串酒里 (已結業)

這間串燒店，經常出現Openrice食評內，除了出名的粗口啤酒，就是串燒都有很多好評。入口在一條橫卷，不過由於個招牌都很光猛，所以很易找到，店內有幾張雙人枱和四人枱，而店外露天的地方，亦有四、五高枱椅。我們點了這裡出名的，手工啤酒每枝$68，香檸薄荷及西柚回甘，可能由於手工啤酒味道比較濃，所以唔係飲得出兩款分別，不過以手工啤酒來說，都算好味。麻辣火雞腎$32，燒得剛好，唔會太硬，食落好爽。黃金醬燒8吋虎蝦$49，黃金醬內有少許沙律醬，所以有點開胃，虎蝦好大隻，蝦肉彈牙。辣味剁椒8吋虎蝦$49，剁椒醬唔會太辣，帶點甜味，蝦肉肉質爽甜。川式脆燒雞軟骨$25，辣辣地，卜卜脆，送酒一流。香燒豬頸肉$59，好大塊，肉質爽脆彈牙，配上泰式酸辣汁，就食極都唔會肥膩，我推薦這個👍👍👍醬燒黑豚肉$49，豚肉比較淋身，仲好有肉汁。蒜蓉茄子$45，一上枱就嗅到木魚絲的香味，茄子混合了蒜蓉更加好味。燒日本廣島蠔兩只$98，好有蠔味，鋪面的肉碎，令到蠔唔會太熟，而又帶點肉味。蒜蓉燒扇貝兩只$52，蒜蓉配海鮮係一絕，加上扇貝新鮮，就更野味。燒菠蘿$29，經過燒烤的菠蘿，甜品增加。麻辣燒雞肉兩串$32，香味四溢，外

為左支粗口啤酒而黎，係山林道行左2次先搵到佢，哇要轉入後巷都幾隱世～坐底二話不說就叫左2支粗口啤，「柒」係香甜蜜糖，「撚」係煙燻黑棗，個人比較喜歡「撚」，個麥味重啲，但「柒」就易入口，岩女士飲。真心，我覺得串燒先係重點！兩個人叫到成枱都係，肉類叫左雞腎，牛舌、雞肉串，豬頸肉等，蔬菜有原條茄子、露旬，海鮮有扇貝。豬頸肉無諗過佢原塊上！蜜汁燒出黎好好味～仲用原個番茄裝住啲汁，好特別～之前食過其他串燒店的比目魚，呢條完勝呀！燒至留住肉汁，調味適中，肉質鮮嫩～因為突然好想食薯條就叫左，佢個黑松露沙律醬好正？唔會完全係黑松露味，沙律醬有啲甜甜地好開胃，薯條炸至金黃適中，讚！

去完the one經過山林道見到有間串燒店，e到就主打手工啤酒。朋友話想試一試！e到嘅啤酒都有唔同嘅名，我地就叫左「你」、「柒」。其中你係蜜桃菜頭味，有淡淡嘅蜜桃味，酒味唔重。而柒係香甜蜜糖，相較下酒味較重。雞翼餃子我地分別叫左芝麻味同川式麻辣，芝麻味好香口，川式麻辣好有驚喜。入面塞左滿滿嘅明太子，食落好滿足。黃金蒜蓉燒日本廣島蠔頸多蒜蓉鋪係面，通常燒完嘅蠔肉好細隻。但e到嘅蠔肉一啲都無縮水，超大隻！連埋蒜蓉一齊食，好夾。牛油鹽焗翡翠螺我好欣掌佢個焗螺，螺肉粒粒都好大粒。有好香嘅牛油味，食到小小黑椒味。惹味懷舊燒魷魚鬚。上面有一啲木魚片，下面有一啲沙律菜鋪底，食落魷魚有小小辣味。夾埋一齊食口感豐富，有啲似食緊大版燒咁。8吋虎蝦分別點左黃金醬同車打芝士，食落兩者唔太大分別。虎蝦都好大隻，但燒完之後就有小小難met殻。辣味剁椒燒扇貝一上枱見到咁多辣椒都驚驚地，食落又唔會太辣，有小小酸酸地同鹹鹹地。扇貝都幾大隻，肉質鮮甜，好好味。鹽燒安格斯牛柳粒一碟有四粒，都幾大舊。牛柳粒偏硬身，但入面仲見到有紅嘅嘅肉，加上無咩粉調味，可以食到牛肉嘅鮮味。燒玉子e個幾特別，食到好香嘅蜜糖味，蛋味都好特出，似

