丼瀛 (已搬遷) 新店位置

官塘班舊同事真有心，他們又發現了一間食日本菜的食店，名叫丼瀛，説其中一樣食物我一定喜歡，就是丼瀛龍蝦刺身爆丼，今天專程帶我去試試！食店位於工廈樓上鋪，地方整潔，裝修擺設好有日本風味！丼瀛龍蝦刺身爆丼 ：果然有驚喜，大大隻龍蝦和豐富的刺身已鋪滿整碗飯，龍蝦新鮮並已起肉，加入青瓜，再加上沙律醬伴勻，龍蝦肉鮮甜彈牙，配沙律醬好好味，至於刺身都很豐富又新鮮，有帆立貝、北寄貝、三文魚、吞拿魚、八爪魚、魷魚等，味道鮮美！尤其帆立貝是大size果隻，厚肉鮮甜。脆皮白鱔 ：白鱔燒得外層香脆，肉質彈牙。紐西蘭羊架 ：厚切的羊架熟度剛剛好，肉質鮮嫩又入味！帆立貝壽司、赤貝壽司、鰻魚壽司、炙燒三文魚腩壽司，即叫即做，材料新鮮，帆立貝鮮味、赤貝爽口、鰻魚和炙燒三文魚惹味！雪碧

最近發現這家位處觀塘的工廈隱世日本餐廳，可謂性價比高，值得一去。這裡主要以供應丼飯為主，有近20款選擇，每碗食材也鋪到滿滿，不得了。一望餐牌，各丼飯不算太便宜，逾百元一碗，不過一分錢一分貨，食材就非常新鮮了。最後就選了一大一細的丼飯。兩碗丼飯賣相也不得了，以色彩繽紛的刺身鋪切，影相一流。其中比較上大碗的丼瀛龍蝦刺身爆丼/$228，上面的刺身也鋪砌到幾乎放不下，內有龍蝦、三文魚、帶子丶油甘魚，八爪魚等，雖然全部各只得一件，但味道甚佳亦非常新鮮，一雪味也沒有，而最吸睛莫過於是龍蝦了，色澤橙紅。雖然食龍蝦要親力親為剝殼，但能吃到其肉質鮮甜彈牙之感，又無妨。最緊要的是龍蝦肉不黏殼呢。最讚的是龍蝦身由蝦肉、蟹籽加沙律而製，味道出奇地有驚喜，帶甜而不失原有之龍蝦味，可謂非常美味。另外，點了一碗油甘魚海膽爆丼/$148，份量沒有龍蝦刺身丼那麼多，但就有一板海膽。海膽十分鮮，沒有腥味，帶有入口即溶的感覺。言而，油甘魚白色的脂肪細紋散佈平均，肉質甘甜，口感幼細 ，不錯不錯。更值得一提，就是半開的糖心蛋，蛋漿半凝固狀，一入口近乎滲透口腔之中，味道極之不俗。海膽醬燒原隻帆立貝/$58，帆立貝彈牙，配合海膽醬

這間餐廳其實已經開了一段時間，但因為我見價錢不是特別平，食物也不是特別吸引，所以直到今天才來試。進入餐廳後，我向侍應表示之前預約了枱，侍應就帶我們進入餐廳。我看了後嚇了一跳，我不知道這是叫室內還是室外，它是餐廳外類似露台的地方，但餐廳的職員用透明的膠幕把空間封住，然後在膠幕的中間開一個洞裝上冷氣機，就如下圖般。我不知應該表揚他們的創意，還是說他們算到盡好。雖然表面上是有冷氣，可是在太陽的照射和封閉的情況下，整個空間猶如温室般，非常悶熱。我實在難以想像在預先預約的情況下，我所得到的位置竟然是如此差，恍如胡亂安排剩下的位置給我們般，不像是預留的樣子。食物的選擇大致上有魚生、飯和烏冬，每份餐都附有糖心蛋醬油漬一隻、日式麵豉湯和時令沙律。平日午巿有75折，折後就是每幅圖左上角的價錢。我這次選了野菜照燒雞扒讚歧烏冬。跟餐的沙律，是正常的味道，沒什麼特別。然後，我們整枱人就步入了漫長的等待時間。整間餐廳的運作模式十分混亂，因為太多人點了餐，很久也沒有的關係，基本上哪枱追就給哪枱，所以去到後來侍應自己也亂了，不知道哪枱給了，哪枱沒有給。單是就欠什麼食物這條問題，短短幾分鐘已經重複問了三次以上，但期間

