丼瀛 (已搬遷) 新店位置

請認真諗清楚信咩食評!超難食，仲難食過明將。d飯係生米，難食過canteen ge 白飯碗飯超細都可以食剩一半仲要收$14x 一碗冇端端收人$10前菜錢好嬲，一定冇下次

當大家看到佢個餐牌，都會比75折，午市免加一等吸引著👀，當你去到再細看時。。。🤤75折不週用於星期六，日，公眾假期!  佢哋話5折/半價的壽司🍣，要每人叫$60以上，才可。我食到一半時， 隔離枱一對👪夫妻+小孩坐下，即呀呀😤，不停説吾抵 (到我食完埋單, 佢哋都未下單)。話說回來，我叫左個藍旗吞拿魚🐟海膽爆丼+枝豆， 丼係$168，吾係$128, 字雖然細d，但仍👀到，否則又😧!麵豉湯係送，湯底👌，面衹有幾片海帶和豆腐粒，但d豆腐似漬過，可以叫做咸豆腐，喜歡否，見仁見智，本人就麻麻哋😝。丼，外觀+份量尚算合理。海膽和魚，感覺新鮮但冇乜味，3片🐟中，有1片切得麻麻， 咬落有筋膜。得對筷子，🍚吾夠黏一夾便散收收。枝豆，👌。食畢，老闆突然送上2粒雪糕泡芙😁。是日，星期六，加一後$216.

嚟到食日本嘢，師傅好有功架咁係一邊整緊落咗order之後店員好快端上熱茶，同埋一陣食嘢嘅工具我哋叫嘅招牌龍蝦刺身爆丼就隨之而上果然係招牌嘅爆丼！啲料多到滿哂出嚟個丼有好多配料，中間嘅龍蝦仲大過隻手板龍蝦嘅右邊放咗龍蝦身同尾，起咗肉，混合青瓜粒同沙律醬，有少少似食緊龍蝦沙律另一邊就放咗一啲刺身，有三文魚腩，劍魚腩，吞拿魚腩，白身魚，魷魚同帶子拎開咗龍蝦之後，都已經係個好多料嘅丼飯龍蝦肉爽口彈牙，切得夠大粒，食落啖啖肉店員都好貼心咁俾咗碗仔我，方便裝出嚟食，因為佢份量好多，要裝幾次先食得哂拖羅好靚，入口即溶，刺身油脂豐富，食落好美味，加上青瓜嘅清爽感，整體好balanced唔好以為配料淨係得咁多，龍蝦頭入面仲有好多膏，用匙羹撩出嚟撈飯食，真係好creamy，鮮味甚濃龍蝦鉗開咗都仲有大大啖肉食，啲肉一梳梳，十分鮮甜最後仲差啲唔記得咗有隻蛋，因為隻蛋另外上係小碟度(再擺上去，個丼飯實冇位同朋友追加咗個牛油果金龍卷，係吉利炸蝦係入面，即叫即做，熱辣辣，所以都要等返咁上下時間牛油果嘅口感配上外脆內軟嘅炸蝦一齊食，味道好夾，當然上面嘅蛋黃醬同蟹籽都加分不少

