串酒里 (已結業)

這家店的前身，我吃過但沒有太大好感，不過早前中同介紹這裡，說食物好吃手工啤也出色，所以我就來了。趁飛臺北前，與好友來個晚餐加HH吧。這裡有店家獨賣的本土手工啤，賣點除了是本土大概就是粗口字，每款的個性也很鮮明，易入口味道也很討好，相當討人歡喜呢！食物選擇很廣泛，先來牛舌與牛柳，牛舌基本上是我吃串燒時必點的項目呢，這裡的有水準，吃得滿意，牛柳粒相比下，略有點失色。黃金扭扭薯條也是這裡的名物，正值香港與亞洲也吹著一股咸蛋黃熱潮，這裡的扭扭薯條加上咸蛋黃實在是一絕，是上好的下酒菜！麻吉燒是有趣的一味，魚餅夾著年糕，口感不錯，加上微甜的蜜味，是相當討好呢！煙肉蕃茄是基本菜色，吃點酸酸的平衡一下也不錯是晚見到一個有9隻燒蠔的拼盤，價格很親民又可以一嚐不同款式的蠔，就點一份與好友黃共享吧！其中冬陰功蠔與泰式焗蠔也是清新的口味，黃金醬與車打芝士、肉醬和蒜蓉這幾款剛傾向重口味，松露蒜蓉就難免被蒜香完全霸佔了味蕾，雖然如此，這款仍然是CP值高的選項。也點了一份大啡菇，無聊如我們更玩起拉絲呢！因為想減低罪疚感，也點來一份秋葵，也正好減減膩。不得不讚的除了薯條大概就是這個燒原條魚香肉碎茄子，平常燒烤店都有供

食物夠熱 味道剛剛好 特別係蒜蓉 做得好好味推薦 牛舌 茄子 扇貝飲料方面 特色啤酒味道特別 配上本土特色名稱 好有意思 上面簡單有驚喜 位置不多 但坐位舒適 推薦給2-4 人總括而言 值得一試

朋友選擇這裡慶生，經OpenRice 訂坐，7:30pm booking 早咗10 分鐘到。到達時負責人就即時通知用餐時間90分鐘，咁由於早咗，佢到offer 7:30pm 起計。朋友到咗之後原先諗住嗌draft beer , 佢話冇哂因為部機熄咗(佢指一指部機)！但係係顧客既層面係唔會知你部機係開定熄囉😑Order 完之後好快已經有野食，味道只係ok, D嘢食完全唔夠熱唔似即整。到差不多夠鐘時醒起要食燒菠蘿做甜品，想order 但竟然有order 唔接因為已經夠鐘交枱(當時只有一張大枱同兩枱兩位客，仲有5張吉枱).....原先都諗話90分鐘，如果冇客排隊應該可以走盞下(好多餐廳都會咁做) 但負責人話訂枱既客嚟緊喎！就這樣甜品都冇既情況下同朋友慶生😤

朋友介紹這餐廳有款很特別的粗口手工啤，於是我和男友專程來一試。餐廳以食串燒為主，店內燈光柔和，播放著音樂，很適合飲酒聊天。我們點了兩支手工啤，一支是香甜蜜糖味，另一支是香檸薄荷味。兩支都偏苦，蜜糖味啤酒有淡淡的甜味，香檸薄荷味則感覺清涼。鹽燒厚切牛舌很彈牙又多肉汁，本身牛肉味已夠香濃所以只用鹽調味已經很惹味。鹽燒安格斯牛柳粒肉質柔軟，多肉汁，牛味濃郁。簡簡單單的鹽調味更能帶出安格斯牛肉獨特的味道來。麻辣醬燒黑豚肉入口時不算太辣，但慢慢麻辣味在口腔內擴散，十分刺激。黃金扭扭薯條薯條炸得外脆內軟，表皮沾滿了黃金色的咸蛋黃，味道咸香惹味，令人一試難忘。蜜糖燒豆卜豆卜燒得表面香脆，蜜糖塗在表面，令其甜甜的。日式汁燒BB露荀露荀味道新鮮，口感很爽，燒汁咸甜，為其清淡的味道增添不少風味。黃金醬燒扇貝扇貝肉很肥厚彈牙，醬汁酸甜，十分開胃。串酒里燒蠔拼盤這是餐廳的推薦菜式，一個拼盤可以試全部款式的燒蠔，由左上角至下是：蒜茸，冬蔭功，蛋黃，魚香，辣味剁椒，黑松露蒜茸，泰式辣汁，車打芝士，黃金醬。蠔肉很肥厚多汁，每款味道都各有特式。蛋黃滑溜，辣味剁椒香辣刺激，黑松露蒜茸香濃惹味，黃金醬甜酸開胃。