呢日因為喺尖沙咀既活動提早完成，所以有得六點前收工跟住就俾個串燒癮大發既同事拉左我去呢度同佢食串燒呢度除左有唔同款式既串燒同小食之外，飲品方面仲有一系列印有精要既“廣東粗口”手工啤，當中仲有好幾款不同配搭既口味，搞到本身無諗住飲酒既我地都貪得意咁每人要左支“粗口啤”同事要左“DIU(香檸薄荷)”HKd$68+10%；而我就要左“你(蜜桃菜頭)”HKd$68+10%，加埋就係“_你”，飲之前都真係忍唔住要講返句：『飲啦“_你”！』，今次真係拎正牌咁講粗口啦喂飲左幾啖，我地所點既食物都陸陸續續咁送到上黎啦首先送黎既係送啤酒一流既“黃金扭扭薯條”HKd$49+10%，一份大大碟香脆既扭扭薯條每條都俾咸蛋黃醬包圍，明知邪惡都忍唔住密密食之後就係一啲肉類既串燒燒物：“香草燒紐西蘭羊架(兩件)”HKd$79+10%、兩串“鹽燒厚切牛舌”HKd$59×2+10%同“秘製醬汁香燒豬頸肉”HKd$59+10%羊架既味道就不過不失啦，但個厚切牛舌真係好出色牛舌爽彈，調味得宜，牛舌當中既牛香同牛脂盡喺口腔徘徊不散，依家睇返張相都好回味而個豬頸肉都唔錯啵，真係估唔到份量有咁多，豬頸肉同樣厚切富肉汁，肉質爽嫩，

Happy Friday 搵左間串燒同朋友一路食一路傾計，見到呢間有特別既粗口手工啤酒就去左試。係街見到有banner，要再行多一段小路，環境幾靜。見到粗口啤一定要叫返枝啦！每個粗口都有唔同既味道，最後選擇左「柒」(香甜蜜糖)同「撚」(煙燻黑棗)，其實主要原因係因為字而唔係味道。「柒」味道比較甜，好易入口，推介俾唔鍾意啤酒苦澀味既朋友。而「撚」啤酒味道好強烈，當中帶點微微既黑棗味，幾特別。左至右：泰式辣汁扇貝，麻辣火雞腎，麻吉燒，下：露荀煙肉卷。有啤酒點少得下酒串燒，當中最嘢味係個扇貝，個醬汁真心好辣（唔食得辣既朋友請注意），但食完配上啤酒，感覺好刺激好爽。汁燒豆腐串。豆腐皮脆內嫩，汁唔會過多，味道剛剛好。黑松露沙律醬薯條。食得太多濃味既野，沙律可以中和返個味覺，當中黑松露味剛剛好，薯條厚度適中，唔會太薄而無左薯仔味，推介。秘製醬汁豬頸肉。超好味！豬頸肉大大塊咁燒，肉質嫩中帶點爽口，最重要係燒完唔乾仲充滿肉汁，推介。蒜蓉燒原條茄子。好香蒜蓉味，味道剛好唔會過咸，食落亦都唔會好乾身。餐廳地點有少少隱蔽，好適合同朋友飲枝啤酒暢所欲言，串燒整體質素都好好，滿足到要飲酒但對食物亦有要求既人。

放工嚟到山林道嘆番個正正燒烤，今日就左好特色嘅串酒里啦👍🏻💰 食得燒烤當然唔小得啤酒，呢度主打local beer 🍻 最後揀左支你同柒😋😋 2支都重麥味，帶甜味，易入口😜😜 首先要左燒蠔拼盤($198)😙 最正係黑松露蒜蓉款，好重松露味又唔會蓋住蠔嘅鮮味😜另外泰式都好食，小小辣，幾惹味😇厚切牛舌($59)好有肉，咬落好爽口！芝士煙肉大啡菇($39)好香芝士味，大茹超厚肉地，十分juicy😋 豬仔脾好惹味，肉質夠嫩😍 燒玉子亦係一流！外皮甜甜地，燒過剛好冇過熟⭐其他雞串燒，翡翠螺都好重味，配啤酒一絕❤❤