朋友仔食日講笑話要我請佢食龍蝦今次俾我搵到一間喺公司附近嘅日式餐廳入面有一款龍蝦刺身爆丼非常啱佢所以我哋今次一齊喺呢間餐廳gathering餐廳環境都幾骨子，都幾有空間感，座位闊落。一來就係開胃前菜香桃沙律一絲絲蘋果絲好爽，桃又夠香甜大愛清新口感我點咗一個北極光海膽杯滿滿既紫薯、蟹肉蓉、海膽蓉、同大大片海膽，好有海膽既鮮味! 大家仲想食燒海燒師傅係廚房消好先拎出嚟 啲海鮮都幾新鮮:有鮑魚、帶子、生蠔、蜆我最鍾意鮑魚，因為難得燒得好又入味而且夠腍。龍蝦刺身爆丼好快都上枱非常吸引整隻既龍蝦，好有份量蝦尾已經拆哂肉調好味，味道唔會覺得單調。另外仲有好幾片不同刺身，片片都係最愛。龍蝦入面既蝦膏我地都挖得乾乾淨淨，拌飯一齊食又會又鮮味。一間唔錯既日本餐廳

久違了的日本料理, 呢日一於食日本菜!同女朋友黎到觀塘既呢間工廈內既餐廳。人唔算多, 唔駛等就有位了, 很好。餐牌好多野揀, 當然揀d最吸晴。先上既係蟹子蜜桃蘋果沙律~~賣相非常吸引~擺盤好有心機。粒粒蜜桃下係蘋果絲, 食落非常清新!第二味上既食串燒, 分別係煙肉蘆筍, 牛舌同脆皮白鱔🐟。 三者都成功脆口之餘而保留水份, 而當中白鱔好正, 脆口彈牙。接住黎既係築地壽司杯!!賣相同樣一絕, 壽司係放係一個個玻璃杯仔入面, 而刺身鋪滿係面!呢杯係魷魚, 新鮮爽口彈牙。最吸睛係海膽!兩大片 入口即溶!之後還有呢個吞拿魚, 味道濃郁。接住 主菜要到喇。龍蝦刺身飯!!龍蝦肉係以伴沙律形式上, 味道非常鮮甜, 而意外地多肉。刺身方面則有三文魚, 吞拿魚, 希靈魚等等。食到捧住個肚走!

日本菜向來係我嘅至愛，今次就去左呢間係工廈入面嘅日本餐廳，味道相當唔錯!值得推薦。一入到餐廳就聞到淡淡嘅魚味，好似去左日本嘅魚市場咁，令人胃口大開。呢杯青蘋果乳酸，望落綠油油咁，但味道相當唔錯!油甘魚海膽丼份量十足，油甘魚夠新鮮同厚身，而海膽亦都幾鮮甜，至少唔會有怪味。壽司杯亦令我相當驚喜!可以一次過試最唔同款嘅壽司，有甘蝦、三文魚、舌拿魚等，最緊要係款款咁夠新鮮。三文魚刺身亦相當新鮮同厚身。除左魚生外，呢度嘅燒物亦相當吸引。燒蠔夠大隻，芝士味濃，非常好食。炸芝士年糕亦相當唔錯。燒一口牛非常嫩滑，係必點之選。