星期一有邊個打工仔係開心?我相信係冇, 因為返完星期一, 起碼仲要捱多四日先放假D個時候心裡面會彈左個"X"字出黎跟同事黎發洩下, 食下野, 講下粗口, 有咩好過咁?一入到D間串酒里, 有種去到上海田子坊既感覺, 幻想當年係田子坊飲酒吹水既日子都開始令人放鬆 粗口啤: $68/支同事話串酒里最出名就係粗口啤, 我地各叫左一支, 可以組成上圖D個TERM, 我都笑左好耐, 人生就係為左笑啦, 佢博到我一笑, 已經值回票價, 而且每一個粗口字既啤酒, 都係唔同味, 而且諗深入少少, 比D幻想, 個味係同個粗口字係有關的, 超有創意!黃金扭扭薯條-$49扭扭薯條已經比一般食既特別, 係D個咁特別既薯條上面蓋上蛋黃, 果種惹味, 香口, 經幻想又再出現在我咀裡, 回味無窮呀!鰻魚-$49D個鰻魚燒食岩岩好, 外皮仲有少少脆, 而且唔係太多汁, 唔會死咸, 個汁吊起左鰻魚既味燒玉子-$32燒玉子係一條看似容易但其實都幾難整既菜色, D度就整得香嫩, 而且食落幾有層次, D個有驚喜黑椒燒雞翼-$28/兩隻D個雞翼可以燒到外脆內嫩, 入面仲有好多肉汁, 加埋黑椒係出面更香, 燒雞翼黎講D度好出色燒扇

星期日就好似等待行刑般咁, 個心好忐忑, 唔想星期一既來臨女朋友知我會咁(其實佢都有咁既心情)佢話之前同FD食過D間串燒, 岩晒我, 所以我就乖乖地跟埋佢去食啦D間串酒里離佐敦站約為3-4分鐘, 位置方便, 位置又旺中帶靜, 同FD食飯吹水一流D度最出名當然係粗口手工啤啦-$68/支, 可以攞正牌大大聲講出口, 而且唔係單只外面張紙有唔到, 每一支既味道都係唔同, 只要加一點想像, 飲一啖啤酒, 再估下你係飲緊邊個粗口既啤酒, 每個人都會回心微笑, 又好玩又好飲麻辣汁燒雞泡魚乾-$49: 之前係福岡食過超好食既雞泡魚乾後, 超難忘, 返到香港見到有都會點黎食, 但好多次中伏, 好多次失望, 但D度既雞泡魚乾我地都覺得拍得住日本食過的, 少少雞令你好開胃, 又唔會太乾太硬, 質感岩岩好, 送酒一絕呀!黑松靈沙律醬薯條-$49: 個薯條係即炸既, 所以一定要趁熱食, 配埋個黑松靈沙律醬太味美啦燒豆卜-$25: 燒豆卜看似平凡, 但去燒過野食既朋友都知燒豆卜個火侯都幾難控制, D度既豆卜就燒得岩岩好, 唔會乾, 而且係外面有蜜糖, 甜得黎又香口, 高質呀!車打芝士燒扇貝(兩隻)-$52: D