北極光海膽杯數落有9種唔同嘅材料，色彩繽紛，真係好靚，靚到唔捨得食落肚呀有一張用魚仔乾壓成紙嘅裝飾，香脆可口，帶有魚仔嘅甘香，亦有燒過嘅焦脆海膽色澤金黃，食落濃郁又creamy，帶有鮮甜味上面黑色嘅墨魚籽帶有鹹香，令味道層次提高海葡萄同三文魚籽脆卜卜增加口感，令味蕾再感受多重新鮮味道嘅衝擊下面嘅四層分別係淡綠色有蟹膏嘅味道嘅豆腐，淡粉紅嘅蟹肉，橙黃色嘅海膽豆腐紫色嘅最後一層係紫薯蓉，香甜估唔到海膽同蟹肉嘅鮮味同紫薯嘅味道都幾夾除咗視覺上嘅享受，每食一層都好期待下一層嘅味道，食材嘅配搭，係度食得出師傅嘅用心唔怪之得咁多人都叫呢個海膽杯另外叫嘅築地壽司杯有7個杯，少少似第二啲舖頭有層層疊高嘅板咁每一個杯入面用料都好豐富，面頭嘅材料都塞得滿滿墨魚籽海膽杯同香蔥吞拿魚腩蓉都好幼滑香蔥吞拿魚蓉打得有魚肉嘅口感，食落好有油脂，同蔥嘅味道好夾三文魚腩同三文魚籽嘅親子杯好靚，啲三文魚籽多到瀉哂出嚟，唔使調味已經有咸鮮大大隻嘅甜蝦杯好鮮甜，蟹籽墨魚杯亦都係一個甜美嘅點綴最後有香蔥吞拿魚腩蓉卷，同埋調味嘅wasabi 同酸薑佢每個杯入面食物嘅配搭都好正確而且有咁多唔同種類嘅刺身，可以一次過滿足多個願望

嬲到爆炸系列男店員超級冇禮貌話說為左慶祝所以去呢間野食飯一開頭打電話去確認生日蛋糕個陣態度已經好差 諗住可能人地開始晚市唔得閒 所以都算數 去到餐廳坐底左之後 俾左個一口豆腐做前菜 係2個人一碟既一口豆腐 嗌左野食 就俾左2碗湯 但係又唔俾匙羹人用 唔止我地 仲有我視線範圍既食客都係有湯冇匙羹 之後個飯黎到...係未熟而且一啲醋未都冇既白飯 配唔多新鮮既刺身... 當枱面剩返3舊壽司 佢就開始趕人走咁收哂我枱面啲野 剩返對筷子 心情已經唔多好 決定連蛋糕都唔要就走啦 點知最後埋單個陣發現個個一口豆腐係要收費 我問個個男人點解會要收費就答我”係吖 我地呢到係要收費”我問佢咁寫左係邊到話要收費 佢話”冇寫架”我話咁點可以咁逼人俾錢 跟住佢仲悔氣咁話”係要收架啦 我會同公司反映架啦”黎敷衍我 10蚊唔係大數目 但係唔應該唔岀聲 扮大方咁請人食 然後轉個頭就收人錢咁賤格 對呢問野真心失望 OpenRice既好評絕對係打手 其實OpenRice有好多劣評係我當初訂枱個陣冇留意到...如果有人因為睇左好評想去試 真心勸你地唔好去..

本來想食好少少日本菜，睇到食評話好食，點知仲衰過放題，龍蝦得個頭大，唔太新鮮，其他刺身四款得個一片，餐牌選擇少，份量少，收費偏貴，無飲品選擇，只是紙包飲品，真係好後悔。

今日真係快樂的星期三，個仔話今日可以陪我行街，食飯，真係開心死我，因為佢啱啱考完試，真係要好好同佢食一餐，獎勵吓佢。喺Apm行咗成半個幾鐘，阿仔就話覺得有啲攰同肚餓，家下啲後生就係唔唔捱得。於是，我哋就在附近睇吓有乜野食，見到有個侍應派緊傳單，就攞咗一張睇吓有乜嘢食，傳單印得幾靚，好吸引，原來要上樓嘅。今日真係快樂的星期三，個仔話今日可以陪我行街，食飯，真係開心死我，因為佢啱啱考完試，真係要好好同佢食一餐，獎勵吓佢。喺Apm行咗成半個幾鐘，阿仔就話覺得有啲攰同肚餓，家下啲後生就係唔唔捱得。於是，我哋就在附近睇吓有乜野食，見到有個侍應派緊傳單，就攞咗一張睇吓有乜嘢食，傳單印得幾靚，好吸引，原來要上樓嘅。上到去已經有侍應係門口歡迎我哋，坐低後，佢就推介我哋食佢個招牌菜，丼瀛龍蝦刺身爆丼和北極海膽杯。好! 你咁有誠意，我就成你貴言。於是，我就各叫一個。嗰刺身爆丼D龍蝦超級新鮮及有D海水味，超fresh。北極海膽杯只是賣相已好吸引，色彩繽紛，D海膽好多，三文魚子又多，還有蟹肉，一層一層，好靚，最後一層是紫薯，係我至愛，超值。跟住仲點咗磯燒岩蠔。岩蠔燒得啱啱好，超级正，好鮮味，唔韌又唔腥，又多芝