又到週末都係時候食啲好嘢獎勵下自己。 經過觀塘巧明街， 成日見到好多工廈樓上食肆派傳單。 這間丼上網search過 唔少好評， 一於試試。餐廳唔係特別豪華裝修， 不過甚具特色， 唔夠六點已經有客人開餐。望住餐牌已經有選擇困難症。 好多特色小食，串燒，刺身料理可選擇。北極光海膽杯 $198 ( 試食價)鍾意食海膽嘅我見到有款北極光海膽杯做緊試食價。所有材料就放喺隻香檳杯裏， 顏色層次分明， 好似一杯色彩繽紛嘅芭菲新地。 最頂層的是黑色嘅蟹子， 仲有一塊炸得香口嘅脆脆， 有魚乾嘅味道。 接著是 甘甜嘅海膽， 質地唔会好糊身， 新鮮冇腥味。 味蕾一下子被打開了。海膽下面是海葡萄， 還有粒粒 晶瑩通透的三文魚子， 份量唔少。 再深層的是蟹肉;蟹膏豆腐， 最底層紫色嘅係紫薯蓉， 嘗試把蟹肉和紫薯撈勻吃， 估唔到味道好夾， 鹹甜溫和融合。築地壽司杯 $148另外我們也叫了推介的"築地壽司杯"每隻杯都 盛載著唔同款式的刺身和飯。先吃第一杯黑魚子和海膽。 海膽仍然都是那麼甘甜， 飯嘅份量原來都唔少。 感覺每杯有三件壽司饭份量。跟著是2隻大頭赤蝦， 鮮甜味美， 米飯份量比例剛剛好。接著是橙色系列三文魚

 最近在公司附近發現左一間隱藏係工廈當中的樓上日本餐廳, 佢俾我的第一印象就係非常有“爆炸感”! 因為佢每款丼飯上面的刺身係都係裝得非常爆滿, 而且擺得非常靚, 就算未能食到, 齋睇都令人覺得有滿足感. 龍蝦刺身爆丼 果然係視覺效果非常爆的丼飯! 除左有新鮮的三文魚, 八爪魚,希二靈魚,吞拿魚等刺身外, 仲有大大隻嘅龍蝦做主角, 非常吸睛!  兩隻龍蝦鉗大大隻, 仲有好多肉可以食;  而龍蝦身啲肉就拆出黎切粒連同青瓜等食材整左個沙律, 清爽又開胃; 北極海膽杯 海膽杯顏色豐富, 非常吸睛. 由上至下每層的材料都唔同, 每食到一層都有唔同的味道同口感, 層次感分明.  有脆卜卜的香口魚仔脆片, 軟綿鮮味的新鮮海膽, 味道鹹鹹地有海水味的海葡萄, 一樣鹹鹹地但就帶有魚味的三文魚籽, 滑嘟嘟的海膽豆腐, 啖啖肉的蟹肉, 同埋綿滑香甜又唔 “漏”的紫薯蓉. 築地壽司杯 包括左有海膽杯, 蝦刺身杯, 三文魚刺身杯, 魷魚刺身杯, 吞拿魚他他杯 同埋 吞拿魚紫菜卷. 每款都係細細杯細細件咁, “的式” 又可愛, 未食齋睇已經好吸引. 除左睇得之外都食得下咖. 上面啲刺身都好新鮮, 質素都唔錯.

又係食日本野的時候了，今晚又同朋友係觀塘食，知道有間係工業區樓上日本野，即刻去試先！環境都似日式小店架。香桃蟹子沙律$78勁多好甜既蘋果絲同新鮮的桃片，上面仲有D蟹子，口感好爽又甜，幾開胃。丼瀛龍蝦刺身爆丼 $228推介！龍蝦份量大！好細心咁拆殼切粒，肉質幾彈牙，好似食沙律咁。另外仲有三文魚、北寄貝、糖心蛋、吞拿魚，真係大滿足！　個蝦鉗都可以食埋！味道都唔錯，食落去都幾鮮甜。北極光海膽杯$198有兩大片海膽杯好新鮮。下面有黑魚子、沖繩海葡萄,海膽豆腐，蟹肉，三文魚子，海膽味好重，雖然細細杯，但岩岩好唔會好肥膩。鍋燒烏冬 $98有炸蝦，雞，蟹柳，用壽喜燒既湯底，甜甜地又咸咸地。仲叫左Ｄ串燒有燒茄子，雞肉串，雞翼，栗米等，即叫即燒，份量岩岩好。20幾蚊一串又唔太貴。OVERALL D 魚生都高質，又唔係話好貴，見到仲有得燒海鮮TIM