串燒癮忽然間慶起來，今天放假的大小姐介紹了之前跟同事在尖沙咀吃過不錯的一家串燒店，還說那裡有超有趣的手工啤酒，為食的人如我愈聽就愈覺得一定要試，就由她今天做明燈指引過來試一試！------------------------------◎ (X)支裝手工啤酒 - $68◎ (你)支裝手工啤酒 - $68對，這就是我覺得最有趣的東西！粗口啤系列一共有 6 款，除了「你」之外，其餘 5 款都是香港人耳熟能詳的粗口，而每款都有不同的味道！跟大少姐選了喜歡的口味 : Diu - 香檸薄荷味 、你 Nei - 蜜桃菜頭味，剛剛就砌出了這個句子。細心品嚐，味道配搭的款式都很清新有趣！------------------------------◎ 脆燒日本原條鰻魚 - $49串燒最重要的就是要燒得熱辣辣而且要燒出食材的神韻！原條鰻魚燒得相當脆身香口但不失原來的口感，汁燒的鰻魚相當惹味，一口一塊，過份地吸引呢！------------------------------◎ 秘製汁燒鮑魚 (兩隻) - $99難得約到最近忙得要命的大小姐晚飯，當然要吃得豪氣一點，來一個汁燒鮑魚又如何？醬汁濃濃的，鮑魚口感

天氣凍凍地，想起串酒里。擇日不如撞日，來walk-in撞一撞運氣。 上次來的時候是夏天(食評請按此)，坐外邊很熱，今次被安排坐室內。 點餐紙轉了格式，食物種類相若，價錢也一樣。 牆上有是日推介，看著點餐紙無從入手的朋友，可看這個較易作決定 鎮店的粗口手工啤酒依然受歡迎。還多了個「你」，玩味更重 手工啤酒 $68 「九鳥」果香淡淡，橙味蠻突出，甜甜的，很易入口。 「柒」則是甜甜的蜜糖配麥味。口味特別，深得我心。 燒魷魚釀糯米飯 $89 吃過一次，有幾款燒物都令人念念不忘，這個燒魷魚釀糯米飯便是其中之一。 魷魚燒得夠香又彈牙，配上軟綿的糯米飯，好味又飽肚。多人吃的話，必點之選。 脆燒鰻魚 $49 $49的燒鰻魚，價錢超吸引。 我不愛吃肥肥口感的鰻魚，這款肉質較結實又不失肥美口味，正合我心。而且外皮燒得香脆，加上甜甜的燒汁，超抵食選擇！ BB露荀煙肉卷 $39 黑胡椒香燒餃子雞翼 $49 BB露荀超嫩、超爽口，煙肉鹹度也適中。兩者配合得天衣無縫，為看似普通的露荀煙肉卷更添美味。 餃子雞翼外皮香脆，肉質juicy，黑胡椒味也剛剛好，没令人失望呢。 汁燒豬仔髀 $59 麻吉燒

位於尖沙咀山林道6號的串酒里，主打串燒及特色手工啤。餐廳的風格以深色為主，配上木造的桌子，給人舒適的感覺。牆上也貼了不少熱賣串燒的圖片，客人可以看看串燒的樣子，再落單。串酒里有六款特色手工啤，當中是以粗口命名，而且每款的味道也不同。點了一款名為「柒」的手工啤，是香甜蜜糖口味的。味道頗易入口，而且能飲到蜜糖的味道。這道日本雞蛋燒廣島蠔算是較為新的菜色，廚師把生的日本雞蛋漿倒在廣島蠔上面，再加少許茄汁。日本雞蛋令蠔的口感更滑溜，咬兩口後一下子便滑到胃了。黑松露蒜蓉燒扇貝上桌了。黑松露的份量頗為慷慨，個人建議把黑松露醬壓平再食用會更加美味。整個扇貝的味道也頗濃郁香口，用來佐酒不得了。黃金扭扭薯條來到了，大大盤，份量十足，夠兩至三人享用。薯條在炸前沾了鹹蛋黃漿，所以炸出來是金黃色的，鹹蛋黃味道濃郁，因而得命。而且上桌時夠熱辣辣脆卜卜。燒玉子採用了先炸後燒的方法，能做到外脆內軟証明廚師技巧高超。而且不會燒到乾爭爭。芝士煙肉焗大啡菇的賣相則頗為美觀，表面的芝士成微啡，令人垂涎三尺🤤。餐廳會貼心地奉上刀，把啡菇切開和朋友分享。啡菇的肉質juicy又厚實，而且煙肉和芝士也很多，夠曬飽肚。

