丸亀製麵 (iSQUARE國際廣場)

營業中

休息中

在iSquare看完戲已差不多十點，隨意地走進這家烏冬店。這種日式自助烏冬店的格局，即時令我想起我第一次去東京旅行時，跟著旅遊書去吃，被騙吃了東京麵通団。東京麵通団不是難吃，只是所有天婦羅都是非常冷冰冰的。好吧，試試香港的！估不到烏冬種類選擇如此多，我就選了溫泉蛋烏冬和咖喱烏冬。可是十點這個時候，大部份天婦羅盤都是吉的，沒太多選擇，最後兩隻海老天婦羅跟排前面的顧客，各搶了一隻。店員說可以另order天婦羅的，他們會再弄些出來，很累的我沒有order了，夾多一件茄子算了。雖然是讃岐烏冬，但麵質不夠煙韌，醬汁湯底比較咸，但撈埋溫泉蛋的蛋黃就剛剛好。海老天婦羅有正常日式餐廳水準，$13蚊一只來說是很好的了。另外，淨咖喱烏冬，是偏甜而完全不辣的日式咖喱，味道OK，但如果再熱些會更好，同樣也是烏冬不夠煙韌。 跟日本的一樣有返却口！但香港人都是等阿姐收拾餐盤吧～走的時候才有新鮮炸好的海苔魷魚天婦羅，很想吃！總括而言，在iSquare可以做到這麼平民的價錢，環境舒適，食物又不差，已是很好！但我對烏冬要求高一點，真的想要煙韌一點，下次試試點餐時要求吧～

The first time I encountered Marugame Udon was in Takamatsu, where Marugame is based I believe, many years ago.  I was impressed by its quality, transparency, cleanliness and low price (it is cheaper in Japan than in HK). When it opened its first store in HK last year, I was glad that it finally came to town.The keys of this store are its udon and soup but not the tempura I feel. I am not saying that the tempura is not good (especially factored in the price), just that they are not as outstandin

今日同朋友睇完戲，盲摸摸就黎左呢間試下，大家都係溫泉玉子伴烏冬(一個有明太子一個冇), 另外再加海苔魷魚天婦羅同蕃薯天婦羅。始終依度烏冬係主打，真係要講下烏冬..我地兩個烏冬都係要熱，但係感覺上只係室溫，可能係撈烏冬既關係掛，所以可接受，但味道就真係麻麻地，正確呢講應該係無咩味，而且感覺上好乾，撈埋D料(溫泉蛋&明太子) 感覺上仲有”溜”既感覺，我地食完只係覺得飽，但冇滿足感sosad T_T不過喺TST呢講價錢係平既~~~=]

接男朋友下班前，自己獨個兒享用下午茶來吃自助烏冬，呵呵～先點好餐，看著師傅立即煮麵條選擇還蠻多的，看起來每款都很可口有中 & 大，2種size選擇取得烏冬後，再選配菜有天婦羅及飯糰～結帳的旁邊，放有餐具跟調味料覺得味道不夠的話，可以再添開水也都是自助式的豚骨湯烏冬 ﹝中﹞配料有半顆蛋跟鮮嫩的豚肉片麵條較粗，很Q彈有咬勁天婦羅配菜，則選了雞柳 & 半熟蛋雞柳炸得酥脆肉嫩，而半熟蛋掌握得很好，中間呈流心狀，有驚喜湯頭很清甜，肉味香濃很喜歡喔 ～不知不覺間就把它喝光了～ 呵呵過幾天，跟男朋友一齊再來享用下午茶發現好餐廳，一定要分享啊～～冷烏冬 ﹝大﹞麵條的份量不算很多，男生吃的話，可能會不滿足喔在冷麵汁中，加入蔥末、薑茸和芥末更為滋味有厚度、粗度的烏冬，我超愛很掛湯，也夠煙韌我的鰻魚飯糰，個頭好少喔沒幾口就吃完了，不滿足這裡烏冬的麵條，做得很出色值得為了它，一再報到～

3:00pm 幫人去尖沙咀攞d野之後有d肚餓就上openrice望下附近有咩野好食發現有價錢ok既烏冬wor 就一個人走上去isquare既丸亀3點幾鋪頭入面有幾枱人入面比我想像中大(仲幾靚tim)叫左個"醬油蘿蔔茸拌烏冬"(中) $35個師傅仲問我要涷/熱烏冬我諗凍既適合d撈再加多份"海苔魷魚天婦羅" $13丸亀呢種自助形式係香港好少見通常大學canteen先有由叫野食到食完先將個tray交返去都係自己黎個烏冬幾好食同d蘿蔔茸好夾 (幾清甜)不過可能我落得唔夠多醬油所以唔係好夠味個天婦羅雖然凍左但係出乎意料地好食好大舊魷魚係入面但唔會話咬唔開下次再黎都會食呢個^^