粗口手工啤酒是獨家的，很有玩味。左邊有清涼的薄荷，頗順喉。右邊亦加了蜜糖，味道帶點甜，容易入口。脆燒日本原條鰻魚，外邊燒得焦香。香脆蜜糖燒新鮮粟米，栗米大粒飽滿，本來已經清甜，加上蜜糖更惹味。黃金蒜蓉燒扇貝 $52 有兩隻，抵食。扇貝大隻厚肉，蒜蓉香口。黃金醬燒日本廣島蠔，蠔身肥美。辣味剁椒燒 8 吋虎蝦的確夠長，蝦肉彈牙，不算很辣。秘製汁燒鮑魚是黐殻的新鮮貨，非常爽彈。牛舌厚切有口感，充滿肉汁。餃子雞翼釀得飽滿，有點微辣，配啤酒一流。外皮很脆，尤其是雞翼尖。茄子燒得內裏很軟和多汁，吸收了蒜蓉的味道。日本甜薯真是好甜，鹽燒之後味道更有層次。日式汁燒 BB 露筍很新鮮，上面加上孜然粉，頗有風味。

位於尖沙咀的一個窄巷入面有間好出位既串燒店叫做串酒里未黎之前仲以為係串燒加飲酒既地方點知原來有另一個意思 串燒既選擇包羅萬有支裝手工啤酒最有特色都係上面個吊同個西字, 估唔到香港人出既啤酒都咁有特色好有共鳴, 每一隻字既手工啤都係唔同口味, 但係我揀呢2支既原因係因為上面個隻字哈哈, 味道2隻唔係好相同, 一隻係柚子味, 一隻近原味多D, 我個人喜歡吊呢支多D, 冇咁甜 麻辣汁燒雞泡魚乾雞泡魚乾餸酒真係一流, 而且呢個麻辣汁都真係幾辣下, 辣辣地又唔會COVER左雞泡魚乾既味道～正 生蝦配特色泰醬估唔到呢度都有生蝦食, 呢度既生蝦份量都唔少, 一碟都有8隻!! 蝦肉好鮮甜, 一D腥味都冇, 點埋佢地自家製既泰醬味道勁MATCH勁好味!! 川式脆燒雞軟骨呢度既雞軟骨唔係淨係得骨, 而係有埋肉架!! 勁似食緊雞肉串加雞軟骨, 食落唔會太DRY, 而且勁香既川味!! 川式麻辣香燒雞翼一串有兩隻既雞翼, 好香同埋麻辣既味道唔會太咸, 而且係連入面都食到有川式香料既味道!! 黃金蒜蓉燒扇貝一上到台就已經聞到勁香既蒜蓉味, 扇貝隔離放滿左蒜蓉, 炒香左既蒜蓉同扇貝撈埋一齊食係最夾既!! 扇貝煮既時

花先生今晚神神祕祕話帶我去食好西！佢話上星期同朋友食過返尋味！原來係山林道既串燒店。地點唔難搵，見到招牌直入就係喇。地方唔大，有露天位，不過今日微微細雨，所以無坐露天位。Menu有好多選擇！粗口手工啤酒好吸引我既眼球！除左可以影呃like相，仲有好多味道選擇！可惜花先生揸車唔飲酒，諗左好耐最後揀左「diu2」香檸薄荷味，清新既味道保留到啤酒既麥味，正！啤酒樽仲有介紹個粗口字同幾時用！夠地道！秋葵、粟米，未試過食燒既秋葵，以為會較硬，點知唔硬仲要好好味！燒粟米唔乾，充滿牛油香味！燒魷魚鬚，好惹味，對我黎講有啲辣。牛舌、金菇牛肉卷，牛舌堅係厚切！牛肉卷係用安格斯牛，怪不得同平時食既咁唔同，比肥牛厚身少少，牛味重啲又唔韌。茄子、大啡菇，花先生最愛唔嗇色蒜蓉既燒茄子！大啡菇大隻多汁加上芝士香，讚！虎皮椒、露荀、菠蘿，虎皮椒我覺得辣但花先生話唔辣仲食哂。露荀都OK，係咸左少少。超鐘意食燒菠蘿！絕對係新鮮菠蘿，不過要耐啲時間先有，值得等的！廣島蠔、虎蝦，超期待既兩款串燒，兩款都好新鮮！連唔鐘意食蠔既花先生都同我爭食！虎蝦仲要一啖都唔留比我⋯⋯好滿意既一餐！有質素！怪不得花先生要encore啤酒同串