麥子的手工啤質素一向不錯，尤其香茅IPA及龍眼Pale Ale更令人印象深刻。今次慕名而來試試它為串燒店特別包裝既「粗口食字啤」（雖然唔係好Get到個名同啤酒本身有咩關係😂😂），周末chill一chill！「Diu」加入了薄荷及檸檬釀製，雖入口非常清新，但薄荷味略嫌有點太搶，蓋過了啤酒麥味；反觀混入煙燻黑棗的「Nan」，棗味與麥味比較平衡，入口亦平易近人。總括來說，這系列能保持麥子一貫質素，但只限於串燒店售賣未免有點可惜，而這裏的定價$68一支也屬偏貴😫😫😫若果將來有更多地點售賣，會能將此啤、甚至是麥子在香港的普及度提升不少。那便不會浪費麥子團隊的一番誠意及熱情。PS. 未有機會試試呢度嘅串燒，希望下次再黎係因為嘢食

偶然在社交網絡平台看見朋友share的"粗口啤酒"，成就了今次的串燒之旅位於尖沙咀的串酒里，位置不太好找，要花點時間搵路。入座後當然即刻點枝粗口啤先啦，真係隻隻字字鏗鏘，大家每日在街上，交通工具都會聽到的字眼.....港產手工啤黎啦，幾有氣勢!😎都係大路的燒物，羊架，雞軟骨，牛舌，菠蘿等...不能盡錄!黃金扭扭薯條，有少少蛋黃味，類似黃金蝦，幾過瘾。黑松露燒扇貝特别要稱讚：這個比目魚，無骨肉嫩，友人平時唔食魚都話好食👍🏻👍🏻章魚糯米飯，表面配上少少木魚，口感幾特别，不錯👍🏻Happy hour, 與知己把酒言歡乃一大樂事，埋單每人兩三百，盡興而歸!😊

又到左每月一次與姊妹們的飯聚，吹下水講下是非，美食相伴咁又一日吹水點可以無啤酒呢🍻，店員推介這個近期大熱的港式粗口啤，不善酒令的我淺嚐高興下又無妨，這枝啤酒賣相真係好特别，好港產，好地道😊😊超搞笑，哈哈！味道都唔錯，幾易入口，岩唔太鐘意酒精味的我!芝心日本蠔脆棒配沙律醬，類似春卷，但無咩蠔味，但超重芝士味，好脆，都幾好食!黃金扭扭薯條，份量好多，配上啤酒慢慢嘆真係一流!不過記得趁熱食豬仔脾，肉質唔韌，正常發揮，哈哈👍🏻明太子雞翼，少少辣，好野味，記得試另外亦order了牛舌，扇貝，紫心蕃薯，燒粟米， 茄子等等...全部都正正子，唔講太多，自己去試啦！哈哈總括而言，今次飯局幾值得回味又係時侯諗定下次食咩啦!P.S 餐廳面積不大，只有數張枱，有戶內戶外，建議早點book枱，否則碰上下雨天就麻煩啦！！！！

