口即化，真係食過返尋味啊！再試下我嘅清湯牛腩面，清湯一d都唔清淡，反而仲有d咸，不過食落就睇得出老板嘅用心，因為湯汁里面真係有用牛骨熬過嘅，濃濃嘅牛骨味，搭配面食一樣咁入味，牛腩份量都幾足，一個字講曬：正！

今晚唔喺好想嘢，後來就同FD嚟左我地至愛嘅九記牛腩，我地差唔多9點嚟到，生意爆棚，真係好多人咯，條隊好長吖，排左差唔多30分鐘先到我地上湯牛腩伊面。：未食就聞到好香啦，上面放左D大粒蔥花，賣相好清爽，不過我唔食蔥嘅，唯有FD幫我消滅佢。牛腩煮夠腍夠入味，全部喺肉多筋少嘅爽腩。伊面將清湯嘅精華完全吸收好彈口！咖喱牛筋腩伊面： 咖喱湯汁好濃，味道正宗，哩種相比于清湯嘅，口味會更重一D。牛筋煮得好軟腍，食落有D似啫哩甘，而且都喺好大一舊，分量足，真喺貨真價實，伴著吸汁力強嘅伊面吃，實為最佳配搭兩個面相比，我就比較中意清淡D嘅上湯牛腩伊面，FD就中咖喱味嘅伊面，我覺得咖喱味嘅伊面辣左D。

今日休假，甘就約D朋友仔出街揾食啦，之前有聽朋友講話九記牛腩幾好味，又剛好要順便過去買嘢，就去試下有幾好食啦，我地去到中午十二點左右，好多人排隊啊，等左差唔多20分鐘先到我地。呢度牛腩出名，呢排喉嚨有D唔舒服就點左個清湯牛腩面，睇落無咩特別，先試下個湯底，食得出系比較用心做，個湯比較清甜，原汁原味，吸收左牛腩溉精華，濃而不膩。跟住再試舊牛腩，牛腩煮得好入味，又軟爛，入口即化，D面又有勁道，比出面一般嘅面要好食。朋友點左個咖喱牛腩面，我無食都聞到好香嘅咖喱味了，下次我一定要試下，朋友話咖喱好正宗，牛腩加埋咖喱會令人食落有驚喜，中意咖喱嘅朋友仔不妨一試。奶茶就不過不失，同其他茶餐廳無咩區別。

前日無所事事，所以決定去找點野食，成班人走了差不多二十分鐘吧，終於都畀我們找到這間九記。先9點左右，但系我想講噶係，真係好多人咯，條隊好長吖！但系霖住無野做，都係慢慢排啦。點咗牛腩麵，未食之前就聞到好香，本身就覺肚餓噶，聞到香簡直勾起曬人啲食慾吖!吃牛腩會令我想起以前讀書時同同学仔落課去揾野食的感覺，自從畢業之後都好少黎九記。麵的湯底好好飲，可能我對湯底有種特殊嘅愛好，比較喜歡飲湯底，九記嘅湯底嘅火候應該是很足，所以飲起來的時候味道很好。奶茶就好無水準，相對牛河就比較抵食，分量足。牛腩還是以前的味道，不會令人覺的太老或者太騷，入口口感很好。九記的麵就認真麻麻，有時候吃起來有種吃公仔面嘅feel。餐廳環境就無什麼特色，好在侍應都比較熱情、好講。價錢方面比較適合我呢啲平民，可以負擔得到，不怕食不飽。

九記牛腩位置在中环歌赋街~~之前路过好几次，见門前都系排長龍等位的，所以都系放棄無入過去 ！甘次行過，見門口無乜人，于是就入去試左碗上湯牛腩面，牛腩好淋，牛骨汤味道好正！面就一般啦！，也是很不錯的，吃完等朋友飲茶行街街……對比咖喱牛腩，我比較中意食清湯牛腩，全部為肉多筋少的爽腩，切成厚片整整齊齊碼放著，撒上一層大粒蔥花，極少的油星，賣相都幾清爽。湯全系熬煮牛肉的原湯，無一D膻氣，加上呢次來一份粗面，寬而薄，韌性十足，原來接近於加粗版細面，加左慣用的堿水系面裏面，堿味稍有少少喧賓奪主蓋過了牛腩的鮮甜。

放工後步行來到九記，依舊大排長龍，但忽然很想念這個清湯的獨特味道，唯有就範。排了接近半小時，終於入座..依舊點了上湯牛腩伊 $46,一定要伊麵才能把清甜的清湯精華完完全全吸收;牛腩牛味濃，夠腍入味男仕通常比較重口味，清湯未能滿足，需要咖哩湯底去滿足味蕾！咖哩牛腩伊麵 $46 ，咖哩味香濃，亦較辛，適合愛辣人仕！

又再來到這裏 - 九記牛腩，每次來中環工作，如果時間許可，必定到來吃碗清湯牛腩伊。十多年前第一次來這裏，是看到飲食雜誌介紹，說這裏清湯腩如何出色，還有很多霸氣的堅持，例如：晚市有清潔時段不做生意，米粉只在河粉賣完的時候供應等，結果一試難忘。這次還是點了清湯牛腩伊，很快就送到面前，牛腩是半肥的，做得夠腍一點都不韌，滿是肉香。湯頭看似淡淡的，喝下去依舊香甜濃郁。相比起牛腩，湯頭才是靈魂，最後一滴不留。很多人說這個清湯腩很油很鹹不健康，但我就是喜歡！