又到觀塘覓食去~老友在觀塘上班, 所以我們約在觀塘.觀塘近年多左好多樓上舖, 老友今日就帶左我去食日本野. 眼看雖然係工廈格局, 但幾企理, 地方寬敞.餐廳除了提供刺身、魚生飯、丼飯、壽司、串燒、沙律, 仲有浜燒, 好多元化!丼瀛龍蝦刺身爆丼 $228賣相非常吸引, 有大大隻龍蝦, 仲有刺身及沙律. 同時可以滿足晒幾個願望, 呵呵~ 龍蝦唔止唔隻, 都幾多肉, 而且師父已經起左肉, 所以好容易食. 龍蝦売內仲釀左青瓜沙律醬等, 配以龍蝦肉一齊食, 幾清新. 香桃蟹籽沙律 $78沙律配上香桃及沙律醬, 酸酸甜甜咁, 幾開胃. 呢個沙律特別之處, 係佢唔似一般既沙律用青瓜切絲既做法, 而係用蘋果切絲, 甜甜地, 幾好味! 再黎餐廳招牌 – 北極光海膽杯 $198唔好睇呢個海膽杯細細杯咁, 其實好豐富! 頂層有黑魚子、海膽、三文魚子, 中層有海膽豆腐、蟹肉, 低層有綠豆腐、紫薯蓉! 食落好有層次, 又夠鮮甜, 名不虛傳. 朋友仲話, 呢度午市免收加一, 仲有75折優惠, 真係幾抵, 可惜星期六日同公眾假期停用><

觀塘區真係越黎越多樓上鋪，臥虎藏龍，但我就好少過黎覓食！適逢今日同朋友gathering ，佢就搵左觀塘既一家樓上鋪，未去前仲驚好難搵，但原來在APM，穿過港貿中心出去轉右行就見到，好易搵！上到去8點多已經好多人，雖然餐廳在工廈既樓上鋪，但餐廳設計仍富有日本氣氛，感覺舒服！餐廳價錢中等，選擇都算多先黎 - 香桃蟹籽沙律 $78一般食既沙律都係以青瓜絲而成，但呢度既沙律，係以蘋果絲造成，幾特別！蘋果切成幼絲，配上香桃及蟹籽，感覺清新，係一道唔錯既前菜！丼瀛活貝大盛 $298 / 丼瀛活貝大盛包括活鮑魚、岩蠔、北海道帆立貝、香蜆，每樣都有兩隻，可以同朋友share食燒蜆肥美，燒鮑魚幾鮮甜，燒得剛好，唔會乾！燒帆立貝同樣鮮甜，加左啲蔥同牛油，所以幾香！築地壽司杯 $148 Menu見到呢個築地壽司杯，見咁多款又幾好喎，所以又叫左個share食！包括有海膽、大蝦、三文魚、魷魚、拖羅碎、吞拿魚手卷，樣樣都係一少杯，每杯壽司飯同刺身都係各佔一半，份量預得幾好！總括黎講，食物價錢中等，餐廳環境舒服，係一個傾計既好地方！

炸豆腐有曱甴，仲要食到一半先見到，好彩成隻曱甴有觸鬚有腳，應該都齊齊整整嘅 ☠️☠️☠️ 阿姐淡淡然咁話幫我取消咗佢，一句對唔住都無.... 我同老公都受咗好大驚嚇！🤮🤢🤮🤢🤮🤢刺身飯同其他小食都唔係好食，兩公婆星期日午餐一人要二百幾蚊 ，中環價錢，食垃圾之餘仲要食曱甴 🤬🤬