黎到門口先記起嚮日本食過, 仲記得日本人服務態度良好, 跟今日所見的完全是兩回事...見門口多人聚集, 深怕無位, 所以友人就快快手行入裡面攞位, 而我就先行點餐..先唔好講食物! 點餐時, 個負責碌烏冬既姐姐態度係"極度懶散"!!  原本想要試明太子拌烏冬, 但佢好似嫌煩咁話要等好耐! 因為怕耽誤時間所以叫左個豚骨湯烏冬...夾下依樣夾下個樣就俾錢. 快快手買完行入去就叫友人去買佢自己個份. 點知友人告知有個阿姐同佢講唔可以攞位先! 但都坐低左放好袋, 最後都無再驅趕我地..其實俾錢中途都隱約聽到執枱嬸嬸開始唔俾人入去攞位先, 有d客人答佢"睇下有無位姐"...依刻我先知道原來要"先點餐, 後攞位" =_= 返到位同友人講起, 又見到有對父子差唔多坐低都俾人驅趕. 個小朋友大約5, 6 歲, 佢爸爸揹住個大背囊又拎住個袋, 顧得依樣又顧唔到第二樣, 想俾個小朋友坐低等都唔得! 依樣坐位安排真係好有問題! 其實要小朋友一齊出去買烏冬真係有一定性既危險, 萬一意外d滾湯倒到佢地你話點算?? 坐低左仲發現不遠處有個family推bb車! 一手攞tray一手推車? 唔通叫bb幫手攞住先? 你

即整嘅 Udon好食又平 XD (加勁多葱同埋七味粉)尖沙咀又一平野選擇最like 腐皮山葵飯團My favoriate arrr 入面有好多白芝麻 少少辣 腐皮甜甜地

第四次黎呢間食烏冬，上次試過暖既，都係覺得凍既最好味，今次唔洗排隊，可能因為早左小小食晚餐，大約七點到。要左中既凍烏冬，一個紫菜尤魚，一罐Sapporo。 凍烏冬好彈牙，係 wasabi 既湯度浸一陣，淡淡既湯掛係凍烏冬上，唔太咸，有淡淡既wasabi味，超好食！再配上炸物碎既既脆脆口感，超夾！另外，紫菜尤魚係我另一個重點推介。之前試過蝦，炸雞，蕃薯，最鐘意既都係紫菜尤魚。雖然細細一碟要成十幾蚊得幾粒，但即炸起既話真係好好食！紫菜既香味加上尤魚既咬口，簡直好似置身於日本一樣！要揀即炸既紫菜尤魚炸物係可以落 order後上既，咁就可以食到新鮮卜卜脆既炸物，另外，有熱水供應，咁就唔洗飲凍冰冰水喉味既水。

第一次試, 睇左一輪, 選左個明太溫泉玉子伴烏冬, 另外再加海苔魷魚天婦羅講左個烏冬先...本身我係第一次選撈烏冬, 賣相OK, 但味道就真係幾麻麻. D料(溫泉蛋&明太子)好普通, 唔算出色.烏冬其實隻麵質OK, 真係讚歧烏冬黎.不過依個撈烏冬, even我加左醬油, 感覺都係好乾, 又無咩味咁. 結果忍唔住出去請店員幫我加少少清湯. 加完雖然唔乾, 但都幾咸. 我其他食湯烏冬既朋友都話咸, 咁應該係佢地個湯底問題. 唔知係咪真係選錯左啦...我就覺得碗烏冬就唔多得~另一樣, 海苔魷魚天婦羅反而幾好, 海苔幾香, 幾好食~雖然今餐都只係$54, 唔貴, 不過我就唔會再黎啦(始終依度烏冬先係主打~)

年前到日本旅遊，見東京地方一帶開了不少丸龜制麵的分店，在將近回港的一晚便在酒店附近吃了一次。記憶是，烏冬做得彈牙而靭度適中又帶麵粉香氣，整體與該店自調湯汁味道十分配合，再加上約十多廿塊港幣即炸各式天婦羅，確實是不錯的選擇！在香港iSquare 登陸的分店已開業一段時間，久久未有機會再嚐，這天幸好有機開小差到訪一次！與日本店的經營手法一樣，拿取食物是一如許多大專院校食堂一様是先拿着托盤排隊在counter下單先取烏冬，再順著排到天婦羅counter處去選擇剛炸好的食物，最後便是到末端取其他小食及飯團。而鰹魚醬油、天婦羅醬油、及任加的蔥與天婦羅粒則在收銀旁自行任取。老叟選了溫泉蛋烏冬。可能是煮的時間問題，鳥冬比在日本吃時稍稍較軟，也欠缺了點麵粉香，湯頭較咸；雖然如此，烏冬的咬口質感及味道是十分可口及自然，仍比連鎖嗰間"自己整嗰間烏冬＂好味及抵食。溫泉蛋的生熟程度拿捏得很凖，滑滑的生熟蛋溜進喉頭十分滋味！另外亦叫了一份天婦羅炸菜，大大份的天婦羅只賣十分塊；內有大量洋蔥、豆、蘿蔔等，炸得香脆而餡料清甜，也是非常抵食之選！