偶然係尖沙咀發現咗一間主打吃日本串燒嘅餐廳，唔單種類齊全，仲有自家獨製嘅啤酒，飲啤酒食串串堪稱完美。我有食到：辣味剁椒燒8吋虎蝦，黑椒牛油洋蔥焗比目魚，醬燒牛油新鮮粟米，鹽燒日本甜薯，日式汁燒bb露筍，蒜蓉燒原條茄子，燒玉子同埋火辣牛丸。佢啲嘅串燒食材非常嘅新鮮可口，燒竹筍，虎蝦和火辣牛丸幾鮮嫩多汁，烤甜薯，玉子同埋茄子亦都醬料充足，十分入味。焗比目魚份量很足，黑椒牛油洋蔥將味道調得啱啱好。最有特色嘅係佢啲嘅獨家自製啤酒，啤酒瓶上寫有非常有趣嘅文字，有甜橘辣味，香檸薄荷，煙燻黑棗，香甜蜜糖，蜜桃菜頭同埋西柚回甘，多種味道，好值得嘗試！

佐敦街坊, 又黎鳥... XD响 studio 影完相, 攰攰地 唔想去得遠, 又 search 附近餐廳啦梗係~ 見到佢鍾意食嘅串燒, 又有 gimmic 嘢: 粗口手工啤~我想 ig 打卡嘛, 就呢間呢咁! 好多款架有, 不過... 太粗喇其他哥啲, 我唔敢叫呀... >///<我唔飲啤酒的, 佢就話唔錯味夠特別呀~Round 1~原條曼魚, 佢開心仔啦即時~餓鳥, 我都快快食番舊先~嗯, 面燒香 肉軟而有口感, 零腥味, 唔錯喎!粟米香甜我呢個露荀怪好開心, keep 得住菜汁~呢個安格斯牛牛好味喎又, 質感同牛味都合格有凸呀!估堅唔到~燒豆卜 推介呀, 香香脆脆, 佢都食唔停口~整體 ok 呀, 係爭在餡料稍咸唧~呢個大菇好味呀, 燒得剛好, 超級 juicy, 佢係食肉獸 但都話推介呢個~輪到我呢個茄子怪 食原條燒喇~我食得好過隱, hehe, 軟軟茄子 鋪上海量蒜蓉黎燒, 正 啊!我開心仔食咗 3/4, 別分 d d 比佢食~ XD燒菠蘿 又甜又多汁呀, 如果可以無渣 就更正喇~ 我地 2個飽飽散步, 都係咁話~

串酒里在旺區尖沙咀，但並不是位於當街大鋪，而是處於夜調窄巷尾，找到後，見雅緻裝修有風味，頗有新宿夜食小店的感覺；空間不大，但知己聚會 綽綽有餘。麥子手工啤酒是這裡的特色賣點，試它們一試，三人㸃了三枝，嗯，有別於大啤酒廠要遷就大眾口味; 三支手工啤酒香澀味獨有， 頗切合其粗口命名(D=薄荷檸檬，柒=蜜糖啤酒，你=水蜜桃紅菜頭)。於我而言：飲，只是配合；食才是主打：燒物選擇很多，亦真有日本風味！一枱美食，都香口惹味，我特別喜歡的有雞蛋焗蠔，特色蠔棒及雞泡魚乾。上菜時間理想，適合邊飲邊叫，更有日本style， 每人四百多啲，吃得飽飽。