星期四晚約咗朋友一齊食飯， 今次響觀塘區揀了丼瀛， 一於試下佢哋呢度嘅日本嘢好唔好食先！ 一行三人我哋叫了雞骨豬肉腸，茄子，牛舌，精選五點雜錦刺身，加州東洋卷，丼瀛龍蝦刺身爆丼，吉列黑毛和牛雜錦海。雞骨豬肉腸味道普通。茄子燒得燶燶地。牛舌有肉汁。精選五點雜錦刺身， 刺身方面， 海膽新鮮唔錯， 蝦和帶子一般， 三文魚唔錯。加州東洋卷，賣相都幾靚食落就一般。丼瀛龍蝦刺身爆丼， 龍蝦本身熟咗， 有少許韌，但係個賣相就好靚呀。吉列黑毛和牛雜錦海， 這個忘記影相， 吉列和牛炸得鬆化， 還有天婦羅蝦！總括這間餐廳座位普通不算坐得太舒適，但是店員都很有禮貌！

1. 築地壽司杯（＄148/午市75折＄111)🍣建議先食左最右邊紫菜飯卷，咪耐左唔夠脆😂佢嘅三文魚、甜蝦🦐、帶子刺身都幾出色，好大嚿又鮮甜，點少少豉油已經好夠味🍣吞拿魚蓉都唔錯，都魚生飯咁食其實幾正🙈海膽未去到超鮮味，但都係帶甘甜，加上少少嘅魚子配合，生色唔少👍🏻你唔好睇佢細細杯，食晒都好夠飽😂彤樂評分：8.5/102. 雪糕泡芙（送）可能因為我地遲去，就落場關係，佢送左一客比我地😂但食落都幾OK，外皮唔係脆，但幾有咬口，入面雲尼拿雪糕幾夠凍，唔錯👍🏻彤樂評分：7/10

成日見到d廣告相好似好好食咁，滿有期望去食，點知服務差，個男侍應都唔知老細定咩，態度好差，叫左個丼要等30分鐘，切果幾塊魚生，等咁耐，咩食慾都無晒啦，當日只係得6、7枱，有兩個師傅，又唔係新開張，好多人，OpenRice d食評係咪請打手架，完全唔係食評所講咁好食，百幾蚊一個手掌咁大既碗，都可以食剩，真係無下次，Back list~Back list~Back list...................

今日同朋友黎到呢間丼瀛食日本菜。位置系工廈裏面，真系吾系咁易搵架！不過，小編相信隱世通常都好味既道理，十分期待(˶‾᷄ ⁻̫ ‾᷅˵)！就座大約七點幾，人流吾算多，地方夠大，以居酒屋形式作佈局，坐得好舒服。有個小型開放式廚房，有睇住師傅認真咁切壽司，越睇越想食啦，嘻嘻！一大大個餐牌。呢家仲做緊推廣，乜都平啲啲，荷包就慳翻啲。小編未試過日式BBQ，所以見到平左咁多，就叫黎試試先！BBQ北海道海鮮拼盤(hkd$138) 包括有生蠔、蟹鉗、蟹蓋、帆立貝。仲會提供埋牛油、檸檬等配料為食材調味。對於烹調，小編有啲心得，將個火較到中間，大約燒4-6分鐘就食得，燒太耐就會失去海鮮既鮮甜味！築地壽司杯(hkd$148) 小編覺得幾新穎既菜式，將壽司融入小杯子中，顯得十分精緻。而壽司杯分別系有海膽、魷魚、大甜蝦、三文魚子配三文魚、吞拿魚腩蓉。小編覺得呢幾個壽司杯都十分足料，每件刺身都好大份。而最吸引到小編系海膽同三文魚，佢地較為突出鮮甜，真系好好味(≧∇≦)！丼瀛龍蝦刺身爆丼(hkd$228) 店家特別推薦，是必點之選！果然無令小編失望，呢個爆丼上枱果時，見到龍蝦同刺身差啲滿瀉既狀態，十分震撼。隨即仲會配上一