那天晚上，我跟 3 位食友一起到尖沙咀，由於，我們想到 <The Steak House Winebar + Grill> 一嚐巨型甜品！ 先嚐一些鹹食打底！於是，其中一位食友建議到 iSQUARE 的 <丸亀製麵> 食烏冬！真是 Good idea! <丸亀製麵> 是一間自助形式烏冬店，這裡有十多款烏冬口味以供選擇 $25 ~ $46！ 由於，丸龜市是讚岐裡的一個城市，以售賣日本讚岐烏冬為主！ 食客只需選擇烏冬口味，烏冬即點即煮，新鮮熱辣辣！ 然後，選擇炸物！炸物選擇多！看來很香口！真惹人垂涎！ 如果，嫌不夠飽，可選擇壽司及飯糰；還有飲品或自助開水；最後，付款！當然，可在醬料櫃自行添加配料，有蔥、薑茸等，還有鰹魚醬油及天婦羅汁以供調味！店內有吧枱、亦有二人及四人枱！方便食客堂食。我一入門口，見到清怡口味的野菜烏冬，(中) 只售 $35 / (大) 售 $40！相當抵食！ 那麼！我決定要野菜烏冬！野菜烏冬 (中) $35 灑上金黃色的天婦羅脆脆！增添滋味及口感！最怕食到酸味烏冬，這裡用上讚岐烏冬，有些少煙韌口感，滑溜溜又夠入味！野菜包括：

丸亀製麵初開業時來過一次, 但因太長龍, 最後放棄了. 事隔數月再來, 人龍少了, 可能熱潮已過, 反而成就我們可以一試. 餐牌上並不是太多選擇, 看了一會就選了一碗豚肉拉面, 之後加了一個野菜天婦羅, 因為當時其他炸物賣相也不太好, 好像放了很久的. 選好食物就付款, total $69, 以自助形式來講, 價錢其實不十分平. 之後可在自助醬料櫃添加配料, 蔥, 蒜, 薑茸都很充足, 我每樣也加了一些.首先講湯底, 味道夠鹹, 但不夠濃香, 欠缺了鮮味. 豚肉的份量不少, 味道不錯, 雖然味精感重了點, 但也夠惹味, 可以彌補烏冬的單調味道. 其實我已加了很多配料, 令整碗烏冬香濃了很多, 如果什麼都不下, 應該更單調乏味. 野菜天婦羅, 點這個的原因除了因為大大件外, 就是因為剛炸起夠熱辣辣, 所以入口仍然香脆, 其實不太吃得出內裡是什麼, 因為粉漿很多, 幸好沒有油味, 加點七味粉伴吃會更美味, 質素比烏冬要出色.整體來說, 是平庸至極. 後來知道荃灣廣塲也開了分店, 本來這麼近住所, 應該很高興, 但其食物的質素又的確一般, 不足以令我會很想再專程去吃了.

今日約左朋友喺尖咀食飯，不過我要求食平d，之後佢介紹左黎食。哩間店係自助型式，據說係日本丸亀店嘅香港分店。自己試左個咖喱鳥冬，咖喱係傳統日本式甜辣，有肥牛喺當中。另外加多個海苔魷魚天婦羅，哩個魷魚天婦羅炸粉唔厚，味道真係一流，真係有驚喜。整餐味道環境都好好，哩個價錢喺尖咀食dinner真係抵。

美食簡評：鳥冬．咖喱鳥冬咖喱甜而不辣，很像即食咖喱的味道友人說味道很像在日本嚐過的．醬油鳥冬鳥冬迷必吃，推介！簡簡單單的醬油和蔥已能吊出鳥冬的面粉味．豚肉鳥冬豚肉湯味清淡，感覺較不油膩，可是感覺沒什麼味天婦羅．海苔魷魚天婦羅本人本來不太愛吃天婦羅，但這魷魚天婦羅炸漿薄，更配上海苔減淡炸物的油膩味，味道在一眾炸物最為出色及驚喜．蛋天婦羅天婦羅內是一隻全熟的蛋，炸漿和蛋分開，感覺在分開吃蛋和炸漿．雞天婦羅炸漿厚，雞肉鮮嫩，吃到最後有點膩飯團．腐皮飯團腐皮微甜，整體感覺不過不失，可以不用一試．三文魚飯團飯粒乾，紫菜軟及腍，三文魚漬微鹹，整體感覺有點像乾啃，可以不用一試

看到這間餐廳有不錯的食評，便決定試試看。遠處看到餐廳門口有人聚集，心想一定很好食才會有人等候，原來並不如此。餐廳像快餐店的形式，在門口先點選想要的烏冬及湯底，我和朋友選了豬骨湯及咖哩烏冬，之後等烏冬煮好後，便移去食材處，全都炸物和天婦羅，選擇不多，另外亦有飯糰供選擇，選好食材後才到收銀處付款。(留意: 要買了烏冬才可入店內坐，不可先行入內留座)烏冬的質素的確不錯，煙韌彈牙，奈何湯底味道太濃，令人口喝。食材都是普通炸物，沒有甚麼特別好吃不好吃。飯糰是繼湯底後另一鹹作，味道又是太濃。總括來說，這間餐廳除了烏冬外並無可取之處，不試也罷。