點解成條龍 90% 都係大陸黎架？港土註得小貓三四隻。今日請半日假去中環律師事務所搞文件，見仲有時間就尊登走上山會一會九記，一探究竟龍定蟲，到底點解人氣咁勁呢？見幾十年呼聲咁高，咁多人追棒，見順路又有空閒時間就試試啦，點知真係罷鬼囉，唉﹗大埔群記清湯腩好千百倍！對於我依個新界北居民黎講個舖位都幾鬼難搵架喎，開埋 GPS 都兜左唔少怨往路，著住件皮褸行到成身汗先搵到乍 ﹗第 1 次黎幫襯完全唔知點樣 order、唔知有咩食、唔知有咩招牌菜，左望右望。問問侍應叔叔先，無爽腩、無坑腩、無崩砂腩，咁到底有咩牛食呢？有牛筋，但只係有咖哩牛筋。吓？無選擇唯有是但牛腩囉。牛腩伊走蔥，嘩﹗好大舊肥膏喎，係咪出名在肥膏呢？成碗湯都油淋淋，厚厚油脂包圍整碗麵。伊麵太腍喇！烚到過晒龍，香味都流失晒。牛腩除左舊肥膏外，仲黐住少許乾鞋瘦肉，味道都過得去。又係一間沒有辣椒油的麵檔，只有辣椒醬供應。牛腩河走蔥，河粉好碎喎！我無要求河粉碎上架，又係特色？我直頭成隻碗攞起連湯連河粉倒入口啦，咁樣食又幾正噃﹗湯汁牛味濃郁，不過同樣勁油。牛腩跟剛才伊麵孖生一樣，都係肥膏佔大部份，好采瘦肉多返少少食吓。牛腩伊走蔥、牛腩河走蔥

依舊西口西面，生意卻依舊爆紅。不過若點普通牛腩，請做好心理準備，質素其實只是麻麻。然而，個湯底的確是不錯，牛脂油香，葯材甘香共融於碗内，配個無得輸既伊麵底，兩三下手勢便可清底。不過講到尾，一小碗就索價四十六個大洋，值唔值，就真係好見人見智。

上周末有事到中環, 午飯時候, 老爸說很久沒有吃九記的牛腩, 於是便徒步前去. 到達時門外已經排了一條長長的人龍! 一場來到, 即管等等, 一等就十五分鐘了!入到店內, 店子依舊細, 迫滿了食客. 隔鄰左右都不乏拿著旅遊書前來的遊客, 強國人, 日本人, 甚至韓國人也有, 所以餐牌也有不同文字! 餐牌上的食物也沒有改變, 變的就只有價錢吧! 門外也貼了告示: 每位最低消費$43, 即是一碗上湯牛腩河的價錢.上湯牛腩河 $43一來到當然吃其招牌牛腩河, 不作他想. 新鮮牛腩炆得夠腍夠入味, 不過牛腩偏瘦, 吃起來有點黏牙; 河粉幼身, 頗滑溜, 不過粉量偏少, 而且店內沒有辣椒油供應, 總好像欠了一些東西, 美中不足; 湯的味道一般, 牛肉味不出.不少食家認為店員態度差, 但當日由門口接待, 以至樓面的侍應, 態度其實OK. 當然, 如果要求親切而又笑容可掬的話, 那就有點難度了. 它的牛腩, 比起坊間絕大多數麵店都要出食. 個人認為, 只有天后的"華姐"可跟它相比較. 不過, 一碗上湯牛腩河索價$43, 抵不抵吃見仁見智, 不過挾著"米芝蓮車胎人美食"餐廳, 不愁沒有食客, 所以由早到

不是第一次來,但會是肯定最後一次。我這一次叫的是牛腩伊麵,不夠熱,牛腩味道及肉質亦一般,很多味精因為食完後非常口渴。之前叫過清湯爽腩, 味道沒有那麼重味精。我坐在2樓,明白他們是很忙的,我嘗試落單,但她們其中一服務員向我(及遊客客人) 呼喝及表現不耐煩的態度。亦明白地方少，希望䀆用空間,她們把客人搬來搬去,我只用了5分鐘食麵,已經打開錢包準備離開時,她們仍叫我"移"。食得那麼"受罪"，而食物真的不是什麼美食啊,我個人不會再選這店。 

因為港島有條人力車觀光巴士線可以坐住開篷巴士遊覽中西區多個歷史景點咁大個女都未坐過開篷巴士星期六就相約貧友一齊坐下巴士有好多個點可以落車, 再上返車行到攰, 貧友想試傳說中o既九記我地就入左黎試下其實o係中環返工多年因為lunch time太多人加上我對牛腩興趣不大所以一直冇食過星期6的15:xx雖然入面坐滿晒但因為我地得2個人好快就可以入座因為係港式魚蛋檔格局所以入面都係坐得比較迫侍應會盡量插到每張枱都坐滿人上湯牛腩粗麵($38)粗麵軟硬度適中, 唔會過林上湯味道比較清淡如果叫咖哩應該好味d來到主腳牛腩, 肉質好鞋, 同埋好痴牙坦白講, 我食牛腩o既次數可能5次都冇唔識分咩係好咩係唔好但肉質又鞋又每一啖都痴牙真係唔覺得有咩咁好食咖哩筋腩撈河粉($50)朋友點左咖哩話好夠辣食得好過癮我冇食過咖哩湯底冇得比較不過似乎咖哩應該好食d而有次星期六食對面間番茄麵12:00九記未開門已經有一條人龍o係度排隊貧友話d人係排牛坑腩話牛坑腩好食d因為係限量, 賣晒就冇不過我已經冇動力再幫趁了

九記係比較傳統的餐廳，已經好耐歷史，同埋好出名今次終于可以黎試下環境都幾擠逼，我由開始坐底到食完都仲係滿座伊麵不淋，口感很好。好中意個湯底咖喱味好濃郁，而且牛腩嚼口又彈牙，牛腩汁好正，再灑D蔥花，更加香。