這餐廳的點菜方式是像放題一樣需手動的!!! 這餐廳也很貼心的提供一個小籃子, 讓我們可以擺放一些隨身物品!!! 本地製作支裝手工啤酒: 味道分別是: 青檸薄荷和蜜桃菜頭, 啤酒花味道挺重的, 對比之下, 青檸薄荷和蜜桃菜頭的味道較淡... 但整體來說, 這啤酒對於我來說是偏苦味的... 脆燒日本原條鰻魚:因為沾上大量的日式鰻魚汁, 所以這鰻魚的味道很日本, 又不會偏咸, 唯一美中不足的是鰻魚燒得一點也沒有(((脆)))的口感, 與它的名字(((脆燒)))日本原條鰻魚不符!!! 川式燒韮菜:韮菜是比較粗厚的品種, 而且燒烤時間掌握得恰好, 韮菜是"o林"中帶點脆!!! 但調味粉放太多了, 味道偏咸!!! 麻辣爽彈火雞腎:火雞腎很爽, 也很彈!!! 麻辣味也很突出, 下次要點少辣!!! 辣味剁椒燒日本廣島蠔和泰式辣汁燒扇貝:燒蠔和燒扇貝都是同樣沒有鮮味可言, 只吃到那濃濃醬汁的味道, 而且蠔肉和扇貝肉也是不約而同的... 各自與它們的殼都是完完全全的肉殼分離的!!! 更不可思異的是, 蠔殼和扇貝殼都出現異常的光滑表面... 這不會是飲食間傳說中重用再重用的蠔殼和扇貝殼吧?!... 車打芝士

今日過咗嚟食咗個串燒晚餐，見佢個名串串貢，而且幾多好評，一於就過嚟試吓係咪真係咁正先！首先要讚一讚呢度嘅服務態度 真係超級好！呢度嘅環境裝修都十分之有格調！我哋叫咗好多嘢食！講下有啲咩我哋認為最值得講下既！ 其實我平時好少食薯條🍟， 但係佢呢個黑松露薯條又唔同，同黑松露嘅醬十分之融為一體！絕配！鰻魚都十分之新鮮，呢碟簡直令我叫完又想再叫！牛肉粒都超正啊，十分之重牛味，啱晒鍾意食牛嘅你啦🤣佢上面灑咗啲椒鹽粒～仲有一啲串燒卷，一樣咁香一樣咁正！燒茄子真係超大碟，不過兩個人食有啱啱好份量！十分之推介！

從細到大都很喜歡食串燒,當知道尖沙咀山林道有間高級串燒店,即時約埋舊街坊兼老死前往。餐廳位於山林道頭漢國中心對面,入口有少少隱蔽,但自成一角,環境相當唔錯。串燒種類選擇非常多, 仲有全港獨有嘅粗口啤酒,唔好以為純賣弄粗口,其實當中是代表不同味道嘅手工啤酒,相當有創意。香檸蜜糖味微甜適合女仕飲用,香檸薄荷有濃濃薄荷味,味道很清新黃金扭扭薯條,炸薯條表皮沾上咸蛋蓉,惹味到不得了蜜糖燒豆卜,豆卜燒到脹卜卜掃上蜜糖,很有自己燒野食嘅感覺川式串燒雞軟骨,表皮燒得很香而軟骨爽脆,火侯控制得很好惹味汁燒豬仔脾,肉質仍保持很juicy很腍,入口很鮮嫰,正。醬汁燒黑豚肉,黑豚肉燒很很甘香,有點燒肉嘅味道,加埋惹味嘅醬汁,好食到不得了。鹽燒安格斯牛柳粒,大大粒牛柳粒燒得剛熟,肉質佢保持嫰滑,加埋燒烤香味,簡直頂級享受。鹽燒厚切牛舌,牛舌味道很濃,厚切但完全唔靭。黑松露蒜蓉燒扇貝,扇貝超鮮甜,配黑松露及蒜蓉醬,鮮味提鮮不少廣島蠔肉夠大隻,黑松露更豐富鮮味,惹味到不得了脆燒原條鰻魚,鰻魚夠晒大條又夠厚,加上燒烤得微焦,比起普通鰻魚更加美味。