觀塘工廈區漸變美食天堂，不難發掘隱世高質食店，是夜又遇上一間誠意滿滿的創意日本料理餐廳，印象難忘。餐廳裝潢甚有日本居酒屋風情，座位舒適，也有私密度高的廂房，適合朋友聚會。幸好早一步入座，隨後人客眾多，幾乎滿座，原來餐廳甚具人氣，非常熱鬧，氣氛很好。不得不讚餐廳的服務佳，個個有禮殷勤，老闆還親力親為不停主動招呼客人滿場飛，十分親切，而且招呼很周到，完全感受到他們的用心經營，充滿誠意。食物選擇多元化，有不少自創料理，除了多款刺身丼、小食及串燒，最驚喜的是連海產磯燒都有，相當吸引。丼瀛龍蝦刺身爆丼非常豐富，除了多款新鮮魚生片外，還有大大隻漂亮的龍蝦，像極模型一樣，拆開蝦鉗啖啖肉，蝦頭更有滿滿的蝦膏，蝦身的肉則切開成龍蝦沙律，拌著青瓜和沙律醬清新又美味。築地壽司杯賣相十分精緻，有齊我最愛的海膽、三文魚、甜蝦、魷魚、吞拿魚蓉，款款新鮮，海膽更是份量十足，好正！一杯一杯的接著吃好有趣也好方便。香桃蟹籽沙律很出色，大量起哂沙的蘋果肉絲，極度清甜多汁，配上爽脆的蟹籽和甜甜的香桃片，口感好豐富，味道清新又醒胃，美味可口。厚燒玉子燒得恰到好處，保持一定的濕潤度，蛋香味濃，滑滑的，嫩嫩的，又甜甜的，非常滋味

專程黎呢度食浜燒，上網見到好吸引夜晚7點去到唔算好full餐牌好多選擇2個人叫左：1. 鍋燒烏冬多配料，幾日式，用鐵鍋裝住保溫，可惜個湯底極咸2. 北極燒海膽杯賣相好靚、好多層次，但杯身窄，要逐層食，普通3. 蜜桃沙律食落好楊枝甘露，作為頭盤怪怪的4. 丼瀛龍蝦刺身爆丼隻龍蝦海水味好勁，太咸了...食左一隻鉗就唔想再食其他刺身尚可，有勁多飯，係食唔晒既5. 鹽燒雞翼不過不失啦，易食6. 燒粟米好足料，比足一條斬半7. 燒茄子、豚肉茄子上面個醬好咸，豚肉ok飲品冇乜選擇，得果酸同蘋果茶如果對食有要求，可以唔洗試...

今日同朋友仔見見面。佢就係觀塘搵左間日本料理。我地好彩6點就去到，仲未有人。去到7點就慢慢多人，都9成full.環境都唔錯，好有日本feel.坐得都舒服。野食方面都幾多選擇，有小食，炸物，壽司，串燒，刺身丼飯都有。樣樣都好吸引咁！😋見到呢個 ：丼瀛龍蝦刺身爆丼🍚成隻龍蝦 賣相超靚。龍蝦刺身肉 已拆出，製成沙律🥗龍蝦肉夠哂爽口彈牙，又幾好味！龍蝦頭都有肉食到，好有鮮味。除左龍蝦，仲有幾款刺身：三文魚，油甘魚，吞拿魚，希靈魚，八爪魚刺身肥美大塊。好鮮甜😋仲叫左份 築地籌司杯 🍣賣相又幾特別！用一個個杯放滿唔同既刺身飯。吞拿魚蓉 同吞拿蓉落手卷：味道甘香，唔會好鹹。配埋飯粒食，不會覺得膩。帶子，三文魚，甜蝦刺身 都好出色，夠新鮮。海膽杯就最好味喇！😋海水味好濃，一啖放入口 ，口感creamy 爆燈！串燒方面：叫左明太子釀雞翼，將明太子肉釀入雞翼，令到佢脹卜卜。燒到外皮金黃色，脆卜卜。雞肉好嫩滑，加上明太子真係好夾，好香口！厚燒玉子 🍳甜甜既玉子 加了醬汁 燒一燒。玉子半熟口感，好juicy. 甜甜地，幾好味。燒白鱔🐟呢個燒得好味，白鱔皮燒到脆卜卜，好乾身。而白鱔燒到好多魚汁，好香又爽口