昨晚跟朋友到此享用晚餐，地點是方便的，但食物選擇實在太少了。昨晚，我們點了築地壽司杯，牛油果金龍卷，咖喱雞扒飯及幾串串燒。築地壽司杯味道ok, 牛油果金龍卷味道卻一般，串燒也普通，但咖喱雞扒飯卻非常難食。這餐晚餐費用是$5xx, 並不便宜，完全不值這價錢，不會再光顧，失望。真的沒想過這個價錢的質數跟團購放題是差不多的，其實咖喱雞扒飯是一樣非常普通及容易做的餸菜，可想而知這家日本菜有幾差，至於壽司方面，根本沒難度，只要食材新鮮便可，全夜只有築地壽司杯還可以，其他的都只是非常非常的普通。。。。。

今日去左觀塘食晚飯，女朋友鐘意食日本菜，我當然要一早做定功課，搵左一間高水準日本餐廳，令佢食得開心。我地叫左築地壽司杯，賣相好可愛，各款刺身味道好新鮮，欣賞餐廳創意十足，每款刺身都精美咁呈現眼前。女朋友最愛海膽和呑拿魚蓉，海膽綿密鮮甜，甜味盡出，呑拿魚濃郁魚味突出。龍蝦刺身飯更是另一賣點，滿滿刺身上枱已經吸引，厚切刺身好新鮮好鮮甜，飯粒比例剛好，刺身高質素女朋友大讚。旁邊的溏心蛋都用心製作，無馬虎。

見openrice 食評唔差，諗住試試！一入門口已經有個類似經理既人問有無訂枱，坐低左又走埋嚟拍人話坐入少少，心唸你個位已經好窄啦前菜比舊丁屎咁細嘅豆腐，兩個人都唔知夠邊個食，埋單仲要收人$10叫左個七色杯壽司，飯係有少少未熟嘅feel、三文魚係腥既、紫菜係淋.....想點友人個丼飯亦係出奇地細碗埋單仲要收加一，咁嘅價錢食元x可能無咁嬲最尾仲有幾粒雪左成年嘅雪糕泡芙不知所謂，絕對無下次

最近喺觀塘發現新開嘅樓上鋪， 入面主打日本菜 ，環境清淨， 十分適合情侶在此約會!最吸引我嘅食物係北極光海膽杯， 每一啖都有海膽喺你嘅口腔 ，刺激你嘅味蕾。 佢哋用嘅海膽絕對係新鮮保證。另外BBQ海鮮拼盤最令我意想不到，裏面食材有蟹腳蟹膏帆立貝 ， 蟹膏最吸引我，因為鮮甜而且係自己控制火候。另外黑松露海膽炒飯係最配合嘅組合， 黑松露加上海膽再配上炒飯呢個組合係十分之邪惡， 雖然黑松露有少少概過咗海膽，但隱約都能夠食得出海膽。另外楊枝甘露卷都係十分推介， 呢一度餸十分似芒果糯米飯，我形容一道餸係迷你版芒果糯米飯。丼灜龍蝦刺身爆丼， 相信係呢間店嘅主打， 這個丼有龍蝦以及刺身，龍蝦嘅膏同埋肉質十分鮮甜再配上不同種類嘅刺身，令到一道餸顯得高貴又優雅。若果大家經過觀塘嘅話，不妨望高，呢間樓上鋪一定吸引住你!