聽朋友講呢間串燒好正，收左工就過左黎食！首先讚下呢到啲staff，超級有禮貌，好nice，會留意住大家食成點！呢間野既裝收好正，好有feel!今日同朋友叫左好多野食！一黎就叫左我最愛既鰻魚，媽丫，燒得好香，十分俾9分！！黑松露醬薯條🍟，如果佢再多啲黑松露醬就好啦，我都係第一次食呢個組合，又唔錯！然之後到是日推介嘅牛肉粒，10分煙「un」，加小小檸檬汁，yummy!!!你張相睇落佢就係雞翼，但係其實佢係雞翼餃子！平時我唔會食皮，今次好食到我連皮都食埋！最後係我成日都好鍾意食嘅茄子，去親燒嘢食嘅鋪頭絕對唔少得食茄子🍆，佢蒜蓉超級多，加埋茄子一齊食，味道好格！

大陸親戚來香港， 特登帶他們吃串燒，飲下香港手工啤， 教他們2句粗口文化。大家一人一枝手工啤慶祝再次相聚飲酒作樂，最搞笑係手工啤上的粗口文字，平時好少講粗口，係度飲酒可以不停咁講。 最抵死係每枝酒後面都有字的詳細解釋，讀音! 真係好<柒> 既香甜蜜糖易入口，細嚐有花香味，小小甜，味道唔錯。 黑松露沙律薯條 (49元)薯條上來時剛炸起很燙手，很濃的黑松露香氣脆口又有點粗，味道好極香燒豬頸肉(59元)有點沒想到，好大一塊味道恰好，比外面吃到的厚一點入口香又多汁，一點都不乾做下酒菜很合適醬燒豬仔脾 (59元)一碟2條，多肉，口感鬆軟醬汁惹味，但又不會太濃，。 燒虎蝦 (49元/隻)有黃金醬、有剁椒燒我比較喜歡剁椒的噴火味道虎蝦新鮮、爽口、蝦頭更帶膏，很鮮甜秘醬燒蠔併盤(198元)一盤9隻燒蠔，都是20多元一隻價錢很親民隻隻都舖滿醬汁，款款不同我吃了蒜蓉味及黑松露味燒蠔肉身本來很厚，多汁口感juicy汁料也很入味最合適口感重的我 秘醬燒鮑魚 (99元)意外吃到濃味的鮑魚超入味，非常彈牙燒魷魚糯米飯 (89元)魷魚燒得夠腍當中糯米散發陣陣香氣令人好想吃飯的感覺整體口感煙煙靭靭汁燒

佐敦一巷仔入面，一到時間就會變成一個好有氣氛，供人飲酒傾談既聚腳地，而且當然唔少得美食啦！啤酒相當特別，每支都印有香港人平日常用既助語詞，每種都代表不同口味，各有千秋！今日就同朋友飲左‘7’同‘9’！香甜蜜糖味既7，味道偏甜，我就好中意，而9係甜橘微辣味，辣味會愈飲愈出，中意剌激味既人就岩哂啦！鹽燒厚切牛舌，煙韌口感同牛舌獨有既香味，識食牛舌一定要燒既！每次食串燒基本都必點，而今晚牛舌更為出色，必食推介！鹽燒安格斯牛柳粒，用最簡單既鹽燒方法，最能帶出肉本身既美味，牛味香濃，唔錯。日式汁燒bb露荀超甜，少少黑椒同鹽調味已經好好！自家製惹味雞肉串，肉質燒香過後仍非常嫩滑，加上面頭香料，果然好惹味！黑胡椒香燒雞翼同樣肉質嫩滑，表皮燒到微脆，燒物點可以無雞翼呢！黑松露沙律醬薯條，薯條夠脆，黑松露香味混合酸甜沙律醬，推薦！下次都會再叫！黑松露蒜蓉燒扇貝，同樣係黑松露系列，鮮嫩扇貝上布滿充份吸收鮮味既蒜蓉黑松露，如果有包或飯會更上一層樓！蜜糖燒新鮮粟米，粟米本身甜味一流，再加上蜜糖烤過，令甜味升級！蒜蓉燒原條茄子，軟軟茄肉上佈滿蒜蓉同木魚絲，食落多汁香濃，調味恰到好處，好味！燒玉子口感比較似蛋糕，